Posted: 15/04/2006 in Uncategorized

>

افطار الوحدة الوطنية وكحك المفتي .. معادش ينفع …
—قعدت امسك في اعصابي واقول العقل حلو ,, لكن خلاص معادش فيها عقل .. كل ما نلصم في ناحية تتنيل من ناحية تانية ,,مش عارفين نلاقيها منين ولا منين .. من الجهلة ولا الحكومة ولا الناس اللي نايمة في العسل ولا التيار المتطرف اللي حرم العيشة واباح الدم .. حاجة تقرف مابقاش فيه نافعة .. هنفضل نحارب في الطواحين لحد امتى ؟؟؟؟
احيانا اشعر اني محاطة بالغباء من كل جانب .. ولا امل ..
يعني هي كانت ناقصة .. البلد بتتحرق بالبطيء واحنا قاعدين ومابنعملش حاجة .. يا حلاوة الجهاد الالكتروني .. !!
! اهو حاجة تريح الواحد من الضغط العصبي اللي قاتله ..
بما اننا غير ناضجين سياسيا فالدولة قررت تسوينا على نار هادية ..
الملف الامني بقى مصيبة كبرى .. والوضع هيتفجر قريب .. الهدوء القبطي مش هيستمر كتير .. واتقي شر الحليم إذا غضب… ورد الفعل مش هيعجب حد .. اللي بيدوق طعم الانتقام مش هيبطل والملفات القديمة كلها هتتفتح .. من اول الزاوية يا بقر …
واحد ولا اتنين ولا تلاتة حمير اقتحموا كنايس يوم صلاة مقدس وطاحوا في الخلق زي البهايم .. ده اسمه تطرف يا حكومة .. مش اختلال عقلي . الناس دي تربية شيوخ الشرايط والتكفير التلفزيوني والجعل والجوع والقهر اللي احنا عايشين فيه .. دول ولاد حصص الدين اللي بيدرسها حمير في المدارس .. ولاد ثقافة الخانة رقم اتنين في البطاقة .. ولاد ثقافة انا دين الحق والباقي كفرة ولاد كلب .. ولاد ثقافة احياء الخلافة الاسلامية والغرب الكافر وبلاد الخونة .. ولاد ثقافة اطيعوا الله والرسول واولي الامر منكم ..
احنا مش مختلين .. احنا مقهورين ومقموعين وطالعان دينا.. لكن مش مختلين .. النظام هو اللي مختل ..
للاسف كل يبكي على مصلحته والبلد رايحة في داهية والغلابة راحوا في الرجلين ..
مواقف الكل مخزية ومخجلة واولهم انا….
-الحكومة : المستفيد الاول .. سيبقى النظام قابع فوق صدور الجميع يحرك خيوط اللعبة ويستفيد من اشعال النار وتفشي التيار الديني الاصولي بين الناس .. الكلام عن الوحدة الوطنية دلوقتي بقى كلام ماسخ ياريس .. احنا عايشين فيها مش في موزمبيق .. الوحدة الوطنية ده كلام خارج من ادراج مكاتبكوا لا يساوي اكثر من الورق المكتوب عليه .. فاصمتوا حفاظا على ماء وجوهكم او اذهبوا للجحيم .. كفاية بقى ..
-المسلمين المعتدلين : إن لم يكن لهم رأي مسموع فسيفقدوا مصداقيتهم للابد .. وخاصة رجال الدين .. نريد موقف واضح ..
-الكنسية :: في موقف لا تحسد عليه .. ونتمنى فقط ألا تخذلنا هذه المرة ويكون ليها رد فعل واضح ومعلن وإلا لن تتمكن من احتواء اقباطها بعد ذلك ..
احتواء الموقف صار صعبا .. والكلام عن الوحدة الوطنية اصبح بلا معني .. الناس جاهلة صحيح لكن مش هبلة ,, لا تدفعوا شعبكم للانقلاب عليكم .. لا حل الان إلا في موقف واضح والا خرجت الامور عن السيطرة.
-اقباط المهجر: في حالة غليان مستمر ولا تعنيهم البلد في شيء .. هدفهم الملف القبطي فقط ولا وجود للاعتبارات الاخرى.
-اقباط الداخل:: حان وقت التصرف والخروج من الشر انق والتصرف بشكل فعال .. كفاية سلبية فقعتونا !!! اخوتي هناك حياة خارج اسوار الكنيسة يجب ان ننظر إليها. البلد ستتسرب من بين ايدينا واحنا واقفين نتفرج .. صلوا ولكن اعملوا حاجة .. الصلاة وحدها لا تكفي .. فعل الارادة ضروري قبل ان نفقد كل شيء .. لا تجعلوا من بيت الله مهرب من مواجهة الحقيقة …
البلد تسير على صفيح ساخن .. وبكره حكومة الاخوان تدخلكوا الكنايس بتصريح …
من لا يقاتل للحصول على حقوقه لا يستحقها ..
انا واللي زيي::: ان لم نفعل شيئا لن نتمكن من مواجهة انفسنا ابدا مرة اخرى …
البلد هاتولع واللي جاي مش مبشر فوقوا بقى ,,,,
سؤال على الماشي::: لماذا تقيد كل الجرائم المثيرة للجدل في بلادنا الموكوسة ضد مجهول او مختل عقليا ؟؟؟؟؟؟؟ هناك جريمة اتمنى لو نفذت واعتقد انها ستقيد هذه المرة ضد فاعل خير ….
Comments
  1. yousra says:

    >u have a great blog man here u have just said here what I SEEK TO SAY when starting a real blog which is too soon But u have to participate in other blogs to let people know yours because it really deserves keep up the good work and don’t give up I will sign in later Happy to discover your blog

  2. bluestone says:

    >Dear Yousra thanx a lot for your visit ,, actually you are the first one to comment on my blog so ,, it’s a special honor ,, I am actually participating in many blogs and I am starting to put the address to direct people to it ,, I was waiting to make worth reading first ,, thanx again ,, just a small detail ,, I am a she not a he .. !!:)

  3. >دي تربية شيوخ الشرايط والتكفير التلفزيوني والجعل والجوع والقهر اللي احنا عايشين فيه .. دول ولاد حصص الدين اللي بيدرسها حمير في المدارس .. ولاد ثقافة الخانة رقم اتنين في البطاقة .. ولاد ثقافة انا دين الحق والباقي كفرة ولاد كلب .. ولاد ثقافة احياء الخلافة الاسلامية والغرب الكافر وبلاد الخونة .. ولاد ثقافة اطيعوا الله والرسول واولي الامر منكم ..احنا مش مختلين .. احنا مقهورين ومقموعين وطالعان دينا.. لكن مش مختلين .. النظام هو اللي مختل———————عزيزتي بلو، هل انتي مؤمنة فعلا ان اللي عمل الحكاية دي واحد مواطن مسلم عادي؟ معتقدش ابدا! اللي قالوا ان الحكاية دي حصلت احتجاجا على الدنمارك معرفش بيفكروا ازاي. اذا كان في عز الازمة محدش اتحرك هيموتوا المسيحيين دلوقتي لية بعد ما الحكاية هدات؟ويا بلو يا ريت شوية موضوعية. زي ما انتي بتقولي اننا بتقول ان غيري كفرة، طيب ما المسيحيين بيقولوا علينا كدة بردة يعني مش المسلميين هما السفاحيين الوحشين. كلنا كدة كلنا مبنتقبلش الاخر فيا ريت الموضوع يتناقش من الناحيتين.تحياتي ليكي ولارائك اللي بحترمها🙂

  4. bluestone says:

    >حاجات ومحتاجات .. اشكرك اولا على المرور الكريم .. -اتفق معاك في ان هؤلاء هو تربية شيوخ الشرايط وحصص الدين اللي بيدرسها حمير والجهل والجوع والقهر .. ولاد ثقافة الخانة رقم اتنين في البطاقة .. ولاد ثقافة انا دين الحق والباقي كفرة ولاد كلب .. ولاد ثقافة احياء الخلافة الاسلامية والغرب الكافر وبلاد الخونة .. ولاد ثقافة اطيعوا الله والرسول واولي الامر منكم .. لكن الكارثة ان دول جيل .. مش قلة .. يعني دي مشكلة فعلا .. احنا دلوقتي بنمثل الجيل ده والعقلاء هم القلة .. -جيلنا ابن لحضارة التسطيح واعلام المسلسلات وثقافة كرة القدم .. والمختلف فلتة ولا ينتمي .. احنا اغلبنا غير منتمي بعمق لمجتمعه ولا قادر يوصل للناس فكره ولا الناس قادرة تفهمه يعني منعزلين برضه .. الجيل المقسوم اتنين رغما عنه نص اتربى على ان الحق والباقي كفرة ولاد كلب وان دولة الخلافة الاسلامية هي الحل وان الحرية انحلال والمدنية كفر واحترام الاخر منحة وعطية يمنحها حينما يشاء والنصف الاخر تربى برد الفعل على العزلة والابتعاد التام عن كافة اشكال المواجهة واحنا مش ولاد العالم احنا ولاد السما والعالم زايل ومالناش دعوة .. احيانا اشعر ان الوضع اعقد مما اتصور ..صحيح نعاني من قهر وفساد ورجعية وتخلف وبنفش غلنا في بعض .. عشان احنا حمير بدل ما نواجه الفساد والنظام اللي دايس علينا بالجزمة .. لكن لا يمكن اننا نكر ان فيه تيار ديني قوي بدأ يتسلل .. الناس كلها بعد الاحباط والانكسار على المستوى الفردي والمحلي والنفسي والاجتماعي والاقليمي شايفة ان الحل الاوحد والامثل في الدين .. الانجاز في الدين .. لكن للاسف الانجاز ده مفهوم بشكل غلط فتحول لتطرف من الجانبين كلا بطريقته .. -التطرف الاسلامي بنماذج الجهاد المسلح ورفع السلاح وتكفير الاخر -التطرف المسيحي بمزيد من العزلة والانعزال .. معتقدش ابدا! اللي قالوا ان الحكاية دي حصلت احتجاجا على الدنمارك معرفش بيفكروا ازاي. اذا كان في عز الازمة محدش اتحرك هيموتوا المسيحيين دلوقتي لية بعد ما الحكاية هدات؟–شهود العيان قالوا الراجل قال كده .. انما في القضية كلها انا مشكلتي مش مع القاتل بس اذا كان مختل ولا متطرف ولا زعلان ولا اي حاجة .. المسألة اكبر من كده .. التعامل الامني مع الوضع فجره .. لو كان فيه موضوعية وشفافية وديموقراطية بجد في البلد واحترام للمواطنين فعلا كانت الحقيقة تبان .. لكن زي ما انت قلت .. محدش عارفناس تقول مختل وناس تقول تنظيم وناس تقول متطرف وناس تقول مزقوق من الامن .. محدش عارف .. مين المسؤول عن توهان الحقيقة وتمويعها بالشكل ده ؟؟؟؟؟؟ زي ما انتي بتقولي اننا بتقول ان غيري كفرة، طيب ما المسيحيين بيقولوا علينا كدة بردة يعني مش المسلميين هما السفاحيين الوحشين. كلنا كدة كلنا مبنتقبلش الاخر فيا ريت الموضوع يتناقش من الناحيتين.– موافقة تماما … شوفي مبدأ تكفير الاخر اتربينا عليه كلنا مسلم ومسيحي .. اتربينا انه عشان اكون صح لازم الاخر يكون غلط .. الاختلاف في اجندة تنفيذ المعتقد ده .. -يعني المسلمين السايسيين لهما اجندة سياسية وبرنامج عمل وتطلعات سلطوية .. كما لا يمانعون من حمل السلاح .. والمتطرف منهم اسستخدمه بالفعل ضد الاخرين .. يعني سياسة تكفير الاخر كان ليها ترجمة عنيفة ضد الاخر .. اما سياسة تكفير الاخر لدى القبطي فلا تؤدي إلا إلي انعزاله عن الاخرين واذية نفسه بس .. انا لا اوافق على الاتنين .. العزلة أدت إلى انعزالنا عن المجتمع تماما .. وانا ضد الاتنين .. لكني دائما ضد العنف بكل صوره واشكاله .. واكون دائما اكثر انتقادا له.. —-اتنمى ان نتمكن في يوم من ان نجد بؤرة الضوء المشتركة بدلا من النبش كل في ظلام الاخر .. اسعدني تواجدك

  5. >انا الحل الوحيد اللي شايفاه قدامي في جيل جديد يتعلم مبادئ احترام الاخر. معتقدش ان في امل من تغيير الموجود ولا من تغيير فكر اي متطرف. كل املي ان ميصحلش في مصر زي اللي حصل في لبنان :S

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s