>شيلوا الميتين اللي فوق

Posted: 22/08/2006 in Uncategorized

>

للمرة الثانية أنوي كتابة تدوينة ما وتجبرني الظروف على كتابة أمر آخر تماما
هذه المرة كان في بالي أكثر من تدوينة .. كنت عايزة اكتب عن نظرية جديدة ابتعدتها بعد مناقشة مع صديق عزيز ..
وتدوينة حميمية شخصية لاني في المود المهبب بتاع الكتابة.
لكني اؤجل كل شيء حتى اكون في حالة مزاجية افضل ,, فانا امر هذه الايام بأسوا أيام حياتي
فالكائنات الليلية الشتوية أمثالي .. تموت يوميا وتفقد احساسها بالحياة في ظل المايكروويف اللي احنا عايشين فيه
لكن اصطبحت في النهار الخنيق ده على أخبار سودة .. د
رغم انها بصراحة مش حاجة جديدة في شغلتنا .. لكن المرة دي كان الخبر من جوه .. (داخلي يعني)د
واللي وجعني قوي اني ما اندهشتش خالص ..
تصادم قطارين … في مصر عادي .. يمكن لو في النمسا ولا فرنسا كنت اندهشت
وقبل استيعاب ابعاد الكارثة .. اتجهت للخواجة الجالس في طرف آخر من الغرفة .. للوقوف على آخر الاخبار
لقيته بيتكلم في التليفون .. ويقول الاتي
-(عدد القتلى كام؟ … 10 ؟؟ بس .. لا بسيطة .. مو مهم .. صحيح؟؟ )د
والتفت إلي وقال لي “في مصر .. حادثة يموت بها 10 أو 20 مش كتير ..)د
-قلت آه .. عادي
والمصيبة الاكبر اني لم انزعج ولا حاجة .. ولا ضربته باقرب كرسي .. عادي
واكتشفت ان الراجل عنده حق .. عادي
عادي عند الناس وعندنا .. مابقتش بتفرق معانا
بحس ان الناس عندها رغبة في الموت .. وتلاقي أول كلمة يقولوها بعد سماع نبأ وفاة شخص (والله استريح)
والنهاردة سألت نفسي هو المصري بكام النهاردة؟؟؟ مش قصدي الجنيه؟؟ (في الارض ما احنا عارفين .. بقى عامل زي الشلن شكلا وقيمة)
انا بسأل عن البني آدم المصري ..بكام النهاردة؟؟د
طيب ليه بنتضايق لما بتحصل كارثة زي دي ونلاقي ان سعر البني آدم (الميت يعني) اقل من سعر فستان شيك .. او فانوس عربية من بتاعة اي باشا صغير من اولاد البشوات الكبار .. اما تمن المصاب .. فده أقل من الدواسة ..
ليه بنتضايق .. ليه الناس بتنزعج جدا كده ..؟؟
قريت كذا تدوينة بالفهموم ده ..
طيب يعني انت بكام وانت عايش لما يبقالك تمن وانت ميت.؟د
مفيش حد بياخد باله من التعبير المصري الشهير اللي بنقوله دايما في خلافاتنا مع اي حد (وده يطلع مين ؟ يسوى كام؟ ده كلب ولا يسوى)د
اعتقد ان ده مفهومنا عن قيمتنا كبني آدمين ..وده برضه مفهوم حكامنا عننا .. ولا نسوى
بقينا كتير وعبء .. وحكمنا مسؤولية مرهقة ومقرفة. بقينا زي الكبة على قلب المنطقة وشعوبها .. يعني الكوارث بتعمل فينا خدمة
بدليل ان 99% من المرافق العامة المخصصة لخدمة المواطنين غير آدمية بالمرة .. لا تأمين صحي ولا شوارع ولا مواصلات ولا حتى اكل ولاشرب ولا ولا ولا ولا .. طيب فاضل ايه ؟؟د
طيب لما ده حالك وانت عايش طيب يعني متوقع ايه وانت ولامؤاخذه جثة؟د
أول حاجة جت في بالي لما قريت على مدونة مش فاكراها للاسف النهاردة الصبح تصريح لعضو في المجلس المبقر (نسبة إلى البقر) انه سبب الحادث الزيادة السكانية .. د
يعني سيادة النائب بيقول للشعب اللي بيمثله (الله يحرقكوا انتوا كتير .. قرفتونا .. تستاهلوا)د
اول حاجة جت في بالي .. السيد إيهود أولمرت .. ايوةةةةةةةةة أولمرت
السيد أولمرت وحكومته الدموية قلبوا الدنيا وخربوا بلد بحالها من اجل عدد 2 جندي بسسسسسسسسس لا وايه عرض الافراج عن 600 سجين (يراهم إرهابيين خطرين ) مقابل الولدين بتوعه. احرقوا الاخضر واليابس واتوا على دولة بأكملها عشان اتنين بني آدمين .. لا وايه جنود يعني معرضين لاي عمل عنف .. مش أكتر من 60 بني آدم اللي كان رايح شغله واللي مروح لاهله .. وطبعا ده غير الالاف قبلهم ..عبارة في عمارة في مسرح في قرية وغيره وغيره وغيره
عارفة ان الموقف مختلف تماما .. لكن المبدأ مشابه .. قيمة الانسان
وعشان بقول من كل قلبي للسادة المعترضين والمشيعين والمعزين والغاضبين
قبل أن تدفنوا الموتى تحت التراب
شيلوا الميتييييييييييين اللي فوووووووووووووق
Comments
  1. lastknight says:

    >يادى أم التلت تدوينات اللى فى دماغك دول بقالهم سنتين مابيتكنبوش .. و بعدين بقى .. ؟ثم ايه حكاية تمن المصرى دى ؟ و بكام ؟ و يسوى كام ؟؟ عيب الكلام ده .. مصر بلد الكرم و الجود ..المصرى طبعا مجانا يا ماما .. مش تخليكى فريش كده

  2. >I’ve been thinking for a while about the value of man and why it is very low in our country and in our region in general. I discovered that one of the main reasons that affect the value of man is that we center our life upon some concepts making the man very cheap compared to it and this consequently leads to inner disgrace for the value of life. Some of these concepts are religion, land, honor, elregola….I’m not sayng that these concepts are not important, and not vital for life, but all these concepts are made for man and not man for them.Sorry again for the english language.

  3. >Bluestone,i was surfing the blog-shpere when i came across your space..what happened in 2alyoob is really sad.. am sorryMay God rest all souls in peace.. my deep condolences..it hurts me a lot to realize who we are.. wi bikam!!!

  4. bluestone says:

    >فارس أخير::عندك حق .. ببلاش لزوم الكرم والجود .. بس مش دول اللي احنا هنكرم بيهم يعني .. دول ناس محدش عايزهم .. احنا لازم نكرم الحبايب بحاجة كويسة .. زي المصريين الحلوين بتوع كأس الامم او شوية من الناس الكبارة دول .. إلا ليه بالحق يا استاذي مفيش أي كارثة ولا مصيبة ولا حادث ولا سواق اعمى ولا مختل عقليا بيهوبوا ناحية المولات والفنادق الخمسين نجمة والحتت النضيفة دي ؟؟؟

  5. bluestone says:

    >Dear Eyewitness: It’s ok the English is fine .. You are right the issue is that we focused on other things than man ,,, The man should have been the center of the universe ,, this is how God created him ,, the problem is that by time we removed him and we put other values ,, even in religion ,, man is no longer the focus ,, his relationship with God was no longer the main issue ,, there are other values became more important ,,Politically ,, may be since socialism ,, the state becomes more important than the citzen ,, I hated that ,, in the west thet realised that this is crap ,, but here it turned out to be that the goverment is more important than the citzen ,, We became slaves to what we beleive in ,,

  6. bluestone says:

    >Dear Maged,the problem is we lost our value alive that’s why Iwasn’t surprised ,, (I stopped getting surprised a long time ago😦 )We became worthless alive so it’s not strange when our souls are not so very important to the people who rule us… but we are to be blamed as well .. we are guilty as they are … –we are not free ,, we are for free

  7. Eastern says:

    >When we talk about souls, it becomes really valuable, still at least more those who are still alive…am really so sad to reach this point of careless feeling toward those who have been killed every day…..Eastern.

  8. bluestone says:

    >mr eastern …the careless attitude is also performed on the living ,, and you can check into any public hospital or even a police station and easily see how things are … We are to be blamed for it all ,, we are not just victims of a system ,, rats turn the cats into lions .. and the rabbits make monsters.If this is how u r treated when u r alive ,, why does it sound very strange to die that way???

  9. حــلم says:

    >بلو ستونفى مزاد كبير اقيم بمجمع الشعوبلقوا ان المصرى بيدوه هديه مع كل كيس مسحوق اوتوماتيكبلدى بتوجعنى بجد

  10. lastknight says:

    >أنتى غلسه بجد .. ليه الأسئله المحرجه دى ؟ و بعدين الحوادص قضاء و قدر .. اعترضى بقى على كلام ربنا

  11. lastknight says:

    >وفين تعليقاتك على موضوعاتى الأخيره ؟

  12. عمر says:

    >والله عندك حق انا مهاجر من مصر من زمان علشان لقيت نفسى بعد تعليم 20 سنه مسواش فيها نص فرنك وحموت عاشان ارجعها بس كرمتى بتوجعنى فيها اوووى. مصر لحجتين الفسحه زى البشوات والدفن مع الميتين اللى تحت

  13. arabesque says:

    >يا سلام..بالضبط “شيلوا الميتين اللي فوق” الله ينور عليكي ممكن بقى ايميلك ضروري عشان المراسلات و كده..يا ريت تبعتي لي على ايميلي قريب جدا ups-and-downs@hotmail.com

  14. bluestone says:

    >يا عمر .. محدش يقدر يلومك ..لما يبقى الاختيار بين الوطن والكرامة .. الاختيار محسوم على ما اعتقد

  15. >,واحيانا بيطلع المسئول يقول جتكم البلاوي مليتوا البلد سعر المواظن الف جنيه للمتوفي حسب تصريحات الجرايد الحكومة شوف يشتروا كام كرتونه بيض من ام 17 جنيه على راي فيروز صحبتي كراكيب كركوبة

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s