>همهمات .. دفتر أحوال

Posted: 02/09/2006 in Uncategorized

>

بعد غيبة عن التدوين .. شعرت اني يجب أن اكتب تدوينة قوية جدا ..د
هناك الكثير لاتحدث عنه ..والوقت مناسب تماما لتناول شتى انواع القضايا
لاتحدث عن لبنان ما بعد الحرب وهل سترى النور مرة أخرى ؟د
لاكتب إذن عن العراق وهو على شفا حرب أهلية ؟ وانقسام وشيك.
لاكتب عن فلسطين والازمة التي تشهدها اراض مقدسة يتحكم بها تجار النخاسة السياسية وتجار الدم والمهووسين
(..اضراب في لعدم دفع الرواتب والسلطة تطالب الشعب بالعودة للعمل وتوجيه الغضب نحو إسرائيل )..
أين أموالكم اذن؟؟ فلتذهب الحاجة إلي الجحيم وليموت الاطفال جوعا .. يحيا القضية.د
لاكتب عن الفساد والاحوال الداخلية المتردية ؟
لاكتب عن فقدان ميدان رمسيس لهيبته بعد نقل التمثال .. ليصبح مثالا حقيقيا على الفوضى والقبح والعشوائية..ليكن ميدان مبارك اذن.د
لاكتب عن موتى الطرق في مصر .. عن الفقر عن نجيب محفوظ ..أزمة البنزين .. الفن .. اي شيء..د
ولكني اشعر اني لم اعد اهتم .. تنتابني حالة من التمحور حول الذات والتشبع بها هذه الايام .د
لاكتب عني إذن .. وعن صومي المؤلم عن الكتابة منذ فترة طويلة جدا مما يعني اني لم اشعر بأي شيء
وباني بلا احساس طوال هذه الفترة ..ولكني فشلت في الكتابة عني ايضا .. د
ربما لايماني هذه الايام بعدم جدوى الكتابة اصلا .. د
ربما ما اسطره الان لا اهمية له وبالتأكيد فهو لن يفيد احد .. د
اكتبه لي هذه المرة .. لاقرأه يوما ما .. عله يغير شيئا .. د

قطع ربما اول::د

صباح مكتوم ينبئ بيوم عادي لن يهم كثيرا إذا لم تعيشه

اتوجه إلى العمل اقوم بنفس الاعمال والسلوكيات والكلمات الروتينية بنفس الطريقة ونفس نبرة الصوت

تمضى الساعات الثمانية بلا ادنى اهمية .. لا تعدو كونها ثماني ساعات أخرى مهدرة في حياتي .. فقط امتلأت ببعض اخبار الموت والدماء وأمراء الدم وملوك الخراب

اعود إلى منزلي من نفس الطريق اتبادل نفس الاحاديث الصغيرة مع أمي

ثم احاول الاستسلام لموت قصير هربا من ساعات النهار ذات الموت البطئ ..

فافشل كعادتي دوما في الاطمئنان لضوء النهار.

فاعود مرة أخرى للشاشة اتسمر امامها عدة ساعات اعمل بصورة شبه آلية علي أهرب من اليوم

في مكان ما بين الحروف أو علي اهرب من عقلي .د

“كفاية شغل يا بنتي” يأتي صوت أمي مشفقا. د

“معلش انا عايزة اركز في شغلي” اجاوبها بلا اهتمام واضح بقلقها.

“انتي مش بتركزي انتي بتدفني نفسك في شغلك .. بتهربي من ايه؟” د

تشدني كلماتها هذه المرة ولكني كنت حددت هدفي وهو الهروب من اليوم باي وسيلة

“ماما وحياتك انا ورايا شغل كتير ومش عايزة المود يهرب مني”.د

اعود لاهرب إلى جنة حروفي مرة أخرى .. لعدة ساعات .. حتى يرفض جسدي مسايرتي في الهرب ..د

لحسن حظي يأتيني المهرب من مكان آخر .. من اللعين الصغير .. يأتيني صوت بعض الاصدقاء عبره يدعوني لمشاركتهم فاقبل الدعوة بلا تفكير .د

-تمضي ساعات أخرى .. اقل اهدارا وربما اكثر .. الكثير والكثير من الاحاديث الصغيرة ..ثرثرة ثرثرة .. تبا للفتيات وثرثرتهن !!د

دائما ما كنت اجيد الهرب من عقلي ومني معهن .. رغم اني اضيق كثيرا بالفراغ الذي يتركه عقلي .د

ضحكات ليست من القلب .. بعض الثرثرة .. مهرب ممتاز .. لا قهوة من أجلي الليلة ..د

انتهى اليوم وهو امر طيب .. لقد انتهى

قطع عادي .. آخر ..د

لا جديد عن القطع السابق .. ولا داعي لتكرار المشاهد .. عد في وقت آخر

سطور على هامش مذكرات لم اكتبها بعد::د

كان حوارنا العابث ذاك اليوم مثيرا وغريبا جدا .. كان لاشيء .. لا اذكره جيدا ..د

كل ما اذكره اني ابتسمت كثيرا وضحكت لبعض الوقت وشعرت برائحة الليمون

-لا ادري لماذا ايقظ ذاك الحوار الانثى بداخلي .. اتدري .. لم اكن اعلم ان تلك القطة المرقطة ترقد هنا ..د

جلست على مقعد خشبي قاس اتابع صراعا نشب بين انا-الانثى وانا-العقل .. تصنيف جديد للنفس البشرية أم ماذا؟د

ثارت انا العقل واحتدت واحتجت على كل شيء بدءا من قائمة الطعام ..د

انها ترفض وجود الانثى ..ترفض قبولها وخضوعها .. وجنونها ومجونها احيانا ..ترفض وجودها

خلال حديث مع احدهم اعلنت كما اعلن دوما رفضي لكافة اشكال التصنيف ..اكره قولبة البشر ..د

اكره ان اكون مجرد (صفة) في جملة

اللعنة ايضا على كل التيارات .. فهي وهم ومحض غباء

-كان ذلك الرداء في ذلك اليوم هو القشة الاخيرة فعلا .. كان اقسى ما تعرضت له منذ فترة ..د

تلك المساحة الخيالية من اللون الابيض ..مساحة حلم ..الان فالبحث جار عن مكان للبكاء
الشتاء .. انا في انتظارك مليت ,, د

-يتسلل إلى اذني صوت فيروز كصوت ملائكة حزينة (اديش كان فيه ناس) من مسجل السيارة ..د

(ياشيخة ايه النكد ده؟؟؟؟ .. شغلي لنا حاجة حلوة كده .. تامر حسني ولا حاجة ..) صوت صديقتي العروس التي كانت تجلس إلى جواري.د

-اجرب هذه الايام احساسا جديدا ..حنينا جديدا يضاف إلى قائمة برائحة جدتي ..د

ينتابني هذه الايام احساسا قويا بالامومة ..امرا جديدا وغريبا لا افهمه ..وتوقيته احمق جدا..وامارسه بكل الطرق الخاطئة..د

-صديق في مكالمة هاتفية: احنا اتغيرنا جدا ..مجتمعنا غريب جدا.. عندنا قدرة عجيبة على نقل كل الامور السيئة من الاخرين

-انا في مكالمة عابرة ..(انا دلوقتي محتاجة حد يطبطب علي بجد)د

مجرد قطع آخر

Comments
  1. ikhnaton2 says:

    >تعرفى إنك أحسن فى الكتابة عن أفكارك الشخصية عن الكتابة عن السياسة والفساد أو ربما أنا بفضل التدوينات الشخصية…هل يعى أنت-العقل أن الانثى بداخلك تحتاج أن تعيش وتتنفس ولكن هذا لا يمنع “اللعنة ايضا على كل التيارات .. فهي وهم ومحض غباء”. فقط كل انسان هو هو ولا يجب أن ينتمى لأى تيار بعينه لكى يحسب على البشر.السؤال الذى بقى بدون اجابة: “بتهربي من ايه؟”

  2. lastknight says:

    >الف حمد الله على السلامهعبرت بدقه و عمق عن الشكل المائى لحياتنا الحاليه .. الشكل المائى من كلمة ماء .. لا طعم ولا لون ولا رائحه .. نصيحه .. أذا استمر الحال على ماهو عليه .. ابحثى عن مغامره .. خطر .. شىء جديد .. رحلة سفارى مثلا .. جربى الغطس أو مجرد السباحه أذا كنتى تجيديها .. جربى زيارة مكان أصرى خارج مدينتك .. جربى .. غامرى .. اشعرى بالتجديد أو الخطر .. هذا فقط ماقد يخرجنا من حالة الأحتضار الحاليه

  3. Sampateek says:

    >الله عليكي بجد انت جميلةكتبتي اللي بحس بيه بدقة و سلاسةانا اطبطب عليكي يا اختشي احنا كبنات ملناش الا بعضسيبك انت عايزة اكلة محشي يوم الخميس تروقكانت مش لوحدك كلنا زيكحبيتك قبلاتشي

  4. Abdou Basha says:

    >مش حدعي إني هنا من موقعي السامي خلف شاشة الكمبيوتر بما أختزنه داخل عقلي من تخبط.. أني حاسس بيكي.لكن أخر فقرة.. ويمكن آخر جملة تحديدا، عرفتني إنتي حاسة بإيه “يمكن يكون ده إحساسي”، أو يمكن أكون بتيكك عشان أفتكر إحساس كنت بمر بيه …**عشان كده..ححط بوست النهارده في مدونتي عن احساس مش حاسه قوي دلوقت، لكن هو تقريبا احساس آخر جملة في البوست اللي كتبتيه .**لما كتبت عنه.. ما نشرتوش على المدونة… قلت إيه الكآبة دي..؟إيه ذنب اللي حيعدي على المدونة..؟مش يمكن واحد عايز ينتحر يعدي فيقرا فيتأثر فيجيله أمر الله :=)**البوست كنت كتبته.. ومحتفظ بيه.حنشره النهاردة بأثر رجعي.. او بأثر آخر جملة كتبتيها .

  5. Bella says:

    >وكأنك كنت تنظري داخلي وانت تكتبي نفس احساسي من فترة طويلةاحساس غريب وغامض حتى رغم الحر الشديد كنت اشعر بتيار من البرودة يسري في ظهرياشعر بأني احتاج لمن يحمي ظهري وليس فقط لمن يطبطب علىاشكرك كثيرا لان الدموع المختنقة في عيوني منذ الصباح نزلت أخيرا وكانت عصية على النزولوالشكر موصول لعبده باشا الذي عرفني على هذه المدونة الجميلة

  6. >لو تسمحيلي، فيه موهبة محتاجة ثقل، أنا نادرا ما بلاقي وقت اعلق فيه على تدوينات لأخرى، بس كان لازم اقولك كدهأفكارك حلوة وأسلوبك يتحسس التطوير.. إلى الأمام .. مع تحياتي

  7. >بقالي كام سنة كدة بشارك في معسكرات شباب مع الجيزويت وكان الأب الروحي المشارك معنا ديماً يبان على وشه علامات التفأؤل لما يشوف حد تعبان من كتر التفكير والبحث عن الحقيقة وعن ذاته وعن طريقه. كان ديماً يقولي متخفش على آي شخص بيدور أو بيبحث حتى لو كان تعبان، لأنه طلما بيدور يبقى هيوصل.وانا بقراء تدونتك ده أفتكرت تدوينة كتبتها من كام شهر يكمن يكون حلو أنك تقراءيها عشان تعرفي أنك مش لوحدك.http://theeyewitness.blogsome.com/2006/05/15/am-i-an-addict/

  8. noran says:

    >دي اول مره ازور فيها مدونتك وهي جميله اوي وانا مش من عادتي اني ادور في المدونات لكن هو نفس السعي وراء تضييع الوقت والهروب من الروتيناولا بس اسلوبك في السرد رائع وانا برده بقالي مده كبيره ما كتبتش لانه نفس الاحساس بان اللي باكتبه مالوش قيمه مش او مش هايغير في حاجه مسيطر عليا حاولت برده اكتب عني بس ما عرفتش لكن لما قاريتلك دلوقتي ارتحت انت عرفتي تجسدي الحاله حسيت ان الكلام كان واقف في صدري وطلعالملل ده لقيته عند ناس كتير بافتح مدوناتهم وبجد مش عارفه ايه الحل لكده

  9. bluestone says:

    >اخناتون .. يمكن بكتب عني احسن لان افكاري المبعثرة تبدو لنفسي منطقية اكثر من اكبر الخطط السياسية .. !ربما يعي أنا-العقل هذا ولكنه يخشى على تلك الانثى .. لانها سهلة الكسر .. فسجنها افضل من تحطيمها .. اخناتون … بهرب من ايه ؟؟ يمكن من نفسي .. مش عايزة اواجهها على الاقل لما اثبتلها اني كنت صح .. او ربما مش عايزة اواجه اسئلتها اني ليه بكره احسن مع ان الواقع مش بيقول كده خالص … او يمكن مش عايزة اواجهها عشان ما اغيرهاش .. ويمكن .. ويمكن .. ويمكن كلنا بنهرب من حاجات كتيير .. احيانا لاننا اجبن من المواجهة او لاننا خايفين من نتايجها

  10. bluestone says:

    >الفارس الاخير .. الوضع دلوقتي اصبح في حاجة لما هو اكبر من مجرد تغيير مؤقت … اكبر مغامرة في حياة اي بني آدم هي محاولة مواجهة نفسه او واقعه .. ونتايجها مش محسوبة ابدا ..

  11. bluestone says:

    >كلبوزة لكن سمبتيك … اسم لطيف قوي .. عجبني اول ما قريته .. !!..وحياتك بلاش المحشي !!! الرجيم يبوظ .. مشيها سلطات .. وانا موافقة🙂 تحياتي

  12. bluestone says:

    >عبده باشا:: انا استنيت على الرد لحد ما اقرا البوست .. ولما رحت فعلا قريته .. وهارد هناك ..

  13. bluestone says:

    >Bellaاشكرك على المرور وكلماتك الرقيقة .. ولك اسفي ان تسببت كلماتي في الافراج عن دموع حبيسة,.

  14. bluestone says:

    >سيدي المواطن المصري .. شكرا على المرور .. واشكرك على التلعيق النادر .. وارحب دائما باي نصيحة أو نقد .. وكلماتك محل تقدير دائما ..

  15. bluestone says:

    >the eyewitnessقريت التدوينة للمرة التانية .. مكانتش دي أول مرة اقراها .. عندك حق فعلا .. كلنا بنهرب من نفسنا لما بنخاف نغيرها …لكن انا مختلفة مع الأب الروحي .. صحيح ممكن توصل للي بتدور عليه .. لكن المشكلة ان ممكن اللي انت كنت عايز توصله أو اللي تكتشفه ما يعجبكش .. وهنا الازمة اللي بجد

  16. bluestone says:

    >نوران .. اشكرك على الزيارة والكلام الرقيق واتمنى انها ماتكونش آخر زيارة ..🙂 — السبب في ان كتير من التدوينات الشخصية بيغلب عليها الاكتئاب او الحزن او اي شكل من المشاعر السلبية ده مش لان كل المدونين شخصيات كئيبة .. لكن اعتقد ده لان اغلبنا بيكتب بس لما بيكون متضايق .. لما بتكوني سعيدة ما بتكتبيش عن حياتك .. بتعيشيها بس ..

  17. lastknight says:

    >أين أنت ؟؟

  18. >la2a we 7ayatek 3ayzeen shewayet farfasha we na3nasha ba3d al ka2aba :)Share the fun ya bluestone, BTW do you mean “7’araza zar2a”, 3alshan kida medeyaha ka2aba 3alshan 7’ayafa min al 7asad🙂 – just kidding.Have a god day every day.

  19. بندق says:

    >بدأت في قراءة مدوناتك واحدة تلو الأخرى من البداية لأني وصلت متأخرا إلى أن وصلت لهذه المدونة و وجدتك تقولين أنها ليست ذات أهمية و وددت أن أصحح ذلك لكي فهي أكثر المدونات التي أعجبت بها حتى الأن لأن الباقي أيضا جميل و لكنه يعبر عما هو خارجك أما هذه فتعبر عما بداخلك و داخلنا دوما يفوز على خارجنا .. أتمنى لكي كل التوفيق تحياتي

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s