والملحدون يمتنعون ..إذا ارادوا

Posted: 26/09/2006 in Uncategorized
آثرت الانتظار قليلا حتى لا انضم إلى جحافل المعترضين والمؤيدين والمدافعين والمحتجين .. آثرت الانتظار لاستيعاب الموقف جيدا ..
حاولت التفكير أبعد قليلا من الموقف المباشر .. وفي الحقيقة قد ساعدتني تدوينة العدالة للجميع
لانها جلعتني اتأكد أن المبدأ واحد لدى الجانبين.
الامر كما أراه ابعد كثيرا من بابا الفاتيكان وتصريحاته واسراع جميع الاطراف المعنية وغير المعنية بشجب أو إدانة أو حتى التبرأ من التصريات .. أرى أن الامر يلمس وترا حساسا بدأنا العزف عليه بكثافة مؤخرا. فكلا العقيدتين موضع الخلاف الاخير كل قائم على نقد الاخر أو انكاره أو عدم الاعتراف به.د
بل أني ارى الامر يمتد لعلاقة الانسان بالمعتقد وأيهما أهم .. ودفعني ذلك للتساؤل لماذا حيت يتم امتهان الانسان يوميا لا نحرك ساكنا بينما إذا خرج علينا احدهم بكلمة أو تصريح ما قد نراه (من وجهة نظرنا )مسيئا تقوم الدنيا ولا تقعد .. رغم ان الاديان نفسها تدعو لاحترام الانسان وانها وضعت لتنظيم علاقته بربه ووصوله للطريق القويم في النهاية .. أي انها وضعت من أجل الانسان .. فلماذا إذا لا يحظى هذا الانسان بالاهمية ذاتها. د
الامر كما أراه قضية شديدة الحساسية من فرعين :د
الاول : العلاقة الابدية التوتر بين العقائد والاديان
الثاني: العلاقة بين المعتَقد (بفتح القاف) والمعتقِد (بكسر القاف).د
ولست في حاجة لتقديم اثبات أو حتى مناقشة فكرة أو حقيقة أن الاديان الثلاثة الاكثر انتشارا في العالم (ودعنا نتجنب الان تصنيف سماوية) وهي اليهودية والمسيحية والاسلام تقوم جميعها على نفي الاخر أو عدم الاعتراف به أو نقده.د
فاذا نظرنا بمنتهى الحياد الممكن وباختصار شديد قد يكون مخلا فان جوهر الاديان الثلاثة قائم أساسا على عدم الاعتراف بالاخرين.د
فاليهودية لا تعترف بالمسيحية بل لا تعترف بأي كتاب مقدس سوى التوراة واليهود مازالوا في انتظار بناء هيكل سليمان ومجيء المسيح المخلص الذي سيجلعهم في مجد عظيم وحينها سيتمكنون من الصلاة للمرة الاولى ورفع ذبيحة وهو ما لا يستطيعون فعله سوى بعد بناء الهيكل في موضعه الاول. وهم لا يعترفون بالمسيح مخلصا لانهم كان في انتظار مجد أرضى وانتصار على العالم .. فهم في انتظار ملك قوي.د
أما المسيحية فهي وان كانت تعترف باليهودية (والتوارة التي تشكل العهد القديم للكتاب المقدس) إلا انها لا تعترف بالتأويل وتفسير اليهود للعهود والوعود الالهية الواردة في العهد القديم. فيعتقد المسيحيون أن المسيح المخلص الذي تنبأت عنه التوارة قد أتى بالفعل وخلص العالم من الخطية الجدية وان مفهوم شعب الله غير قاصر على اليهود بل هو مفهوم رمزي يتسع لكل من يقبل المسيح مخلصا يهوديا كان أم غير ذلك وان المجد الذي سينالونه ليس مجدا أرضيا بل مجدا سماويا. د
وبمجيء المخلص بالطبع لا تعترف المسيحية أصلا بالحاجة إلى أي أنبياء بعد ذلك وأوضحت ان من يأتون بعد السيد المسيح (أنبياء ومسحاء كذبة) وان مجيئه الثاني سيكون يوم الحساب. لذلك فالاسلام ليس واردا في القاموس المسيحي أصلا.د
أما الاسلام فهو وان كان يعترف باليهودية والمسيحية إلا انه يرى أن العقيدة تعرضت للتحريف ولذلك فان محمد هو خاتم الانبياء وان الدين الحق الوحيد هو الاسلام وما عدا ذلك كذب ومحرف.د
بتلك النظرة الخاطفة نرى بوضوح أن كل جوهر كل عقيدة قائم على عدم الاعتراف بالاخرى وان مفهوم (شعب الله المختار) ليس مفهوما يهوديا فقط بل هو مفهوم كوني يشمل جميع الاديان.
إذن فالبشرية قدر لها الوقوع في ذلك المأزق الابدي والعزف على ذلك الوتر إلى الابد لسبب لا يعلمه إلا الله (ويستثنى من هذا التصنيف بالطبع الاخوة الملحدين مع كامل الاحترام لهم .. لانهم أصلا لا يعترفون به فلا يجب أن يفرض عليهم فالنقاش بالنسبة لهم باطل أساسا).د
ولاننا لا نعيش في جزر منعزلة ولا قارات منفصلة ولا حتى دول منقسمة فقد اصبح التعامل مع الاخر من مفهوم شعب الله المختار (السابق ذكره) وان الباقي (ولاد كلب كفرة) بات غير منطقيا بالمرة.د
اعلم تماما ان عدم الاعتراف بالاخر هو شرط أساسي من شروط التدين والايمان ولكن لا اعتقد ابدا ان تكفير الاخر ومعاداته بل وقتاله جاء في جوهر أي عقيدة (على حد علمي البسيط).د
وارى ان تلك الصراعات الدينية دخلت البشرية من باب الموروثات القبلية ونهرات التفرد والسيادةوالتفوق على الاخر.د
وعليه صار لزاما علينا ليصح ديننا ودنيانا أيضا أن نجد صيغ تفاهم مشتركة وأساليب تعايش سلمي مقبولة بصورة أو بأخرى.د
وهذا لا يعني على الاطلاق المساس بجوهر أي عقيدة او معتقد.. ولكننا كبشر يمكننا أن نحقق ذلك في علاقتنا بالاخر وكل حر فيما يعتقد. وليكن المثال أكثر وضوحا … د
أنا كمسيحية لا اعترف بالاسلام كدين سماوي من الاساس .. ولي من التحفظات على العقيدة ما لي .. ولكن هذا لا يمنعني ابدا من احترام المسلمين والتعامل معهم ومصادقتهم ومشاركتهم في الوطن والحياة.د
وكذلك فان المسلم يرى عقيدتي محرفة وإيماني كاذب ولكن هذا لا يجب أن يمنعه من التعامل معي كإنسان حر مساو له كصديق وجار وأخ أيضا.د
ولتحقيق هذا التعايش السلمي في رأيي (المتواضع جدا) علينا التفكير مليا في النقاط الاتية:د
1- التخلي عن النعرة القبلية ونزعات التفوق والسيادة.د
2- التوقف عن تقسيم البشر إلى معسكرين .. مؤمن وكافر ، ضال وناج ، مسلم ومسيحي ، ضال ومهتد، أهلاوي وزملكاوي….إلخ
واهم من ذلك عدم الحكم على الاخرين بموجب هذا التصنيف فقط.
فلا يصح ابدا أن ترد بتفكيري جمل مثل هذه
(فلان يا اخي بكرهه قوي .. هو كويس في شغله بس للاسف مسيحي .. كافر)
او (إزاي بتثق في فلان وتأتمنه على صداقتك يا أخي ده مش مننا .. ده مسلم)د
3- إيجاد صيغة مشتركة أو أرضية مشتركة للتفاهم والتعامل قائمة على العناصر المشتركة وليس نقاط الخلاف الواجب تجنبها .. مثلا
أنا وأنت … ولاد شارع واحد/مدرسة واحدة/حي واحد
أنا وانت … ولاد بلد واحدة
أنا وانت .. بنعبد رب واحد
أنا وانت … ننشد اتباع طريق مستقيم والخير للكل
أنا وانت …. نعاني من هم مشترك
أنا وانت …. اتنين بني آدمين يا أخي !!!د
ونحاول قدر استطاعتنا ابقاء الدين في القلب وفي دور العبادة .. ولا داعي للتجول بي واستخدامه أداة لاستعداء الاخرين .. على أن تسود روح الدين في التعاملات بيمنا تبقى المظاهر والمراسم والطقوس والتقسيمات في دور العبادة والبيوت.د
(يعني بالبلدي أراعي ربنا في علاقتي بالناس) أما المظاهر والطقوس فمكانها البيت والكنيسة والجامع والهيكل
وعلي أيضا أن أبدأ بنفسي الان ……..د
أعلن قبولا غير مشروطا للاخر ……د
وهذا اقرار مني بذلك … د
سأبدأ بنفسي …..
وسيتغير العالم ………سينصلح الكون
Comments
  1. SnipER says:

    الحل ان تدريس الدين الاسلامي والمسيحي سوا ف المدارس يبقي اجباري علي الاتنين .. يمكن كل واحد يفهم الاخر شوية واحفادنا يحللو اللي مش عارفين انا نحله
    احتراماتي يابلو

  2. AMS says:

    أوافقك فى بعض النقاط عن علاقة الاديان ببعضها البعض والمناحرات بينها على مر التاريخ وتتفاوت النسب فى مدى قبول الأخر لدى كل ديانة فأعتقد من وجهة نظرى أنه لا يحكمها الدين بالأساس لأن الاديان الثلاثه نزلت من عند واحد أحد لا اله غيره بقدر مايحكمها علاقات وأحداث تاريخيه تراكمت على مر السنين

    >أنا كمسيحية لا اعترف بالاسلام كدين سماوي من الاساس

    جرحتنى هذه الجمله كثيرا فكيف يا بلو هذا التناقض تقولين علينا ان نتعايش سويا وكما فهمت من كلامك ان يكون نصب عيننا “الانسان”
    والانسان فقط ولكم دينكم ولى دين ولكن من قال لك ياسيدتى اننا لانعترف بالمسيحيه أو لانؤمن بسيدنا عيسى عليه السلام فموضوع التحريف كلمه مطاطه مثلها مثل كثير من الكلمات التى ألصقت بالاسلام ايضا ككلمة مثل الجهاد مثلا اذا هذا فى كل دين ولن ينتهى فلماذا اذا تأتى وتقولين أنا كمسيحيه لا اعترف ان الاسلام دين سماوى …. انت كذلك تهدمين أسس العلاقه او الحوار بالأساس … لماذا يابلو ؟

  3. Egypt Camira says:

    اوافقك الرأى بنسبة مائة فى المائة لكل ما قلتيه

  4. Anonymous says:

    blue agree with you totally . a message for AMS and I hope he understands english because i don’t have an arabic keyborad.
    what is the problem to say that Islam is not a true religion >أنا كمسيحية لا اعترف بالاسلام كدين سماوي من الاساس

    جرحتنى هذه الجمله كثيرا فكيف يا بلو هذا التناقض تقولين علينا ان نتعايش سويا وكما فهمت من كلامك ان يكون نصب عيننا “الانسا” why all muslims have a problem with that , respecting you as a human doesn’t need to believe in islam these are two different things, if i believe islam is from God than i should be a muslim it is as simple as that and since i am not a muslim then for sure i don’t believe islam is a true religion it is logic but no single muslim wantes to understand it , christ told me in my book no other prophets so how can i believe your prophet mohamed if i am christian , but we have to overcome this and deal as humans regardless oft he race religion, etc.
    i think the main problem is that we never discuss this issue when we speak together muslims always want us to admit that islam is holy to show respect which is totally stupid.

  5. AMS says:

    مستر أنونيموس

    أولا عاوز أقلك انك بنيت كلام على عدم فهم لكلامى بشكل صحيح ودعنى اوضح لك ما اقصده

    >what is the problem to say that Islam is not a true religion

    السؤال دا نسبى لو سمحت يعنى الاسلام هيبقى هو الدين الحق بالنسبه ليا كمسلم ومن وجهة النظر الأخر ليس كذلك وهذا امر طبيعى جدا واتقبله وقلته فى كلامى ” لكم دينكم ولى دين” ولكن أنا علقت على جمله قالتها بلو لها معنى محدد وهى عندما قالت ” أنا كمسيحيه لا أعترف بالاسلام كدين سماوى ” وهذا شيء اخر ولا داعى لخلط الأمور

    اذا كنت أنا كمسلم موحد بالله أعترف بالمسيحيه وأومن بسيدنا عيسى عليه السلام ولم يتطرق الى فكرى لحظه انا هؤلاء المسحييون يجب ان يدخلوا الاسلام والا فهم كفره هذا يا سيدى كلام لا أقبله كمسلم واذا كان بعض من المسلمين يعتقدون ذلك فهى مشكلتهم هم أنفسهم وليس الاسلام لانه نزل وبنى على التعايش مع الأخر

    >why all muslims have a problem with that , respecting you as a human doesn’t need to believe in islam these are two different things.

    لا ياسيدى أو سيدتى فاسلامى جزء لايتجزأ من انسانيتى فاسلامى هو أخلاقى وعقيدتى والتى تكون انسانيتى وتشكل علاقتى بالأخر أيا كان هذا الأخر

  6. Bent Masreya says:

    موافقاكى على كتير من كلامك فى التدوينة يا بلوستون
    مش بس لازم نعبيش مع بعض كويس عشان احنا فى مكان واحد او بلد واحدة، لكن كمان كل الاديان فيها النزعة الانسانية دى، وبتحثنا على التعايش والود

    واسمحيلى اوضح نقطة بسيطة ل
    ams

    اولا الكلام عن التعايش والعلاقة الجيدة بالآخر المختلف كلام مش مختلفين عليه اطلاقا
    انت معترض على جملة “أنا كمسيحيه لا أعترف بالاسلام كدين سماوى” وهنا لازم كام نقطة توضح

    اولا من بديهيات اى دين انه مش بيعترف بأى دين لاحق عليه.. والا لو حد اعتبر ان دين ما لاحق عليه انه دين وانه سماوى، يبقى ضمنيا كده بيعترف بشرعيته

    اذا كنا احنا كمسلمين بنعترف بالدين المسيحى واليهودى كأديان سابقة على الاسلام فدا من اركان ايماننا ولا يكتمل ايمان المسلم الا اذا اقر بنزول الانجيل والتوراة .. بل اننا مامورين بودهم ومسموح لنا ناكل من اكل اهل الكتاب.. وطبعا احنا كمصريين نفهم اوى يعنى ايه “تاكل عيش وملح مع واحد” معناها كبير اوى يعنى
    ولكن احنا بردو كمسلمين بنعتقد فى تحريف الكتابين وان المسيحية واليهويدة الموجودين دلوقتى مش هما الاصل اللى كان موجود.. وان القرآن هو القول الفصل وان سيدنا محمد (ص) آخر الانبياء
    وطبعا احنا كمسلمين لا نعترف نهائيا بأى دين تالى على الاسلام، ولا بوذية ولا هندوسية ولا بهائية ولا حاجة
    ومش ممكن هتلاقى مسلم يقول من ورا قلبه على المعتقدات دى انها اديان او انها سماوية

    نفس المنطق بيحكم موقف بلوستون، هى كمسيحية مؤمنة بتعترف بالتوارة فقط ككتاب سابق وان الانجيل هو القول الفصل وان اى دين بما فيهم الاسلام مش دين

    دلوقتى لو بلوستون قالت مثلا ان “الاسلام دين سماوى”
    دا معناه حاجة من اتنين
    يا اما ضمنيا بتعترف بنقض المسيحية لانها اقرت بالدين اللى تلاه تاريخيا
    ودا مش ممكن طبعا نظرا لكونها مسيحية مؤمنة بمسيحيتها

    او انها تكون بتقول كده تذويق كلام ومسح جوخ لانها عايشة فى وسط مسلمين ودا من ورا قلبها.. ودا مش شىء صحى بالمرة وماينفعش

    المشكلة مش اننا نقول لبعض دينك انا مش معترف بيه -دى حقيقة يعنى- ، الفكرة اننا نستخدم اسلوب حوار ما يجرحش الاخر، مافيهوش حط من قدر الاخر واستهانة بيه لأنى بختلف مع افكاره
    وان فى النهاية لو حد اتكلم عن دين فلان الاخر يكون بيتكلم بذوق واحترام لأدمية فلان ده.. ودا اللى المفروض نعيش بيه فى الدنيا.. وفى الاخرة بأه ربنا يفصل بين الجميع

    واعتقد ان جملة بلوستون كانت تقريرية جدا بتقول بصراحة عن اللى بتعتقده ومؤمنة بيه.. لم تستخدم فى كلامها اى عبارات سب او شتيمة او حاجة من دى
    وهى مشكورة

  7. Abdou Basha says:

    وانا بتابع البوست
    كان في بالي التعليق..
    لكن لقيتك كتبتيه فعلا.
    **
    وهو عن النظرة القبلية للأديان أو حتى المذاهب الفكرية .
    واللي بترسخ التعالي والتكبر .
    **
    على فكرة كلنا لاإراديا لما نعرف إن الشخص اللي قدامنا من فئة معينة.. طائفة دينية .. محافظة معينة.. الخ
    بيجيلنا انطباع .
    المشكلة إن الانطباع ده سببه مجموعة من الناس بيكونوا صورة معينة.
    الأهم ان احنا ماننساقشي ورا مجموعة تحريضية ، بتنظر نظرة قبلية للتصنيفات وبتعتمد على فكرة الأتباع في النظرة للآخرين .
    **
    بالنسبة لبلوستون وعدم إيمانها بالإسلام فده بديهي، لإنه مش حينفع مثلا تبقى مسلمة ومسيحية في نفس الوقت .
    لكن هي تقدر متأذيش مسلم أو تنظر إليه نظرة دونية.
    وتقدر تلاقي المقابل .
    وممكن تلاقي مساحات مشتركة كبيرة..
    لكن هو أنا كنت عايز أعلق عليه فكرة نظرة الأديان لبعض أو أتباع الأديان لبعضهم البعض .
    **
    فيه حاجة دايما بنسقطها وهي نظرة الأديان لأتباع الأديان .. من ناحية إنهم بشر في الأصل
    **
    أيوه.. الإسلام كديانة امتداد للرسالات السابقة.. ومحمد عليه الصلاة والسلام هو خاتم الأنبياء.. ومفيش مشاكل في الاعتراف بالوجود .
    وان كان ده بيعوقه النظرة القبلية اللي بتبقى موجودة بين البشر..
    **
    لكن فيه أمر آخر وهو عن أسس التعامل مع الآخرين.. الناس عموما أيا كانوا .
    المعاني الإنسانية الشاملة في الديانات .

    **
    يعني أنا بستغرب في التعامل مع قضية بابا الفاتيكان .
    إن البعض – على النت مثلا – اتفنن في استخدام مرادفات سيئة في وصف البابا.. رغم إن أحاديث نبوية بتمنع ده لكل البشر، وتحث على (الرفق) في القول .
    لكن إحنا بنوفق نظرتنا للدين حسب حالتنا العامة .
    وساعات التبرير بيكون إن فيه في الجانب الآخر إساءة برضه .
    **
    حضرب مثال مش بحب أكتب عنه .
    البعض بيكتب عن اليهود بلفظ أحفاد القردة والخنازير… المصطلح ده مع انتشاره إلا إن فيه رواية عن الرسول تمنع الرد بالأسلوب ده على اليهود تحديدا ونهى الرسول عن ذلك – حتى مع وجود حالة عداوة دينية . لإن ده مش من حسن الخلق .
    **
    أنا فاكر لما كتبت مرة – مش في المدونة – عن استخدام التعبير ده، وازاي انه لازم ان المسلم من باب الادب ميستخدمش الفحش في القول أو اللعن … ساعتها اتشتمت، واللي شتمنى المفروض انه قاعد في أمريكا، عند أحفاد الــ
    :))
    **
    أنا طولت في الحكي عندك المرة دي معلش ..
    **
    وعلى فكرة أبدأي بنفسك زي ما قررتي.. وأكيد ممكن حتتأثري باللي حواليكي وبطبيعة المجتمع واللي فيه من غل، لكن الأهم ان الواحد يرجع لقواعده سالما .
    **
    احنا كل يوم الحواجز تزيد بينا، وبينا وبين وطنا .. المشكلة الكل حيعاني من النتايج .
    **
    ملحوظة : كتير بكتب عندك تعليقات واتردد في نشرها.. يمكن عشان بكون كتبت كتير كلام ملوش داع .
    🙂

  8. The Eyewitness says:

    عندي تعليق بسيط على فكرة أن الأديان وبالأخص الثلاثة سابقة الذكر تقوم على نفي الأخر وعدم الأعتراف به…

    انا بشوف الموضوع بشكل تاني خالص ده نتيجة طبيعية جداً لأختلاف الأيمان، إيماني بشىء يعني بكل بساطة عدم إيماني بشىء أخر، وليس بشىء واحد أخر لكن بأشياء كثيرة أخرى. فبالتالي هذا مجرد نتيجة طبيعية لعملية الأيمان في حد ذاتها.

    أرى أيضاًً أنه من الضروري لكل أنسان حتى يبني إيمانه أن يدرك على مستوى عقلي ولكن غير منفصل عن خبرة روحية لماذا يؤمن بهذا ولا يؤمن بذاك. وهذا ضروري للأستقرار النفسي والأيماني الشخصي.

    أخر شىء أود أن أضيفه هو أن في ظل كل هذه المعطيات يجب أن نحدد على آي أساس نوجه نظرتنا للأخر (أن لم أعد أحب تلك الكلمة الأخر أصلاً لأن نظرتي له كأخر هي بداية المشكلة)، هل على أساس عرقه، دينه، جنسه…أم على أساس أنسانيته. وما هو دوري أتجاهه، هل هي دعوة تبشير؟ هل دي دعوة حرب لأجعله ينضم لصفوفي؟ أم أنها دعوة حب.

    انا شخصياً ممن كانوا يعجبون بشدة بموقف الكنيسة الكاثوليكية أتجاه الأديان الأخرى وهو واضح بشدة في نصوص المجمع الفاتيكاني الثاني، وسوف أحوال نشر بعض المقاطع منه على المدونة الخاصة بي. ولهذا السبب فأن تصريحات البابا وضعت أمامي تساؤل كبير حول ما هيتها ودوافعها وأهدافها اذا كانت بالفعل مقصودة كما هو متوقع من نظر كثير من المحللين.

  9. Hope says:

    It is a fact that most of us do not chose our religion but rather are born into it.
    It is a fact that each one of us thinks his/her religion is the true religion.

    The issue is : how do we go about these facts? How do we deal with each other?
    or as Eyewitness asks
    على آي أساس نوجه نظرتنا للأخر…، هل على أساس عرقه، دينه، جنسه…أم على أساس أنسانيته. وما هو دوري أتجاهه، هل هي دعوة تبشير؟ هل دي دعوة حرب لأجعله ينضم لصفوفي؟ أم أنها دعوة حب..

    That’s what we need to think about, and decide about.

    Thanks to bluestone and all those who commented for a “civilized” discussion.

  10. bluestone says:

    الردود بنوع من التحليل ::

    الأخ سندباد مصري :
    سامحني أولا إذا كانت الكلمة التي ذكرتها والتي كانت في الواقع حقيقة واقعة بموجب عقيدتي قد جرحت مشاعرك .. ولكن كما قالت العزيزة بنت مصرية وeyewitness أولا كل ديانة لا تعترف بالديانة اللاحقة عليها .. وقد ذكرت قبل تلك الجملة التي ازعجتك أن اليهود لا يعترفون بالمسيحية وهم مازالوا في انتظار المخلص .. ثانيا ان الايمان بشيء يتطلب بالضرورة عدم الايمان بأشياء أخرى تخالفه أو تختلف معاه ..

    وهذا لا يهمني الان .. فانا لست في دعوة تبشير ولا حتى أحاول فتح حوار أديان ..
    كل ما انشد عمله هنا واتمنى ان يشاركني فيه الاخرين .. هو كيف اتعامل مع من حولي دون الالتفات لتصنيف الدين هذا .. يعني احاول اولا ان اقدم صفة انسان قبل مسلم او مسيحي … وان احاول ان اتوقف عن تقسيم العالم إلى معسكرين .. اتعامل معك لانك انسان أما ما تعبد فهو أمر خاص بك تماما ولا شأن لي به ..
    هي يمكننا ان ننجح في هذا؟؟؟؟
    أن اتعامل مع الانسان بداخلك .. اما مسيحيتي واسلامك فلهما أماكنهما ودور العبادة.

    -انا لم اناقض نفسي يا سندباد .. بل قلت اننا يجب أن نعامل الاخرين من منطلق انسانيتهم ..
    مثال بعيد لا يجرح كثيرين (لا يجرح أحد قد يقرأ المدونة) :: انا أرى أن البوذية ليست دين سماوي وليست ديانة أصلا وهي مجموعة من المعتقدات يراها صديق لي بأنها خرافات .. ترى إذا قابلت أو صادقت بوذيا يوما ما .. ماذا سأفعل .. هل اعاديه ؟ اتعامل معه؟ اقتله؟ ابشره واهديه؟ ام اتعامل مع الانسان .. دون إضافات ؟؟

    -/قال لك ياسيدتى اننا لانعترف بالمسيحيه أو لانؤمن بسيدنا عيسى عليه السلام /
    أنا اتكلم عن المسيحية التي أؤمن بها يا سندباد .. إذا كنت حقا تؤمن بالمسيحية وانا مخطئة فلماذا لست مسيحيا؟؟؟
    ده سؤال بسيط جدا ؟؟
    إذا كنت انت اعتنقت الاسلام فذلك لانك ترى ان الاسلام هو دين الحق وان الاديان الاخرى إما باطلة أو خضعت لتغيير أو تحريف أو تبديل .. وهذا ما قلته .. وان قلت انها لم تحرف إذا لم تتبعها إذا كانت ديانات حقة؟؟د

    -/لا ياسيدى أو سيدتى فاسلامى جزء لايتجزأ من انسانيتى فاسلامى هو أخلاقى وعقيدتى والتى تكون انسانيتى وتشكل علاقتى بالأخر أيا كان هذا الأخر /
    اعتقد انك اسأت فهم كلام انونيموس وكلامي ايضا .. انا لم أطالب بالفصل بين الدين والمعاملات اليومية انا طالبت بالفصل بين المعتقدات والطقوس واوجه الخلاف والتصنيف وبين الحياة اليومية .. يعني أُعمل (برفع الضمة) روح الدين وابقي مظاهره لدور العبادة .. وما اعلمه جيدا أن الدين الحقيقي تصرفات وافعال اكثر منه حكم على الاخرين وممارسة طقوس وشعائر ..

    نورت .. القهوة

  11. bluestone says:

    egypt camera
    متشكرين يا فندم واقعد اشرب شاي ..
    نورت برضه

  12. bluestone says:

    Anon:
    thanx for visitng
    اتفق معاك ان البعض يجد صعوبة فظيعة في الفصل بين انسانية الفرد وهويته الدينية .. ولكني اختلف معك فقط في التعميم .. (فليس كل المسلمين هكذا)
    كلنا بحاجة لزرع مبدأ جديد داخلنا وهو أمر ليس بالسهل أبدا.

    اتفق معاك تماما .. علينا أن نتغلب كما قلت على نقاط الاختلاف للتركيز على نقاط الاتفاق ..
    وبصراحة التعامل مع الدين على انه ملف أحمر .. هو السبب في الحساسية دي

  13. bluestone says:

    بنت مصرية ..
    منورة طبعا .. والفطار على حسابي ..🙂

    /موافقاكى على كتير من كلامك فى التدوينة يا بلوستون/
    وياريت اللي مش موافقاني عليه نتكلم فيه كمان يمكن نوصل لحل وسط ..

    -معاكي تماما في ان الاديان بتنمي النزعة الانسانية جوانا .. لانها اصلا موضوعة لتهذيب سلوك الانسان .. وعشان كده انا قلت ان السبب في التوتر ده مش الايمان لكن النزعات القبلية ورغبات السيادة والتفوق.

    /المشكلة مش اننا نقول لبعض دينك انا مش معترف بيه .. الفكرة اننا نستخدم اسلوب حوار ما يجرحش الاخر، مافيهوش حط من قدر الاخر واستهانة بيه لأنى بختلف مع افكاره/
    انا رأي ان الكلام لسه شوية عليه .. يعني احنا لسه ما وصلناش لمرحلة التعايش اللي يسمح لنا كلنا كشعب تناول الموضوع بكثير من الود والتفهم .. بس على الاقل نقدر نبدأ بنفسينا .. واقولك صباح الخير يا مصرية أو يا اختى او يا انسانة .. واحاول اني لما اشوفك ما افكرش في مسلمة ولا مسيحية .. بني آدم بس ,, وساعتها الوضع هيبقى اسهل بكتير لما احاول انسى اننا مختلفين وافكر في الحاجات اللي احنا متفقين فيها ..
    .. يعني نفكر بعض كل يوم الصبح بالانطلاقة الثانية للحزب الوطني .. وبدل ما اخرج من بيتنا وانشغل باني الاقي المسلمين من المسيحيين واحط دول يمين ودول شمال ….

    اقووووووووو للناس كلها

    صباحكو حزب وطني يا بشر

  14. bluestone says:

    عبده باشا ::
    /على فكرة كلنا لاإراديا لما نعرف إن الشخص اللي قدامنا من فئة معينة.. طائفة دينية .. محافظة معينة.. الخ
    بيجيلنا انطباع ./
    طبيعي جدا احنا اتربينا على كده .. وعلى فكرة لو اللي قدامنا هويته الدينية مش واضحة بأي صورة احنا بنقلق .. طبيعي ..
    انا قلت انها مسألة صعبة ,, بحاول اعلمها لنفسي قبل الناس

    /لكن هي تقدر متأذيش مسلم أو تنظر إليه نظرة دونية./
    ومش بس كده .. لا اتعامل معاه ويبقى صديق وجار وأخ كمان ,, هتعامل معاه على انه بني آدم تحكمني علاقتي به بقواعد العلاقة الانسانية نفسها ..
    لازم نحاول نحترم الاخر حت مع اختلافي معاه …. في النهاية كل البشر خلقوا على صورة الله ومثاله .. وسيمثل البشر جميعا أمامه ,, ولن يحاسبني الله مثلا على مسلما لم ادعوه للمسيحية ولكنه بالتأكيد سيحاسبني على انسان آذيته أو جرحت مشاعره بلا سبب

    /فيه حاجة دايما بنسقطها وهي نظرة الأديان لأتباع الأديان .. من ناحية إنهم بشر في الأصل/
    دي حاجة كنت هاتكلم عليها في تدوينة جاية ان شاء الله ,, الانسان والمعتقد والعلاقة بينهم ..

    –حتى العداوة مع اليهود .. اعذرني انا لا اقبلها .. فهم بشر اصحاب معتقد …
    اعتقد ان جذور الخلاف والعداوة سياسية تاريخية اكثر منها دينية ..
    اليهود هم المسؤولين عن صلب السيد المسيح بل رددوا أثناء محاكمته (دمه علينا وعلى أولادنا) ولكن هذا لا يدفعي لان أكرههم …
    ليس من الدين أصلا ان يكون في قلبي كره أو عداوة لاي حد … هو ده المبدأ ,, حتى الأعداء واجب حبهم ..
    اعلم ان هذا مبدأ سامي جدا ومثالي زيادة .. لكني اتكلم عن هدف إذا سعينا للوصول إليه ووصلنا حتى لنصف المسافة سنكون احسن حالا بالتأكيد.


    مفيش أي كلام ممكن تقوله ويكون مالوش داعي ,,, مجرد زيارتك للمدونة حاجة بعتز بيها … تشرف في اي وقت وكل الكلام محل تقدير واعتزاز

    واتفضل اشرب شاي بلبن
    ونبعت نجيب سحور كمان .. :))

  15. bluestone says:

    the eyewitness
    ما هو انا لو عرفت انا مؤمن ليه وبأيه وازاي .. مش هيبقى فيه مشكلة اصلا ,, المصيبة ان اغلبنا اتولد على دين أباءه واغلبنا لم يحاول اصلا ان يفهم هو بيؤمن بإيه وليه ؟؟ احنا ورثنا الدين كمان .. وبكل اضافاته من الاخرين وما اضيف عليه من ملامح المجتمع.

    احنا في انتظار التدوينة الجديدة ..

    منور .. يافندم

  16. bluestone says:

    Dear hope::
    We don’t want to talk about which religion is the true one ,,, We just want to talk about how to deal with those who thinks differently ….

    We all hav hopes ,,,
    and I am still starting with myself .. and hoping others would join

  17. Hope says:

    I agree with you. It is futile to go on arguments about who is right and who is wrong. But we certainly need to think about how to deal with those with different beliefs from ours.
    And the best way is to start with oneself. I am all for that.
    🙂

  18. انى راحلة says:

    تدوينة مهمة و رائعة يا بلو..كنت
    عايزة أعلق على كلامams
    بس بنت مصرية كفت و وفت و قالت كل اللى عايزة أقوله

    المشكلة اننا مابقناش نحترم اختلاف الاخرين عننا..فتلاقى حتى أصحاب الدين الواحد اللى متقسمين لمذاهب و اتجاهات مختلفة بيعادوا بعض و يكفروا بعض..فمابالك بأصحاب أديان مختلفة..المشكلة عمرها ماكانت فى الدين بل فى البشر..

    كل واحد مننا مولود بعقد من أهله و مجتمعه بتقوله فلان ده كافر و خائن و و و..لكن لما بنكبر بنكتشف ان التصنيف مش لازم يبقى كده أبدا..التصنيف يبقى ده محترم و ده أمين و و و..

    أهم حاجه فى رأيى اننا نبقى
    open minded
    و دايما نحط نفسنا مكان اى انسان..و نحترم اختيار اى انسان

    تحياتى

  19. bluestone says:

    إني راحلة الحقيقة فعلا زي ما قلتي .. المشكلة مكانتش في المعتقد قد ما هي في البشر .. فينا وفي اللي اتربينا عليه ..

    عارفة لو مكانش (ده مسيحي .. كافر ولا يعرف ربنا) أو(مقدرش اثق فيه ده مسلم)

    هيبقى

    (يا عم رووووح ده أهلاوي .. هم دول بيفهموا في الكورة)
    أو (معلش اصله زملكاوي .. مغلوبين والخيبة طايلاهم)

    المشكلة في المعتقد ايا كان .. المشكلة في اننا اتربينا على ان الدنيا فريقين مسلم ومسيحي أهلاوي وزملكاوي مؤمنين وكفار .. زي الافلام العربي

  20. فانتوماس says:

    اول مرة ادخل مدونتك . الموضوع اكثر من رائع وقد تذكرت وانا اقراءه ان اكثر ناس تعاملت معهم ووجدتهم محترمين جدا ومسالمين هم البوذيون وقد ذهبت اتفرج عليهم في معابدهم ووجدت لدهشتي الشديدة هدوء واحترام وخشوع نفتقدها نحن اصحاب الاديان “السماوية” ومن يومها وانا احترم الاخر واقبله لان الله نفسه يقبله ويعطيه الفرصة ليعرف الحق وليس من حقي ان ادين الاخر واحكم عليه فهذا حق الهي وليس حق للبشر . اعتقد ان المجتمع العلماني هو السبيل للتقدم لان المجتمع الديني للاسف لا يقبل الاخر رغم ما تدعو له الاديان من تسامح وحب لانري منه الكثير علي ارض الواقع وتحياتي لرجاحة عقلك

  21. Dmo3 Al Kohl says:

    كل سنة وانتى بألف خير
    معلش طلب صغير قد كـــــــدة
    اتمنى تضيفى اسم مدونتى عندك فى صفحتك
    طبعا اذا شوفتى انها تستحق دة
    المدونة اسمها دموع الكحل
    http://dmo3alkohl.blogspot.com/

    ويا رب تكونى مرتاحة البال دايما

  22. bluestone says:

    استاذ فانتوماس
    (الاسم نفسه بيرسم ابتسامة اول ما بسمعه .. بفتكر الفيلم على طول وجملة فؤاد المهندس (فانتوماااااااااااس ,, فانتووووووو)د
    اولا اشكرك يا فندم على الزيارة ,, اتفضل اشرب حاجة ..🙂

    /يومها وانا احترم الاخر واقبله لان الله نفسه يقبله ويعطيه الفرصة ليعرف الحق وليس من حقي ان ادين الاخر واحكم عليه فهذا حق الهي وليس حق للبشر/
    مش قادرة اقولك قد ايه ربنا يكرمك على الكلمتين دول … الله ينور عليك .. هي دي الخلاصة في بداية علاقتي بالاخرين .. انا مش محور الكون ومش إله ومش وظيفتي احاكم الناس او احكم عليهم … ولا اكفر او اخلص حد .. دي وظيفة الهية لو اديتها لنفسي ابقى بكفر انى شخصيا ,,

    /اعتقد ان المجتمع العلماني هو السبيل للتقدم لان المجتمع الديني للاسف لا يقبل الاخر رغم ما تدعو له الاديان من تسامح وحب لانري منه الكثير علي ارض الواقع /

    اعتقد انه للاسف انت عندك حق .. وعلى العموم المجتمع المدني بالرغم من انها كلمة بتجيب رهاب وهسس وبوادر شلل سباعي للملتزمين دينيا والذين يريدونا (إسلامية إسلامية ,, لا شرقية ولا غربية)
    لكني اعتقد حقا ان المجتمع المدني لن يؤثر على تمسكنا بالدين والعقيدة .. لانها مترسخة في قلب الانسان ولا اعتقد ان هناك دين من الضعف بحيث يؤثر عليه نظام اجتماعي ,,,

    تحياتي ليك
    واتفضل اشرب حاجة على القهوة على حساب صاخب المخل

  23. 2 B || ! 2 B ® says:

    la2a kareema awee, 3amala te3zeemy al nas 3ala al mashareeb🙂

    i just wanted to comment and say “لا فض فوك”😀

    and just to remind people with some deep words:

    You must be the change you want to see in the world. Mahatma Gandhi

    Whatever you wish that men would do to you, do so to them. Matthew 7.12

    keep the good work up (thumbs up)

  24. lastknight says:

    أضيف لأعجابى بتحليلك و أغلب أفكارك أعجابى الشديد بشجاعتك .. فعلا موضوع شائك .. و فتحه مهم جدا لكن قيل من يجرؤ على ذلك .. باختصار أتفق معك فى كل الأفكار .. و البدايه ليست بأنفسنا فقط كل فرد وحده .. لكن بمراقبة مجتمعنا أيضا .. و الظهور بثقه بأفكارنا .. و القيام بالدور الذى يجب على كل مستنير القيام به بالمناسبه .. أنتى مخاصمانى ؟ بقالك كتير مازرتينيش .. و على فكره كمان أنا بانشر قصص فى مدونه جديده استضافتها أوسه .. يمكن أعرف ابعتلك الوصله بتاعتها فى رساله قادمه

  25. المزاجنجي says:

    بصي يا بلبل (دلع بلو) هههههههههههههههه انا معاكي من اول السطر لاخره ولازم نتعايش على اننا بني ادمين وبس واللي أدى حق دينه كما ينبغي يبقى يطلع وينظار الاخرين

  26. Z_Diva says:

    heey, thumps up for this post, all u said about how each group believes they r THE ONE,and the other r just ATHEIST.
    and i believe that is the case, but that’s because of the growth of messunderstanding of the relegion’s concept regarding maners and tolerance.and as for me, i deal in the same way u suggested, i donn care wat u believe in as far as u good to me, i’m gonna be good to you🙂

  27. yasser says:

    بسم الله الرحمن الرحيم
    لاَ إِكْرَاهَ فِي الدِّينِ قَد تَّبَيَّنَ الرُّشْدُ مِنَ الْغَيِّ فَمَنْ يَكْفُرْ بِالطَّاغُوتِ وَيُؤْمِن بِاللّهِ فَقَدِ اسْتَمْسَكَ بِالْعُرْوَةِ الْوُثْقَىَ لاَ انفِصَامَ لَهَا وَاللّهُ سَمِيعٌ عَلِيمٌ
    الموضوع بسيط
    لا اكراه
    لكن مفكرتيش لية انا متقبلك كدين وكرسالة سماوية وانتي بتنكري وجود رسولي من الاساس
    ؟؟؟؟؟
    انتي بتطعنيني في اغلي ما عندي في الوجود
    في حياتي
    بتطعنيني في ديني
    في علاقتي بربي
    في رسولي اللي سيادتك مش مقتنعة بوجودة وصدقة
    وصدق رسالتة
    ثم تطلبي مني التعايش كاخوة واصدقاء
    ؟؟؟؟؟؟؟؟؟؟؟؟؟؟؟؟؟؟؟؟؟
    هل يعقل هذا
    ؟؟؟؟؟؟؟؟؟؟؟؟
    افهمي الاية دي
    ولن ترضى عنك اليهود ولا النصارى حتى تتبع ملتهم ]
    دة كلام ربنا حسب اعتقادي واعتقادنا كمسلمين
    لن ترض اليهود ولا النصاري عن المسلمين حتي يتركوا دينهم ويتبعوهم
    واظن المشاهد الدنيوية علي الموضوع دة واضحة كتير
    خلاصة الكلام
    انا مش معترض ابدا علي التعايش بسلام مع اي ديانة اخري
    الاسلام في عهود قوتة تقبل الاخر وتعايش معاه وحافظ علي دور عبادة الاخر وحافظ علي حياتة وماله ولم يكره احد علي دخولة
    المشكلة في اللي مش متقبلني كدين او معترف برسولي
    يا ريت تقري الاية دي وتفهميها كويس
    بسم الله الرحمن الرحيم
    ربما يود الذين كفروا لو كانوا مسلمين

  28. bluestone says:

    2 B || ! 2 B ® said.
    طعم اعزم بقلب جامد .. احنا مش بخلا
    والقهوة منورة بشباب المهجر
    بالظبط الكلام اللي قلته (قم بتغيير ما تريد أن تراه مختلفا في العالم من حولك) وعشان كده انا قلت اني هبدأ بنفسي
    وبحاول رغم ان الموضوع مش سهل ابدا
    منور تاني يا فندم والقهوة على حساب صاخب المخل

    الفارس الاخير:
    منور كالعادة .. والفطار على حسابي
    يمكن هو فعلا موضوع شائك والغريبة ان اغلب المواضيع المهمة في حياتنا والمؤثرة دايما مواضيع شائكة عليها خطوط حمرا
    ممنوع نتكلم فيها .. وبتفضل تضغط على حياتنا لحد ما تنفجر في صورة احداث عنف كبيرة تثير دهشة وتعجب الناس كلها
    معاك مية في المية .. الظهور بثقة في افكارنا .. انا بحاول اعمل ده دلوقتي وربنا يستر
    احنا منقدرش نخاصمك يا فندم .. انا متابع المدونة متابعة دقيقة ..
    وياريت تبعت لي اللينك بتاع المدونة الجديدة مع أوسة ..
    انت وأوسة .. يا نهار يا نهار .. ربنا يستر وتعدي على خير
    انا اعرف واحد بتاع حلاوة كويس والعيش على حسابي برضه ..🙂

    المزاجنجي ::
    متشكرين يا فندم ..
    بصراحة لو قدرنا نشوف بعض ونتعامل مع بعض في إطار انساني بحت هنبقى اسعد واحسن بكتير

    ZDIVA
    YOU ARE right 100% we hav a history of misundrestanding between
    each others .. and the core of any religion is that it is
    the only way to God .. so the only thing we can do
    is to put religion aside when dealing with each others
    we shouldn’t judge others or deal with them according
    to their own religion .. if I don’t agree with ur religion
    u shouldn’t be my enmey
    You will be good ,, this mean you will visit here all
    the time.. I will wait🙂

  29. bluestone says:

    أستاذ ياسر
    أولا ونعم البداية
    لا اكراه في الدين انا معاك تماما

    بس مين اللي قال انك متقبلني وانا لا اتقبلك
    أغلب المسلمين يرون ان الكتاب المقدس محرف ولا يؤمنون بما يؤمن به المسيحيون
    وده طبيعي يا سيدي الفاضل .. فاذا آمن المسلمون بما يؤمن به المسيحيون فلماذا لا يصيرون مسيحيين
    فهمتني؟؟
    المسلمون يعترفون بمسيحية أخرى غير التي يعتنقها المسيحيين فيرون كتابهم محرفا
    اما المسيحية فقد أتت قبل الاسلام فلم تعترف به .. فلا يوجد ديانة اعترفت بأخرى أتت بعدها
    فالمسيحيين يرون أنه لا حاجة لاي ديانة أخرى طالما أتت المسيحية .. فما ضرورة اي ديانة بعدها
    أسألك سؤال ممكن يكون بعيد شوية لكن كمثال فقط…
    هل يؤمن المسلمون بالبهائية (طبعا بغض النظر عن كونها معتقد غير سليم وغير صحيح)
    المسلمون لا يؤمنون بالبهائية لانهم يرون انها غير صحيحة وانه طالما نزل الاسلام فلا داعي لاي ديانة بعده ؟؟د

    الموضوع بسيط جدا .. محتاج شوية منطق بس
    طيب الوضع الحالي يا أخ ياسر إني لا اعترف بديانتك وانت لا تعترف بديانتي .. نعمل ايه؟؟ نقطع بعض ؟؟د
    نتقاتل .. نتحول لاعداء؟؟
    إطلاقا ..
    نتعايش سلميا .. أعاملك كمصري وكبني آدم وبس .. أما ما تعتقد فهو شأنك

    صعبة دي؟؟؟؟؟د

    أما الاية اللي أوردتها دي (ولن ترضى عنك اليهود ولا النصارى حتى تتبع ملتهم )
    لازم اسأل الاول على تفسيرها قبل ما ارد عليك
    استناني …

  30. bluestone says:

    ياسر .. إذا كنت لسه متابع
    الاية (بالنسبة للاية 120 سورة البقرة (ولن ترضي عنك اليهود ولا النصاري حتي تتبع ملتهم )
    ورد في كتاب اسباب النزول للامام ابي الحسن النيسابوري المتوفي 286 هـ التالي:
    قال ابن عباس ان ذلك نزل في القبلة وذلك ان يهود المدينة ونصاري نجران كانو يرجون ان يصلي النبي صلي الله عليه وسلم الي قبلتهم فلما صرف الله القبلة الي الكعبة شق عليهم ذلك فيئسو منه ان يوافقهم علي دينهم فأنزل الله هذه الاية. وفي رأي اخر للمفسرين قالو ان يهود المدينة ونصاري نجران كانو يسألون النبي الهدنه ويطمعونه انهم اذا هادنهم وامهلهم اتبعوه ووافقوه فأنزل الله هذه الاية)د

    يعني يا استاذ ياسر الاية ليها أسباب نزول وليست متروكة للمطلق .. فياريت وحياة الغاليين عندك قبل ما الواحد يتكلم يتعب نفسه ويوجع عينيه ويقرا هو بيتكلم عن ايه .. بلاش نسمع كلام ونردده بس من غير تحقق …

    نورت برضه الشوية دول

  31. yasser says:

    سيدتي الفاضلة
    متابع معاكي
    وانا مش هنا عشان اقولك
    ان دينك محرف او صحيح
    ومعني الاية زي ما انتي اوردتيها مظبوط
    لكن القراءن بيتعامل مع جميع الازمان
    وعموما
    انا فعلا متفق معاكي ان كلنا لازم نتعاون وبجد نحب بعض بغض النظر عن انتمائنا لاي دين
    وفعلا انا ليا اصحاب كتير مسيحيين
    وكمان كنت شغال في شركة اغلب مديريها نصاري
    وكانوا ونعم الناس في التعاملات
    لكن انا كان ليا تحفظ علي عدم اعترافك بديانتي
    وعموما انا فهمت وجهة نظرك
    وهي برضة منطقية
    البلوج منور بناسه

  32. bluestone says:

    عم ياسر
    شوف برغم اختلافنا إلا اننا ضربنا مثل مهم جدا وايجابي جدا في اللي عايزه اقوله ….د
    احنا اختلفنا … كان ليك اعتراضات وتحفظات على كلامي ومعتقداتي
    وانا أيضا نفس الشيء ..
    لكن في النهاية ايه اللي حصل
    احترمنا رأي بعض حتى إذا لم نتقبله
    وهي دي الفكرة اللي بقولها …
    مش مهم تتفق معايا .. مش مهم تشوفني صح .. المهم تحترم اختلافي عنك وانا ايضا احترم اختلافك عني …..
    مش هنقدر نغير آلاف السنين من الافكار والمعتقدات .. لكن على الاقل نقدر نغير طريقة تعاملنا مع الاخرين عشان تكون مستندة على أساس انساني في المقام الاول ….

    تحياتي يا عم
    واتفضل اشرب شاي على حسابي
    بس هات الكحك معاك بما انك لسه معيد

    بي إس: أنا حاولت ادخل مدونتك من خلال اللينك بتاع اسمك لكن معرفتش ادخلها مش عارفة ليه

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s