>حاجة تقرف بجد — قراءة في صحافة اسبوع واحد

Posted: 12/11/2006 in Uncategorized

>

بالرغم من ان 99.9% من الاخبار اللي بنقراها يوميا مؤسفة وتجيب المرض وبتفكرنا بتقدمنا الرهيب علميا وسياسيا في المحافل الدولية … وبتذكرنا بقوة الوحدة العربية وراية العرب الخفاقة وطبعا بالاضافة لتمتعنا كل يوم بالانجازات المصرية في كل مجال ومكان واللي خلت المواطن المصري يعيش في رخاء وازدهار وصار موضع حسد كل مواطني العالم لان دولته مريحاه ومكيفاه على الاخر
إلا ان اليومين اللي فاتوا واثناء متابعتي لبعض الاخبار داخليا وخارجيا جذب انتباهي ثلاثة اخبار كانت مثيرة للغيظ ولكنها مرت للاسف مرور الكرام
نبدأ بالحدث الاقدم وهو زيارة الريس لروسيا::د
تصريحات مبارك لصحيفة فيريميا نوفوستي الروسية بصراحة جابتلي الضغط
يعني يا شماتة أبلة كوندي فينا بصراحة …د
مبارك قال بالنص انه طلب من بوتن التجديد لفترة تالتة في الرئاسة الروسية ليه بقى؟؟؟؟؟د
يعني تعتقدوا ايه السبب العبقري اللي يدعوا الرئيس مبارك انه يشجع نظيره الروسي على مخالفة الدستور الروسي اللي بيمنع الترشيح لاكتر من فترتين…..د
قالك ان بوتن “كويس جدا .. وقائد حكيم .. وروسيا في حاجة إليه” يا حلاوة….د
ايوة قال إن بوتين (فري جوود) بالنص
لا وما اكتفاش بكده راح مأكد انه بينصح بوتن (ألا يستمع لاحد من أجل المصلحة الوطنية
وطبعا الاحد هو الشعب طبعا … يانهار اسود ومنيل .. يعني مش مكتفيين بازهى عصور الديموقراطية كمان بنصدرها
ثم سخر السيد الرئيس (والكلام بالنص للصحيفة الروسية) من نظام الدستور الروسي وقال مازحا انه يشبه النظام الامريكي وقال (هل نظامكم الدستوري هو تقليد للنظام الامريكي؟ فلماذا تنتقدون الامريكان وتقلدوهم؟ هل تفتحون الابواب ام تغلوقها يجب ان تقرروا) شوفتوا الكلام الموزون؟؟؟؟ اللهم لا اعتراض
وعلى هامش المحادثات اكد بوريس آليوشين رئيس الوكالة الاتحادية الروسية للصناعات ان مصر قررت بناء 4 مفاعلات نووية ……تاتاتاتاتااتتتتتتتتتتتتم 4 مرة واحدة وفجأة ؟؟!؟!؟!؟!؟!؟!؟!؟!د
http://www.mosnews.com/news/2006/10/30/mubarak.shtml
الترجمة من الروسي للانجليزي من موقع صحيفة موسكو نيوز الروسية اليومية والرابط أعلاه
والترجمة من الانجليزي للعربي مقدمة لكم من جناب تواضعنا
———————————————————–
ده كان بس أول خبر لو حد بدأ يحس ببوادر شلل
PLEASE BROUSE AWAY
——————————————–
مجلس المستشارين (مجلس الشيوخ) في تونس يطالب الرئيس بن علي بالترشح لولاية جديدة في 2009 وهي الولاية الخامسة (ومفيش حد احسن من حد) وقد اجتمع المجلس في جلسة خاصة (للاشادة بالرئيس بن علي بمناسبة الذكرى 19 لتوليه السلطة (اسم الله عليه اسم الله عليه)د
وطبعا مش محتاجين نقول ان بن لي فاز في الفترة اللي فاتت بعد استفتاء تاريخي على تعديل الدستور وتقرر بموجبه ايضا انشاء المجلس المحروس
———————
————————————-
اتشليتوا ولا لسه؟؟؟؟د
طيب خدوا عندكوا
—————————-
الخبر التاني كان امبارح وهو استخدام أمريكا لحق الفيتو ضد قرار بإدانة القصف الاسرائيلي لبيت حانون والدعوة لسرعة الانسحاب من قطاع غزة
وبغض النظر عن رأيي الشخصي في القضية الفلسطينية إلا اني اتعجب بشدة للتأييد الامريكي المستفز للحكومة الاسرائيلية … اولمرت بنفسه اعترف اول امبارح ان الجيش ارتكب خطأ بالغارة على بيت حانون واعتذر وحكومة حماس رفضت الاعتذار
وطلعتنا الست كوندي حُق الهباب بتصريح مستفز مالوش أي معنى قالت فيه ان القرار اللي اقترحته (الدولة القناة) قطر “يخدم برنامجا سياسيا احادي الجانب ..وتضمن ادعاء لا يدعمه دليل بخرق اسرائيل القانون الدولي” وأضافت “لا نعتقد ان مشروع القرار كان يهدف الى الاسهام في قضية السلام.” بينما قال السيد جون بولتون السفير الامريكي في الامم المتحدة ان لغة المشروع جاءت “متحيزة”د
وعلى فكرة دي تاني مرة تستخدم أمريكا فيها الفيتو السنة دي بس والمرة الاولى كان ضد الاجتياح الاسرائيلي لغزة
ولمحة تاريخية لاثراء معلوماتكم والضغط على اعصابكم ان امريكا استخدمت الفيتو 82 مرة منذ انشاء الامم المتحدة من 61 سنة وكان آخر 7 مرات فيهم كانوا ليهم علاقة بالصراع الفلسطيني الاسرائيلي.
——————————-
اللي لسه ضغطه ماعليش
————————–
بعد الكام رابط اللي شفتهم عن وائل عباس على الوعي المصري (منه لله بقى) مابقاش فيه حاجة ينفع تتقال بس انا مش هتكلم عن التحرش تاني ولا حاجة متخافوش
انا بس فيه حاجة لاحظتها .. صور أقل من كده بكتير هزت حكومات كاملة يعني الحكومة البريطانية كلها اتزلزلت لما اتنشرت صورة لجندي بريطاني يضرب مواطنا عراقيا بمؤخرة بندقيته ..د
واعتقد ان المشاهد اللي بنشوفها وبنسمع عنها كل يوم مش عند وائل بس .. اكتر من كده بكتير
الحكومة الامريكية اتفضحت بعد ابوغريب واسمه حاجات بتحصل بره أمريكا
يعني لو كان اللي بيحصل جوا أمريكا كان حصل ايه ؟؟؟؟د
وعندنا لا حس ولا خبر .. لا اعتذار ولا حتى استنكار
المصيبة السودة واللي فعلا حاجة مقززة ان الناس بتتبادل المقاطع المصورة دي على الموبايلات كما لو كانت حاجة لطيفة ونادرة .. افتكرت من كام اسبوع ان قريبي طالب الجامعة قال لي في احد الايام (تعالي هفرجك على حاجات جامدة) وكانت بعض مقاطع على المحمول من بينها مقطع فيه ضابط شرطة زي العجل بيضرب شاب نحيل على وجهه اكتر من مرة حتى سقط الشاب على الارض .. والمقطع واضح جدا وصوت الشاب وصوت الضرب كمان واضح .. والمقطع ده اسمه (تحري)د
ولما فزعت لهول ما رأيت (طبعا مكنتش لسه اتفرجت على المهازل اللي وائل عمال يتحفنا بيها كل يوم) صرخت في الولد وقلت جبت الكلام ده منين المفروض نروح نبلغ او على الاقل ننشر الكلام ده او نبعته لجرنال ولا لبتوع حقوق الانسان الولد بص بصه تحمل من الدهشة والذهول وقال لي “ده كليب قديم وكل الناس بتبعته لبعضها عادي يعني”د
وتعجبت بل اشمئزيت إزاي الناس بتتبادل المقاطع دي على انها نوادر طريفة زي ما تكون الكاميرا الخفية .. ازاي ممكن نعتبر إهانة انسان وقهره نوع من انواع التسلية والترفيه … حاجة تقرف بجد
————-
كفاية عليكو وعليا كده النهاردة
Comments
  1. karakib says:

    >الحقيقه التصريح اللي قاله الرئيس مبارك لبوتين جر علينا من اللعنات الكثير في وسائل الاعلام الروسيه بعد ان تفوه به مباشرةاما عن شراء المفاعلات النوويه و الكلام ده فاول مفاعل هيشتغل سنه 2015 يعني طولة العمر تبلغ الامل و ادعوكي تقري عند سقراطيس الكلام اللي هي كاتبه عن انها حاولت تحضر ندوه عن الكلام ده و ايه اللي حصل لها http://www.3alkahwa.blogspot.comيعني هو نوع من التهريج عالبوباجاندا لتمرير اشياء اخري تبدو صغيره الان في اعين معظم الناس … ——————————الديمقراطيه و الرئيس التونسي .. الديمقراطيه لا تفرض علي الشعوب و لا يتم استيرادها من الخارج و لكنها تكون رغبه من معظم مواطنين الدوله في التغيير للافضل فلا نلوم علي التوانسه ابدا لانهم لا يريدون التغيير بجديه …——————————اما بقي وائل عباس … و الفيديوهات اللي بينشرها فهي جزء من مخطط يهدف الي ارهاب و ارعاب الشعب كله من الدخول الي قسم شرطه او التحدث مع احد الظباط … ارهاب لحريه الرأي و الفكر .. يعني الناس كلها شايفه انه ده عادي زمان اللي يخش القسم كان لازم يضربوه علي قفاه … لحد ما الموضوع بقي عادي … و الناس بقت بتهرج بانهم يضربوا بعض عالقفا … بقي عادي … دلوقت اللي بيخش القسم بيهولا هوبا زي الفيديو … يعني بعد شويه لما الناس تتعود هيبقي ده التهريج التقيل بتاعهم مع بعض ..عادي يعني زي الضرب عالقفا ما بقي عادي جدا !! ربنا يستر عالبلد لأن دي ايام سودا اللي الناس بيتهتك فيها عرضهم و محدش بيتكلم و لا يفتح بقه بكلمه اعتراض انتوك

  2. >يبقى انت مقرتش روزاليوسف اقرا العنوان ده ” المجزرة فى بيت حانون غير متوافقة مع الاعراف و القوانين الدولية ” …يعنى هو فى مجزرة متوافقة …بس المجزرة دى جلت منهم….انا مش عارف انت تاعب نفسك ليه …؟؟ربنا يكون فى عونك

  3. >اه كفايه ولا اقولك هدور على كلمة غير كفايهانت عارف كلمة كفايه بيقفشوها اليومين دول

  4. lastknight says:

    >حسبى الله و نعم الوكيل فيكى بصى .. أنا صرفت نظر عن الجواز خالص .. خااااالص .ز لا أنتى و لاغيرك .. نفسى أتسدت .. خلاااااصالمهم .. افضل مافى الموضوعات المذكوره هى تخاريف الحمار الكبير فى روسيا .. مش ملاحظه ان المسأله بدأت تبقى من نوعية متلازمة باركنسون اللى بتيجى للعواجيز فيخرفوا ؟؟ أنا عن نفسى سعيد باللى عمله .. لأنه ببساطه جه يعمل راجل ( على سبيل التجربه ) و يهدد الأمريكان بالدب الروسى ( أبن الحماره لسه فاهم أنه دب .. مش قطه ) راح بوظ نفسه و بوظهم .. الغبى يتمنى بقاء يلتسن فى السلطه لأنه مايعرفش غيره فى روسيا كلها.. بعد مانحصرت ديبلوماسية مصر فى مسح جوخ لأمريكا و القيام بالمشتروات من فرنسا .. و دمتم .. الغبى فضح نفسه مع الروس طبعا .. و أيضا ظهرت خيبته أمام الأمريكان .. اللى أتوقع أنهم حاليا بيجهزوا الجزم القديمه عندهم عشان يطرقعوله قريب قوى بأمر الله .. مسألة التعذيب و مشاهده .. أختلف مع العزيز كراكيب .. و لى وجهة نظر فى الموضوع .. غالبا أعرضها قريبا على مدونتى لأنها طويله حبتين و دمها تقيل أقولك .. أنتى صعبتى عليا .. كفايه عياط بقى .. طيب خلاص .. هاتجوزك

  5. karakib says:

    >انا مش شايف انه خروج الفيديوهات دي للعامه الا لارعابهم …اتمني اشوف تحليلك عما قريب ربما يجعلني اري الامور من وجهه نظر اخري ربما تكون اصح او مكمله لما اراه انتوك

  6. Anonymous says:

    >قلتها النهاردة الصبح وح أكررها تاني : احنا في بلد صحفيين!اللي يلح عليه الصحفي نتلفت ليه ، واللي يعوز يطنش ويغطي عليه ننساه رغم أهميته..لولا “المصريون” ما كنتش عرفت التصريح الخطير للدكتور عبد الله النجار عن إنه – من وجهة نظر النجار طبعاً – يحق لولي الأمر منع أي مرشح من الترشح في أي انتخابات..ولولا إن ربنا وفقني ألمح ملف نشرته الوطني اليوم من كذا شهر عن تصريح للمفتي بإن الانتخابات تتعارض مع مبدأ إسلامي ما كنتش عرفت .. تصريح المفتي اللي ما أنكروش ومنشور في الوفد وفي الوطني اليوم في منتهى الخطورة ، ورغم دة لا شفنا جرنال تاني كتب ولا شفنا أي اهتمام إعلامي بأمور مخيفة زي دي..

  7. tota says:

    >القهوة العالية من بعد الوصلة التانية بدأت اعانى من اعراض تنميل والم فى الذراع الايسر ووخز جامد ناحية القلب وايقنت انها مبادىء الذبحة فكان هناك احد الاختيارين اما اكمل البوست كله وربنا كريم علشان اصلى بفكر انتحر من زمان او اكتفى بهذا القدر وكملت البوست وربنا ستر الرئيس بعد ان وصل من العمر ارذله لا استطيع ان الومه على اى تصريح بعد الان سواء التصريح عن علم او عن جهل فى حالته كله يتساوى حق الفيتو لماما امريكا لما متستخدمهوش امال مين يستخدمه ولمصلحة مين ولا انت عايزاهم يفرطوا فى حق من حقوقهم روابط الفيديو بقدر ما هى مؤلمة الا انها تذكرة لان ما زال الكثيرين يمشون جنب الحيط او داخل الحيط ولا يدرون عن ما يحدث فى البلد والحقيقة انهم لا يريدون اساسا ان يعرفو شيئا فيكفى رحلة البحث عن الرزق وكل واحد فى حاله الروابط وانتشارها فى المجتمع هو هزة عنيفة لايقاظ النيام ربما ينظر الكثيرين الى عالم التدوين وتبادل المعلومات والحق ان الذين يقرئونه لم يتعدوا بأى حال من الاحوال مليون مواطن وماذا عن التسعة وستون مليون النيام فى عالم مختلف معزول ربما قد يفلح التبادل عبر الموبايلات ربما تيقظ بعض النيام اعتبره شىء ايجابى طولت عليكى بس تدوينة غنية ولانى فضلت عايشة قلت اتكلم وامرك لله تحياتى

  8. bluestone says:

    >عزيزي انتوك صاحب الكراكيب المبدعةموضوع النووي ده بالظبط زي رأيك عن نشر مقاطع تعذيب المواطنين في أقسام الشرطة واقصد من حيث التناول يعني ايه؟؟دالنظرة الاولى والمنطقية للموضوع بتقول اننا بالتقدم المفزع لبلدنا في كل الميادين خاصة التكنولوجيا منها من أول صفر المونديال وانت طالع بتقول استحالة ابدا مطلقا يكون عندنا نووي وخصوصا انه زي ما قلت أول مفاعل يشتغل سنة 2015 وعليك خير وده هيبقى زي تشغيل 6 مليون عاطل كده في سنة واحدة لا سحر ولاشعوذةلكن بالنظرة التانية والتي تستند على نظرية المؤامرة ووجود عالم موازي من الحقائق والتي قد تبدو لا منطقية تماما ولكنها الاصح والله اعلم .. تفيد تلك النظرة بان مصر تملك النووي بالفعل وان كانت لا تعلن عنه وانها كدولة محورية تاريخيا لديها عداء وصراع تاريخي مع احدى جاراتها لا يمكن ان تترك جاراتها إسرائيل يملكون النووي دون ان تملكه هي .. ودي نظرية تماما زي موضوع نشر المقاطع دي .. النظرة الاولى المنطقية بتقول ان اللي بينشر الكلام واحد بيحارب لاجل الحق ورافض للاوضاع الحالية ويريد كشف المستور والنظرة الاخرى التابعة لنظرية المؤامرة تفيد بان اللي بيحصل هو زي ما انت قلت تخويف للشعب ليرهب الاقتراب من اقسام الشرطة وعشان اي مواطن يفكر ألف مرة قبل ما يتوجه لقسم الشرطة لاي سبب .. وان من يساهم بنشر هذه المقاطع عميل مزدوج برضه نظرية يمكن ما نقدرش نلوم على التوانسة فعلا .. لاننا لسنا احسن حالا بكتير .. الهم واحد والملل مشترك الملاحظ دلوقتي يا انتوك ان موضوع الانتهاك بقى منتشر جدا رغم اننا مجتمع يقال انه مجتمع شرقي ومتدين ومحافظ (طبعا الكلام ده كله تهريج) لكن برضه شيء غريب ان الموضوع ينتشر بالشكل ده ويبقى الانتهاك الجنسي بالذات احد صور العقاب المعروفة والتي يمارسها الجميع سلطة وشعب .. كما لو انها قانون عقوبات وضعي متفق عليه من قبل الجميع لحد دلوقتي مش قادرة افهم ايه السبب ولا افسر الانتشار المفزع ده

  9. bluestone says:

    >استاذ عباس اولا تصحيح بسيط (أنا تبقى هي مش هو)ثانيا انت بتتكلم بجد اقرا روزا؟؟؟ على كبر وبعد العمر ده كله ؟؟؟ ليه؟؟ هو انا مستغنية عن صحتي انا طبيعي عندي الضغط ومابستحملش كفاية عليا الصحف القومية ودي طبعا بتساعدني على زيادة جرعة الضحك اليومية وكمان بتفيد في المطبخ وبتاع الروبابيكيا بيوزن منها كويس .. انما روزاليوسف دي حتى ما بتشربش الزيت حلوة قوي المجزرة المخالفة دي طيب كان حد يقولنا ايه المجزرة المطابقة للمواصفات

  10. bluestone says:

    >الفارس الاخير:شوف اللي اعرفه ان القادة والرؤساء في اي مكان في العالم بيحترم نفسه وبيحترم كلام رؤساءه لا يمكن للرئيس انه يرتجل اي كلام والسلاميعني فيه سياسة موضوعة وفيه لجان بترسم سياسة الدولة وبتحط للرئيس كل الكلام اللي المفروض يتقال ويرتجل بل وحتى بيكتبوله النكت والتهريج اللي المفروض يقوله .. لا مجال للخروج عن النص لكن اللي حصل في موسكو كان فصل جديد في المسرحية الكوميدية اللي احنا عايشين فيهااكثر وسائل الاعلام الحيادية واللي مارضيتش تشتمنا عيني عينك اكتفت بجملة واحدة بس فيها ما بين السطور كتير بي بي سي قالت بالحرف بعد ذكر الخبر (ويذكر أن مبارك هو أول رئيس لدولة كبرى يطلب من بوتن مثل هذا الطلب) —

  11. bluestone says:

    >عزيزي قلم جافلنكون اكثر دقة احنا في بلد الصحافة الموجهة يمكن وجهة نطرك صحيحة الاعلام هو اخطر وسيلة على وجه الارض لانه يملك فعل كل شيء دون ان يفعل اي شيء .. فليس عليك إلا ان تمسك قلمك وتكتب وتكتب وتكتب .. وتترك الباقي لمن يقرأون .. طبعا ده يعتمد على وزن القلم التصريحات اللي من النوع ارى انها سقطات مريعة لاصحابها .. وان تكررت فانها لا تدل سوى على مدى ضحالة فكر الرموز التي تعيش بيننا وتحتل آذاننا وقد يكون التعتيم على سقطاتها مقصودا تصريح المفتي ده فعلا كان محتاج فضيحة بجلاجل

  12. bluestone says:

    >توتا::الحمد لله انك ثابرتي وبقيتي على قيد الحياة حتى نهاية البوست .. بالنسبة انا اكتسبت مناعة من كتر التعامل مع الاخبار المماثلة .. ومفيش مانع من ازمة قلبية او نوبة ضغط على خفيف من آن لاخر .. كان المفروض اكتب على البوست كل ضيف يقرا على مسؤوليته الشخصية .. على العموم احنا فاتحين فرع في القهوة فيه اسعافات أولية وششم وكيتوفان وأدوية الضغط والسكر والقلب وأودة انعاش صغنونة كده لزوم الطوارئ والبوستات المؤذية طبعا طبعا امريكا ماتفرطش في الفيتو واللي يفرط في الفيتو بتاعه يستاهل وعلى رأي نيلي (حقييييييي ومافرطفهشي)دالفيديوهات والمقاطع دي في ناس تانية ليها رأي مختلف هتلاقيه في بعض الردود زي كراكيب مثلا .. ولو اني على ثقة ان حتى تبادل المقاطع دي مش هيعمل كتير اكتر من انه يخوف الناس ومش هيصحي حد ..هما الاموات بيصحوا يا بنتي منورة والشاي والجولوكوز على حساب صاحب المخل

  13. Anonymous says:

    >نشرت موضوع جديد دمه تقيل جدا .. فى انتظار رأيك

  14. >سيادة الرئيس بتاعنا خرف من زمان..فاكرة الاشكالية اللى عملها بسبب تصريحاته عن الشيعة؟؟؟..يحسسك من تصريحاته انه واحد قاعد ع القهوة و بيتكلم..ابقى اعزميه يا بلو على قهوتك العالية..أنا شخصيا بقرأ حوارته كنوع من الانبساط..لكن خسارة..الجرائد القومية بتفسد علينا متعة الحوار لما “بتمنتج” كلامه..هما كمان عارفين انه خرفشكرا على المقالة

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s