قلة ذوق

Posted: 15/11/2006 in Uncategorized

حلوة السادة المعوقين دي
قلة ذوق
مش عارفة مين الحمار اللي بيعمل اللافتات
لا ومزنوق قوي في الادب
وبيقول السادة
@$%^&
ولا بلاش
بي إس: المكان في قلب وسط البلد
Comments
  1. فانتوماس says:

    🙂

  2. Lasto-adri *Blue* says:

    اصلا كلمة معوقين دى بتجيب الشلل لوحدها
    يعنى حطولها سيد، ماحطوش حاجة خالص… لازم يغيروا اللفظ دا
    دا انا بتعب لهم والله

  3. karakib says:

    في كلام بيبقي اشيك كتير من ده زي الساده ذوي الاحتياجات الخاصه …
    بس هو يعني في حد بيقرا اليفط ده نسبه الاميه عندنا زي الفل فمحدش هيقرا من اساسه … لا حرج لأنه محدش بيعرف يقرا كتير فهي … انا باتكلم عن الاميه في القراءه و الكتابه مش الاميه الثقافيه المنتشره بين خريجي الجامعات و اصحاب المؤهلات العليا !! يعني مش معقول هنعتب عالاخ الخطاط او حتي اي حد كله ماشي محدش بيقرا حاجه اصلا …
    هاني جورج

  4. Dananeer says:

    عندك حق
    اعتقد ان اللى بيكتب الكلام ده معوق التفكير

  5. bluestone says:

    LASTO-ADRI
    استفزتني جدا جدا كلمة معوقين
    لا وبيقولك السادة المعوقين
    مفيش تخلف اكتر من كده ورسمي كمان

    انتوك:
    منور يا فندم
    اكيد كلمة معوقين دي مش مناسبة ابدا
    منتهى السخافة والصلف وقلة الذوق
    والمفروض ان فيه حملة توعية كانت من كام سنة عن ان استخدام كلمة معوق دي تعد إساءة لان معناها ينطوي على إهانة وتم استبدالها رسميا بذوي الاحتياجات الخاصة
    زي بالظبط ما تم تغيير كلمة ملجأ الايتام بدار رعاية او بجميعة
    وبعض الجهات حتى ترفض المسميات دي وتطلق عليها كلمة (بيت) حفاظا على مشاعر هؤلاء الاطفال

    لما شفت اليافطة مقدرتش اصدق ازاي اتكتبت .. فعلا حاجة منافية لكل قواعد الذوق والاخلاق

    دنانير:
    بصراحة عندك حق
    اللي كتب اليافطة دي واللي وافق عليها ناس فعلا معوقي التفكير

  6. lastknight says:

    انتى بتهزرى طبعا .. صح ؟؟
    يعنى أصلها ماجتش على اليافطه فى أم البلد القذره دى .. ذوق ؟ ذوق مين ؟؟ أنتى متوقعه أيه ..؟
    أنتى مش قلتى مصريه ؟ واضح أنك من بلجيكا
    لما بيدوسوا على كرامة شعب بجزمهم .. عازاهم ياخدوا بالهم فى الكلام ؟؟
    لأ بجد أنا متغاظ منك

  7. Mongey says:

    حلوة السادة
    المعوقين
    ديه جديدة اوي

    مش قادر امسك نفسي من الضحك

    هو عموما دا واحد من تركيبات و يفط
    هبلة و معوقة كتيير

  8. pepa says:

    سلام عليكم

    معلش يعنى..ممكن اعرف ايه المشكلة؟

    يعنى المفروض كان يكتب ايه؟

  9. bluestone says:

    pepa
    لو كنت قريت/قريتي التعليقات كنت فهمت
    كلمة معوق دي إهانة وكان فيه من كام سنة حملة لوقف استخدام الكلمة دي لانها مش مناسبة ابدا
    وكان الاولى والافضل مراعاة للمشاعر استخدام كلمة ذوي الاحتياجات الخاصة .. لان معوق تعني عاجز .. والمفروض ان ذو الاحتياجات الخاصة مش عاجز لكنه بني آدم يعيش بطريقة مختلفة وله احتياجات خاصة ومن حقه ممارسة حياته وانه ليس عاجز ولا معوق

  10. bluestone says:

    يا عم فارس
    معلشي يا سيدي حقك عليا
    ما انت عارف الواحد احيانا بيتهور وبيكون عنده أمل
    حقك عليا ..
    بس اصل الكلام ده المفروض انه تعليمات عليا مش محتاجة نباهة .. مش لدرجة السادة المعوقين يعني

    بلجيكا .. بلجيكا مين يا عم
    فين دي .. مش دي اللي بعد شبرا البلد وانت راكب 14 بتاع كراكيب

  11. bluestone says:

    استاذ منجي
    مستفزة مش كده
    انا كل ما افتكر ان فيه شخص من ذوي الاحتياجات الخاصة ممكن يقراها دمي بيتحرق

  12. ikhnaton2 says:

    أليس لكل منا احتياجات واحتياجات خاصة أيضاً؟!!!!

  13. lastknight says:

    ممكن بقى تصالحينى و تزورى مدونتى و تتنكدى شويه بموضوعى الجديد ..؟ و كمان تعلقى عليه .. أيامنا زى الزفت أنشاء الله
    و بلجيكا على طريق مطوبس .. يمين من عند خربتها

  14. smraa alnil says:

    اقولكم علي سر احيانا في معوقين كتير بيحبوا ان هما يقولوا عليهم معاقين
    بس في ناس تانية عندها كرامة والكلمة دي بتوجعهم وبتوجعن انا
    وعلي راي الناس اللي عدك يعني هي جت علي اليافطة انتي مش عايشة ولا ايه
    ايه في حياتنا يا حورية مش يحرق الدم
    المواصلات تحرق الدم الشوارع تحرق الدم العيش والعيشة والي عايشنها يحرقوا الدم
    ههههههههه
    تصدقي بقي اليفطة دي حرقت دمي

  15. tota says:

    القهوة العالية

    واضح طبعا انك مش فاهمة مين هما المعوقين
    المعوقين يختلفوا تماما عن ذوى الاحتياجات الخاصة
    المعوقين هم يمثلوا مجموعة من الشعب المصرى
    يوجد اماكن للركن للاشخاص العادية ولافتات تحدد اماكن الركن لذوى الاحتياجات الخاصة واللى مش بيفهم دى ولا دى يبقى من المعوقين
    علشان كده اليافطة موجهه ليهم
    مش خطأ فى التصنيف ولا حاجة لا فى فعلا معوقين زى الى عاملوا اللافتة دى وزى العاديين بدون احتياجات خاصة وبيركنوا فى الاماكن دى

    لازم كده تفتحى ذهنك علشان فى طوائف جديدة بتنضم للمجتمع المصرى ولازم نصنفهم ونرحب بيهم
    تحياتى🙂

  16. Abdou Basha says:

    ازيك يا بلوستون..؟
    عاجبني البوست
    بحب الحاجات الميداني دي
    🙂
    أنا عندي حاجات عجيبة كتير ممكن ابقى أنزلها على المدونة .
    بس السادة المعوقين..!؟ بالظبط كده زي لما واحد يقول ياريت الإخوة العمي يتفضلوا هنا، أو الأستاذ المشلول يستريح هناك .
    هو مش احنا برضه تقريبا بلد متخلفة ولا حاجة كده برضه..؟
    :))
    على فكرة أنا شاكك إن اليافطة دي ناحية جاردن سيتي
    بس مش متأكد
    :-S

  17. bluestone says:

    this is a test for comemnt posting as I have been having technical problems

  18. bluestone says:

    سمراء النيل
    المفروض ان التعامل العام مع اي حد يكون على أسس ثابتة .. ماينفعش اخاطب ناس بلفظ يعد اهانة في نظرهم دي تبقى اسمها قلة ذوق حكومية

    بالظبط يا حورية
    العيش والعيشة واللي عايشينها

    tota

    تفتكري .. ان الحكومة تقصد المعوقين اللي هم الناس اللي مش بتفهم .. يعني كده الحكومة بتسب الشعب رسمي شتيمة بالقانون يعني

    واضح ان الواحد فايتاه شوية حاجات في الشارع اصل بقالي كتير ما نزلتش الشارع
    بس انامقتنعة بان فعلا فيه معوقين كتييير خفييين زي اللي كتبوا اليافطة دي وزي اللي بيركنوا في المكان ده دون وجه حق

  19. bluestone says:

    عبد باشا
    تمام
    السادة المعوقين
    الاخوة العمي
    الاساتذة المشلولين

    منتهى الذوق الحكومي
    على فكرة اليافطة دي في قلب وسط البلد
    قبل مكتبة الانجلو المصرية بكام متر في شارع عماد الدين

    اللي بيضايقني ان التخلف ده يكون رسمي .. يافطة زي دي نوع من انواع الفضايح .. زي بالظبط ما تقول لواحد من الامريكيين السمر (يا نجرو او يا زنجي) تعتبر شتيمة
    والمشكلة انها رسمي .. ده جهل ولا قلة ذوق ولا تخلف

    في النهاية اسمه مسخرة مؤسفة

  20. Dina Fahmy says:

    مفيش أي تقدير للمشاعر في اي مكان في البلد
    ده هم اللي معوقين فكريا

  21. كازانوفا says:

    مش جديدة يعنى مهو كاتبنها فى الاتوبيسات النقل وفى اماكن عامة كلمة معاقين احنا فى بلد متخفلة لسه كلمة احتياجات خاصة موصلتش فى قاموسنا اساسا

  22. Amira Hassan says:

    و الله عندك حق…فطستتني من الضحك صحيح..بس هي دي بقى الكوميديا السوداء…احنا فعلا عنتدنا في مصر مفيش اي نوع من انواع الاحترام لمشاعر الاخرين

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s