>احدهم فعل شيئا

Posted: 25/11/2006 in Uncategorized

>

طلبت نيابة جنوب القاهرة من ناصر أمين المحامي بالمركز العربي لاستقلال القضاء والمحاماة بالمثول أمامها اليوم

السبت لسماع شهادته بشأن البلاغ المقدم منه ضد وزير الداخلية المصري لوقوع جرائم من ضباط الشرطة بحث مواطنين في أقسام الشرطة وكان أمين تقدم ببلاغ للنائب العام يطالب فيه التحرك “الفوري والعاجل .. للحد من افلات الجناة في جرائم التعذيب في المساءلة القانونية والعقاب” بشأن واقعتين تعرض فيهما مواطنين للتعذيب وتم تصويرهما وانتشار هذه المشاهد منها تعرض مواطن للصفع عدة مرات من ضابط شرطة (يعتقد انها وقعت في قسم شرطة الهرم) بينما تعرض الاخر لعملية هتك عرض في احد الاقسامكما أشار البلاغ الى اتهام مصر بممارسة التعذيب كوسيلة منهجية ونمطية من قبل رجال الشرطة أثناء التحقيقات وغير التحقيقات واتهامها بذلك من المؤسسات الدولية المعنية بحقوق الانسان
Comments
  1. smraa alnil says:

    >مش هقولك غير حاجة واحدة تفتكر فيه املتفتكر هيكون فيه عدلالله اعلم بس حسبي الله ونعم الوكيل

  2. bluestone says:

    >شوفي يمكن الله واعلمبس على الاقل فيه مبادرة إيجابية وفيه حد عمل حاجة غير الكلام والاعتراض وعلى فكرة سمعت ان الضابط في الحادث الاول بتاع صفع مواطن اكتر من مرة قبض عليه وفي انتظار محاكمته

  3. tota says:

    >القهوة العالية حتى لو مفيش اى امل مجرد ان واحد يعترض ويتكلم ويرفض اهانة المواطن المصرى بالطريقة دى ده خبر يستحق ان نرفع له القبعة لما نتكلم كلنا ونتبادل الشجب ده مش كفاية طبعا بداية كل شىء هو الكلام والبحث فى اغوار الحدث ونشره ولكن لا يجب ان يقف الموضوع عند هذا الحد لابد ان تكون الخطوة التالية وهو اتخاذ موقف والتأييد وكل من يملك ادلة للادانة لهذه الاحداث يساعد بها المحامى عسى ان ينجح فى احراج وزارة الداخلية المريضة الشاذة التى تحتاج الى نقلها بكاملها الى مصحة لعلاج الامراض النفسية قبل ان يطلقوها على الشعب تحت مسى حماية الشعبتحياتى على التدوينة الجميلة دى التى ايقظت الامل بداخلى

  4. Abdou Basha says:

    >ده أقل واجب:)احنا اتفضحنا.. اللقطة بتاعت قسم الهرم كانت متحملة على موقع العربية، قسم الفيديو من كذا اسبوع وكل الشعوب العربية شافتها، عايزين الناس تحترمنا ازاي بعد كده..؟احترام المصري بره بيبقى بمجهود فردي منه هو .المفروض الحكومة تساعد في صنع صورة المواطن أمام الآخرين .**ابتديت أخطب:))هو أنا حاسس عموما إنه فيه تغيير أو قلق من لحظة الانفجار اللي كل الناس حاسين إنها ممكن تيجي .

  5. karakib says:

    >عبده باشا بلاش موضوع لحظه الانفجار ده الله يخليك فهي غير مأمونه العواقب ابدا بعدين الضرب فالاقسام دي حاجه المفروض انها طبيعيه و كان لا احد يعترض عليها بالعكس كنت بالاحظ ان في ناس بتشجعها و بتفرح انه الحرامي بيتعجن ضرب فالقسم … بقالنا سنين كده … و معظم الظباط بيتعاملوا بايديهم فعلا … الموضوع مش حاله فرديه او تصوير فيديو لحادثه او اتنين الموضوع يستلزم الاعتراف بأنه في مشكله عامه ليست فرديه انتوك

  6. Barracuda says:

    >أعتقد أن المدونات كان ليها دور كبير في نشر الافلام دي …ياريت يكون في فايدة ويكون صوت الناس له صدىتحياتي

  7. bluestone says:

    >القهوة العالية حتى لو مفيش اى امل مجرد ان واحد يعترض ويتكلم ويرفض اهانة المواطن المصرى بالطريقة دى ده خبر يستحق ان نرفع له القبعة لما نتكلم كلنا ونتبادل الشجب ده مش كفاية طبعا بداية كل شىء هو الكلام والبحث فى اغوار الحدث ونشره ولكن لا يجب ان يقف الموضوع عند هذا الحد لابد ان تكون الخطوة التالية وهو اتخاذ موقف والتأييد وكل من يملك ادلة للادانة لهذه الاحداث يساعد بها المحامى عسى ان ينجح فى احراج وزارة الداخلية المريضة الشاذة التى تحتاج الى نقلها بكاملها الى مصحة لعلاج الامراض النفسية قبل ان يطلقوها على الشعب تحت مسى حماية الشعبتحياتى على التدوينة الجميلة دى التى يقظت الامل بداخلى

  8. bluestone says:

    >TOTAالخبر يعتبر انجاز في حد ذاته ان المجهود اللي بذله البعض في الفضاء الافتراضي قدر يوصل لحد براه ويتحرك في الواقع

  9. bluestone says:

    >عبده باشا احنا ما تفضحناش بسبب الشرايطاحنا مفضوحين من زمان العالم كله عارف كويس انه فيه تجاوزات مفزعة في اجهزة الامن المصرية داخل السجون والمعتقلات للدرجة اللي خلت امريكا تصدر لنا معتقلين لاستجوابهم في مصر والاردن العالم هيحترمنا لما نعرف نبقى محترمين ونحترم نفسنا وآدميتنا ونعرف حقوقنا ونطالب بيها لحظة الانفجار دي هنبقى كلنا خاسرانين فيها لانها هتبقى فوضى هائلة لا يمكن السيطرة عليها الامم العظيمة يكون خرابها عظيما

  10. bluestone says:

    >كراكيب :المشكلة اننا فعلا لما سكتنا بقى الموشوع افظع من انه يحتمل .. يعني مابقاش ضرب الحرامي في القسم مثلا عشان يتعلم الادب او عشان يتربى زي ما بيقولوا ولا يكرر السرقة .. لكن بقى اي مواطن معرض لانتهاك كرامته وانسانيته لمجرد متعة الباشا الظابط في قمة حالات السادية واساءة استغلال كل اشكال السلطة الحل ممكن وموجود لو كل بني آدم عرف حقه كويس وعرف يروح لمين ويبلغ مين في حالة تورطه مع واحد من الساديين الفاسدين

  11. bluestone says:

    >BARACUDAكون الموضوع اتنشر عن طريق مدونة فده في حد ذاته انجاز ان العمل على الانترنت اصبح ليه نوع من انواع التأثير ودي حاجة في حد ذاتها مطلوبة وايجابية جدا

  12. lastknight says:

    >فعلا مبروك على الخبر الحلو .. و مادامت العداله بدأت تتحرك .. فلن تقف .. صحيح الأنحراف زاد و غطى .. صحيح غرقانين فى الفساد لحد مناخيرنا .. لكن مادمنا بدأنا نتحرك .. و مادام فيه حد عنده كرامه و قدر يعمل حاجه زى المحامى البطل ده ..يبقى فيه أمل .. بالعكس .. المسأله هاتفضح كل القوى الخايبه التانيه اللى واقفه تتفرج من بعيد .. فين الناصريين ؟ فين اليسار ؟ فين الأخوان ؟ فين الليبراليين ؟ فين و فين و فين ؟؟ كلهم سكتوا ..واحد مصرى محترم أتحرك .. العداله استجابت المهم فى المسأله كلها أننا نكشف كل الخانعين الباقيين .. و نعاملهم على قدر مكانتهم و عطائهم لمصر .. مش على قد الأحلام اللى بينشروها على شعب مدمن للأستمناء السياسى عشان يغيبوه أكتر ماهو غايبمادام فيه أمل .. مش نتجوز بقى ؟

  13. lastknight says:

    >من فضلك شرفينى فى مدونتى , كتبت موضوع جديد و عملت فيه لينك لموضوعك

  14. >بصراحة دي كانت اكتر حاجه فقعانياننا كلنا بنتفرج و مافيش حد بيعمل حاجهأخيرا حد نطقمع ان كل الناس كانت متهيالها ان حتى لو حد اتكلم مافيش حاجه هتحصلربنا يكرم الأخ المحامي ده يا رب

  15. bluestone says:

    >الفارس الاخير سوري على التأخير صحيح طالما حصل تحرك يبقى خير ممكن القضية تتحفظ وفي الغالب لن يتخذ فيها اي اجراء رسمي بس المبدأ والفكرة في حد ذاتها كفاية والعيار اللي ما يصيبش بقى بص .. بالنسبة للعالم دي كلها انا قلت كلمة قبل كده في موضوع سابق وهي (كل التيارات محض هراء)اأما المنظمات الحقوقية فبعضها شغالأما الكيانات الدينية فقياداتها مسيسة وان لم تكن فاالامر لا يعنيها لان القضية ليست دينيةمنور يا باشا

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s