مفاجأة مؤسفة في قضية عماد الكبير .. آه يا بلد

Posted: 11/01/2007 in Uncategorized
عماد الكبير
فاكرينه؟؟؟؟؟؟؟؟؟؟؟؟ه

صاحب قضية التعذيب المشهورة

والتي كان بعض المدونين سببا مباشرا في نشرها وفضح مرتكبيها

حكم عليه أمس بثلاثة شهور سجن بتهمة ايه بقىىىىىىىىىىىى؟؟؟

مقاومة السلطات

لا ومش بس كده

حكم عليه بقضاءهم في نفس القسم الذي تعرض فيه للتعذيب على يد البيه الظابط اسلام نبيه
في قسم بولاق الدكرور …..ه

ونعم العدالة

ونعم القضاء المصري العادل …..
مفيش اي كلام ينفع يتقال على المسخرة اللي بتحصل دي

مسخرة يشترك فيها القضاء المصري ….النزيييييييييييييييه ………هأو

سلامات يا نزيه

حاجة تقرف بجد
فاضل فيكي ايه نضيف يا بلد ………..
Comments
  1. karakib says:

    بصيت فالمرايا
    لقيتني أتحولت من الحيره
    لعلامه تعجب بس كبيره
    أحوال مش هينه .. دي مهينه و خطيره
    بصيت قدامي و ورايا
    كله عايش في نفس الحظيره
    هي هي نفس الأيام مره مريره
    كله هنا غلبان .. اعمي البصيره
    الحكم عالغلبان بسرعه .. فريره
    معلش يا ناس … لو واحد أنداس
    ما هو الكل .. لازم ينداس يحتاس

  2. Abdou Basha says:

    خبر سيء.. في مود سيء.. في بلد حالتها سيئة

    إمضاء : سي السيء

  3. يا مراكبي says:

    ممكن أجاوب على السؤال اللي في آخر البوست؟ جيوب الشعب

  4. lastknight says:

    أضم صوتى للمراكبى .. النظيف الباقى هو جيوب الشعب على غرار جيوب المقاومه فى فترات الأحتلال الغاشم .. و قد أضيف جيوب الشعب الواعى .. فالجيوب الشعبيه المغيبه .. هى أيضا جزء من العدوان

  5. Ahmed Shokeir says:

    بلو

    مفاجأة مؤسفة وغير متوقعة .. بس أعتقد أنه من الصعب أن يناله شيئ في ظل ظروف الازمة الحالية وبعد ان رأيت له حوار على قناة الحرة شعرت انه اصبح اكثر ثقة وأكثر جرأة

    بالمناسبة إقتبست جملة لكي في البوست السابق ووضعتها عندي في حكمة اليوم

    تحياتي

  6. Memo says:

    حسبي الله ونعم الوكيل

  7. smraa alnil says:

    انا عن نفسي مش مستغربة دة
    لانه كان متوقع في بلد تاه فيها الحق
    ومش هنقول تاه فيها الباطل والحق
    لان الباطل بقي هو اللي موجود
    اتحبس عشان يقولوا ان اي كلب تاني هيفتح بقة واحنا بندخله العصايا دة هيبقي مصيره
    الحق مش هيجي في البلد دي بقي ولا ايه؟؟؟؟؟؟
    الواحد قرف
    الله يلعن دي حكومة
    بجد الواحد تعب وقرف بقي

  8. Aoossa says:

    لقد أستحلوا نسائنا ورجالنا
    ودمائنا
    وتلاعبوا بأقوات الشعب
    وأخرها أكياس الدم الغير صالحه
    وكأنها حرب ضروس ضد الشعب
    تحياتى ليكى

  9. yasser_auf says:

    عزيزتي القهوة العالية

    تاكدي من ان عماد سوف يسجن عن تهمة مقاومة السلطات بسجن وادي النطرون المزرعة و هو سجن موش معتقل اسمة سجن المزرعة بالكيلو 92 الصحراوي

    و لنا عزاء في ان القاضي لم يوافق علي طلب خروج الزفت و الامناء من حبس المحكمة …. عموما هما دلوقتي مرعوبين و خايفين خصوصا بعد ما بقيت فضايحهم علي كل لسان بالصوت و الصورة و بقوا عارفين ان المدونين امثال جرجس و ااخرين بيفضحوهم علي العالم ككل و ليس علي الي في مصر فقط …. اهم من دة و دة ان القضية اخدت موقف الراي العام يعني بقيت قضية لبش … و لكي في فيلم انا ارسلتة للحاج جرجس متصور من بلكونة بيت صديق ليا بالاسكندرية لما حدث هناك لقسم المنتزة من المواطنين ياريت تطلبي منة يبعتهولك( لاني معنديش ميلك ابعتهولك ) الناس ابتديت يا قهوة تهيج و تعرف مصلحتها او بمعني اصح تعرف اداميتها التي تنتهك اي نعم الاسلوب غلط التدمير و ضرب الظباط و كدة ولاكن الداخلية وصلتها الرسالة خلاص و الظباط ابتدوا فعلا يخافوا علي انفسهم … يا بنتي قسم المنتزة لمن لا يعرف لا يمت لحدائق المنتزة الا بالاسم فقط فهو اوسخ و اقذر قسم حيث ان دائرتة كبيرة جدا و تضم مناطق عشوائية كتيرة و قريب من بيت مدير امن الاسكندرية ( فيلا الحكومة التي يتسلمها اي مدير امن للمحافظة ) فبالتالي اسواء و اشرس ضباط الاسكندرية تلاقيهم في القسم دة و طبعا بيفتروا علي العالم افتري مالهوش حل
    لما قسم زي دة ينضرب و يتدغدغ ضباطة و يضربوا في الشارع … يبقي الرسالة وصلت للداخلية خلاص

    قربنا نخش علي ثورة الشعب و اجارك الله من ثورة المظلوم و خصوصا لما يكون كمان جعان …فهما حيلموا الدور حيلموا الدور و لو بحقنة بنج مؤقتة لحين ما يلاقولهم حل

  10. bluestone says:

    كراكيب:
    هي هي نفس الأيام مره مريره
    كله هنا غلبان .. اعمي البصيره
    الحكم عالغلبان بسرعه .. فريره

    صدقت … ايام مرة مريرة فعلا
    ——
    عبده باشا
    بقينا رواد الزمن السيء رغما عن انوفنا
    —————
    ——
    يا مراكبي:
    ايووووووان هي جيوب الشعب .. انضف من الصيني

    فارس باشا
    طيب كويس يعني 90 في المية من الشعب مبسوط … الحمد لله

    ————–
    احمد شقير:
    مش عارفة يمكن مايحصلوش حاجة صحيح
    وممكن ياخد قضية صغيرة كده على كده
    ويجيله هبوط حاد في الدورة الدموية …
    ————————–
    ——————
    سمراء النيل:
    مش مستغربة صحيح
    لكن قرفانة بجد
    ——————
    —————–
    اوووسا
    ماهو المثل بيقول يافرعون ايه سلطنك 25 سنة على نفسنا قال مالقيتش شعب يلمني

    —————-
    ياسر عوف :
    يعني دي من مصادر موثوقة
    اللي عرفته ان هيقضي محكوميته في نفس القسم لانها اقل من 6 شهور ويمكن قضاءها في القسم مش السجن

    نفسي يكون عندي نفس التفاؤل اللي عندك … لكن للاسف معنديش
    شايفة ان دي كلها مهما كبرت حالات فردية
    وان لقمة العيش هي المحرك الاول
    ومن يمتلكها يمتلك الشعب وحكامه

    –البنج موجود على فكرة وجه بالصدفة في قضية هويدا بتاعة الجزيرة والكل هيقول دلوقتي ان الشرايط كلها مضروبة
    ده غير ان الشرايط نفسها سلاح تخويف قوي جدا
    عشان الواحد يفكر الف مرة قبل ما يدخل قسم والا يعمل محضر ياخد بيه حقه

  11. أبو محمد says:

    أرجو نشر أو توجيهنا الى مكان نشر هذا الخبر فقد يكون هناك مبرر لذلك الحكم حيث أننى لازلت أرى أن القضاء المصرى لسه فيه الرمق

  12. bluestone says:

    الخبر منشور في كل الصحف المصرية الحكومية والمستقلة كمان

  13. كــــــازنــوفــا says:

    ونعم القضاء المصري العادل …..
    أيه مش عاجبك
    أنتى بتشككى فى النزاهه
    أنت فى بلد العدل
    ربنا يخلى مبارك ويحميه
    قولى أمين لأخطفك

  14. قلم جاف says:

    سؤال شرير:

    لماذا قامت الدنيا ولم تقعد عندما تعذب الشرطة المواطنين ولم تقم عندما يعذب المواطنون بعضهم البعض؟

    موظف البنك يعذب أصحاب المعاشات الذين في سن آبائه والذين كل جريمتهم أنهم جاءوا لقبض المعاش!

    جنرالات البيروقراط يعذبوننا نهاراً وجهاراً ، ومن العادي في ظل الفكر البيروقراطي أن يسافر الفرد إلى محافظة أخرى لينهي ورقة حقيرة لا تساوي ثمن الحبر التي كتبت به فيفاجأ بأن المصلحة في أجازة لأن رأس السنة الهجرية كان أجازة أول من أمس وأعطتنا الحكومة أجازة الأمس! ..محدش قال حاجة على إن رأس السنة الهجرية يبقى أجازة ، لكن هل قدرنا إن لو أجازة جت سبت الأحد يبقى أجازة برضه؟

    في طابور العيش أعذب بدلاً من المرة ألفاً من أجل عشرة أرغفة لأجل عيون حفنة من البيروقراط يتركون الناس ومصالحهم لشراء العيش “بالكيلو”.. العيش المدعوم من أموالنا يا سادة..بأي منطق أقف من أجل عشرة أرغفة ثلاثة أرباع الساعة؟

    البيروقراطي الذي يعذبنا ، أستاذ الجامعة الذي يعذب تلامذته ، والفقير الذي يعذب أبنائه تنفيساً عن الاضطهاد الذي يعانيه .. حتى الشرطي الذي يعذب المشتبه بهم كلهم أبناء مجتمع واحد في النهاية .. والكل يغني في نفسه رائعة عبد الوهاب “مين عذبك بتخلصه مني”..

    عماد الكبير محظوظ محظوظ يا ولدي.. والسبب أنه تعرض للتعذيب في وقت وجد فيه عادل حمودة ورفاقه من الصحفيين رجال أعمال يمولون صحفهم ومستفيدين من إحراج الحكومة .. سياسة يعني .. ولو حدث لعماد ما حدث في عهد وزراء داخلية سابقين لكان “اتبعت” بكل ما تحمل الكلمة من معنى..

    عندما تقوم الصحافة الدنيا وتقعدها على وقائع تعذيب بكبسة زر.. وتسكت على كل صور التعذيب الأخرى في مجتمعنا انتظاراً لصفارة زعيم عصابة الأربعين في قصة علي بابا.. أليس هذا تعذيباً لعقولنا يضاف إلى كل صور التعذيب التي سردتها في بداية التعليق؟

    أتمنى ألا أكون قد عذبتك بالإطالة!

  15. koukawy says:

    طب هقول ايه 000حسبي الله ونعم الوكيل
    مش هقدر اقول اكتر من كده

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s