وطلعنا في الدرانين يا ردالة

Posted: 29/04/2007 in Uncategorized
في سابقة غير مسبوقة .. نشرت صحيفة المصري المرموقة كلام عجييييييييب عن مدونتنا المتواضعة🙂
وبصراحة ما فهمتش الصحفي كاتب الموضوع واسمه فاروق الجمل عرف مكان مدونتي منين .. لكن ما علينا.. إليكم ما كتب في المصري اليوم بتاريخ (الاثنين 30 فبراير) في مقال عن مدوني الجيل الثالث (زي المحمول دول ولا ايه) والكلام الوارد عن مدونة القهوة العالية
ومن أشهر مدونات الجيل الثالث مدونة قهوة عاليا (ولاحظوا الخطأ في ذكر الاسم .. يالا ما علينا) وجهت هذه المدونة النقد إلى الكنيسة المصرية وقد بدا واضحا أن صاحبها شخص على دراية كبيرة بما يحدث في مراكز صناعة القرار.. صاحب المدونة انتقد العديد من القرارات التي اتخذتها الكنيسة المصرية بالاضافة إلى إعلانه عن بعض القرارات قبل أن تصدر أساس (ده احنا واصلين قوي لو مؤاخذة!). هذه المدونة مازالت مستمرة ولكن صاحبها أعلن في المقال قبل الاخير له أن وقت الفراق قد اقترب”.
ربما هي المرة الاولى التي يتم الاشارة فيها للمدونة في صحيفة يومية .. وربما لا .. الله واعلم .. ولكنها المرة الاولى التي التفت إليها .. ويتقال كلام كبير .. ما علينا … اردت تسجيلها للتاريخ .. معرفش ليه.. ربما لانها جاية في وقتها .. حيث بدأت اشعر بحالة من الملل من الكتابة والتدوين والمدونات .. وربما مقالا بسيطا كهذا يمثل تغييرا من اي نوع

تحديييييث:::
بما ان كاتب المقال فاروق الجمل طلع بلوجر زميل وشرفنا بالرد على التدوينة فممكن نوضح بعض النقاط تعليقا على المقال المنشور في الصحيفة:

هو احنا ليه أطلق علينا الجيل الجديد أو الجيل التالث للمحمول .. قصدي للمدونين

أولا مفيش أي تصنيف معروف لترتيب المدونين بحسب الزمن وتصنيفهم أجيال
ثانيا : مع افتراض وجود مثل هذا التصنيف المدونات الواردة في المقال مختلفة تماما
مدونة اخناتون مثلا بدأت في عام 2004 .ه
أنما أنا بدأت تدوين في بداية 2006
أما باقي المدونات المذكورة وانا لا اعرف عنها الكثير فقد بدأت تدوين في 2007 او أواخر 2006
وبعدين دي أول مرة اسمع فيها عن مدون قفل مدونته لما وصل العدد الزوار لعدد معين …دي جديدة

ما اعرفه عن اخناتون ان كانت تلك المدونة التي تقصدها

فهو بحسب علمي قد وضع في البروفايل الخاص به عمره الحقيقي والكثير من المعلومات التي تخصه
بل وصورته كمان
ازاي محدش يعرفنا خالص ..؟؟؟ شخصياتنا معروفة لاصدقائنا وللعديد من المدونين
كما اننا عرفنا نفسنا اكثر من مرة
واخناتون كمان حاطط صورته
أما مسألة الرسالة المعينة دي فانا مش فاهماها خالص
يعني ايه في رأيك الرسالة المعينة اللي مدونتي المتواضعة دي بتوجهها للشباب؟؟؟؟؟؟؟؟ه
أما بقى القريب من مراكز صناعة القرار دي جامدة جدا !!!! ه
احنا واصلين قوي
عشان الناس المهمين كلهم بيقعدوا على القهوة بتاعتنا طبعا
وبنعرف القرارات من الكنترول

وقت الفراق قد اقترب؟؟؟؟؟؟؟؟ه

هو فيه حد بلغ السلطات المختصة؟؟؟
قصدي البلدية
بلاش سوء الظن ده

Comments
  1. Abdou Basha says:

    إزيك يا عاليا
    🙂

    وكاتب عنك بالمفرد المذكر، طب عاليا المفروض تكون بنت !؟، هي ممكن تكون بنت بميت راجل عشان بتمشي القهوة لوحدها بس مش يصح كده..
    وبعدين كاتب انك من الـ G3 من المدونين

    LooooooL

    رجاء، لاتتركي مدونتك أبدا، يمكن حد تاني يكتب🙂

    لو منك أبعت للأستاذ الجمل، طبق رز بلبن أو حلة محشي هدية، أي حاجة تحليله بقو
    🙂

  2. citizenragb says:

    انا مفهمتش انتي معترضه علي اللي كتبه فاروق ولا ايه بالضبط !!
    فاروق الجمل صحفي شاطر
    وكلامه ده تحليل لما قرأه عندك ليس إلا

    لو هتسمعي نصيحه عبدو باشا وتبعتي رز بلبن
    انا مستعد للتوصيل

  3. karakib says:

    الأول مبروك يا بلوستون المدونة طبعا معروفة و المحتوي اللي فيها انت عارفه رأيي فيه … الموضوع الصحفي أنا مش فاهمه و مش فاهم ايه تصنيف الجيل الثالث من المدونين السريين هو أنت محدش يعرفك🙂 ينننكن

  4. خواطر شاب غاضب says:

    صباح الفل يا ستي
    انا جيت بنفسي علشان اكل الرز بلبن
    ايه الموضوع عجبك ولا لا
    ممكن اكون غلطت و كتبت عاليا بدل من عاليه
    اسف بعتذر
    بس انا فعلا كتبت تحليل
    فقط
    اتمني انك مش تكوني زعلانه وتردي عليا علي
    المدونة

    فاروق الجمل

  5. Ahmed Shokeir says:

    رابط الموضوع في المصري اليوم

  6. يا مراكبي says:

    موضوع النشر ليس بالمفاجأة لأنك تستحقيه بالفعل

    ألف مبروك

    وبغض النظر عن ماهية المقال والتصنيفات التي تحتويه فإن المزعج حقا هو الإشارة إلى إمكانية إعتزالك للتدوين

    أرجوا ألا يكون حقيقة

  7. مورسيس says:

    بلوستون

    دلوقتي اتأكدي ان الحكومة هتقرالك و توصلها الرساله بتاعت المدونه بتاعتك الغريبة اللي بيتكلم عليها الاخ الصحفي الحر الغاضب الشهواني اياه

    ياللا مسألة وقت يا فندم !
    اتطمني
    🙂

    تقديري و احترامي ,,,

  8. bluestone says:

    عاليا عاليا
    وعاهدير البوستة كمان :)))
    هو واضح انه مخدش باله أو ماقراش بوستات المدونة كلها

    بس المهم ان احنا طلعنا
    G3
    وده الكاميرا بتاعته نظامها ايه …؟

    مين اللي قال اني “سأترك” المدونة
    هو اللي قال الكلام مش انا ..
    بس يمكن اقعد اقول بوست الوداع وبتاع
    وبكره الصبح ألاقي مظاهرة تدوينية على روحي
    قصدي مظاهرة لاقناعي بالعدول عن ترك التدوين
    ويضرب 25 مدون عن الطعام ..يوووه قصدي عن التدوين حتى اعود إلى رشدي سالمة ..

    رغم اني معرفش مين رشدي ده ..:)))

    منور يا باشا

  9. bluestone says:

    المواطن رجب:
    انت بتقول معترضة.. انا معارضة
    يا عم انا وطني والحمد لله
    واشكر الله على نعمة الوطني .. :))

    انا لا معترضة ولا موافقة
    ده كان تسجيل موقف مش اكتر
    المقال فيه بعض النقاط غير الدقيقة وكان من الواجب ايضاحها

    بس

  10. bluestone says:

    كراكيب:
    شفت يا كراكيب يا سديكي
    طلعت سرية ومجهولة ومحدش يعرفني
    بكره اكبر وابقى محظورة ان شاء الله

  11. bluestone says:

    يا استاذ فاروق
    الفكرة مش فكرة انا زعلت ولا لأ
    اعرف تماما ان أغلب ما يكتب في الصحف عن المدونين غير دقيق
    ولا يعنيني كثيرا ان يكتب عن مدونتي اي شيء
    ليس لاني اكره الشهرة
    وانا لا اكرهها فعلا
    ولكن لان اصلا في البداية كان الهدف من المدونة هو العثور على مساحة اقول فيها اللي انا عايزاه بدون اي قيود لا اخلاقية ولا لغوية ولا فنية ولا شخصية
    لا قيود من اي نوع

    الفكرة ان المقال جاء فيه الكثير من النقاط غير الدقيقة ومعلومات مش صحيحة تماما لذلك وجب التصحيح فقط

    وطبعا انا لا زعلانة ولا غاضبة ولا اي حاجة .. بس حبيت اوضح ما جاء بالمقال
    واذا كنت انت شايف ان انا من العالمين ببواطن الأمور والضالعين في المطبخ العلوي والمقربين من دوار صناعة القرار
    فده اطراء يحسب لي … احيانا🙂

  12. bluestone says:

    استاذ أحمد شقير ::
    علم وجاري ادخال التعديلات
    ومنوررررر
    والمشاريب علينا

  13. bluestone says:

    يامراكبي:

    الله يبارك فيك يا فندم وعقبال عندكم :))
    انا لن اعتزل التدوين …
    ايها الاخوة والاخوات من منبري هذا احب أن اؤكد ان الحملات المغرضة والايدي العابثة والنفوس الضالة لن تثنينا عن عزمنا
    وسندون مادام في القلب نبض وفي الروح نفس ….
    🙂
    مساء الفل

  14. bluestone says:

    مورسيس:
    يعني اطمن !!!!!
    طويب ..
    يعني اجهز شنطتي واصبر واحتسب؟؟

    مش هوصيك بقى
    عازوه حملة بانرات محصلتش
    ومش اقل من 7 مدونين يتظاهروا عشاني

    🙂

  15. ikhnaton2 says:

    بما إنك طلعتى بقى على دراية كبيرة بما يحدث فى مراكز صناعة القرار وأنا معرفش طب ما توصيهم على شقة لىّ ينوبك سواب لحسن طالع عينى فى الموضوع ده. قرار صغير كده مش هيأثر على شهرتك بالعكس بكرة يقوفوا طوابير طلباً للوساطة ويطلعلك سبوبة حلوة…

    نقدى للمقالة على مدونتى…

  16. GayofSun says:

    إلى جميع الأخوة و الأخوات
    زميلتنا المدونة وينكي تعرضت لموقف خطير أدى لحذف مدونتها، و مما تسبب لها باحباط شديد فقررت ترك الكتابة إلى الأبد و اعتبرت نفسها ميتة
    و لأننا نحن المدونون كلنا يد واحد و رزمة أقلام مجتمعة، أتمنى أن تشاركونا بهذه الحملة لاقناع وينكي العزول عن موقفها السلبي و لمعرفة ما حصل معها تماما
    رابط الحملة وينكي لن تموت من هنا
    أرجو من الجميع مساندة الأخت وينكي
    http://gayofsun.blogspot.com/2007/04/blog-post_29.html

  17. IRC President says:

    تحليل؟

    تحليل إيه ده إللي إنت جاي تقول عليه؟

    يا نهار إسود

    طب نفسي أعرف إيه هي النقط إللي بنيت عليها هذا التحليل

    خاصة لما يكون فيه قاعدة منطقية إسمها ما بني على باطل فهو باطل

    وحلوة بوسة الودهع ديه

    ليك مني بوسة بقة

    rofl

  18. منار منجد says:

    مساء الخيرات

    فكرتيني بمسرحية العيال كبرت المشهد اللي بيقول فيه حسن مصطفى لمراته زينب: ابنك راح الكراكوووون!

    وجنبه “سلطان” بيزغرد ..

    أنا بقى.. سلطان..🙂

    وحشاني يا بلوستون
    وآرائك دائماً محط إعجابي.. حتى وإن اختلف الواحد معك، انتي بتخلي اللي قدامك يحترمك، وده لوحده سبب لشهرة المدونة وانه يتكتب عنها ..

    مسائك ملاك

  19. محمد الهنداوى says:

    مدونتك تستحق الاهتمام والكتابه عنها بالتأكيد يا ماريان
    وبالنسبه للموضوع اللى التحقيق اتكلم عنه لسه مستنى ردك على كلامى فيه
    يهمنى جدااعرفه

  20. محمد الهنداوى says:

    ونسيت اقولك انى ماكنتش اعرف انك مقربه من دواير صنع القرار
    بقى لينا واسطه يا جدعان

  21. خواطر شاب غاضب says:

    الردالثاني
    اساتذه مريان
    مش كل الكلاتم اللي في الموضوع عليكي
    و مش اخناتون اللي انا كاتب عنه اخناتون بتاعكم
    وبعدين انا كنت برضب مثل
    و بعدين انا اسف
    لو كان حصل خلط عندي
    بس اعذريني
    المعلومات كانت كتير و متلغبطه
    و انا حللت تحليل من وجهة نظر شخصية
    و لتاني مرة بقولك
    الموضع مش عليكي لوحدك

  22. خواطر شاب غاضب says:

    مريان
    fa_fre2hotmail.com
    ده ايميالي ياريت تسجليني عندك
    لاني عايز اتكالم معاكي
    هستناكي

  23. IRC President says:

    التحليل حاجة والإختراع حاجة ثانية خالص

  24. طهقان says:

    والله وباضت لك في القفص يا أووووسة

    الف الف مبروك ياواد يا منصور

    والله فرحت لك اوي

    :))

    لا حقيقي

    مبرووك

  25. ibn_abdel_aziz says:

    كدة يا ماريان يبقي ليكي مكان وسط صانعي القرار وانا معرفش؟
    يعني يخونك العيش والملح والقهوة اللاتيه وام فلتر والبروانيز ؟
    وبعدين متخدنيش معاكي ليه لصانعي القرار ؟
    مش لعبتك كل الالعاب يا بنتي ؟
    🙂
    طبعا لعبيني معاكي حرام عليكي

    وبعدين انا شاكك في الشعر العاتفي اللي مكتوب بلوجين تحت ده

    هو حد من بتوع سانعي الكرار حلكلك
    رحتي كلتي فيه شعر؟؟

    همممم

    يا ماريان والعد التنازلي لقفل المدونة امتي؟

    وايه موضوع الجيل الثالث
    ؟
    ده جيم جديدة دي واللا ايه؟
    انا شاكك فيكي من ساعة ماشفتك واقول البنت ماريان دي بصتها جي ثري
    انتي عارفة؟
    الناس اللي جي تو اللي زيي
    مش المفروض يمشوا مع ناس جي ثري كثير
    عشان بيتشبهوا وكدة
    :)))))))))))

    سيبك انتي
    مش ضحكتي برضك واستطاعت المكالة ان تدفي ابتسامة علي وجهك ؟
    :))

    بطلي نكد يا شيخة واضحكي

    وبعدين انتي مع صانعي القرار ..يعني عاوزة ايه بس؟
    ممكن نتعرف علي صانع واحد الله يكرمك؟

  26. Carol says:

    أفشششتك
    lol

    ايه التهييس ده !!؟

    حسيت المدونين دول غزو من الفضاء
    يظهروا و يختفوا
    و لهم خطط واضحة
    و رسائل محددة
    و عدد للضحايا
    lol

    ربنا معنا دحنا جامدين قوي:)

  27. bluestone says:

    اخناتون::
    طبعا ما انا لازم اوجب من الزملاء والاصدقاء من المدونين …
    هاكلمك اسماعيل بيييه🙂
    —-
    IRC President:
    هي القاعدة المنطقية دي ..
    لا احد ضد وجهات النظر الشخصية او التحليلات المبنية على أراء شخصية لكن فيه فرق كبير من وجهة النظر والمعلومة الخاطئة …

    —–
    منار منجد:
    منارة اللي عاملة زي كحك العيد ..🙂
    عشان بتوزورنا كل سنة مرة ..
    رغم ان بيتها ومطرحها بحكم البناء والديزاين والديكور واختيار نيولوك القهوة الجديد …

    اولا وقبل اي حاجة وحشاني بجد بطريقة لا توصف

    هي شكلها آخرتها كراكون يا منارة
    … وكفاية على دبي نور لحد كده
    القاهرة عاوزة شوية :)))
    ———————————
    محمد الهنداوي:
    معلش يا محمد انت قلت كلامك فين. ؟ ؟؟
    انا دورت في المدونتين تبعك ولم اجد اشارة لموضوع المقال .. لم اجد سوى بوست عن (يا بعض المدونين00شوية احترام)
    بس .. مش عارفة ده اللي انت تقصده ولا انا مش واخده بالي …

    معلش يا محمد بقى العتب على الزهايمر🙂
    ——————–
    طهقان:
    عقبال عندك يا ابو فارووووووووق

    ——————————
    ibn_abdel_aziz :
    شفت بقى يا شريف بقينا مقتربين من صانعي القرار ولاحدش قالنا .. وانت عارف اللي يقرب من القرار يلسعه ..:)

    بس انت برضه لو كنت زودت البراونيز شوية كنت شفتك بقرارين ولا حاجة

    انا مش قلت لك من زمان ان انا فول اوبشن .. مالتي سيستم .. وطلعت كمان جي ثري

    ————————
    كارول:
    يا قهلا يا قهلا

    Carol said:
    تقريبا كده يظهر اننا كائنات فضائية مش افتراضية
    فكرني بمسلسل taken
    بتاع المخفي سبيلبرج

    منورة

  28. محمد الهنداوى says:

    معلش يا ماريان انا ماعرفتش اوضح انا اقصد ايه
    انا قصدت ان الاخ الصحفى كتب عن موضوع الهلال والصليب وانا مستنى ردك على تعقيبى على البوست ده
    ويلا اهى الغلطه دى خلتك تدخلى مدونتى
    بقولك الصحفى ده طيب اوى على فكره على فكره
    كان خاتم المقال بعباره ياترى الحكومه هتعرف توصل لاصحاب المدونات دى ولا ايه؟
    خلى بالك منه
    لاوكمان روش اوى اصلى عارف مدونته من قبل كده

  29. فانتوماس says:

    مش عارف اهنيكي ولا اخاف عليكي علي العموم الصحافة بتاعتنا رغم شدة الجهل اللي هي فيه احيانا بتلفت الانتباه لاشياء هامة وثمينة زي مدونتك كده. بالمناسبة نفس احساس القرف من التدوين بقي عندي. تحياتي

  30. maged stephen says:

    ماريان أنتى كنتى فين؟كل ده ؟ من أسبوع الاّلام وأنتى مختفية
    يا رب تكونى بخير

  31. maged stephen says:

    اّه نسيت أقولك انك مش لوحدك ومتخافيش
    وبعدين يعنى الحلاوة بالبندق ممكن اجبهالك من غير تدوين

  32. bluestone says:

    محمد الهنداوى:
    انا فهمت كده برضه .. وعلى العموم انا رديت عليه أول ما شفته.

    اما عن سؤال الصحفي :: فده سؤال الحلقة
    واللي يعرف يجاوب عليه هيكسب جايزة 3 أيام بلياليهم في الاوبرج😦

  33. bluestone says:

    فانتوماس:
    مش شايفة انها حاجة تستدعي التهنئة بصراحة .. انا لما بدأت ادون مكانش عندي اي رسالة .. ولحد دلوقتي .. انا بكتب لما بحس اني عايزة اكتب .. وبس
    لا عندي رسالة ولا اجندة ومش عايزة اغير الكون …

    بيني وبينك كنت فعلا منبعجة من التدوين حبتين .. خاصة والفضاء التدويني بقى سخيف اليومين دول و”لم”..

    —————–
    ماجد:
    زي ما كنت بقول لفانتو كان عندي شوية انبعاج ..
    انت كمان بقالك مدة مش بتدون

    بس حلاوة ايه .. احنا في الخماسين المقدسة ….. يبقى لحمة على طول🙂

  34. Ma3t says:

    معلش يا جماعة المخطط بتاعنا اتكشف
    هنضطر نغير الخطة
    بس للاسف هنضطر كمان نستغنى عن خدمات بلوستون, و نبعدها عن الساحة فترة لحد اما الامور تهدى
    معلش , بس مستقبل الجيل التالت فى خطر
    🙂

  35. الشيطان يعظ says:

    هاي
    ممكن نتلتقي و نتناقش
    انا حسيت انك
    حد بيفهم قوي

  36. IRC President says:

    أيوة التنظيم يكتنفه الآن خطر كشف هويته الحقيقية 😀

  37. mohamed says:

    بما انك من صانعى القرار .. عاوز واسطة عشان اشغل ابن اختى
    اتمنى زيارة مدونتى ونبقى اصحاب
    mobkhat.blogspot.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s