أرونا صحيح الدين… الله يرضى عليكم

Posted: 27/07/2007 in Uncategorized
أرونا صحيح الدين احسن الحكاية بقت خَل خالص (بفتح الخاء) …..ومابقيتش فاهمة حاجة
الحكاية بتاعة الولدين اندرو وماريو وغيرهم … المشكلة واحدة تقريبا .. واحد ابوه أسلم
.
.
طيب ماشي .. ربنا يوفقه .. حقه وحريته
.
ساب بيتهم من 7 سنين
.
وصحي من النوم فجأة قالك انا عايز العيال يهتدوا .!.!!!!!!؟!؟!؟!؟!ه
.
يبقوا مسلمين
.
ويمتحنوا دين اسلامي
.
.
في السنة الدراسية في نص السنة
.
والادارة التعليمية معندهاش مشكلة
.
كده ع السريع .. وبدون أي عواقب .. ولا مشاكل ابدا
والروتين اللي مكفر سيئاتنا اتحل .. مفيش موظف رذل ولا ورقة متأخرة.. ولا فوت علينا بكره ..
الورق خلص هوا والعيال فجأة بقوا مسلمين .. ده على اعتبار ان كل موظف شايف في الأمر نوع من الجهاد ؟ه
.
.
فيه كام نقطة غايظني جدا ومحشورين في زوري الحقيقة ..
بس الأول اقروا التدوينة دي عند نوارة بالتعليقات (عشان مهمة جدا هي كمان)
وثانيا اتفرجوا على الحلقة دي
وسيبكوا من الموقع لاني معرفش عنه حاجة غير انه حمل الحلقة على الانترنت
وبعدين استرجعوا التدوينة دي من عند زنزانة
.
.
قريتوا .. ورجعتوا .. قصدي استرجعتوا .. تعالوا نتكلم بقى
..
عندي أولا شوية أسئلة وملحوطات واستحملوني:
1– كيف يجبر إنسان على اعتناق دين بينما تربى على دين آخر في حضانة أمه لمدة 13 سنة؟
يعني العيال دي مسيحيين بقالهم 13 سنة .. وابوهم عمدهم وراح معاهم الكنيسة كمان .. وبعدين فجأة اتخانق مع الولية وبعدين قرر يسلم (لأي سبب الله اعلم ولا نفتش في النوايا .. يعني كان بيهرب او شاف انه اهتدى للطريق الصحيح أو كان بيعند الله اعلم )
رايح سايب لها البيت 7 سنين وبعدين فوجائي فوجائي كده يقولك لأ هاتولي العيال تسلم دلوقتي ..
وإذ فوجائي فوجائي برضه كل العواقب والعوائق تسخر لخدمة هذا الأب المهتدي .. كما لو كان ممسكا بعصى سحرية تبيد الروتين أقوى من قدرة فيري على إبادة الدهون .. واللمعان مضمون ؟؟
.
2- أين النص في الاسلام الذي يتناول التبعية الدينية للابناء؟ (سؤال بجد وعايزة إجابة مباشرة)ه
.
3وان وجد هل يطبق على الطفل الذي يسلم والده قبل ولادته أم على اي ابن يسلم والده في اي مرحلة من مراحل عمره ؟
يعني لو عنده 15وابوه راح اسلم والولد مسيحي نفس الحل؟
طيب الواد الغلبان اللي كان وائل الابراشي جايبه الاسبوع اللي فات .. ابوه اسلم وساب البيت وهو عنده 13 سنة .. وما يعرفش عنه حاجة من ساعتها وهو في العشرينات تقريبا من عمره .. طول عمره مسيحي آهه .. والحمد لله امتحن ونجح ..
فجأة الواد راح يعمل بطاقة رقم قومي .. قالوله لأ يا عوووووومر ما ينفعش .. انت مسلم
طيب ازاي ياعم الحاج .. ما هو معاه بطاقة قديمة بتقول في خانة الديانة (منها لله بقى) مسيحي .. والمدير اللوزعي في إدارة السجق المدني اداله شهادتين ميلاد واحدة مسيحي وواحدة مسلم .. (عشان يبقى يغير فيهم)ه
وفجأة وهو بعد 25 سنة تقريبا ويمكن اكتر .. الحكومة بتقول له انت مسلم يا حلاوة .. وشيخ الأزهر الاسبق يقول له (انت مسلم غصب عن عينك وعين ابوك) واللي خلفوك (وهو الكلام اللي قاله الراجل بالحرف) يعني صلي بالعافية، صوم رمضان بالعافية وكل حاجة بالعافية .. ولكن خلي بالك (لا إكراه في الدين) … والعكس لا يمكن يحصل ابدا بالقانون والشرع ..
.
.
4- على يتعين على الطفل البقاء مسلم (زورا) أو (تقضية) زي ما نوراة سميتها حتى يتم 16 سنة ثم يرفض الاسلام علنا؟ وفي هذه الحال يحاكم كمرتد ؟؟؟
يا حلاوة يا حلاوة .. يعني الأخوة الافاضل خبراء الشرع والقانون يطالبون أم ماريو واندرو ومن هم في مثل حالتهم .. أن يعلموا أولادهن الكذب والتزوير والنفاق والرياء .. يضحكوا على الناس والقانون وربنا .. ثم تحاسبهم الدولة على ذلك .. وكله بالقانون .. يا آه يا آه
.
.
5السيدة الفاضلة سعاد صالح قالت على العاشرة مساء .. هو ده القانون والشرع هنعمل ايه بقى الابن يتبع دين ابوه واستحملوا السنتين دول .. ولما سألتها منى هل يطبق القانون في حالة العكس .. يعني لو الأب مسلم واعتنق المسيحية والام مسلمة ..ٌ
قالتها لأ وسكتت
(طبعا كانت هتقول … لأ طبعا في الحالة دي الأب هينضرب بالجزمة ويترمي في السجن ويخرس خالص مش كفاية كافر وبهدل الأم المسلمة المؤمنة المسكينة) ما هو ده القانون وهو ده الشرع ..ُ
.
(يجي اي حد نايم في مية البطيخ يقوللي مواطنة وحقوق وقرف .. هسكعه على عينه …
.
.
7- الحديث التالي عامل لي بارومة في نافوخي (والكلام للاخوة المعتدلين المتنورين وهما عارفين نفسهم كويس وهما دول اللي انا مستنية اسمع منهم بجد) .. (كل مولود يولد على الفطرة، فأبواه يهودانه أو ينصرانه أو يمجسانه)
فيه كام نقطة في الحديث ده : أولا: يعني ايه الفطرة؟ وهل الفطرة هي الاسلام؟ يعني كل بني آدم في كل الكون بيتولد مسلم وبعدين أهله بيقلوا عقلهم ويكفروه ؟؟ ولا بيتخبطوا في دماغهم ويغيروله فيوزاته .. ويقلبوا فطرته؟؟؟
-طيب هل ساوى الاسلام هنا بين اليهودية والمسيحية والمجوسية؟؟ هو مش المفروض المسيحية واليهودية بالنسبة للاسلام اديان سماوية برضه؟ والمجوس دول على ما اسمع يعني .. بعيد عنكوا وعن السامعين كفرة وعبدة اوثان؟؟؟
.
.
8- فين صحيح الدين في الموضوع .. في القضية دي كلها ؟؟؟؟ ُ
يعني في الحلقة وفي التعليقات عند نوارة وكلام المتخصصين وغيرهم .. واحد يقول لك هو ده الشرع وده القانون
والتاني (خبير برضه) يقولك لأ .. ده لا شرع ولا قانون
طيب واحدة زي حالاتي .. تحتكم لمين يعني؟؟ مين الصح؟؟ يعني الست سعاد والشيخ بتاع الأزهر قالوا مش هتنزل الارض ابدا .. مسلم .. مسلم .. ومحامين وخبراء قانون تانيين قالوا لأ تنزل .. ده حرام الافترا .. لا اكراه في الدين .. سيبوهم لحد ما يبلغوا ويقرروا … مين يحكم لنا في المسألة دي؟؟؟
.
9– بعض التعليقات على البرنامج وعند نواره لفتوا نظري جدا::
واحدة ست مصرية اتصلت بالبرنامج ومعترضة على بقاء الطفلين مسيحيين وقالت بالحرف الواحد (أمهم بتبث فيهم الافكار المسيحية) ده على اعتبار يا حاجة ان الافكار المسيحية سموم بتبث في نفوس الاطفال المساكين.. وهو كان المفروض وهي مسيحية وابوهم مسيحي واهلهم كلهم مسيحيين .. تقول للعيال تعالوا يا حبايبي احكيلكوا عن الاسلام …. ؟ه
-ناس كتير علقت عند نواره بداية من اللي مقتنع واللي مش عاجبه .. واللي مقتنع بس مش عايز يقول .. واللي بيقول اي كلام والسلام ويلخبط عيشة على أم الخير.. ويقولك هو كده القانون عشان المسيحيين وحشين وبيكرهوا المسلمين والمواقع بتاعة مش عارف ايه .. والمسيحيين الشريرين اللي زعلانين من الغزو العربي .. يعني هو ده بقى العدل .. هو ده القانون بتاعنا ان كان عاجب ابوكوا .. ولو مش عاجبكوا روحوا موتوا ولا سيبوا البلد .. يا أقباط متحدين مع مش عارف مين .. ايه علاقة اي حاجة من دول بالكلام اللي اتقال اصلا ؟؟
وتعليق أخير:: لماذا يجب أن التزم بما لا اعتقد فيه؟ ان كان المسلمون يؤمنون بان الاسلام هو دين الفطرة .. لماذا يسعون لتطبيق ذات الأمر علي الاخرين؟؟؟؟ لماذا يتعين علي ان التزم بما لا أؤمن به .. قد يكون الاسلام هو دين الفطرة لدى المسلم .. لكن بالنسبة لي ليس كذلك .. فلماذا يتعاملون مع الأمر بصورة مطلقة ؟ لماذا لا يفكرون من خارج الدائرة المغلقة؟ لماذا لا يفعل الجميع ذلك؟
مجرد سؤال ممزوج بالكثير من المرارة
ملحوظة: أي تعليقات خارج إطار الموضوع سيتم حزفها بديكتاتورية مطلقة .. بينما لن يتم حذف الشتيمة
Comments
  1. اه يا دماغى says:

    كل واحد يكون على الدين اللى هو عاوزه
    والجزاء والعقاب عند الله

    ولا المسيحية حتنقص

    ولا الإسلام حيزيد

    تحياتى

  2. Bella says:

    موضوع يحرق الدم صراحة

    كنت قريت عن الموضوع قبل رؤية حلقة العاشرة مساء

    والحقيقة حتى طريقة منى الشاذلي في التعامل مع الولدين لم تعجبني ومحاولاتها الغريبة لانتزاع اجابة مختلفة عما يقتنعان به ضايقتني جدا

    حتى تكرارها كل شوية لفكرة طيب كنتوا امتحنوا وخلاص

    يعني ايه يمتحنوا وخلاص

    هي مادة دراسية ح ينفضوا ايدهم منها بمجرد خروجهم من اللجنة

    صراحة هذا امتهان لديننا الاسلامي العظيم ومحاولة للتمسح ومزايدة لامعنى لها

    حتى ردود افعال المتصلين ضايقني جدا البعض منها خاصة الست المتشنجة التي عقبت على مداخلة لمتصل قبلها اثنى على تمسك الطفلين بدينهما فاتصلت هي تعيب عليه ثناءه على نشفان دماغهم وعنادهم !!!!

    ماهذا الهراء الذي لايمت للتربية بأي صلة

    وهل المطلوب ان يتربى الطفل على ان يتنازل عن دينه بسهولة ووببساطة ( ايا كان دينه) حتى لايمون عنيدا ويبقى ولد كويس وأمور

    ايه الخيبة القوية اللى احنا فيها دي؟؟

    ثم لماذا لم يتم الأخذ بعين الاعتبار سلوكيات الاب نفسه

    واحد سايب اولاده ولا ينفق عليهم ولا حتى يسأل عنهم

    اي مسلم هذا ؟؟؟

    ماحدث مع الطفلين لاعلاقة له بالاسلام باي صلة لانه لاكراه في الدين

    مجرد تمسح بالدين في مجتمع اصبح الدين فيه مظهريا بحتاً وهو نقضيها يومين على ماتفرج

    حاجة تحزن والله

  3. karakib says:

    عندي شوية اسئلة
    هل الدين بالوراثه ؟؟ هل سنحاسب يوم القيامة علي اساس خانة الديانة في البطاقة الشخصيه ؟؟
    ما هي فائدة ان تضع بيانات مخالفة للواقع في البطاقة الشخصية ؟؟ هل ينتقص من قدر أي دين تحول احد اتباعه الي دين اخر ؟؟ هل تغيير دين احد افراد عائلة ما هو بالضرورة تغيير لقناعات و ايمان و عقيدة باقي العائلة ؟؟
    هو في ايه بالظبط ؟؟

  4. Ahmed Shokeir says:

    كل ذلك هو نتاج عدم فهم صحيح للدين وحرية الإعتقاد والجو المحتقن داخل المجتمع تجاه الدين واصببحت المزايدة عليه أحد علامات التدين الذي كما تقول بيلا أصبحت المظهرية فيه أهم من روح الدين الذي يبيح حرية الإعتقاد

  5. BlueRose says:

    elhadith i think was about not doing any spiritual habits to newly born babies , these 3 religions were what present in Al Madina other that Islam, and all of them had certain habits spiritual with babies
    yes , in islam : islam is called : “deen alfitra”

    i’ll check again when i go home , but i think i read that in Madina jaws who converted to islam were not allowed to force their jawish children into islam

    the following part of my comment may not be relevant
    but i have been thinking for a while and it came back to me when i read the father hasn’t seen or support his kids for 7 years : when should we (the community) consider a parent incompetent and unable to be a guardian to his biological children?? i thought about that when i discovered that u (as a person or organization) can’t take a street child if his parent “theoretically” refused, so the kid has to stay in the street if his parent wants him/her to

  6. عباس العبد says:

    لتانى مرة يتم استفزازى
    لسببين
    الاول
    علشان شغلى الجديد مبقالش سامح لى انى اتابع زى الاول و ده خانقنى
    ثانيا ان الموضوع سخيف جدا
    انا حرد عليكى يا بلو على كذا طبقة و اخيرا ساختم بالاستك
    اولا
    لو كان القارىء او المتابع مسيحى
    حيبقى فى كذا رد فعل
    لو مسيحى متدين طيب فى حاله
    حيقول ده صليب و لازم الام تشيله و تتبع المسيح و زى ما المسيح سمح بالتجربة اكيد حيعطيها النجاح فى التجربة
    اما لو كان مسيحى متعصب فحيقول ده اضطهاد و اننا كاقلية بنعانى من اضطهاد الاكثرية التى تستعمل حد السيف ضدنا
    اما لو كان ذو توجه سياسى
    فلو امريكلنى فربنا يفتحها فى وشه و هنياله بالدولارات الى حترخ على دماغه
    اما لو يسارى او شيوعى او قومى عربى
    فحيقولك
    عن ازمة الهوية و البحث عن مشروع واحد يجمع الامة و يهبل بكلام محدش يفهم عشره عن ايديولوجيات معفنة هى اساسا السبب فى الى احنا فيه
    ده لو مسيحى

  7. عباس العبد says:

    طيب لو مسلم
    لو مسلم متدين معتدل
    حيقولك حرام ان احنا نعمل كده دول اطفال و لا اكراه فى الدين و نبينا نبى الرحمة عمره ميقول كده
    اما لو متعصب فيحقولك
    النصر للأسلام على اعداء الاسلام و من انحلالات الغرب
    اما لو له فى السياسة
    فبرضه فى حلين
    لو سعودى ربنا يهنيه بالريالات و الذى منه
    اما لو قومجى او يسارى او …فحيرطن نسف الهبل الى بيقوله اخوه المسيحى الاهبل الى اتكلمنا عليه
    الى هو عن مشروع مواحد يجمع عنصرى الامة و يوحدهم و ازمة الهوية و العبط الى الناس كلها عارفاه
    حتقوليلى كلام جميل

  8. عباس العبد says:

    اقولك انا بقى من الاخر
    انا اؤمن بنظريتين
    الاولى اسمها
    اديله بالقلم على وشه
    التانية
    العيل الاهبل يجيب لاهله العار
    …..
    نفهمهم ازاى اقولك يا بلو
    فى حاجة اسمها العقل الفردى و الجمعى
    العقل الفردى هو الى بيتحكم فى العقل الجمعى
    يعنى
    واحد بيخطب و خادته الجلالة و سخنت معاه ….تلاقى الناس هللت وراه حتى لو
    عبط
    زى هتلر كده … كان يتكلم فكانت الناس تمشى وراه مع انه وده الناس فى داهية و خرب المانيا
    فين المشكلة
    المشكلة ان لو العقل الفردى ده فشل فى انه يصبح مسيطر
    يعنى انا راجل قاعد بسمع وعظة فى كنيسة لكاهن و معايا 500 و احد من الشعب و كلام ابونا مش عاجبنى او مش داخل دماغى
    يبقى حطنشه و اسيبه يرغى
    و ساعتها مش حتبقى وعظة لأنها فقدت اهم شرط و هو
    الاستماع
    …….
    علاقة ده بالى فات واضحة
    بس ازيدها وضوح
    الاخت الى اتكلمت و قالت يقضوها سنتين وبعد كده يشوفه بيقوا ايه
    ما اقنعتش حد بكلامها و لا هو كانت عارفة ترد اصلا
    و فقدت اهم شرط
    الاستماع
    فلازم حد يقوم يديها على وشها بالقلم من الاخوة المسلمين
    لأنها جابت للمسلمين العار
    لأنى انا لو مسيحى متعصب و على الرغم من انى مجروح
    الا انى حبقى سعيد ان واحدة زى ديه
    بينت ” الفكر الاسلامى ” على حقيقته
    من وجهة نظرى
    و اطربتنى جدا ان المسلمين يطلعوا بالوحشية دى
    و ان الصورة السيئة الى انا عايز ارسمها عن الاسلام جات لى على الطبطاب

  9. عباس العبد says:

    سيبنا من الست
    نروح لأسئلتك
    بالنسبة للحديث
    بحثك عن اصله مش حيقدم ولا حياخر
    لأن لو واحد زى عمرو خالد او شيوخ الفضائيات خرجوا و قالوا اى حاجة
    دولة بيملكوا عقل فردى قوى جدا
    و الناس حتهلل وراهم فسيبك من صحة الحديث او مرجعيته
    الست الى اتصلت و قالت ان امهم بتبث فيهم كلام مسيحى
    دى من النوع الى عايز ياخد على وشه بالقلم لأن العيل الاهبل يجيب لأهله العار
    …..
    نقطة فرعية
    انا بعتبر زكريا كاوتش على راى واحد صديقى
    عيل اهبل و جايبلنا العار
    ……..
    مشكلة الناس الى خلصت ورق العيال بسرعة
    فاكرين انهم بيخدموا
    ……..
    النقطة القوية فى الموضوع و الى انا مأجلها لحد دلوقتى
    و خايف اقولها لانها جارحة
    دى مشكلة المسلمين و عليهم يحلوها بنفس الشرط الى هم شرطينوا علينا
    هم الى قالوا لينا كمسيحيين فى مصر
    احنا كمسلمين دين السماحة
    و احنا لا اكراه فى الدين
    يعنى دى مشكلتهم و عليهم يحلوها
    بالصورة الى فاتت
    هم عايزين يقنعونا بكده
    يتصرفوا على اساسا كده
    مش يتكلموا و بعد كده نغرق احنا فى الاف الكتب و الاحاديث
    الى متفهميش هو بيعملوكى على اساس ايه

  10. عباس العبد says:

    حتقوليلى معنى كلامك ان احنا ملايكة و مبنعملش حاجة غلط
    حقولك
    احنا اسخم منهم
    على الاقل هم بيتكلموا فى الفضائيات لكن احنا من جوه جوه
    …….
    و احنا كمان ازمتنا معاهم هى مشكلتنا و لازم احنا الى نحلها
    لأنه اكيد مش حجيب مسلم يحللى مشاكلى من وجهة نظره علشان يبقى هو سعيد معايا
    و اكيد مش حيجيبوا مسيحى يحل ازمتهم علشان المسيحيين يبقوا سعداء
    فى حاجات ملهاش معنى
    انى اطلع جنانى على غيرى
    لمجرد انى مختلف معاه او عندى ازمة
    ……….
    طبعا احنا متكلمناش ايه الى وصل الحال لكده
    لأن ده عايز ليلة تانية خالص
    ……….
    اما حكاية صحيح الدين
    فكل الناس عارفاه
    و كل الناس عايشة بيه
    سواء مسلمين او مسيحيين
    بس المشكلة فى ايه
    ان صحيح الدين ميجبش فلوس
    صحيح الدين ميطلعش فى الفضائيات
    صحيح الدين ميوديش امريكا او السعودية
    صحيح الدين مش حيخليكى تبوسى ايد قسيس او شيخ
    صحيح الدين حيخليكى بنى ادمة بتفكرى
    يعنى صحيح الدين ده يودى الناس سواء الجنة او الملكوت
    و دى مشكلة
    لأن الى واخد توكيل الجنة و شريكه الى واخد توكيل الملكوت
    عايزين يلموا فلوس الارضية الى دفعوها
    فلازم ينسوا الناس صحيح الدين الاصلى علشان يبعيلوهم المضروب بتاع كوريا و الصين و وارد السعودية و امريكا
    …..
    مشكلة مايكل و اندرو انهم جم فى الاوكازيون
    كان عليهم تخفيض جامد
    فبقوا قصة
    و كله بيجروا وراها

  11. عباس العبد says:

    اكملك بعدين علشان نازل دلوقتى
    عندى حلقة فى الفضائيات حتكلم فيها
    عن الوحدة الوطنية
    و الرؤى العصرية و صحيح الدين و كده و بتاع و شاى بالنعناع
    و كده و فطير و حاجات بتطير
    …….
    مشكلة الطفلين دول و امهم
    انهم فى موسم البواقى و الفضل
    و اى حاجة بخمسة جنيه

  12. Lasto-adri *Blue* says:

    العزيزة بلو روز
    بصى انا ح قول لك اللى شيفاه بوجه نظر انسانة مصرية مسلمة وشفت الحلقة

    اولا.. بغض النظر عن استعجابى لظهور هذا الحوار على السطح فى الفترة الاخيرة -والفترة الاخيرة بالذات- انما مش ح نمسك فى الفرع ونسيب الاصل
    دى مشكلة
    و ان كنت معاكى بنتقد فكرة ان الأولاد فى سن 13 وال 15 سنة يتفرض عليهم دين عشان الاب غير دينه.. بس احب اقول لك حاجتين مهمين
    1ز مش عشان الاب والاسلام مبدئيا.. انما لو الام كانت اسلمت كان ح يغير دين الابناء للاسلام ايضا طبقا لان الابناء يتبعون الدين الاعلى.. ومش معنى الاعلى انه الارقى.. لاء.. يعنى الدين المسيحى اعلى من اليهودى لانه ظهر بعده فالمفترض انه يكمل اليهودى.. وهكذا بالنسبة للاسلام…
    فهذا وعلى كلام … دكتور عبد الفتاح الشيخ رئيس جامعة الازهر السابق فى برنامج الحقيقة فى حوار مشابه جدا.. قال.. انه لو اتنين بهود اتجوزوا وحد من الاب او الام اتنصروا.. يصبح الابناء مسيحيين بالتبعية…
    دى كانت اول نقطة واتمنى تكون وصلت
    2. ودى الاهم … لانه نتيجة لنمرة واحد.. فان الابناء بيتبعوا الدين الاعلى لحد سن البلوغ.. بعد كدة لهم حق الاختيار سواء يفضلوا فى دينهم الجديد او يرجعوا..

    وموضوع الاسلام دين الفطرة.. الفكرة مش الدين.. الفكرة المبدأ
    بمعنى انا مسلمة كدين وعقيقة.. وفى نفس الوقت مسلمة لله…
    خاضعة لكل اوامر الله ونواهيه
    واعتقد انها صفة مشتركة فى كل الاديان السماوية

    بصى يا مريان .. مش ح نكر انى استأت زيك.. ويمكن اكتر لانه يمس دينى اكتر.. يعنى ابسط فكرة الناس ح تقول دا دين متعصب وهو ليس كذلك… ولقيتى برفض.. او حتى قلت الوسط.. يظل الابناء بلا دين حتى سن البلوغ وبعدها يقرروا همه عايزين ايه.. بحيث انهم لا يتعرضوا لضغط من الام ولا الاب طول فترة الطفولة
    الا انى مقدرتش الاعترض لاسباب كتيرة اهمها جهلى بالشريعة.. او من غير جهلى.. معنديش العلم الكافى للمناطحة

    الا انه فى شئ تانى كمان والدى نبهنى له… الموضوع مش موضوع ان اولاد ح يسلموا بالتبعية اصلا.. الموضوع ان فيه واحد حول دينه ودخل الاسلام.. دى اصل المشكلة
    فى الدين عمل حد الردة.. بمعنى ان كل واحد فى دينه.. انتى مسيحية وهو يهودى وغيره اياكان… بس يوم ما حد يفكر يغير الدين لازم يكون على اقتناع تام وثبوت على العقيدة لانها مش ساهلة تغيير الدين.. مش يوم مسيحى وبعدها مسلم وهلم جر!
    ولازم غير كدة يكون الواحد عارف ان الضرر مش ح يقع عليه لوحده لاء دا على اقرب الناس له!!
    فهمه؟
    همه ملهوش ذنب -كابناء-.. الذنب ع الاب ذات نفسه
    وكم من القرارات يتخذها الىباء فى حق ابنائهم وفاكرين انها ح تساعدهم وتطلع لاء.. والعكس صحيح

    اتمنى ماكنش تقلت عليكى وقدرت اوصلك وجهة نظرى

  13. Abdou Basha says:

    صحيح الدين، أم الدين الصحيح؟
    **
    أن نقول
    الصحيح.. أم الدين؟
    أم أن الدين هو الصحيح؟
    **
    اسمحي لي أن أسحب كرسيا وأجلس في صدر المقهى العالي أزعق…
    المشكلة أكبر من مثل تلك الحوادث
    المجتمع مفكك
    ويعيش حالة أعتبرها فرصة جيدة لمن يريد أن يفعل ما يريد
    **
    هل أسئلتك هنا استنكار لحادثة؟ أم استنكار حالة ..؟
    **
    أقدم لك دعوة.. أن تشاهدي المنظر من أعلي مكان في القاهرة، في ضوء الماضي
    لايوجد تفكير في المستقبل، في صناعة أفكار ونظريات يقوم عليها مجتمع ودولة، في أسباب الوجود، والنشأة
    **
    للأسف عزيزتي أننا الآن نتحدث عن حادثة طفلين.. وأسعار الانترنت.. والتفتيش في المترو..
    وعلى الجانب المهني، هناك استنزاف الموارد للمصالح الشخصية .
    **
    المشكلة الحقيقية ليست في الصحيح
    لكن في أنه ليس هناك من ينظر لهذا الصحيح؟
    ولا أريد أن أسجل لديك تعليقا متشائما، عن أنه لايوجد من يفكر فيما هو الصحيح، ويفكك ويركب، ويجادل، وينقد، من أجل رسم صورة مثالية صادقة للصحيح. نظرة علمية محايدة انسانية .
    **
    أتمنى ألا أكون قد قدمت تخريفا في صورة تعليق
    لكن، لأعترف أن الحديث عن ما هو صحيح قد استفزني
    فما هو الصحيح؟ ومن يسعي لإنشاء شيء صحيح ؟

  14. عباس العبد says:

    كويس انى رجعت لاقيت ناس اتكلمت
    و نخش فى ازمة جديدة فى الحديث و نظرية التبعية
    فى طريقتين فى التفكير
    تفكير الكنيسة الشرقية و الكنيسة الغربية
    الشرقية بتعمد بعد الولادة باربعين يوم
    و الغربية فيها حاجة اسمها قبول الدين او العماد الجديد عند سن 12 سنة
    و لكل كنيسة اسبابها
    معناه ايه الكلام ده
    معناه
    ان عند 12 الولد ممكن يرفض اعادة التعميد و ميبقاش مسيحى
    هو حر
    …….
    يقولى واحد متنور … ما انت كده بترد على نفسك
    اقوله لأ
    انا معنديش حد الردة
    و معنديش نظرية الدين الاعلى
    و معنديش نظرية الفطرة
    و مصيبتنا فى مصر
    ان فى ناس اسلاميين بيفسروا المسيحية بمرجعية اسلامية
    و طبعا الاسخم الى احنا بنعمله و هو تفسير الاسلام بخلفية مسيحية
    و بما ان الخلفييتين مشحونين
    فحتسمع العجب
    ……..
    ارجع و اقولك ان فكرتك عن البحث عن اصل الحديث
    غير موضوعية لأن
    سواء الحديث صحيح او اسرائيليات
    انتى مشكلتلك مش فى الحديث
    انتى مشكلتلك فى الى عايز يستمع و ينفذ الحديث
    ايمانا منه بحاجات هو معندوش استعداد ان يفسرها
    …….
    خلاصة الكلام
    هو محور الفرد
    هل الله هو محور كل حاجة فى حياتى انا بعملها
    و لا الانسان هو محور كل حاجة انا بعملها
    ……
    طبعا الاجابة بدون تفكير
    الله هو محور كل حاجة انا بعملها
    اجابة خطأ
    لأن الانسان هو محور العمل الالهى
    بدون دخول فى تفسيرات لاهوتية و عقائدية
    ممكن تتشرح بسهولة من كلام المسيح
    هل السبت للانسان ام الانسان للسبت
    هل الشريعة فوق الانسان ام الانسان فوق الشريعة
    …….
    واحد حيقولى انت كمان بتفسر بخلفية مسيحية
    اقوله لأ
    عمر بن الخطاب
    اوقف العمل بحد السرقة فى عام المجاعة
    لأنه عارف كويس ان الانسان فوق الشريعة
    عكس الى حصل فى السعودية لما قطعوا ايد طفل مكملش 6 سنين علشان خد حاجة من السوبر ماركت
    فاعتبروها سرقة
    ……..
    لما نعتبر ان الانسان هو محور الاحداث
    حنفكر بروحانية اكتر

  15. عباس العبد says:

    اختلفى مع الاسلام فى اى حاجة انتى عايزاها
    لكن متختلفيش مع المسلم
    خالد محمد خالد
    جاب من الاخر فى كتابه
    معا على الطريق
    ……
    انا عجبنى جدا كلام لست ادرى
    رغم انى مختلف معاه
    لكن
    لما تلاقى وحد بيقول الاتى
    ” الا انى مقدرتش الاعترض لاسباب كتيرة اهمها جهلى بالشريعة.. او من غير جهلى.. معنديش العلم الكافى للمناطحة
    و متنحنيش للعقلية دى
    فده معناه
    ان احنا بنعبط
    انا انحنى ل لست ادرى
    عقلية متفتحة
    ……
    اما الاخ ابو باشا
    فنظريته التى صاغها من اجل صياغة النظرية و الرؤية الصحيحة لصحيح الدين و مخالفة الواقع و الواقف و القاعد
    حيث انه يريد
    ” ويفكك ويركب، ويجادل، وينقد، من أجل رسم صورة مثالية صادقة للصحيح. نظرة علمية محايدة انسانية .
    **
    فاقدر اقوله يا استاذ
    ان هى دى مصيبتنا فى مصر و الوطن العربى
    بدل ما ندى العيش لخبازه
    بنهجص و نرجع نقول اصل و مش اصل
    ……..
    وضع شرعى و قانونى و لا تغيير فيه ابدا
    مع تحيات
    د\ سعاد صالح
    استاذ الفقه المقارن
    ……..
    هجصوا يا ولاد سنتين
    فالهجاص ليه نص الدنيا
    و انتم اتنين
    يعنى نصين
    يعنى ليكم الدنيا كلها

  16. عباس العبد says:

    سؤال اخير
    فين الكنيسة و عملت ايه
    طفلين اهم يا اخوانا متشبثين بالمسيحية
    بدل ما نساعدهم
    رايحين نعيط على الى بيأسلموا بكامل ارادتهم
    اقطع دراعى ان ما كانوا بيجروا ورا الاب يتوبوه و سايبن الولدين
    يا مثبت العقل و الدين يا رب

  17. عباس العبد says:

    طيب يسألنى واحد
    و يقولى
    يعنى نسيبها تولع و الحوادث تكتر لغاية ما تبقى حريقة بين المسلمين و المسيحيين
    اقوله يبقى انت مفهمتش كلامى
    الى بيته من ازاز ميحدفش الناس بالطوب
    و الى على راسه بطحة يحسس عليها
    و كله يلم الدور
    لانه لا المسيحيين ملايكة و لا المسلمين قديسين
    و كل واحد فيه الى مكفيه
    و احنا فى الهوا سوا
    و خراب مصر حيعم على الجميع
    و الغباوة زى خيط السايب ممكن يكر
    فتلاقى البلوفر فك كله
    و ساعتها مش حينفع الندم
    …….
    ليه منعملش يوم للصلاة
    يعنى نحدد كده يوم الاربع مثلا
    فى وقت صلاة الضهر عند المسلمين
    يكون المسيحيين فى الكنايس بيصلوا
    و نحدد هدف للصلاة
    الوحدة … المحبة
    اى حاجة
    و تبقى وعظة الكاهن و كلمة الشيخ عن الموضوع ده
    ……
    فكرة ساذجة
    بس اعتقد حتبين عمق ايمان كل واحد
    مصدق ان المسيحى و المسلم اخوات
    و انهم فى الاخر مصريين

  18. The Eyewitness says:

    جائني بالأمس رسالة من صديق فيه رابطة للحوار في العاشرة مساءاً عادة لا أستمع للحوارات الخاصة بمشاكل المسيحين آلي بيأسلموا عشان بيكون فيها نوع من أنواع القبلية الفكرية والهمجية من الطرفين…لكن كونهم طفلين شدني للفرجة….دمي أتحرق وأنا بتفرج، وأكتر من حرق دمي المزيعة، بمحاولة المستمرة بخبث لأظهار أن الأم متشددة ومكبرة الموضوع ميمتحنوا وخلاص…

    المهم أتفرجت على الحديث ومقجرتش أمسك نفسي بعت رسالة لأخناتون2 وبن عبد العزيز، الأتنين أشخاص بيفهموا يعني أيه حرية ويعني أيه عدالة….في كل ده بدور على حتة أجد فيها رجاء أن بكرة ممكن يكون أحسن….

    اكتر شخص أحترمته في الحديث هو علاء الأسواني، الوحيد آلي أتكلم في جوهر المشكلة….

    الحاجة الوحيدة آلي عايز أضيفها أن أحنا مجتمعنا بيعيش حالة هوس ديني، يعني أتجننا بالدين… المشكلة كلها أن المجتمع كله بيتربى على أن الدين فوق العقل وكمان فوق الإنسان عشان كده بنتصرف زي الهبل…في وسط المجتمع ده في ناس أذكياء شوية، بيعرفوا يلعبوا بالهوس ده صح، الدين كدين ميعنلهومش شيء آلي يهمهم همه عايزين أيه وده آلي بيزود الطين بله…

    لازم نفهم يا جماعة أن عشان ناس مختلفة في آي حاجة يعيشوا مع بعض لازم مرجعيتهم تكون حاجة مشتركة متكونش مرجعية واحد فيهم، مينفعش أحل مشكلة ما بين واحد مسيحي وواحد مسلم على أن الأسلام هو دين الفطرة ولا كمان ينفع أحلها على أساس أن المسيحية هي من تمتلك وسائط الخلاص….مينفعش أحكم ما بين واحد مسيحي وواحد ملحد على أساس تعليم المسيحية عن الطلاق والجواز…
    طبعاً ده مش حاصل لأن دائماً الأكثر قوة خيفرض مرجعيته على الأضعف والأضعف هيتكيف مع الوضع ويحاول يحل مشاكله من منطلق مرجعية الأقوى وده المشكلة الأكبر عشان ده بيخلي الأقوى يتمادى في أنحيازه تجاه مرجعيته…

    يا جماعة مينفعش أكون مسيحي وتيجي تقولي أنت مسلم عشان الأسلام دين الفطرة، مينفعش أكون مسلم وتيجي تقولي مينفعش تطلق مراتك عشان المسيح قال من طلق أمراءته فقد زنى بها…

    لازم نفكر شوية، لازم نخرج من القوالب والحدود الفكرية آلي دخلنا جواها ومعدناش قادرين نخرج منها، آلي عايز أقولهلكم أن مافيش حاجة فوق الإنسان، الإنسان أهم من كل شيء…

    مش عارف أقول أيه بس دمي محروق…

  19. عباس العبد says:

    عندى احساس بأن بلو حتموتنى
    بس لازم ارد
    الله ينور عليك يا
    eyewitness
    الى قال
    “يا جماعة مينفعش أكون مسيحي وتيجي تقولي أنت مسلم عشان الأسلام دين الفطرة، مينفعش أكون مسلم وتيجي تقولي مينفعش تطلق مراتك عشان المسيح قال من طلق أمراءته فقد زنى بها…

    لازم نفكر شوية، لازم نخرج من القوالب والحدود الفكرية آلي دخلنا جواها ومعدناش قادرين نخرج منها، آلي عايز أقولهلكم أن مافيش حاجة فوق الإنسان، الإنسان أهم من كل شيء…
    ……..
    برافو يا ابنى و ده الى انا كنت اقصده بكلامى
    فى النقطة بتاعة
    ” فى ناس اسلاميين بيفسروا المسيحية بمرجعية اسلامية
    و طبعا الاسخم الى احنا بنعمله و هو تفسير الاسلام بخلفية مسيحية
    و بما ان الخلفييتين مشحونين
    فحتسمع العجب
    ….
    و النقطة بتاعة
    لأن الانسان هو محور العمل الالهى
    بدون دخول فى تفسيرات لاهوتية و عقائدية
    ممكن تتشرح بسهولة من كلام المسيح
    هل السبت للانسان ام الانسان للسبت
    هل الشريعة فوق الانسان ام الانسان فوق الشريعة
    ……..
    شكرا للاخ
    eyewitness
    …..
    بقولك يا بلو
    بدل انا متولى عمليات الرد فى البوست ده
    متديهونى بنظام التاجير التمويلى
    و كله بيرزق فى الاخر

  20. bluestone says:

    آه يا دماغي:
    بالظبط .. قلنا ميت مرة قوة العقيدة مش بعدد اتباعها .. مش أهلي وزمالك اصلها
    —————————
    بيلا:
    منى اعتقد انها بتستخدم طريقة صحيفة ذكية .. لو صح ..
    بتحاول تستفز اللي قدامها وفي نفس الوقت تمثل وجهة النظر المخالفة لوجهة نظرها أو وجهة النظر الصحيحة .. فتستفز اللي قدامها انه يقول كل اللي عنده
    طريقة صحفية ذكية أضافت عليها انها كمان كانت متوترة جدا من حساسية الموضوع فخوفها ظهر جدا على اسلوبها

  21. bluestone says:

    بيلا:
    صراحة هذا امتهان لديننا الاسلامي

    بالظبط كده الولدين كان عندهم احترام للدين يمكن أكتر من الست سعاد صالح اللي قالت لهم مشوها نفاق عشان تنجحوا

    ردود الافعال بتظهر قد ايه احنا مجتمعنا مريض.. وفيه مشاكل بالهبل لازم تتعالج

    كتير منها مالوش علاقة بالدين لكن بينعكس على سلوكنا وموقفنا تجاه الدين منها مثلا اننا بقينا بنطبق مبدأ اللي جالك الريح طاطي راسك
    وبقينا بنعلم ولادنا يعملوا كده كمان

    بالنسبة للاب مش فكرة اي مسلم هذا؟
    هو ممكن يكون أي مسلم أو اي مسيحي
    أهو أب مستهتر والسلام

  22. bluestone says:

    كراكيب:
    سؤالك ده هو اللي سألته للناس
    ومحدش سو فار جاوب عليا ..
    هل الدين يورث ..
    هل فعلا المرء على دين اباءه ولا ايه النظام
    طبيعي ان الواحد بيتربى على الدين اللي اهله بيتبعوه لان ده بيدخل ضمن نطاق التربية .. بس لا يمكن يكون قانون

    وغالبا فيه ناس فاكرة اننا هنتحاسب بالخانة

  23. bluestone says:

    أحمد شقير:
    الاحتقان بيزيد يوم بعد يوم
    والمشكلة ان نبرات الطائفية والحقد والتفرقة أعلى بكتير من الصوت المعتدل
    ودي مصيبة في حد ذاتها
    كل طرف بيزعم انه يملك صحيح الدين بس في الحقيقة اللي صوته أعلى هو اللي بيمشي كلمته

    احنا اغفلنا كلنا روح الدين تماما .. اكتفينا بالمظهر او الشكل المتمثل في الطقوس

  24. bluestone says:

    بلوروز:
    اولا
    I missed u already
    بالرغم اني مش بشوفك اصلا :))

    الجزء بتاع الحديث لما الاديان التلاتة دي على اعتبار ان المجوسية كانت دين في الوقت ده .. طيب ليه القرآن لم يعتبرها ديانة هي الاخرى .. يعني امتى تم اعتبارها شرك طالما هي وردت في الحديث على انها دين؟

    وان كان ده معنى الحديث طيب ليه بيساء تفسيره او بيتفهم غلط .. على ان الاسلام هو الفطرة .. بينما الفطرة هي عدم ممارسة طقوس على الطفل الوليد تجعله تابعا لديانة معينة؟؟
    وهذا يجعله ليس تابعا لاي ديانة ليس مسلما

    كنت لسه بقول لبيلا الكلام ده .. الاب مستهتر ايا كانت ديانته ..
    وفي مصر لا يوجد قوانين لحماية الاطفال من اباءهم لانهم بيعتبروهم ملكية خاصة

  25. bluestone says:

    عباس العبد:
    6 ردود في نفس واحد؟؟ وردود على الردود .. ؟؟
    نفسي اعرف انا ليه بستفزك إلى هذا الحد🙂

    طبعا انت جبت التايهة بعد استعراض لمختلف ردود فعل جميع الاطراف..:)

    الطرف المهم في المسألة هو البني آدمين
    ازاي نقدر في يوم من الايام نحكم على الامور اللي زي وغيرها بمنظور البني آدمين وبس .. من غير ألوان ولا تحيزات ..

    مسألة العقل الفردي والجمعي مصيبة سودا وهو ده فعلا اللي كان شاغل بالي وانا بتفرج على الحلقة وعلشان كده كان موضوع عنوان التدوينة (اين هوة صحيح الدين) ؟
    هل هو المتفق عليه ؟
    أم المعمول بيه في المجتمع؟
    أم المنتشر؟
    أم يقوله الفقهاء الرسميون؟
    أم يقوله شيوخ الفضائيات ؟

    وده بينطبق على حاجات كتير جدا
    المشكلة انه بينتشر وبيأثر على العلاقات الثنائية
    يعني مثلا لو سألت واحد مسيحي أي مسيحي هيقولك لا معايشة ايه وسلام ايه مع المسلمين دول يا عم بيقتلوا المرتد

    رغم ان فيه مليون رأي فقهي في مسألة حد الردة وقتل المرتد دي .. لكن يا أخي تلاقي اكثرهم عنفا هو اكثرهم انتشارا

  26. bluestone says:

    عباس العبد:
    انت تتكلم براحتك مبدئيا .. بيتك ومطرحك .. القهوة صرح ماثل امام الجميع يسع برحابة كل صاحب رأي فتصير ساحة رحبة للحرية …

    وكفاية كده عشان وسعت ..

    نيجي للكلام ..

    الخطاب الديني في مصر في أزمة .. وعليه مسؤولية 60% على الاقل من الخراب المستعجل اللي ممكن يحصل بسبب الطائفية
    وبيزيد عليه ثقافة القطيع .. الناس بتتحرك في مجاميع زي بتوع السينما

    مفيش وعي فردي .. كله بيتحرك جماعة

    مشكلة سعاد صالح انها زي ما قالت نوارة .. بينت ان العيلين دول عندهم احترام للاسلام اكتر منها .. لانهم رفضوا يبقوا منافقين انما هي قالت لهم مشوها .. اضحكوا على المسلمين سنتين وذاكروا الدين الاسلامي اونطة .. وبلاش عند

    افتكر ان مصيبتنا في مصر فعلا اننا بنتعامل مع الاخر بمرجعيتنا ..
    يعني المسيحي بيتعامل مع المسلمين بمرجعيته المسيحية فتلاقيه مثلا ينتقد المسلم عشان الصلاة في الشوارع وده لان مرجعيته المسيحية بتقول ماتصلوش في الأزقة والشوارع .. اما المسلم معندوش مشكلة في الناحية دي اصلا
    وعلى الناحية التانية هتلاقي المسلم بيعامل المسيحي من مرجعيته بنفس الطريقة .. كل طرف بينتقد التاني لانه يسقط عليه مفاهيمه هو .. من ابسط الأمور لاخطرها

    وده اللي مش هيخلي فيه تفاهم ابدا
    إذا ما خرجناش وفكرنا بره الصندوق

    ما ينفعش اروح لواحد ملحد عايزة اهديه اقوله لو مااهتديتش هتخش النار .. او انه ربنا بيقول في الانجيل مثلا .. هيقوللي كلام بايخ خالص عيب اقوله هنا
    وعشان كده مراكز خدمة الملحدين في الكنيسة مثلا بتركز على تأهيل اعضاءها بالعلم والفلسفة قبل التأهيل الديني

  27. bluestone says:

    لا فض فوك يا أخي
    بقالي 20 سنة بقول الكلام
    الانسان ولا المعتقد .. مين الأول مين في خدمة مين؟؟؟؟؟
    المفروض ان الانسان هو محور الكون ومحور العمل الالهي .. واللي نزلت العقائد والمعتقدات في محاولة لتهذيبه ثم الدين لخلاصه
    —–
    بالنوسبة لدور الكنيسة في المشوار كله ,, فانا سألت ذاتوها السؤال
    لكن بجد انا فرحت ان الكنيسة مكانش ليها دور في المشوار ده
    عارف ليه.؟؟
    لانهم المفروض انهم مصريين وليهم حق يخدوه من الدولة مش الكنيسة اللي هتجيبه .. اصلها مش جالية .ز
    كفاية يبقى دورها ارشادي او حتى تراقب من غير تدخل سيادي إلا في حالة استفحال المشكلة
    ——-
    افكارك مش ساذجة .. بس محتاجة فعلا جو تاني خالص .. تأهيل مختلف للمجتمع عشان يقبل فكرة زي ده .. لازم اصلا نتعلم يعني ايه صلاة قبل ما نصلي مع بعض


    اقول قولي هذا واختمه بالكلمة المأثورة هاتيك :

    و الغباوة زى خيط السايب ممكن يكر
    فتلاقى البلوفر فك كله

  28. جبهة التهييس الشعبية says:

    بتسألي عن صحيح الدين؟

    والله صحيح الدين مش محتاج افتكاسات

    القرآن موجود في اي مكتبة
    وموجود ع النت كمان

    “ولو شاء الله لجعل الناس أمة واحدة ولا يزالون مختلفين”

    “لا إكراه في الدين قد تبين الرشد من الغي”

    “من شاء فليؤمن ومن شاء فليكفر”

    “إن الله يأمركم بالعدل والإحسان وإيتاء ذي القربى وينهى عن الفحشاء والمنكر والبغي يعظكم لعلكم تذكرون”

    “وإذا حكمت بين الناس أن تحكموا بالعدل إن الله نعما يعظكم به”

    “ولا يجرمنكم شنآن قوم على ألا تعدلو اعدلوا هو أقرب للتقوى”

    “لا تضار والدة بولدها ولا مولود له بولده”

    “ولا تمسكوهن ضرارا لتعتدوا ومن يفعل ذلك فقد ظلم نفسه ولا تتخذوا آيات الله هزوا”

    “فلا تميلوا كل الميل فتذروها كالمعلقة”

    في سورة النساء القرآن نزل يدافع عن واحد يهودي ضد واحد مسلم ظلمه

    وبرأ اليهودي وثبت التهمة على المسلم

    برضه احاديث الرسول موجودة على النت

    “من عادى ذميا آذنته بالحرب”

    ” من آذى ذميا فقد آذاني”

    “الظلم ظلمات يوم القيامة”

    “من آذى ذميا فأنا خصيمه يوم القيامة”

    وشوفي بقى يا ستي

    الراجل اللي بيقول على نفسه مسلم ده

    والله بقى هو ملزم قدامي بانه مسلم وانا مش ح افتش في ضميره

    ضميره بينه وبين ربنا

    واحنا مالناش الا الظاهر

    طيب هو مسلم

    مسلم يعني ملزم ما يعلقش الست سبع سنين وهي مش عايزاه ويتركها كالمعلقة ويمسكها ضرارا

    ملزم انه ينفق على اولاده وما يضطرش امهم انها تجري وراه في المحاكم عشان تاخد نفقة

    ملزم انها ما يضيرهاش في ولادها بنص الاية الكريمة

    ملزم لا يجبرها على دينه ولا على الحياة معاه ان كرهتها

    ملزم انه لا يجبر اولاده على دين هم مش عايزينه

    والحضانة دلوقت من حق الام

    بنص الشريعة الاسلامية

    وبصرف النظر عن ديانتها

    وهو عليه واجب تجاه اولاده

    وعليه الولاية

    والولاية لا تعني فرض السيطرة واكراه الناس على الدين

    ولكن الولاية تعني الرعاية المادية والمعنوية

    واذا كان ايذاء الكتابي يستوجب خصومة الرسول يوم القيامة

    فما بال ام اولاده واولاده اللي من صلبه

    واحنا كمسلمين مؤمنين ان علة خلق الانسان هو اختياره الحر

    هو المخلوق الوحيد اللي له حرية اختيار عقيدته

    والعدل اللي ربنا امرنا بيه في الاية الكريمة

    ترجمها الرسول: لا يؤمن احدكم حتى يحب لاخيه ما يحب لنفسه

    ولما واحد سأل سيدنا علي هل معنى ده ان العدل مع اخي في الاسلام فقط اجابه: الناس اما اخ لك في الدين او اخ لك في الخلق

    بفتح الخاء وتسكين اللام

    “واذا قلتم فاعدلوا ولو كان ذا قربى وبعهد الله اوفوا”

    يعني العدل عهد بينا وبين الله

    وتفسير العدل اني لا اقبل على غيري ما لا اقبله على نفسي

    طيب

    مين يرضى على ولاده وعلى نفسه اللي حصل لاندرو وماريو والسيدة كاميليا؟

    على فكرة

    من حق السيدة كاميليا انها تزرع في ولادها المسيحية

    ومن حق الاب

    – اذا كان مؤمن فعلا –

    انه يحاول يستميل ولاده للاسلام

    طيب هي دي استمالة؟

    هي دي “ادع الى سبيل ربك بالحكمة والموعظة الحسنة”

    يعني ايه الحكمة؟

    الحكمة مفسرة في سورة الاعلى: فذكر ان نفعت الذكرى

    والاية دي تفسيرها في ابن كثير ما معناه: اي ذكر في وقت يناسب وعي السامع

    وبشكل يؤثر فيه

    يعني تحرى الوقت والاسلوب والمنهج الذي ينفع السامع بتذكرتك

    وده يشتمل على امر الرسول: وخالق الناس بخلق حسن

    ويشتمل على الشق الثاني من الاية: الاحسان

    وهو اسداء الجميل من الفعل باكثر مما يستحق المتلقي لهذا الجميل

    يعني تغرقيه معاملة حسنة كده

    نيجي للشق الثالث: ايتاء ذي القربى

    هو من ايتاء ذي القربى اني ارمي ولادي سبع سنين ما يشوفوش خلقتي وما اصرفش عليهم مليم؟

    ها؟

    اي توضيحات تانية؟

  29. Utrechty says:

    Dear Bluestone,

    Glad you still bringing hot issues to discussion here. Even happier that issues like that is covered now in the media for the public!
    Hope one-day people will relax when talking about religion. There’s a tendency not to respect the others. Also some individuals believe that God will be happy when they fight for Him.
    Hoping that sooner or later we can agree that religion is very personal issue between individuals and God; and that is nobody’s business.
    Keep us the good work.

    Cheers,

    Utrechty

  30. أحمد المصري says:

    الموضع بيخنق فعلا ..عندك حق في كل اللي قلتيه الولاد طبعا ملهومش ذنب إنما التعليق الأخير في شوية تحيز محدش الموضوع مش اجبار ومش معنى إن الراجل مبيفهمش حاجة ولا مؤاخذه00وغباؤه خلاه يعمل كده إن احنا كده 00الله بخرب بيت الأغبياء أمثاله0

  31. daktara says:

    والله الموضوع شائك
    لكن انا اللي اعرفه
    ان الدخول في الاسلام لا يتطلب سوي النطق بالشهادتين
    وطبعا النية الصادقة
    اما امتحانات وبطايق وجواز وطلاق وخلافة
    فلا يمت للموضوع بصله
    الدين يعني دين
    يعني علاقة العبد بربه وهي الاهم انه يكون راضي عن نفسه
    وربنا راضي عنه وسلام

    انظر حولك
    د. خالد عزب

  32. bluestone says:

    العزيزة لست ادري:
    انا بلوستون
    بلوروز تبقى الدكتورة نرمين
    ومدونتها تحمل نفس الاسم بلوروز

    ثانيا:
    طبعا بحساب نظرية المؤامرة ممكن نقول ان الحكومة بتخطط لقرار درامي حاد وعايزة تأهل الرأي العام لاستقباله
    وبتحشد له المشاكل والتأييد

    لكن خلينا في الأصل ..
    (انما لو الام كانت اسلمت كان ح يغير دين الابناء للاسلام ايضا طبقا لان الابناء يتبعون الدين الاعلى)
    ما هو أنا اصلا ضد فكرة الأعلى والاخر والاول حتى لو كان معناها ترتيب
    لان حتى الترتيب اصلا غير ملزم للكل بمعنى انه انتي مسلمة .. إذا فالاسلام بالنسبة هو دين (بعيدا عن انه الدين الأعلى والاسمى بالنسبة لك) لكنه دين
    لكن بالنسبة لاي مسيحي هو اصلا لا يعتبر الاسلام دين من الأصل .. المسيحية بتعتبره معتقد .. لانه لا اعتراف بالاسلام اصلا في المسيحية .. وعلى هذا فانه بالنسبة للمسيحي بعد المسيحية وفداء المسيح كله مش موجود

    وهكذا بالنسبة لاي مسلم .. تخيلي لو انتي عايشة في دولة تعترف بالبهائية مثلا .. انتي كمسلمة شايفة انه البهائية كذب وافتراء وان محمد هو آخر الانبياء وان البهائية معتقد مغلوط .. ولكنك في هذه الدولة التي تعيشين فيها يتعاملون على ان البهائية هي الدين الأعلى ..

    فهمتيني .؟؟؟
    الفكرة حتى انه الترتيب غير ملزم وغير قابل للتطبيق على الجميع

    وللاسف الكلام ده قاله شيخ الازهر الاسبق .. لما قال للولد المسيحي انت مسيحي غصب عن عينك وعين اللي خلفوك

    اليهودي مش ملزم بان المسيحية بالنسبة له تبقى دين والمسيحي مش ملزم بالاعتراف بالاسلام

    3- خلي بالك في مسألة دين الفطرة ان الناس مش فاهمة كده
    يعني انا لما سألت من يومين على فكرة الفطرة دي .. عرفت ان الفطرة تعني التوحيد .. اي ان الانسان يولد ولديه استعداد للايمان بالاله الواحد .. وليس بالضرورة ان يكون تابعا لاي دين
    حلو خالص ..
    إذن الانسان لا يولد مسلما (أي لا يولد تابعا للاسلام ولا مؤمنا بنبوة محمد) ولكنه يولد مسلما لله اي لديه استعداد للايمان بالاله الواحد .. ودي حاجة مشتركة فعلا بين الاديان
    لكن الناس فاهمة ان البني آدم بيتولد من بطن أمه مسلم مؤمنا بنبوة محمد ..
    ودي المشكلة .. وهي اللي بتعمل اللبس كله

    -محدش فينا عالم شريعة ولا يقدر يفتي فيها .. لكن المشكلة هنا ان فيه حاجات واضحة وضوح الشمس .. حتى وان كنت جاهلة بالشريعة .. فلا اعتقد ان فيه اي شريعة هتنص على الإجبار

    (الموضوع ان فيه واحد حول دينه ودخل الاسلام.. دى اصل المشكلة)
    دي مش مشكلة أصلا .. لاني شايفة ان كل انسان مسؤول عن اختياراته .. هو حر .. ولا احد يجرؤ على الخوض في النوايا ..
    انا اتناقشت عند نواره مع أحد المعلقين لديها في اقتراح انه يكون فيه ما يشبه الكورسات مثلا .. دورات تعليمية تستمر لفترة اختبارية .. يعني اللي عايز يغير من دين لدين .. يدرس مثلا سنتين تلاتة ويكون خاضع لاشراف علماء وفقهاء يعلموه ويفهموه هو داخل على ايه .. وفي نفس الوقت تكون الفترة دي ضمانا لجدية الشخص نفسه ..
    بدون ما حد يشكك في نيته أو يصادر حريته

    فاهماني ..

    ومنورة في أي وقت

  33. bluestone says:

    عبده باشا:
    أحد أهم اسباب تفكك المجتمع هو انتشار الافكار الطائفية بصورة سرطانية حتى انها حلت محل اي مشاعر انتماء لكيان اكبر يضم الجميع

    اسئلتي استنكار لمناخ عام سمح اصلا بحالات زي دي

    انت تقريبا قلت اللي عايزة اقوله .. ربما الصحيح موجود ولكن من يروج لهذا الصحيح .. ؟؟ من يشير إليه ؟؟ او زي ما قال عباس العبد في تعليق .. الصحيح مش بيودي امريكا او السعودية

  34. bluestone says:

    the eyewitness:
    انا اكتر حاجة ازعجتني فعلا في الحلقة دي تعليقات بعض الناس .. رغم ان كان فيه ناس فاهمة كويس جدا بس كان فيه ناس كتير لسه بتفكر بمنطق القبيلة

    انا مش بدور على مكان فيه بكره ممكن يكون احسن .. لكن بحاول اشتغل على حاجة مع ناس بتحاول ان بكره يكون احسن

    احنا فعلا بقى عندنا هوس ديني .. للاسف هوس بالطقوس والممارسات والمظاهر الدينية .. مش جوهر او مضمون الدين
    لو احنا شعوب متدينة زي ما بيقولوا كنا بقينا مثاليين ..

    (أن عشان ناس مختلفة في آي حاجة يعيشوا مع بعض لازم مرجعيتهم تكون حاجة مشتركة متكونش مرجعية واحد فيهم)
    الكلمة لخصت حاجات كتيييييييييير قوي
    الله ينور عليك

    ودي كمان
    (مافيش حاجة فوق الإنسان، الإنسان أهم من كل شيء)

    الانسان أهم من كل شيء
    هو محور العمل الالهي
    ولأجله أرسل الانبياء
    ولخلاصه كان الفداء

  35. bluestone says:

    جبهة التهييس الشعبية:
    نوارة .. صباح الفل

    لأ انا مكنتش بسأل عن صحيح الدين
    انا كنت بتكلم تحديدا عن المنتشر
    لو راجعتي كلامي مع عباس العبد وعبده باشا في التعليقات اللي فاتت يمكن الصورة توضح شوية

    هل الصحيح هو الموجود في الكتب فعلا
    أم الصحيح هو ما يروج ليه شيوخ الفضائيات واصحاب الاصوات الأعلى ؟؟
    والنفوذ والقوى والمال؟؟؟
    ما هو المشكلة انه حتى لو وصلنا للصحيح ده اللي منتشر بين الناس هيفضل هو الصحيح بالنسبة لهم

    وسؤالي الاكثر تحديدا .. ليه الكلام ده هو حلو وجميل ومليان سلام ومحبة محدش بيسمعه في التلفزيون والفضائيات ومن شيوخ الجوامع ..

    يا بنتي انا خطبة الجمعة اللي جنب بيتنا تقريبا كل اسبوع عن الكفر والكفرة وجهنم والمؤامرة اللي بيتعرض لها الاسلام
    مفيش مرة سمعت خطيب بيتكلم عن السلام
    عن المحبة عن التعايش السلمي
    عن الفساد حتى
    لو كان الكلام ده صحيح (لا يؤمن احدكم حتى يحب لاخيه ما يحب لنفسه) ليه ماسمعتش مرة شيخ بيتكلم عن المحبة بين الناس بغض النظر عن دينهم ولا جنسهم ولا لونهم ولا نوعهم ؟؟؟؟؟

    طيب الناس هتعرف منين يا ستي؟؟؟؟

    يعني تفتكري لو كل الناس فاهمة وعارفة يعني ايه (من آذى ذميا فقد آذاني) أو (الظلم ظلمات يوم القيامة) أو (من آذى ذميا فأنا خصيمه يوم القيامة)
    كان حد فكر يحدف كنيسة بالطوب
    ولا يحرق بيت واحد مسيحي عشان بنى كنيسة؟؟

    لمصلحة مين يا نوارة الكلام اللي بينتشر بس هو الكلام عن الكفرة وديار الكفر في الاراضي المؤمنة ؟؟؟؟؟؟؟؟؟؟؟

    اما بالنسبة للراجل
    فمعاكي انه اصلا مخالف لتعاليم اي دين بل ومخالف لتعاليم الانسانية اصلا
    لا ينفع يكون مسلم ولا مسيحي ولا أب ولا بني آدم حتى
    بعيد عن الدين والتغيير والكلام ده
    الراجل اللي يسجن ابنه الكبير ايا كان السبب يبقى ماينفعش اي حاجة

    -لو كنا كلنا يا نواره ملتزمين بتعاليم الاديان اللي احنا بنعلن اننا تابعين ليها .. كنا بقينا مثاليين
    لكن للاسف ..

    انا كان عندي سؤال واحد بس .. محتاج حد دارس فقه او قانون ؟؟؟
    منين جت فكرة توريث الدين أو ان الابناء بيتبعوا دين الأب حتى البلوغ؟؟؟؟
    فين النص اللي بيقول الكلام ده؟؟؟؟؟؟

  36. bluestone says:

    Utrechty :
    Welcome Utrechty ,, thanx for the nice visit.
    Sattelite Channels made it easier for Egyptians to hear and discuss and know about hot issues all the times which was not possible before.. Besides thanx to Blogger as it made partial freedom of speech possible for some Egys.

    If we get to undrestand religion right we will be very relaxed talking abt it … When we get more civilized ,, may be
    If we were more confident abt our faith ,, we won’t get so defensive abt religion..

    thanx again
    and hope to see u soon

  37. bluestone says:

    أحمد المصري:
    لأ طبعا يا أحمد .. التعميم ده اللي بيصدره العمي بس
    واي واحد يصدر تعميم على الناس كلها من تصرف شخص واحد يبقى سوري يعني حمااار
    فيه ناس عاقلة وناضجة ودارسة وقادرة تفهم يعني ايه حرية ويعني مساواة ويعني ايه دين وإيمان
    وفيه ناس كما تسوق الدابة ..
    بس الفكرة يا أحمد أن الصوت المنتشر هو السلبي
    —————————
    daktara:
    ( انا اللي اعرفه
    ان الدخول في الاسلام لا يتطلب سوي النطق بالشهادتين
    وطبعا النية الصادقة)
    ومين اللي هيحكم على النية دي؟؟

    بالظبط يا دكتور خالد . الدين علاقة شخصية بين ربنا والانسان ..

  38. ibn_abdel_aziz says:

    ايه يا جماعة ده
    ينفع كدة؟
    بقالي بقرا بتاع نص ساعة في الردود
    🙂

    طبعا طبعا طبعا
    الموضوع يفرس
    انا كنت بتفرج وشوية حنط في كرش المذيعة علي كروش المفتين اللي بيتصلوا يعلقوا وهما بيقولوا قال الله وقال الرسول
    واديها

    المشكلة يا جماعة
    وحقولها تاني مبقتشي في الازهر ولا مؤسسته
    ولا الجماعات الاسلامية
    ولا الاخوان

    بالعكس ممكن المؤسسات دي تكون اكثر اعتدالا الان

    فكرني ده بتجربة السود في امريكا
    لما كان اللي بيستعبدهم الناس البيض العاديين
    بيقروا العهد القديم
    وينزل يستعبد زي البهيمة في خلق ربنا

    مكانوش محتاجين مؤسسة دينية
    كان الدين مش دين العهد القديم ولا الجديد
    كان دين الراجل الابيض اللي مخيطه ومظبط مقاسه من خلال قراءات اختيارية من العهد القديم والجديد

    اللي في مصر شبهه دلوقتي

    الدين بتاعنا مش جاي من القران يا جماعة
    الدين بتاعنا جاي من البتاع اللي هو جنب السيفون علطول
    بيسموه ايه؟

    انتم عارفين

    شرع ايه بس ودين ايه بس
    هو انتو بتصدقوا الكلام ده؟

    هو لما حد يضرب عيل علي وشه في الشارع ويقوللك بأدبه
    وربنا قال كيت وكيت

    واللا لما ابن ستين ف سبعين يمسك مراته يلعب فيها ماتش بوكس في وسط الشارع
    ويروج يمسح وساخته في اية في القرآن عشان يخبي علي قذارته

    واللا لما واحد شيخ ابن *** يفتي ان حلق اللحية عند الله اشد جرما من قطع الرقبة
    فمتحلقشي لحيتك الا وهما بيقطعوا رقبتك

    واللا لما واحد من صحابي بيفكرني بصلاة الفجر تلاتين مرة في الشهر
    وعمره ما وصاني رحت الشغل كام مرة في الوقت الصح؟

    دين ايه يا جماعة بس

    هو ده دين؟

    ده مش دين الاسلام
    ده اسمه دين الانسان المصري
    شبه كدة دين الرجل الابيض

    يا جماعة المشكلة مبقتشي في المؤسسات
    يا ريتها كانت في المؤسسات
    دي في مخ الناس

    خلاص كل انتاج ” ما هو ديني ” في اخر خمسين سنة + هراء الفضائيات هو ده الدين الجديد

    هو خليط من مقاطع آيات وقصاصات أحاديث وتفسيرات من 7 قرون
    وكتب رصيف
    وكتب ايديولوجيات
    وفتاوي مبعثرة

    هو ده الدين اللي معانا

    اصوله متغطية بتراب
    ويوم ما قالوا نشيل التراب
    بلوه بمية
    فبقي طينة
    ولما بقي طينه
    كله غرز فيه
    وقاللك ايه ده..الكل بقة متدين

    يا رحمة الله بس اقول ايه

    قال دين اعلي ودين ادني
    وتعريف ده ان دين جه قبل دين
    الراجل بتاع الازهر ده
    كان شوية وحيجيب لي شلل

    بقوللكم ايه
    لما المسلمين يصطادوهم بالرصاص في بلاد هما فيها اقليات زي البط والوز
    يبقي محدش يزعل بقة

    عشان فيه ناس بتعتقد اننا اشباه بشر وممكن يصطادونا
    ودي عقيدتهم
    وفاكرين ان دينهم اعلي

    اقول كمان
    واللا ارفع ايدي اللي الله واقول
    حسبي الله ونعم الوكيل ؟

  39. يا مراكبي says:

    أنا مستمتع جدا بطريقة عرض الموضوع وكمان بالتعليقات الموضوعية جدا دي .. بجد تعليقات جميلة جدا

    وأدعوا الناس إنها تقرأ البوست السابق لده علشان يتأكدوا من موضوعية المدونة

    يمكن بس أتحفظ شوية على الإشارة إلى الحديث الشريف لكن مش هو ده صلب الموضوع ولا أنا كمان أهل للفتوى

    المهم .. يؤسفني جدا إن الناس اللي بإيديها صنع أو تغيير القرار لم ولن يتسموا بأي نوع من الموضوعية .. سواء الموضوعية الدينية أو الموضوعية السياسية .. وهنا بقى المصيبة لأن هو ده اللي بجد بيولع الدنيا وخصوصا إن العوام من الناس مش زينا هنا كده في تفكيرهم أو ردود أفعالهم .. وتحريكهم في إتجاه إنفعالي بيكون سهل جدا

    فلما اللي بإيديهم القرار والفتوى يكونوا غير موضوعيين .. يبقى ننتظر إيه من عوام الناس؟

  40. بنت القمر says:

    بلو ستون الغاليه تحياتى لحضرتك دا واولا.. تانيا معلش انا مشغوله عندى فى المدونه عندى بروق يعنى وتنفيض وكدا
    بس بما ان انتى طلعت راجل ووقفتى وقفه راجل ووفبتى بالعهد ونقلتى بقيه التعليقات عند وحلال عليكىالموضوع انا قلت كل اللى نفسى فيه عند اختى جبهه التهييس وكفايه كدامش جايه ادلى بدلوى فى الموضوع سيبت لكى الدلو بحاله المرور للتحيه وانا لابدة فى الدرة وبتابع بس عندى سؤال هو انت اسمك ماريان؟؟
    سؤال مش ها يفرق معايا ابدا تحياتى ومحبتى

  41. جبهة التهييس الشعبية says:

    لا طب تعالي لي بقى من خلال الشنطة
    انت بتتكلمي على ان فيه ناس بتروج لكلام معين
    وليه الكلام اللي مش معين مش بيتم الترويج له

    طيب اسمعي يا ستي
    فيه حديث عن الرسول
    ان شاء الله ح ارجع للمرجع واجيب لك سنده ونصه
    الحديث ده صحيح

    بيقول ان الراجل لو نيم مراته زعلانة فعليه غضب من الله حتى يسترضيها

    ها

    عمرك سمعتيه الحديث ده؟

    بلاش

    ده حديث واحد؟

    لا

    ده فيه كذا حديث صحيح بالمعنى ده

    ان اغضاب الزوجة وظلمها يستلزم لعنات الله والملائكة

    وان ربنا مش ح يسامحه الا اذا سامحته

    والاكثر من كده ان دعوة الزوجة على الزوج مقبولة لانها امرأة ضعيفة

    ودعوة الزوج على الزوجة مش مقبولة لانه يقدر يطلقها

    عمرك في اي مسجد او خطبة جمعة

    واظن يعني انتوا بتسمعوا خطبة الجمعة معانا
    هههههههههه

    عمرك سمعتي اي حاجة بخصوص هذه الاحاديث الصحاح؟

    عمرك سمعتي ان الطلاق البدعي اللي الشيوخ بيجيزوه لا يقع

    ايه بقى الطلاق البدعي

    ان راجل يرمي يمين على مراته

    بلاش كل ده

    قريتي ابن تيمية

    اظن ح تقولي لي اعوذ بالله مالقتيش غير المتطرف ده

    طيب بقى وبالرغم من اختلافي مع ابن تيمية في حاجات كتير

    لو سمحتي اتعبي نفسك شوية
    وهاتي الفتاوى لابن تيمية واقري فتاواه فيما يخص الاسرة

    انا مش عايزة اتوهك في امور فقهية
    بس فتاوى ابن تيمية بخصوص الطلاق مثلا مجملها بيقول ما معناه
    ازاي واحد اتجوز واحدة برضاها وبشهادة شهود وبالاتفاق مع وليها
    وبمجرد كلمة يهد بيتها
    والطلاق السني اللي نص عليه الرسول ان الرجل لازم يخطر الزوجة بانه ح يطلقها وبعدين يستناها لما تحيض وتطهر ويقعد معاها في البيت طول فترة الطهر من غير ما يلامسها وبعدين تحيض وتطهر وبعدين يطلقها باتنين شهود

    وان اي طلاق تاني لا يوافي هذه الشروط اسمه “طلاق بدعي” ودي تسمية كل الفقهاء

    يبقى ازاي بدعي وازاي يقع اذا كان الطلاق حلال والبدعة ضلالة وكل ضلالة في النار يبقى ازاي يجتمع الحلال مع البدعة؟

    ده غير رأيه في تعدد الزوجات وحضانة الاطفال ومعاملة الزوجة

    عمرك بقى سمعتي عن ابن تيمية اي حاجة من دي؟

    مش فاكرين حاجة لابن تيمية غير انه قال لا تجوز الثورة على الحاكم وان كان ظالما وانه قال النقاب فريضة

    وبرضه لو جبتي كتاب الفتاوى لابن تيمية

    ح تلاقي كل الفتاوى اللي بيستند لها الوهابيين

    واللي احنا شايفينها مش معقولة
    ابن تيمية نفسه رابطها بالظرف والزمن

    وبيعلل صعوبة الفتاوى دي بان التتار بيحاصروا الامة وان الامة في ظرف استثنائي ولان التتار كانوا بيستغلوا ثورات الناس على الحكام الظلمة ويدخلوا
    وكانوا بيخطفوا نساء المسلمات الجميلات

    فهو حط هذه الفتاوى بشكل مؤقت بسبب هذه الظروف الاستثنائية

    وهو بنفسه قايل ان دي فتاوى استثنائية لظروف استثنائية

    وفيه بخصوص حقوق المرأة في العمل والاسرة والمجتمع احاديث كتير قوي
    بتتكلم في تفاصيل التفاصيل

    لكن عمرك سمعتي منها حاجة؟

    ما بنسمعش غير ان الست لازم تسجد لجوزها
    وان الست لو امتنعت عن جوزها ربنا يلعنها
    وان الست لازم تسمع كلام جوزها عشان تخش الجنة

    لكن ما حدش بقى قال ان الرجل اللي لا يستوفي شروط معاملة الزوجة ليس له على الزوجة طاعة

    ده لما المفتي قال انه شرعا المرأة ليس عليها واجبات المنزل طلعوا في زوره وكانوا ح ياكلوه

    طيب بلاش ده ولا ده

    كان فيه واحد ناسية اسمه

    معلش يا بنتي اعذريني عشان السن

    اسلم على عهد الرسول
    والرسول لانه كان بيقرا ويكتب

    خلاه يكتب الوحي

    وطبيعة كتابة الوحي

    انه يملي حوالي عشرة من الصحابة الوحي

    وبعدين كل واحد فيهم يقرا له هو كتب ايه

    وبعدين يخليهم يبادلوا الالواح

    وكل واحد يقرا زمايله كتبوا ايه بصوت عالي

    عشان يتأكد من سلامة الكتابة

    قوم اول ما الراجل ده كتب الوحي

    ما يعرفش النظام ده

    الف ولحن في الاملاء

    طبعا ظبطوه وهو قاعد في ساعتها

    وكانوا ح يمسكوه عشان يضربوه

    الرسول حاشهم عنه وسأله عملت كده ليه

    قال له عشان انا منافق

    كده يعني بصراحة

    وبعدين اخد بعضه وطفش لما لقى امره اتكشف

    ورجع لمكة

    يوم ما الرسول دخل لفتح مكة من ضمن الاسماء اللي الرسول عفا عنها كان الراجل ده

    مع انه مش مجرد منافق ومرتد
    ده كمان كان كدب في كتابة الوحي

    حد بيتكلم عن الحاجات دي؟

    حد بيتكلم عن حقوق المرأة؟

    حد بيتكلم عن حرمة تولي امور الدولة بغير رضا الرعايا

    اهي دي مثلا من ضمن الحقوق اللي الرسول اتكلم فيها

    الا وهي ان الامام

    اي الحاكم

    لازم يتم الموافقة عليه بالاجماع

    ووفقا لشروط

    واذا اخل بالشروط وجب عزله فورا

    والشروط المنصوص عليها

    ان يوفر للرعايا المأكل اليومي والملبس الموسمي والعمل او الجراية اذا كان لا يقدر على العمل والدابة اللي ينتقل عليها والقصاص ممن ظلمه وتحري العدالة في القصاص منه ان ظلم

    حد بقى بيتكلم عن الحاجات دي؟

    اشمعنى ح يتكلموا عن حقوق المواطنين المسيحيين

    اذا كانوا مش بيتكلموا عن الاسلام نفسه

    ولا عن حقوق المواطنين في الدولة

    ولا عن حقوق المرأة

    ولا عن حقوق الطفل

    الدين اللي عايزاه الدولة

    دين مافيهوش حقوق

    لاي حد

    غير للحاكم

    عرفتي بقى ليه ما حدش بيتكلم؟

    ما حدش بيتكلم عن الاسلام اساسا يا بلو ستون

    لانهم لو اتكلموا بصراحة

    الدولة دي كلها ح تنهار وتقوض دعائمها

    والناس ح تطالب بدولة تقيم العدل والاحسان وايتاء ذي القربى

    واديهم شاغلينا ببعض ومسلطين المسلمين على المسيحيين

    عشان يدوخوا الكتاكيت

    عارفة نكتة الكتاكيت؟

  42. Alexandrian far away says:

    صباح الخير ع القهوه والناس المنوره ألى قاعده فيها، وخصوصا صاحبة القهوه والمعلم عباس أللى شاكله مشارك في القهوه والست نواره ، لكن يا جماعه أعتقد أنه فيه وجه من المشكله الناس متجاهلاه، وهو سؤالي البرىء: هي الحكومه مالها اصلا؟ بمعنى المفترض أن علاقة الحكومه بالمواطن تنفصل تماما عن موقفه الديني أو العقائدي أو العرقي أو الثقافي، أيه دخل الحكومه في مزاج شخص وتحوله من ديانه لديانه؟ وليه شىء بسيط وتلقائي ومزاجي زي الموقف الديني وليه رغبة شخص في التحول من ديانه لديانه تغرق في أكوام رزالة سخافة بيروقراطية : حط لنا ديانتك في البطاقه
    ولا مؤاخذه ليه؟
    حتفرق معاكي في أيه يا حكومه ديانتي أصلا؟
    وطيب ليه ما يتكتبش المذهب كمان (زى لبنان) يعني سني ولا شيعي والعياذ بالله، ولو سني أكيد أنشاء الله ابقى شافعي ولا مالكي….إلخ، وأكيد لازم تنكتب الأيدولوجيا ألى بتعتنقها: ماركسي ولا ناصري ولا ليبرالي ولا أخوانجي وكده يعني ونعمل بطاقه شخصيه قد دليل التليفون فيها بالمره أكلاتك المفضله وبرنامجك المفضل وشخصيتك المفضله في مسلسل فريندز
    صحيح كل شى له يشبه له حتى حمار الزبالين
    وما جمع إلا أما وفق
    شعب لايق على بعضه وحكومته لايقه عليه
    فضحتونا

  43. smraa alnil says:

    لا اله الا الله

    هكذا يقولها الجميع

    سواء مسلم او مسيحي

    انا مش هتكلم عن اليهودية مش عشان حاجة غير اني فعلا مش قارية فيها اصلا

    لكني قرئت الانجيل كاملا

    العهد الجديد

    وبما اني مسلمة

    اوضح ان سواء مسلم او مسيحي بيقولوا لا اله الا الله
    وزي ما في مسلم متشدد وبيعلن في المسيحية والمسيحين
    في كمان مسيحين بيشتموا ويسبوا في الاسملا والمسلمين

    وعندك سب في الرسول والعقائد الاسلامية
    بس دة مش معناه اني اقدر اعمم ان كل المسيحين كدة
    ومش اقدر اقول برضه ان الارهابين مش كلهم مسلمين متشددين

    يعني الحكمة كلها ان كل منا يبص علي دينه علي انه الدين الحق

    انا يمكن مش شفت الحلقة

    بس قريت الموضوع دةفي اكتر من جريدة

    وحصلت قبل كدة برضه
    يعني اندرو واخوه مش اول ناس يتكرر معاهم الموقف دة

    كل واحد منا اتربي علي كره الاخر مش المحبة اللي بيقولوا عليها
    الكنيسة جنب الجامع

    دليل علي الوحدة
    لكن تعالي بقي شوفي اللي بيحصل في المناطق اللي الحكومة بتسميها عشوائية

    اللي في الكنيسة قاعدين بيشتموا في اللي في الجامع
    واللي في الجامع نفس الحكاية
    ليييييييييه
    عشان صوت المؤذن احيانا بيعطل صوت الصلاة للمسيحين
    وصوت جرس الكنيسة احيانا بيتلازم مع اقامة الصلاة
    وكان دي دعوة صريحة

    يعني كل حاجة بقت بايظة جدا

    انا سالت احد العلماء قبل كدة عن موضوع الديناة في البطاقة دي

    ولكي ان تتخيلي رده كان مستفز جدا ومش كان كفاية عليه الجزمة اللي في رجلي

    اصل يا بنتي في اسامي متشابهه بين المسلمين والمسيحين

    فمكن واحد مش يبان ويتجوز مسلمة او العكس
    عشان كدة لازم نحط الديانة
    افرضي انه طلع عنيها في الاخر
    يا سلااااااااام

    يا بنتي الفقهاء والمشايخ لا يطبقون ولا جزء من عشرة عن الدين الاسلامي

    وهما اللي خاربين الدين
    وكل واد منا شايف ان دينه هو الصح

    لا المسيحية هتقص
    ولا الاسلام هينقص ولا هيزيدوا هما الاتنين بزيادة حد

    يبقي الاسلام عاليا

    وتبقي المسيحية عالية برضه
    وللاسفالناس بتنسي ان ربنا وصانا علي اهل الكتب السماوية الاخري

    حسبي الله ونعم الوكيل

  44. فانتوماس says:

    بوست ظريف يحرق الدم..بس خرجت منه بسؤال: هو ينفع اقول مثلا ان مصر بلد الفطرة فبالتالي كل البشر مصريين الي ان يثبتوا العكس واروح اقول كده للياباني والامريكاني والهندي انهم مصريين ولازم يثبتوا العكس بناء علي اعتقادي ان كل البشر بيتولدوا مصريين..هو ليه التفكير بقي شحيح كده

  45. bluestone says:

    جبهة التهييس:
    انا مش مصدقة ان الكلام اللي انتي قلتيه ده موجود فعلا ..
    طيب لما هو موجود محدش بيتعلمه ليه … ؟؟؟
    يعني الاحاديث اللي بتتكلم عن العلاقة الانسانية بين الرجل والمرأة مثلا .. مابنسمعش منها غير فعلا زي ما قلتي اللي بيخدم الراجل وبس .. انما الكلام ده مين من مصلحته يردم عليه التراب ؟؟؟؟؟؟؟
    فعلا فين الكلام اللي عن الفساد والمعاملة الانسانية واحترام المرأة وعدم السكوت على حاكم ظالم وعدم الافساد في الارض

    ليه مابنسمعش غير عن اطيعوا الله والرسول وأولي الأمر منكم .. ثم المؤامرات وجهنم وبئس المصير ؟؟؟؟؟؟؟

    وخاصة موضوع الطلاق ده .. انا ذهلت بصراحة

    صحيح .. الدين اللي عايزاه الدولة دين مفيهوش حقوق لاي حد فعلا

    لا مش عارفة نكتة الكتاكيت ,, ياريت حد يقولهالي

  46. bluestone says:

    ابن عبد العزيز:
    يظهر اننا في كل حتة اليومين دول عندنا دين متأيف على مقاسنا

    ———————————-
    يا مراكبي :
    احلى ما في التدوين قدرة الناس على التحاور بلا انفعالات مباشرة ..

    ليه التحفظ على الحديث؟؟ انا فعلا وضعت سؤال للاجابة ؟؟
    انا وضعت سؤال استفهامي مش استنكاري خالص..

    المشكلة زي ما قال شريف مابقيتش في المؤسسة ولا التيارات بقت في عقول الناس
    ———————————
    بنت القمر:
    مبروك على التنفيض .. العيد قرب فعلا🙂
    كل الدلاء مرحب بيها هنا وفي أي مكان .. ودائما المكان يتسع لدلو جديد

    وبالنسبة لسؤالك الاجابة :: ايوة .. اشمعنى.؟؟

  47. bluestone says:

    سمراء النيل:
    دايما بقول اننا ممكن فعلا ونقدر اننا نركز على نقاط الالتقاء واللي بتسمح بأسس تعايش سلمي إيجابي جدا .. واننا مانخوضش كتير في نقاط الاختلاف

    على فكرة اللي بيحصل في العشوائيات .. لأا علاقة له بالدين اًصلا
    الناس دي معندهاش مشاكل طائفية على الاطلاق.. الناس دي اهم مشاكلها الاكل والشرب ولما بيتجوعوا من القهر بياكلوا في بعض ولاسباب لا علاقة لها بالواقع

    العنف هو المشكلة دلوقتي .. واللي اصبح ظاهرة مميزة للمشكلة الطائفية في مصر .. والمؤسف ان العنف ده من طرف واحد (حتى الان) وهو الطرف المسلم
    يعني لسه ماشوفناش (والحمد لله) واحد مسيحي راح يرمي طوبة على جامع ولا شوية عيال مسيحيين مسكوا شيخ جامع ضربوه علقه مثلا ..
    لان لو تحول العنف إلى عنف متبادل .. هيبقى عندنا بوادر حرب أهلية

    افتكر اننا لو بطلنا نتعامل مع الدين على انه النادي الأهلي والزمالك .. الوضع هيفرق كتير

  48. bluestone says:

    فانتوماس:
    واضح ان اليومين دول هيبقوا فيهم شوية بوستات من تصنيف حرق دم كتير ..
    اقرا جرايد النهاردة

    سؤالك منطقي جدا .. جدا

  49. ياسمين حميد says:

    أنا مستغربة جداً لوجود نقاش موضوعي كهذا في موضوع شائك كهذا، دون شتائم وغضب وتكفير وتسفيه إلخ إلخ إلخ
    >:-D

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s