>ولاحاجة

Posted: 27/08/2007 in Uncategorized

>

مكالمة:::
أمر هذه الأيام بمواقف عبثية جدا بعد دراستها انتهيت إلى انه
إما أني أمر بحالة من حالات اختلال التوازن
أم ان الدنيا قد أصابها دوار

من يومين استيقظت من نومي مساء على دقة للهاتف تعلن رسالة بعثها احدهم لي ..
لم انتبه كثيرا إلى محتوى الرسالة .. فقط اسمه هو ما استدعى صافرات الانتباه في عقلي
صديقي الأثير (الذي كان) بعد شهور قاربت السنة .. هل تذكرني فجأة ؟ ولماذا؟

هاتفته وبعد دقائق ثقيلة من الكلمات المنمقة الفارغة اعرب لي عن دهشته فقد توقع ان انفجر واثور
او على الأقل أن اتجاهل مبادرته تماما. طلب أن يراني .. فهو في القاهرة منذ بضعة أيام وبقي له عدة ساعات ويعود من حيث أتى ..
كعهدي دائما أعلم ما بداخله من صوته .. أعلم انه يحتاجني .. كعهده دائما يركض إلي كلما داهمته الضيقة واقتحمت الدنيا شرنقته السعيدة الصغيرة ..
ولكن لسبب ما لم أفعل ما كنت افعله دائما وما اتفقنا عليه يوما أن يهرع احدنا للاخر كلما احتاج إليه
فقط تعللت بالمفاجأة وضيق الوقت وانه كان من الممكن ان يمنحني وقتا كافيا للاستعداد .. وبعض الأسباب التافهة الأخرى
أعلم انه كان بحاجة أن يراني .. ولكنه لا يفصح عن ذلك كما هو دائما
فقط أنهينا المكالمة بكلمات باردة كما بدءنا .. وانتهى هو بقوله
(Stay in touch ابقي كلميني )
وكلانا يعرف اني لن افعل ….

——————————————————–
تفاصيل :::
انها تلك التفاصيل اللعينة .. تلاحقني اينما ذهبت ..كلما شعرت بوجودها اختنق .. افقد فجأة القدرة على التنفس ,, لماذا تتفكك حياتنا فجأة لتصبح سلسلة من التفاصيل … حتى فقدنا معها الصورة الكاملة .. اصبحنا مجرد ارقام واوراق واسباب ودوافع وشوية فكة ..
.اصبحت الايام فطار وحساب التاكسي وخناقة في البيت وفلوس المصروف وكلام الاصحاب والشنطة الحمرا ورق الشغل وفيلم السهرة .. هو ده احنا .. هل اصبحنا مجرد مجموعة من التفاصيل التي لا معنى لها سوى انها تحدث معا لنفس الشخص؟؟؟ه
——————————————————————————————
منقح ومعد للطبع:::وقع انفجار صغير في العراق يعني مجرد حدث يومي آخر لايهم احد.. قتل فيه حوالي 15 شخص ..”يا محمد فيه 15 قتيل ايه رأيك؟””لا يا ستي ده خبر ما يستاهلش 15 بسسسسس؟؟ لا لما يبقوا 150 يبقى خبر مهم”ه

لا أعرف لماذا تمنيت في هذه اللحظة أن اعرف اسماءهم ..ه
كل ما عرفته عن ذلك الحادث “الصغير” صورة لجثة قتيلة منهم اسمها فريده
كان زوجها يبكي على الصندوق الذي كان يحمل جثمانها في الخلفية ابنتها وحفيدتها ولا يحمل احدهم اسما
وصورة أخرى لمسن يبكي بجوار صندوقين .. تقول تفاصيلها انها لعراقي مسن يبكي بجوار جثة ابنيه الوحيدين بعد مقتلهما في انفجار “صغير” في بغداد
.
.
اللعنة على التفاصيل … !!!
.
. تلك التفاصيل اللعينة .. او البشر الملعونين
تحول البشر إلى ارقام تحول الحب الي اسباب ودوافع وشقة واخلاق ووظيفة كويسة تحولت الانسانية إلى مجرد احصائيات
————————————–
سر الخلطة::
حتى الان لا اعلم سر نجاحي في عملي رغم كرهي ومقتي لتفاصيل الاشياء ..بحس كده انها عاملة زي الرمل اللي بيدخل في جزمة الواحد وهو ماشي في يوم حر .. احيانا كثيرة بحس بفزع شديد من ان اغرق في تفاصيل الاشياء فاصبح بلا ملامح واهيم على وجهي كالاخرين .. بلا وجهة ولا ملامح .. تقف حدودي عن انتهاء اليوم ..وغدا دوما يوم آخر .. ——————————————————
حوار من سؤال:::
كنت اتحدث مع صديقة عزيزة خطبت لشاب ما .. “ها ايه الاخبار .. ؟؟”-تمام-“بتحبيه يا ..ه-ايو ايو هو كويس جدا وشغله كويس وكما بني آدم طيب موت وبتاع ربنا وبيخاف علي-بتحبيييييه يا (…)ه-طبعا طبعا ده كمان مؤدب وشقته واسعة وفي منطقة كويسة ومامته ميته كمان لا اعرف ان كانت أجابت أم لا .. لا اعرف حتى إن كانت أصلا سمعت السؤال ام لا ..
.
ولكن ما اعرفه ان الحب لا يحمل ذاك الكم البغيض من التفاصيل ..ان تحب احدا هو ان تحبه …. وفولستوب … وكل ما يتبع الفوولستوب عبث مادي اجوف …هل انا على حق؟؟؟ .. لماذا يتعين علينا ان احدا لسبب ما ؟؟؟؟
.لماذا نقحم عشرات التفاصيل لنجيب على سؤال له اجابة واحدة ..
.
.تكرر موقف صديقتي هذا كثيرا .. مع آخرين .. باختلاف الوجوه ونبرة الصوت .. لكن في النهاية نفس المفردات لنفس الاجابة اللي مالهاش اي علاقة بالسؤال … ولكن لماذا اراهم حمقى ..؟؟ ولا انا اللي جاية من كوكب آخر
.لماذا كنت دائما اجيب على ذاك السؤال بالاجابة الوحيدة التي أراها مقبولة نعم احب ….. وبس.. خلاص … من غير ليه.
.لماذا دائما ما نحاول ان نكسر الضوء إلى آلاف الاشعة ..
.
ان نقتل كل شيء تحليلا حتى لا يبقى منه اي شيء ..
————————————————————————————-

Comments
  1. >أنا أول واحد في القهوه النهارده؟طيب سخني الرماله وحياتك وواحد قهوه ساده سكتو بناني على مايه باردهالتفاصيل؟يقولون أن أبليس يقبع في التفاصيلالحقيقه أن ابليس مصنوع من التفاصيل ومنبعث منها، ألا تكون الحياة سوى تفاصيل، ألا يكون الحب سوى تلك التفاصيل المخيفة، تلك العبودية لكابوس التفاصيل الدقيقة التي أحسدك على تشبيهك لها بالرمل الذي يندس بالحذاءكيف الخلاص منها؟صباحك فل

  2. Abdou Basha says:

    >مرحبا..أشعر انك تصفين أشياء أدركها**ربما انت في حاجة إلى عطلة تقضينها في مكان بلا ملامح، بعيدا عن الأحداث، وزخرفة الحياة وتفاصيلها**أزعم أني أقدم إقتراحا، لكن لأكن صادقا وأقول أنها أيضا أمنية شخصية لي :)**على فكرة.. من لديه وعي بالتفاصيل، هو شخص يملك سمات المبدعين

  3. farida says:

    >الحياه ما هي إلا تفاصيلأشبه بالpuzzleمنمنمات ضغيره تتجمع لتكون صوره كبيرهالمرحله التي تمري بها مرحلة مللأنتي بحاجه لتغيير أو تجديدأو راحه انا أؤمن مثلك ان الحب يجب ان يكون غير مبررمجرد حبمجرد شعور يجتاحنا و يغيرنا دون الحاجه غلى تحليله او تبريرهانا مثلك أحبو فولستوب

  4. >بلو ستون العزيزه انا اتفق مع الاخت فريده ان التفاصيل زى البازلانتى ممكن تكونى بتكرهى الرغى لكن المرة دى اختلاف لان مفيش حقيقه مجرده كدا زي البلوره النقيهلكن الاشيلء لما نفهمها لازم دوافع واسباب ومبررات وليه وامتى وازاي و الا تبقي حقيقه مبتسره لقيطه لا اصل لها فالحب الحكايه مش قرآن ولا انجيل حاجه كدا مسلم بها بدون اسباب وان كان البعض لايفعل ايضا الحب لازم فيه ليه وازاى وامتى كل لحظه لو كان الحب عاطفه منطلقه كدا زى الخيل الجامح فممكن يكون حب الام لابنها لو ها يقع فى النار ترمى نفسها وراه وبدون اسباب ولا تفكير لكن المرأة والرجل كل ساعه فى حساب لان الحب من النوع دا بيكون اختيار مش غريزة زي الامومهبمعنى لو قالت لك انا بحبه عشان شغله كويس وامه ميته خخخخخخيبقي هى برمجت دماغها على كدا وشغلت موتور الحب لانها شايفه الاسباب دى اللى انتى سميتيها التفاصيل ها تحقق لها السعاده او الراحه ممكن تقبلي المنطق دا او ترفضيه لكن هى دى اسباب ها ومشاعرها بالتبعيهاو فهمتى تفاصيلها ها تفهمى تصرفاتها وسلوكها بصي يا قمر انا مؤسسه رابطه المود الكحلى والعضو المؤسس ايه رأيك شكلى ها امنحك عضويه شرفيه خخخخختحياتى انتى مش بتيجي ليه مش تبقي تيجى!!!!!ا

  5. >ربما الأثنان معاً

  6. Esmat says:

    >عزيزتى بلو ستوناولا ابدى اعجابا شديدا بالبلوجرائع احييكى عليه اه احنا اصبحنا فى عصر سريع الرتم ولكن التفاصيل ماهى الا مفاهيم وتوضيحات لكن لابد ان تكون خاصة بالموضيع يعنى تفاصيل تشرح الموضوع ولا تخرج عنهوهذا لا يمنع ان هناك مواضيع لا تحتاج الى تفسير ولا تفاصيل تخوضين فيها كالحب يقع بدون مبررات ورد واحد احب او لاوالذى يقيس الحب بالاشياء والممتلكات يبقى الاجابة واضحة انه يحب الممتلكات ولا يحب لمجرد الحبتحياتى

  7. bluestone says:

    >اسكندراني بس بعيد: القهوة على حساب صاخب المخل ..اختلف معك ان الحب تفاصيل .. بكلام ولاد البلد .. الحب شيله وبكلام الخواجات love is a package ,, take it or leave it التفاصيل غبار خانق للحياة

  8. bluestone says:

    >عبده باشا:قريب جدا هسمع نصيحتك .. انا في حاجة إليها فعلا وانت كمان لازم تسمع نصيحتك

  9. bluestone says:

    >فريده: المشكلة ان كثيرين منا يتوه في التفاصيل وتفقد الصورة الكبيرة معناها .. الحب هو أن نحب وكفى .. ونغلق القوس على رأي نزار والا كان مجرد علاقة نفعية اخرى .. نهارك كاراميل

  10. bluestone says:

    >بنت القمر: هاختلف معاكي زي عادتنا بكل الود الحب يا بنت القمر .. شعور غامر يكتسح صاحبه .. ان تحبي انسان هو ان تحبيه بلا اسباب الام تحب ابنها ليس لانه افضل ابن في العالم .. لكن لانه ابنها وبس اما كل الكلام اللي بيتقال بعد كده بيبقى شكليات .. خارج الاطار المهموزي ما انتي بتقولي .. لو ليه اسباب هيبقى كان الواحد بيشغل موتور الحب حلوة قوي موتور الحب دي🙂 عجبني التعبير جدا المود الكحلي .. اموت انا في الايام الزرقا .. واتشرق بعمق بالعضوية الفخرية لجمعية المود الكحلي ونييجي على عنينا كمان🙂 ———————————–محمد عبد الغفار: ربما———————————-عصمت: منورة🙂 احيانا لا تكون التفاصيل مزعجة ولكن موجعة جدا هيفرق كتير لو بتتفرجي على نشرة الاخبار وقال المذيع ان (فيه 3 اتقتلوا من اسرة واحدة و5 مصابين في احتفال )هيفرق كتير قوي لو المذيع قال (فيه 3 اسمهم محمد وغسان وعبد الله اخوات كانوا في فرح ابن عمهم مصطفى اللي اتجوز اخيرا من خطيبته ومحمد عنده 3 اولاد اتصاب منهم اتنين شريف ويحي .. وشرييف عنده 7 سنين رجليه جالها بتر من جراء الانفجار …. ) التفاصيل بتوجع احيانا .. وفي الحالة دي حولت البشر من مجرد ارقام الي بشر بجد يقع بدون مبررات ورد واحد احب او لاوالذى يقيس الحب بالاشياء والممتلكات يبقى الاجابة واضحة انه يحب الممتلكات ولا يحب لمجرد الحبتحياتى

  11. >بلو ستون العزبزةتحياتى لشخصك الكريم عرفت انك جايه اسكندريه اول رمضان اسكندريه تنور واهلها يتشرفوا بيكى ولو تحبي اقولك خريطه تفصيليه لاماكن السهر والفسح فى اسكندريه ممكن على الميل وتشرفينى يا جميله تانيا بالنسبه الى المكلمة اللى كنا فيها اكيد قريتي كل ما سبق بتمعن ولو ما كانش اقريه مرة تانيه بليزكان كلامى موجه اساسا لصلحب التدوينه ان فى تلات مواضيع خلافيه ممكن تصل الى طريق مسدود بين المسلم والمسيحي وعددتها وقلت بالنص لو في مسيحي عاوز ما تخسروش ممكن تفكري معايا بس حبه يعنى ايه ما تخسروش؟؟؟ هههه؟؟؟ يعنى انت حريص عليه بتحبه او بينكم صداقه مشتركه اواي حاجه محترمه……..وانت خايف على الشئ دا ان النقاش يفسدة او يضيعه فبلاش تتكلم في القضايا الخلافيه يعنى الارضيه بتاعتى حب وحرص مش كره طبعا تصدقي ما تصدقيش انتى حره تانيا ويا رب اخيرا موضوع وفاء اللي سمعته قلته ممكن كلام جرايد مفبرك ولكن مصدري كان جريده الفجر اللي رئيس تحريرها عادل حمودة ممكن يكون كلام فبركه ممكن يكون حقيقه لكن الاكيد انها اختفت المهم والاهم انا جبت سيرتها ليه نرجع تانى نقول كنت بتكلمى على ماريو واندرو وانا قلت ان التحول من دين لاخر بيكون صعب وممكن يتقلب لعبه وان احنا لو جاتنا صدمه وعدم قبوا لتحول مسلم الي المسيحيه بالمقابل الحساسيه دى من الطرف الاخر ودللت بحاله وفاء بس!!!ا مش عوزة افتح الكلام دا تانى بس انتى عارفه انا غلطانه في ايه؟؟؟ اقولك انى ذكرت التلات مواضيع الخلافيه مرة واحده زى اللي عاوز ينسي حاجه وحشه وقال لنفسه انا لازم انسي كذا وكذا وكذا قام افتكرهم تانى____________________شوفي كلامي تانى استحلفك بالمقدس والغالى لديك انا قلت تلات الهه؟؟ انا قلت جزيه ؟؟انا قلت عبيد؟؟؟ عيب اللي عاوز يعيش دور المضطهد مش ها يعدم الاسباب اللي تدعم رغبته دى اللي عاوز يتناقش حاجه تانيهب بس الحكايه كانت عامله زى التار البايت اللي الاخ داخل يخلصه منى!!!ا او مستفز من صاحب التدوينه قال لنفسه دول بقا عاملين ربطيه علينا طب يلا بقا كرسي في الكلوب والنجفه كمان___________________بصي بلو ستون العزيزة حتى في حوار جانبي بينى وبين صاحب التدوينه يقولى الاخر وهو احنا صرماتيه؟؟ وانت مالك انا اصلا بوجه الكلام لشخص اخر!!! انتى شايفه بقي انى خرجت عن اصول النقاش امال الكلام دا ايه؟؟؟ خليكي حقانيه ولا خيار وفقوس؟؟؟تالتا:انا كان ممكن ارد بطريقه مختلفه وماشي انت شايف كدا اوكيه انا قلت تلات الهه ولايصين معاهم اوكيه كل بعضك!!!!ا لكن شوفي بليز انا قلت ايه انا جالى زهول من التجنى زى واحد رايح يولع النار فنفسه عنده هستيريا تقومى تعملى ايه تقوليله اهدا اهدا بس ونتناقش بعدينانا اعتذرت لكل مسيحي واعتقد انك كنتى في خلفيتي محدش يقرا حتت من التعليقات وينسبها ليا او يعتقد انى عندى اراء مضادة للمسيحين ودا غير حقيقي اخيرا يارب تكونى فهمتينى يا رب ما اندمش على تعليقي دا كمان لو اتقابلنا في يوم واعملك الهوت شوكليت عندى ها احكيلك حاجات كتير ها تقولك مين بنت القمر وعلاقاتها بالمسيحيين قويه يمكن اكتر من علاقاتها ببعض المسلمين عاوزة تصدقي صدقي مش عاوزة وتحبي تشوفي ان دي شعارات كدابه برضه براحتك اخيرا تحياتى لشخصك المحترم وتنوريني في اليكس وتنوري اليكس لي وقت

  12. >دلوقت ممكن تلاقيه هسيبهولك انهاردا بس مضطره الغي الخاصيه تانى عشان الازعاج فهمتينى؟؟؟

  13. Basma says:

    >أول مره أدخل المدونةجميل السرد ولكني أختلف معك في نقطة ليس الحب بالتفاصيلربماولكن أليس أول ما يلفت نظرك في الشخص هو تفصيلة معينة تمس قلبك أو عقلك وبها تري أنه موجود أصلا ضمن دائرة اهتماماتك أو به تفصيلة من شريك أحلامك الذي طالما تخيلتيهالعلاقة بعد ذلك تتحول لباكج لكن السبب في قبول هذا الباكج التفاصيل الحلوة والمريحة والتي تتلائم معي لأقبل تلك الشيله باللي فيهاطبعا الأجمل أنها تكون تفاصيل روحية وفكرية وأجتماعية عن أنها تكون تفاصيل مادية .. لكن الناس بتختلفتحياتي

  14. اميرة says:

    >انا اول مرة اجي عندك بس كلامك فكرني بحدث يعتبر قريب نسبيامن سنه كده واحد من اقرب اصحابي جه و قالي انه عايز يتجوز صاحبتي الانتيم و ساعتها سألني رأيك ايه و انا الصراحه كنت شايفاهم مناسبين جدا لبعضطب و بعدينمن شهرين كده جه واحد تاني من اقرب اصحابي برضه و قالي انه بيحب بنوته و سألني ايه رأيكرديت و قلتله جميل و انا مبسوطة قوى علشانك الحب احساس جميلسألني بعدها تاني معرفتش رد فعلكبصراحة ما فهمتش رد فعل ايه بسمش انت بتحبها خلاص خلصت كده كل اللي اعرف اعمله اني ابقى مبسوطه علشانكاقصد ان الحب مالوش تفاصيل و لا اسبابهي كلمه واحده “حب”…….اه الكلمة فيها كتير من الاحاسيس بس برضه هي كلمه واحده رغايه مش كدهمعلش

  15. >يا بنتى الخاصيه ما زالت موجودهلما اتاخرتى فى ارسال الميل ملغتهاش بليز خديه انهاردا وبعدين لبعتى الميل براحتك

  16. >هتلاقيه فى البروفيل

  17. Anonymous says:

    >فى التفاصيل تكتمل دورة الأشياءتكتسى أعصابا فتصبح حياة أما عن الحبفهو قصة لم يعرف أبدا المؤرخون بداياتهاومازال الحالمين يواصلون حكاياتهاالحديث عن وهج ما عن شعور ماربما يكون مرادفا لبحث عن معادليمنحنا القدرة على مواصلة الحياةوسط حزن كبير يظلل أيامنا كغيمةأو يمنحنا دقائق للإنعتاق من توجساتنالكنه أبدا لايشفع ولا يبرركونه وهم جميلتحياتىوأتمنى التواصل عبر حكايات هى مجردروايات لشخص رأى وانتقى واصطفىفباحالمدونة هى http://hisham66.bligspot.com

  18. >امسحيه لما تاخديه بليز

  19. >علي فكرة في كتير بيحسب الجواز مادة بس فلوس و اختفي الحب!!!

  20. >فى بوست ليكى عندى خشى خديه و روقى المسائل دى دعبسه فى ورق قديم ايام ما كنت بحضر ندوات

  21. Anonymous says:

    >أحببت اسم المدونة .. وأحببت سطورك السابقة …ولعلي اعود فأقرأ أكثر .. وعلى سريع رأي المفتي في الردة يحتاج لمراجعة .. تحياتي

  22. >ليكى تاج عندىابقى تعالى خديهبالانجليزى كمان اهوI tagged u

  23. >كل سنة وانتى طيبة يا أست ماريان يا اؤختشىهو عباس العبد مش ظاهر لية الايام دى؟؟؟يكونش اعتقلوه؟؟؟تاخدى حتة كنافة؟؟؟======================الحب تفاصيلوأى تفاصيل؟؟كل تفصيلة تصنع قصةوحكايةونغمةاسألينى أناااهااااااةقلبتى عليا التفاصيل

  24. Anonymous says:

    >اعتقد ان البوست دة فعلا يدل علي عدم اتزان واختلال في تفكيرك حسب وصفك ودة واضح وواضح اننا كلنا بنمر بحالات زي دي من فترة للتانيهويمكن نكون عايزين حد ينصحنا او يوجهنا او علي الاقل يشاركنا الافكاروانا هحاول اكون ايجابي لاني بجد حاسس بيكياولاانا مش هعلق الا علي موضوع الرساله والصديق اللي وصفتيه بالاثيروانا علي فكرة قريت البوست بتاعك عنهويمكن اكون طلعت بانطباع انه يمكن كان في نفسك شئ من ناحيتهاكيد مش حب لكن يمكن اعجاب بشخصة او انك شايفة انه انسان كويس ويصلح انك تكملي معاه مشوارك في الحياهدة يمكن اللي فهمته حسب قرائتيبس متهيالي كمان انك لسبب ما مقدرتيش تحافظي عليهاو انك توصليلوه انك اصبحتي جزء مهم من حياته صعب يعيش من غيرةانتي خسرتي علي فكرةومن غير مكابرةطبيعه الراجل انه بيتخيل في مرحلة ما ان كل واحدة بيقابلها بتحاول تجرة لفخ الزواج بطريقة ما ودة بيخليه يكون حذر وساعات كمان بيكون عدواني وقاسياعتقادا منه انه يعني سوري للفظمش كردية ومش حتت بت هيا اللي هتوقعهلكن اظن في حالتكهو فعلا حاسس انك قريبة منه او انك غاليه عندة فعلايمكن متاخر شويةويمكن تكون مشاعرك كمان اختلفتلكن يا ريتك فعلا تديلة الفرصة ديلانه هو دلوقتي اللي بيسعي ليها مش انتيرسالته ليكي اكيد ليها خلفية كبيرة عندةيمكن يكون حس بقيمه انسانه فقدها وعاوز يسترجعهالكن طبعا كبريائك هيمنعك انك تديله فرصة تانيهلانك حتحسي انها علي حساب نفسكوطبعا السؤال الغبي المتوقع هيطل براسه علي الحدثكنت فين لما كنت انا محتاجك ؟؟كنت فين لما جرحتني من غير ما تدري؟؟؟جاي دلوقتي عايز ايه؟؟طبعا دة يخيلك انه في حد زاته انتصاركونك انك رفضتيه زي ما رفضك وقت احتياجك ليهوتظل الطاحونة دائرةولا من منتصرلاانتي ارتاحتي في بعدة ولا هو سعيد من غيركلكن الكبرالعناديمكن انا لو كنت مكانك هقيس الموضوع من منظور مختلفطبعا بعيد بقي عن حسابات المكابرة والعند ومين اللي باع ولسه فاكر وكنت فينيمكن هو فعلا محتاجكيمكن تفكيرة بجد اتغيريمكن كلمه واحدة بس منك تغير حاجات كتير….ليه بنصادر علي نفسنا اننا ناخد فرصة تانيهيمكن ننجح في تعديل فشل او احباط الماضي….اعتقد انك كنتي تريدين رؤيته وسماع صوته اكثر مما كان هو يحتاجكوان رسالته اسعدتكوانك اعتقدتي ان ردك بهذا الاسلوب هو انتصارولكنه انتصار بطعم الفشل…..انا طولت عليكيلكن مجمل الكلاميا ريت تدي نفسك فرصة تانيهبس المرة دي باسلوب مختلف عن اللي فاتيعني فرصة جديدة بشكل جديدوايه اللي هتخسرية؟؟؟؟؟؟يمكن حتي لما تتاكدي انه مش صديق كويس بجد ترتاحي اكتر في قرار انهاء العلاقة للابد..دي رؤية شخصية للموضوعوحسب فهميفسامحيني لو كنت ادخلت في خصوصيات او اساسا انا فاهم غلطتحياتي وبالتوفيقاحمد

  25. >شاركونا بأراءكم فى أرضناأرض النساء لا مكان لدينا للتعصب و القبليهمجتمع النساء كما حلمنا بهhttp://landofwomen.blogspot.com/

  26. bluestone says:

    >basma:ربما عندك حق .. فكل منا يرى الدنيا بمنظاره الخاص .. وعلى طريقته الخاصة انا اكره التفاصيل .. تخنقني .. فلا احب ابدا ان انتبه إليها حتى وان فاتني القليل================================اميرة : منورة مش رغاية ابدا تنوري دايما========================

  27. bluestone says:

    >Anonymous :مازال بعض الحالمين يواصلون حكايتها .. غزلها باعصابهم وارواحهم وبكثير من التفاصيل الحديث عن وهج ما عن شعور ماربما يكون مرادفا لبحث عن معادليمنحنا القدرة على مواصلة الحياةوسط حزن كبير يظلل أيامنا كغيمةولا كلام يقال سوى ان ذاك المرادف او ذاك الوهج قد لا يكون وهما كبيرا جميلا .. وان كان فمازلت احب أن اراه قوة دافعة .. ووقودا للحياة .. مرحبا بك ايها الغريب .. في انتظار عودة قريبة===================================الأفغاني: مش كل الناس =========================عباس العبد :حاضر ==============Anonymous: مرحبا بزيارتك ومرحبا بمراجعتك في اي وقت وشكرا مقدما للافادة

  28. bluestone says:

    >شـــــهــــروزة :شهرو .. منورةعباس بياخد كعب داير وراجع على طول .. بالنوسبة للكنافة بلاش ربنا يخليكي .. الرجيم بايظ لوحده==كل تفصيلة تصنع قصة .. ولذلك فتلك التفاصيل هي التي تؤلم اكثر بعد نهاية كل القصص===================================Anonymous : من غير ما نناقش التفاصيل انا مش بحبها زي ما قلت لكن في النهاية .. استنتاجك او انطباعك مكانش صحيح ابدا .. العلاقات الانسانية ليها مليون شكل وصورة والصداقة الحقيقية من اسمى اشكال العلاقات الانسانية ليه احنا مش بنشوف إلا العلاقات العاطفية بس؟؟؟؟ ليه هي الوحيدة اللي بتحتل محور تفكيرنا .. ؟؟ وبنكتب عنها؟؟ مع ان فيه علاقات كتير على نفس القدر من الأهمية .. والجرح اللي بيجيلك من صاحب قريب ليك بيوجع بجدربما اكون خسرت .. لكن الصديق الحقيقي هو من يمكن الاعتماد عليه في كل وقت .. وقت لما تكون محتاجله لازم تلاقيه .. ده واجبه كصديق .. دي حسبة مافيهاش حد كسبان .. بس هو روليت الحياة كده ممكن الكل يطلع في الاخر خسران يمكن لو الدنيا كريمة في يوم تدينا فرصة تانية .. لن ارفضها ولكن لن اكون في انتظارها تحياتي

  29. >ما أسوء التفاصيل و الأسوء سرد التفاصيلالحياه أصبحت غايه فى المللفالقيود تزداد بسرعة الأحزان==================ياترى فين قهوتكفى أنتظار رجوعكفأنا أفتقد قهوتكحتى لو كانت بدون سكر

  30. Sharm says:

    >Hi there,You are chosen to represent your country in the first international blogWUB (World United Bloggers)The aim of this blog is to prove to the world that differences in language, religion,race and nationality do not make us hate each other and we can make this world better if we express our opinions with respect to others.If you agree to join us please send e-mail with your nick name , age , country and your blog address to sharm_lover@hotmail.com where you will be sent an activation mail which makes you entitled to contribute in WUB, your name as one of the contributor will automatically be updated.Please read the rules before you start any posting in WUB where you will also find the aims of this WUB.ThanksChief WUB,Sharm .www.worldub.blogspot.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s