>ليست حملة ولكننا نأسف للوضع الحالي

Posted: 04/10/2007 in Uncategorized

>

اسئلة بريئة
-هو الشعية دخلوا كردون المباني امتى؟؟؟؟
-ما هو النشاط الشيعي؟ ؟؟
-من امتى المذهب الشيعي بقى ازدراء للأديان؟؟؟؟؟؟؟؟؟؟
=================================
تحديث:
تلك هي التهم الموجهة للسيد أحمد الدريني بحسب ما نشر في صحيفة المصري اليوم يوم الخميس 4/10 وهي : ازدراء الاديان والسعي لنشر الفكر الشيعي في مصر والعمل على ترويج افكار تخالف صحيح الاسلام مثل ترويج مبدأ ولاية الامام وتلاوة تسابيح بين الركعتين الثالثة والرابعة في الصلاة
يالها من تهمة فظيعة .. تلاوة تسابيح بين الركعات؟؟ .. ياله من فساد في الأرض!!!!!!!!! ياله من خطر مبين على الاسلام والايمان والوطن
وانا وانت
فهبوا يا حماة الوطن وحماة الدين امنعوا تالي تسابيح الفجر .. المتهم بالنشاط الشيعي (هل له علاقة بالنشاط النووي؟؟)
ياله من ذنب وشرك استدعى أن يهب حماة الإيمان لمنع ذلك الكافر الزنديق تالي التسابيح في صلاة الفجر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
==================================================================================
وسؤال مالوش علاقة بأي حاجة:::ه
حد عنده أي فكرة اصلح المصيبة اللي طالعة فوق دي ازاي؟
وليه البوست بيطلع قبليه نص متر فراااااااااااغ
Comments
  1. Bella says:

    >حركة جديدة لشغل الراي العام وارباكه بموضوع يشغله بعض الوقتهذا الرجل المسكين سبق ووقع في ايديهم وحكي عن جزء من المحن التي تعرض لها على ايدي زبانية التعذيبربنا يعينه على الايام الثقيلة القادمةمنذ فترة وهناك حملة على الشيعة العراقيين اللاجئين بمصر واتهامات عديدة لهم بنشر المذهب الشيعي في مصر بتمويل من ايرانيعني خلاص الناس خلصوا من مشاكل احتلال بلدهم وارتاحوا عندنا ومش لاقيين حاجة يعملوها قالوا ننشر المذهب الشيعيمش عارفة من امتى الحكومة العبقرية بتاعتنا قلبها على السنة وخايفة عليهم من عتاة الشيعةقال يعني اصلا احنا عارفين نعبد ربنا في هدوءجاتهم القرف

  2. >بصى … النص متر دا عشان البانر اللى عندك مابقاش موجودفلو تعرفى تجيبى البانر ونحمليه على موقع تانى.. وتستبدلى الــurlالقديم بالجديد.. مش ح تلاقى الربع متر فراغ دا يظهر تانى ان شاء اللهاتمنى يكون الاجابة وضحتاما بخصوص الشيعةفانا معنديش كلمة غير “وهو احنا شفنا ايه عدل لما نيجى ع الخير دا ونتكلم”.:sمهم عموها من كتر الكحل بقى لهم كام ربع قرن

  3. karakib says:

    >علي فكرة بقيانت اللي بتضايقي نفسكعماله تلفي تدوري علي الاخبار و في الأخر تتسائلياعملي زيي و اقري الاهرام 30 صفحه فما فوق … تقريهم في تلات ساعات و تحسي انك ما قريتيش حاجة تضايقك و انك لو ما كنتيش قريتي كان وقتك هيمر ببطء يعني .. نقدر نقول ابرك من تمن لب سوبر ابو اتنين جنيه و ربع ده عموما انا قلت لك مش لازم تقري وكالات الانباء و الجرايد المعارضه و المستقله و الصفرا و الحمرا و البرتقانيخليكي في جرنال ابيض زي الفل الاهراااااااااااااااميا سلام علي جمال و حلاوة الاهرام بيفكرني بأيام زمان لما كانت مية البطيخ متوفرة و أي حد عايز يعيش فيها يفتح القناة الاولي او جرنال الاهرام .. و منعا للزهق كان فيه اهرام اخبار جمهورية قناة اولي تانيه تالته كلهم شبه بعض علشان ما نضيعش وقت كتير مش زي دلوقتي الحرة بتقول لك حاجة و الجزيرة حاجة و العربية حاجة لا لا لا دي بقت حاجة صعبة

  4. bluestone says:

    >BELLA:انا معرفش كتير عن الدريني .. ولكن ما استفزني فعلا التهمة .. يعني ايه نشاط شيعي؟؟؟ وهل الشيعية صارت كالبهائية محرمة ولا ايه؟ وبعدين ما احنا قلنا حرية من الأول قالوا اطلعوا من البلد. وبصراحة انا معاكي .. فعلا جاتهم القرف

  5. bluestone says:

    >Lasto-adri *Blue* said:بانر ايه؟؟معلش يا لستو انا في المسائل التكنولوجية ثقافتي بعافية شويتين تلاتة .. :(هو ايه البانر اللي عندي ومابقاش موجود؟؟؟ انا مكنتش بحط بانرات لاني اصلا مش بعرف احطها ازاي😦 ======انا استفزني الخبر فعلا .. لانه اي حد ممكن يتهم احد بالاساءة للاديان ودي مسخرة بصراحة .. من امتى اتباع مذهب آخر اساءة للمذهب العام ؟؟

  6. bluestone says:

    >karakib said: غالبا انا اللي استاهل .. بس على فكرة بقى الاهرام كمان مليان أمراض .. يعني الواحد برضه مش هيبقى في السليم😦

  7. ikhnaton2 says:

    >كراكيب، الأهرام بيسببلى شلل رعاش كل مرة بقراه، يا راجل بلا نيلةهو كتاب الراجل ده (عاصمة جهنم) فى السوق ؟ لو عرفتى تجيبيه قوليلى…

  8. bluestone says:

    >اخناتون: اللينك ده فيه أجزاء من الكتاب http://www.alnajafnews.net/najafnews/news.php?action=fullnews&id=1164وتقدر تشتري الكتاب ب20 جنيه من هنا http://egyptianashraf.com/jahanam/jahanam.htm

  9. >شوفى يا ماريانانا من غير الموضوع ده بالذات ضد القبضه الامنيه اللى حاكمه البلد وضد الاعتقال بكل صوره دون امر قضائىاما بخصوص الشيعه فانا شايف ان الموضوع مش بالسطحيه دى لو حبيتى نتناقش فيه وكونهم مجرد بيسبحوا بين الصلاه وبعضها زى اللى اختصر موضوع البهائيين فى نقطة انهم مش بيصلوا السنه مثلاالشيعه مذهبهم حسب رأى أهل السنه فيه ضلالات كتير بس انا عشان مش فقيه مقدرش اقول ان كانت بتخرج من المله ولا لاباختصار لو بتتكلمى عن الاعتقال فانا ضدهانما لو بنتكلم عن الشيعه ياريت يبقى عن علم ودرايه مش بسطحيهوممكن بقى نتناقش

  10. >هاي بلو دخول سريع وبعدين هارجع للموضوعبالنسبه لحكايه حط البانر اي بانر ليه كود يعني انا عندي بانر بتاع فلسطين شوفيه لو عملتي كليك عليه ها تلاقي نفسك دخلتي علي الموقع هتلاقي اشكال كتير للبانر كل شكل ليه كود تاخدي الكود دا كوبي وتدخلي علي layout مدونتك علي اللاي اوت هتلاقي اختيارات وعلي الجنب وفوق هتلاقي حاجه اسمها اد بيج اليمنتس يعني ضيفي عنصر في الصفحه ممكن مكانه يكون فوق او علي جنب انتي تختاري عاوزة تحطي البانر فينوبعدين ها تتفتح صفحه صغيرة تحطي الكود بيست فيه وبعدين سيف بعد كدة تشوفي البلوج هتلاقي البانر ظهر لو مش عاجبك ترجعي للبيج اليمنتس وتعملي ريموف للعنصر اللي مش عاجبكاخيرا البانر دا ممكن يتشد بالماوس تطلعيه فوق ولا تحت وبعدين تسيفي المكان الجديد

  11. >عفواموضوع عدم صلاة السنه كان فى قضية من يسمون بالقرانيين وليس البهائيين

  12. bluestone says:

    >محمد الهنداوى:اهلا يا دكتور .. اولا انا متكلمتش عن الشيعة خالص عشان تتهمني باني بتكلم عليهم بسطحية .. أنا لم أناقش مسألة الشيعة .. ولكن استفزني جدا أن تعتبر الصلاة تهمة ؟؟؟ مش انا اللي ركزت على مسألة التسبيح بين الركعات .. دي تهمة رسمية متوجهة للراجل اصلا .. يعني لو قريت الجرايد هتلاقي من ضمن التهم المتوجهة ليه ازدراء الاديان ومخالفة صحيح الاسلام والنشاط الشيعي .. اولا فين هو ازدراء الاديان اللي هو عمله؟ ثانيا: يعني ايه نشاط شيعي؟ثالثا: ايه تأثير واحد بيصلي على سجادة بيسبح بين ركعتين على صحيح الدين؟؟ وازاي ده خطر على الأمن القومي؟؟ولو مكانش ودي حاجة صغيرة بلاش نركز عليها .. ليه وضعت كتهمة رسمية ضد الرجل ؟؟؟ انا هنا لا أناقش المذهب الشيعي .. ولا احب الخوض في مناقشة معتقدات وعقائد .. لها اصحابها على كل حال انا بتكلم عن التهم الموجهة للرجل وكيف ان أمور يفعلها الانسان بينه وبين ربنا تتحول لتهمة رسمية .. وليه محدش جاب سيرة كتاب عاصمة جهنم اللي بيتكلم فيه عن التعذيب في المعتقلات؟؟؟

  13. bluestone says:

    >بنت القمر: كيفك ؟؟ موضوع البانر .. انا مش عايزة احط بانر ولا حاجة انا فجأة لقيت في نص متر فراغ بين راس المدونة وأول بوست .. وسألت يمكن حد يقوللي لست ادري بلو الله يكرمها قالت لي اشيل البانر .. بس انا اصلا معنديش بانر !!!افتكرت عادل إمام في المسرحية .. انا خفت يشيلوا العدة ..انا اصلا معلوماتي في التكنولوجيا مش قد كده .. مفيش بيني وبينها عمار كل اللي عايزاه ان الفراغ ده يذهب بلا رجعة .. أزاي معرفش؟؟

  14. >و الله مش عارف إمتى التشيع بقى إزدراء أديان مع إن معظم المصريين عندهم ميول شيعية كده بالفطرة و مناسبات كتير من اللي بنحتفل بيها مناسبات بدأت في فترات الحكم الفاطمي ( الشيعي ) ده غير إن مصر فيها مزارات شيعية أكتر من إيران و العراق نفسهمو بعد كده يقبضوا على الشيعة و أستاذ الدريني تقبض عليه فعلا فيل كدهو كان كتب عن التجربة دي في الدستور و عمل كتاب عنها إسمه عاصمة جهنم و إتصادر النكتة اللي بجد إنه المرة دي مقبوض عليه بتهمة ترويج شائعات إن في تعذيب في سجون مصر

  15. karakib says:

    >لا لا لا الاهرام دي جريدة جميلة جدا و اجمل ما فيها انك لما تقراها كأنك ما قريتش حاجة بالظبط و من شروط القراءة السليمة للاهرام و التوصيات دي لأخناتون بالذات1- لا تقرأ معها أي جريدة اخري حتي و لو كانت قوميه فربما تتشتت و تجد معلومات متناقضه و تقع في حيص بيص و ما ادراك ما هو البيص حيص2- اعتبرها مصدرك الوحيد المؤكد الحقيقي لأي معلومه و لا تحاول ان تشكك في اي خبر ورد فيها حتي و لو كان نبأ وفاة من يجلس امامك وقت قراءة الخبر3- لا تشاهد معها الفضائيات ابدا و من المفضل تبيع الدش اللي عندك و لو مشترك في دي اس ال اقطعه مالوش لازمه 4- في حال توافر كل هذه الشروط السابقه ستجد الابتسامة تتسلل الي وجهك و ستشعر انك تسكن في افضل بلاد العالم و لن يصيبك الشلل الرعاش و لا ضغط الدم و لا اي حاجة و هاتبقي شبه الشباب اللي كانوا في اعلان الحزب الوطني السنه اللي فاتت طواااال عرااااض منورين كده 5- بالنسبه لبلوستون و انها قالت انه الاهرام مليان امراض فهي ما تقصدش دي غلبانه و ما تقصدش واللهي دي مش امراض يا بلوستون دي فيتامينات و مقويات للتفاؤل و السعاده================شعبان عبد الرحيم بقي بيغني قليل اوي كده ليه !؟

  16. >بلو العزيزهطب الله يخليكي خدي الكلام السابق كوبي وبيست وارميه عندك في اي درج فاضي اهو ينفعك وقت زنقه هههههههههههههبالنسبه للفراغ اكيد في عندك عنصر مش موجود والفراغ دا حل مكانهالحلانظر الحل بالمقلوبهههههههههههههقصدي حل من اتنين يا اما تشدي كلمه بوست بالماوس ترفعيها فوق ودا بعد ما تدخلي علي اللاي اوت وبعدين تعملي سيفوالحل التاني تبعتي الحساب بتاع المدونه والباس وورد بتاعك علي الميل بتاعي وتسبيني اظبط لك ابوها ولو عايزة اعمل صوره كمان وحيث ان الايام دي مفهاش امان ولا حد يامن لاخوه في الزمن دا ممكن اكتبلك ورقه ضد اوامضيلك شيك علي بياض لزوم رجوع المدونه لحالها ومنعا لسوء الاستعمالههههههههههههههه از يو لايك سويتي

  17. >أم بالنسبه لموضوع الشيعهأحمممممممممممممممبأعتبار مجال دراستى هى علم اللاهوت(دكتوراه فى علم اللاهوت )أستاذ مساعد فى جامعة الحوامديهفأنا رأى الأكاديمى هو أن كل واحد يتعبد بطريقته وأن أعتقال الناس لأسباب عقائديه ده معناه دولةعايشه فى حالة قلق وغياب أبسط معانى الأنسانيهالدين عباره عن علاقه بين العبد والمعبود بغرض طاعة المعبود للدخول فى ماعيته والفوز بالجنهيعنى علاقه روحانيه مينفعش أنسان بتفكيره المجرد البسيط أنه يتدخل فيهاأو يحكم عليهامثل تلك الأفعال لا تصدر الا عن حكومات مصابه بجهل وفى بلاد يأكلها الفقر وينتشر فيها الفساد والأمراض بكل أشكالهاصعب دوله بطور نفسها وأقتصادها كويسأنها تشغل دماغها بأعتقادات الناسو مذاهبهم والمضحك أنهم يقولوا الشعب ده شعب متدين أى حريص على دينهوالصح هو أن الشعب متدين و بتحكمه الطائفيه بتشجيع من الدولهالأميره أوسهأستاذ مقارنة أديانو عندى كشك فشار بعد الضهر===========================مارىياأختشى أحنا أتعودنا على البلوج بتاعك كده ده أنا أفتكرته دى طبيعتهبصى هو الحل بسيط جدآوهو التطويرأولآ خدى نسخة من أضافاتكو الروابط اللى أنتى عاملاها على يسار الصفحه أشطهوحطيها فى صفحى ورد وأعمليلها سيفبعد كده أدخلى على السيتنجوأختارى تامبليتثم أختارى نيو تامليتأختارى أى شكل يعجبكسيفى الشكل الجديدوأدخلى ضيفى اللى أنتى عاوزاهمن صفحة الورد اللى سيفتيهاده حلالحل التانى أستعينى بصديق زى بنت القمر ماقالتأنا غيرت شكل المدونه مره بسبب كدهبس النظام الجديد للمدوناتخلى الموضوع أسهل بعكس قبل كدهسيبك أهم حاجة المضمون وأنك بخيرالدنيا ومافيها

  18. >أنا عرفت أيه السببأنتى حطه رابط لموقع أسمهTHE EGYPTIAN PLOG Ringأوكالرابط ده مش فى مكانه الصحيحهتلاقيه عطيكى علامة أكس لونها أحمر على صفحة البلوج فوق العدادأدخلى من تمبليت وأمسحى الرابط بتاعمدونات مصريه لو مش عارفه بداية الرابط ونهايته هتلاقى فيه الكلمه الأتيهEGYPLOGبعد عمل دليت ليه أحفظى التغييراتوبكده المشكله أتحلتI HOPE

  19. >هي فين المشكلة اللي في البلوج دي البلوج عندي شكله مظبوط🙂

  20. logarithms says:

    >كعادة حكومتنا المصونة بتقديم كل ما هو جديد في عالم التهم !ولكني اعتقد انه ليس المقصود من هذا الرجل ذاته … ولكن قد يكون غرضه اشغال الرأي العام لقيام بما هو افظع !

  21. >دخول سريععشان نازلهبرضه جيت اتصد مت بنص المتر الفراغالمدونه زى ما تكون لابسه مينى جيب ههههههههههههههههههه ورجليها عريانهبالنسبه لكلام اوسهدا لو كنتي علي التمبليت القديم اللي نظامه شيل الرابط وحطي رابط وكدا واحب اقولك معلومه ان كل اللي تيمبليتهم علي النظان القديم باظت واسئلي شهروزة كانت مصره علي شكل المدونه بتاعها القديملكن اضطرت تحول الي النظام الجديد بتاع اكس ام ال واناكمان علي النظام الجديد ونصايحي السابقه تنفع لو كنتى علي النيو بلوجر حولي الي التيمبليتات الجديده لكن لو انتي علي النظام القديم لااااازم تغيري وعلي فكره الجديد اسهل بكتير وها اديكي لينك لموقع تيمبليتات علي النظام الجديد وفيه تيمليت علي شكل فنجان قهوةتاخدي الرابط بتاع التيمبليت كوبي وبيست عندك داخل المدونه وخلاصhttp://freeskins.blogspot.com/

  22. >اولا انا متكلمتش عن الشيعة خالص عشان تتهمني باني بتكلم عليهم بسطحية .. ***********أولا انتى بالفعل بتتكلمى عن الشيعه والدليل هى أسئلتك عنهم والتى بالتأكيد تنتظر اجابات حتى لو كانت فى حدود التهم الموجهه لهذا الرجلوانا لم أتهمك بشئ وحتى لو كنت أقصد ان نظرتك سطحيه لأمر ما فهذا ليس حكما على تفكيرك بشكل كلى بأنه سطحى وليس اتهاما بأى حالى من الأحوال وانما هو وجهة نظر لى فى نقطه محددهولا يعيبك هذا فى شئ ولا مجال لأية اتهامات اصلا ومعرفش ايه داعى الكلام ده***************************************************أنا لم أناقش مسألة الشيعة .. ولكن استفزني جدا أن تعتبر الصلاة تهمة ؟؟؟ مش انا اللي ركزت على مسألة التسبيح بين الركعات .. دي تهمة رسمية متوجهة للراجل اصلا .. يعني لو قريت الجرايد هتلاقي من ضمن التهم المتوجهة ليه ازدراء الاديان ومخالفة صحيح الاسلام والنشاط الشيعي .. *********هنا انتى بتتكلمى عن التهم اللى المباحث وجهتها ليه وانا من الأول قلتلك انى ضد الاعتقال والحلول الامنيهحلو كده؟وبعدين هى اصلا أزمة كفاءات يعنى هما لو افترضنا ان القضيه سليمه او انهم قبضوا على حد متهم فعلا ما بيعرفوش يوجهوله تهمه سليمه ولا يقدموا دليل على كلامهمفشل مهنى يعنى يحاسبوا هم عليه***************************************************اولا فين هو ازدراء الاديان اللي هو عمله؟*********بالنسبه بقى لدى فلو بتتكلمى عن احمد الدرينى كشخص فانا معرفش هو عمل ايه المره دى تحديدا يستدعى اعتقاله وهو لا يدخل فى دائرة اهتمامى على أى حالانما بالنسبه لازدراء الدين الاسلامى فده موجود فى الفكر الشيعى كتير للأسف وان أردت امثله اعطيك ان كان يهمك ********************************************ثانيا: يعني ايه نشاط شيعي؟*****لو تفتكرى اخر مره اتكلمنا لما قلتلك انا ضد الدعوه بشكل صريح لدين ما او مذهب ما فى وسط يدين بدين او مذهب اخر ووافقتى انت على كلامى واعطيتك مثلا بالمصادفه قبل ان يحدث موضوع الدرينى ده بانه ما ينفعش اروح انا ايران ادعوهم للمذهب السنى لانى هعمل مشاكل لا حصر لهاوانتى قلتى طبعا لان ده بيهدد السلم الاجتماعىفاكره؟طيب نفس الامر فى موضوعنا هناوبعدين تفتكرى صدفه انه حوالى 3 جرايد( الفجر-الغد-الدستور) تطلع فى اسبوع واحد تشتم فى ام المؤمنين عائشه والصحابه الكرام؟ولا ده وراه نشاط شيعى؟اهو هو ده النشاط الشيعى اللى بعترض عليهالدرينى وغيره يتشيع زى ما يحب انما بينه وبين نفسه احمد راسم النفيس زعيم الشيعه فى مصر كان بيدرسلى فى الكليه ومحدش عمره كلمه فى النقطه دى ولا اتعرض له طالما لم يجرح فى معتقدى هو حر*************************************************ثالثا: ايه تأثير واحد بيصلي على سجادة بيسبح بين ركعتين على صحيح الدين؟؟ وازاي ده خطر على الأمن القومي؟؟*********انا قلتلك الموضوع مش حكاية تسبيح ولا ركعتين هما بس اللى تافهين ومش عارفين يقدموا دليل محترموعلاقة ده بلأمن القومى قلتهالك فى النقطه السابقهأما علاقته بصحيح الدين فعلاقه واضحه وجليه ولو حبيتى أمثله اجيبلكمثلا: الشيعه بينكروا أحاديث الرسول صلى الله عليه وسلم التى وردت عبر أى صحابى بخلاف اهل البيتوينسبون للنبى أحاديث لم يقلهاالا يتعارض هذا مع صحيح الدين؟********************************ولو مكانش ودي حاجة صغيرة بلاش نركز عليها .. ليه وضعت كتهمة رسمية ضد الرجل ؟؟؟ ***********لو أنا جيت قلت انا مش هصلى ركعتى السنه بعد العشاء فانا حر ولم اتعرض لصحيح الدينانما لو قلت مافيش حاجه اصلا اسمها سنة العشاء فده طعن فى السنه ويتعارض مع صحيح الدينده للتوضيحوانا لما قلت ان دى نقط سطحيه معناها ان مش دى جوهر الخلاف على مذهب الشيعه وان كنا نعترض عليها ايضا****************************************************انا هنا لا أناقش المذهب الشيعي .. ولا احب الخوض في مناقشة معتقدات وعقائد .. لها اصحابها على كل حال انا بتكلم عن التهم الموجهة للرجل وكيف ان أمور يفعلها الانسان بينه وبين ربنا تتحول لتهمة رسمية .. ************لسه برضه مش بتناقشى المذهب الشيعى؟*************************************************وليه محدش جاب سيرة كتاب عاصمة جهنم اللي بيتكلم فيه عن التعذيب في المعتقلات؟؟؟***********ويعنى انتى افترضتى ان كل الناس تعرف ان فيه كتاب اسمه عاصمة جهنمولا كل الناس اصلا تعرف حد اسمه احمد الدرينى؟لو قريته او شفته هجيب سيرتهوبعدين من غير ما اقراه ممكن اتخيل اللى فيه واصدقه كمان**********************************************************على فكره يا ماريان انتى عصبيه فى ردك معرفش ليهكل ده عشان كلمة السطحيه؟قلبك ابيض بقى

  23. ghalia says:

    >سلام عليكمما اكدبش عليكى انا ما اعرفش كتير عن أحمد الدرينى دهبس الحقيقة ان المذهب الشيعى لو عرفناه على حقيقتو حنلاقى انو بيختلف اختلافات جذرية مع السنةكفاية أوى انهم بيكفروا الخلفاء الراشدين خيرة الصحابة ويوصفوهم بأبشع الأوصاف كفاية انهم بيتهموا ام المؤمنين عائشة وأحب زوجات الرسول اليه بالزنا كفاية طعنهم حتى فى القران وادعائهم انو محرف وان ابو بكر وعثمان لما جمعوه اسقطوا منو سورة الولاية اللى بيدعوا انها بتنص على خلافة على بعد الرسول عليه الصلاة والسلام .كفاية انهم بيعتبروا قاتل الفاروق عمر شهيد وعاملينلو مسجد باسمو فى طهرانأكيد انا مش مع العتقال ابدا بس الموضوع خطير ومش بالبساطة اللى انتى شايفاهاأتمنى منك تعرفى عن الشيعة أكتر وساعتها والله حتصدمى من معتقداتهم الباطلة:) وطبعا الخلاف فى الرأى لايفسد للود قضية

  24. >اولا مبروك التمبليت الجديدفين الحلاوة بقا؟اعتقد ان تخميني طلع في محله بخصوص التمبليت القديم وانه سقطبالنسبه بقا لحكايه الشيعه________________اعتقد ان الموضوع بسيط جداالحكايه ليست شيعه ولا سنه ولا هو خوف من الحكومه علي صحيح الدين ولا يحزنزنصحيح الدين والدين بيتحاربو كل يوم من اول الكليبات الخارجه الي انتشار المخدرات بانواعها الي البطاله والعنوسه والفساد ونهب البنوك كل دا من مظاهر الخلل الاجتماعي بتطلع الناس من دينها مش صلوات الشيعه___________________الحكايه كلها هي ما يمكن ان تعتقده الحكومه امتداد لنفوذ ايران داخل مصر عبر نشر المذهب الشيعي وبما ان العرب بقوا زي خيبتها والشرق الاوسط ما بقاش فيه قوتين نوويتين غير ايران واسرائيل والعرب خايفيم من الاثنتين لان لهما مطامع في الدول المجاورة لهمافتعتقدان مجابهه النظام الشيعي هو نوع من حد نشاط ايران ونفوذها______________________اخيرا لكي ولبعض الاخوة المعلقين الشيعه دول بحر واسع جدا وفرق صغيره جدا وكبيره فيهم من يقترب مذهبه بشده من المذهب السني ومنهم من يبتعد ومنهم من يخالف المذهب السني كليةمنهم الشيعه الاماميه والزيديه والاثني عشريه والالشيعه الناصبه وغيرهمما ينفعش كلهم يتحطوا في سله واحده المهم علاقه السنه بالشيعه طويله ومعقدة وتتماس بشده مع السياسهكل السنه شيعه اذا كان التشيع معناه حب بيت الرسول واهلهلكن في منهم فرق تبتعد كثيرا عن هذا المضمار تلعن الخلفاء علي منابرهاالمهمسيبك انتى دا شغل سياسه وبس لا خايفين علي الاسلام ولا يحزنون

  25. bluestone says:

    >يحي المصري: المسألة مش مسألة المصريين أكثر ميلا لايه .. هل هم سنة ولا عندهم ميل طبيعي للتشيع .. الفكرة كلها تتلخص في القانون واحترامه .. وازاي الناس توجه ليها تهم مش موجودة أصلا في القانون ..

  26. >أنا عندي سؤال كمان ملهوش دعوة بأي حاجة..معلش استحملوني:هي المدونة بقت بنية ليهماكانت زرقا في نهارنا الأزرق دههو حصل حاجة للملفاتولا هو عطل فنيولا غيرتي التصميم من عندك؟قوليلي عشان اساعدكومساء الخيراتوحشتني التعليقات في مدونتك🙂

  27. bluestone says:

    >بنت القمر:انا موافقة تكتبيلي شيك على بياض .. وانا عليا الباقي :))وعلى العموم انت كان عندك حق .. انا التمبيليت بتاعي كان على النظام القديم فضربوانا شيلته اصلا عشان كده ومعرفتش ارجعه .. هحاول اطلب من الفنانة اللي صممته تساعدني تاني .. لو عندها وقت==========================أوسة: جامعة الحوامدية حتى واحدة ؟؟ التعليم العالي عالي برضه النظام دلوقتي بقى عنده هلع من اي حاجة خارجة عن السرب العام ايا كانت اي حاجة مالوش سيطرة كاملة عليها بيفضل يطبق عليها لحد ما يجيب آخرها وبعدين يشبط في حاجة تانية من المدونين للاخوان للبهائيين للقرآنيين للدريني ( والصح هو أن الشعب متدين و بتحكمه الطائفيه بتشجيع من الدوله)الكلمة دي مظبوطة فعلا =============================================================logarithms:كل ما هو جديد في عالم التهم موضات فعلا بره القانون كما لو انه لا يوجد قانون من اصله فممكن لاي وكيل نيابة يفتكس تهمة من دماغه وهو قاعد وخلاص

  28. bluestone says:

    >محمد هنداوي: أولا انتى بالفعل بتتكلمى عن الشيعه والدليل هى أسئلتك عنهم والتى بالتأكيد تنتظر اجابات حتى لو كانت فى حدود التهم الموجهه لهذا الرجل=======سألت عن الشيعة فيما يختص فقط بحدود اتهامهم او اعتبار التشيع تهمة يعني قد تؤمن مثلا ان المذهب الشيعي فيه خلل ما ولكن القانون يقول أمر آخر .. لا وجد نصوص قانونية تجرم التسبيح ما بين الركعات مثلا والواجب في الاصل احترام نصوص القانون وحقوق الافراد بموجب تلك النصوص. —————– هنا انتى بتتكلمى عن التهم اللى المباحث وجهتها ليه وانا من الأول قلتلك انى ضد الاعتقال والحلول الامنيه حلو كده؟-===========وده كان قصدي اللي اتفقنا عليه .. ان لا يجب ان يعتقل اي انسان بتعمة غير موجودة اصلا في نص القانون. ———————- انما بالنسبه لازدراء الدين الاسلامى فده موجود فى الفكر الشيعى كتير للأسف وان أردت امثله اعطيك ان كان يهمك====ده مطابقة لوجهة نظرك بس .. يعني انت لو سافرت إيران مثلا هتبقى انت اللي غلط .. لكن برضه لازم يكون فيه نص قانون يجرم المذهب الشيعي وساعتها نبقى عارفين بمنتهى الوضوح ان المذهب الشيعي يعد جريمة في مصرلكن نروح نعتقل واحد لانه شيعي .. اي قانون قال الكلام ده ؟؟يعني لازم القانون ينص على ان المذهب الشيعي يعد ازدراء للاسلام وساعتها اي شيعي هيبقى عارف ويتجنب دخول مصر من اصله ==================== لو تفتكرى اخر مره اتكلمنا لما قلتلك انا ضد الدعوه بشكل صريح لدين ما او مذهب ما فى وسط يدين بدين او مذهب اخر ووافقتى انت على كلامى واعطيتك مثلا ===هو مكانش بيدعو على حسب علمي .. هو كان بيمارس يعني التسبيح بين الركعات في صلاة الفجر وهي لا تعد دعوة ================= وبعدين تفتكرى صدفه انه حوالى 3 جرايد( الفجر-الغد-الدستور) تطلع فى اسبوع واحد تشتم فى ام المؤمنين عائشه والصحابه الكرام؟ ولا ده وراه نشاط شيعى؟—-الجرايد الأجرة دي انا ماليش فيها ومش بحبها ولو كان اللي بتقوله فعلا صحيح طيب خلاص الحكومة تقفلها ببساطة قوموا بتجريم المذهب الشيعي واعتقلوا من تشاؤون ولكن بموجب القانون يا دكتور انا أؤمن تماما باحترام حق كل انسان في الصلاة والتعبد بالصورة التي تريحه .. كما قالت أوسه علاقة روحية خاصة بين الانسان وربنا ودي حاجة تخصهلكن شايفين ان النشاط الشيعي ايا كان النشاط ده بيؤثر دينيا أو سياسيا على الاسلام قوموا بوضع قانون لتجريمه بدلا من انتهاك القانون عمال على بطال كده==========================انا عارفة ان احنا اتكلمنا في نقطة الأمن القومي قبل كده وموافقاك عليها تماما .. كل همي احترام القانون وسيادته انا عارفة ان مسألة الشيعة في مصر ليها حساسية سياسية قبل ما تكون دينية وسؤالي هنا انت قلت ان الشيعة لديهم بعض المعتقدات الخاطئة التي تمثل بالنسبة لك إهانة للاسلام او للمذهب السني وسؤالي كيف هو الأمر من وجهة نظر الشيعي ؟ ألا يمثل المذهب السني بالنسبة له طعنا في اسلامه؟؟؟ ما اقصده هنا هو حرية كل فرد في ممارسة ما يراه صحيحا طالما لا يقوم بالدعوة وفي هذه المسألة الحقيقة نسبية تماما كما نعرف ================== لأ انا عصبية اليومين دول لأسباب أخرى استحملني بقى يا دكتور معلش

  29. bluestone says:

    >غالية:انا اعرف كويس الحساسيات والاختلافات الجذرية بين المذهبين السني والشيعي وصدقيني ليس هذا مضماري ولا أنوي الخوض فيه تركيزي الأول الأخير كان على القانون .. واحترامه وسيادتهاما خطورة المذهب الشيعي في مصر وعلاقة ذلك بإيران وسيطرتها واللالعاب السياسية في المنطقة أمر مفهوم تمامالا تهمني كثيرا معتقدات الشيعة ولن اصدم ان عرفتها فلكل رأيه ومعتقداته وسأحترماه بالتأكيد وان لم اقتنع بها اصلا

  30. bluestone says:

    >منارة:منورة اللي حصل يا ستي ان التمبليت كان على النظام القديم وبلوجر غيرت النظام بتاعها فالتمبليت باظ ومعرفتش اصلحه وانتي عارفة بقى قدراتي التكنولوجية غير العادية :(((يعني حصل عطل ومحدش عارف يصلحه وحشتيني قوي .. وهانت بقى:)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s