>صوت لأحسن دين .. تربح معنا الجنة !!!!!!!!!!

Posted: 25/02/2008 in Uncategorized

>

أخي المؤمن .. أختي المؤمنة
صوتوا معنا لاختيار أحسن دين في العالم
دي أحدث دعوة على جروب على الفيس بوك
عن قناة فرنسية عاملة استبيان .. فقام بعض الأخوة “المجاهدين” على الفيسبوك بعمل جروب لتشجيع المسلمين

في كل مكان بالتصويت لإعلاء الإسلام في الفضائيات حيث إن نتيجة الاستطلاع لقناة ايه ار تي الفرنسية

ستثبت بالدليل القاطع أن الإسلام هو الأعلى ..والحمد لله !!!!!!!!!!!!!!!ا
حيث أن الإخوة على الفيسبوك رأوا أن القناة الفرنسية تجري مسابقة على أهم دين في العالم .. بالرغم من أن القناة تقول في مقدمة الاستبيان انه محاولة لبيان موقع الدين في حياة الأفراد الشخصية في إطار بحث يجرى لأحد البرامج

والاستبيان من مجموعة من الأسئلة بنظام اختيار من متعدد
والأجمل من كده إن الإخوة المجاهدين على الفيسبوك قرروا المساعدة لنصرة الإسلام بترجمة الأسئلة ولكن ليس كل الإجابات فقط الإجابات “الصحيحة”ا

شارك يا مؤمن شاركي يا مؤمنة
والأدق والأسرع له جايزة الفقرة
والاجر والثواب
Comments
  1. >هييييييييييييه دعوة الى كل مجاهد مؤمن هذه فرصتك لا تفوتهاصوت مرة واحدة فى حياتكطالما مش قادر تصوت فى الانتخاباتانتخابات ايهدى الدنيا زائلة فانيةهذه هى الفرصة الحقيقية ياللا يا مؤمنصوت واكسب حوريةوانتى يا مؤمنة صوتى واكسبى ؟؟هتكسبى ايه صحيح ؟مش عارف هتكسبى ايه ؟المهم صوتى وخلاصيالهووووووووووووى

  2. >بسم الله الرحمن الرحيمانا بس عندى سؤال ليكى يا استاذة بلو ستون , انتى يهمك ايه فى ممارسات المسلمين ونظرتهم لدينهم؟ كلامك دا المفروض يوضع فى احد اطارين اما نقد ذاتى لتصويب التوجهات واما نقد استهزائى لاظهار المسلمين بمظهر سىء , وبما انك لستى مسلمة فطبيعى ان يوضع كلامك فى الاطار الثانى , ودا كفيل بخلق تنازعات اوسع .لذلك اتمنى انك تهتمى اكتر بالنقد الذاتى للمارسات المسيحية والكنسية وصدقينى هاتلاقى كثير جدا من ممارساتكم تحتاج لمراجعة ونقد وتصحيح , ودعى مسألة تصويب توجهات وتفكير المسلمين لنا فنحن اقدر على هذا منك . للعلم مسألة الحشد الشعبى فى مسائل الاستبيانات والاستفتاءات دى منتشرة بين جميع الاطياف والمجتمعات ليست مقصورة علينا كمسلمين ولا علينا كشرقيين .

  3. >بصى يا بلوكواحدة مسلمة أقول لك رأيي إنه هذا الطلب نوع من الغشوعمرى ما عملته.. عشان أكون واضحةلكن.. ومع تحفظى السابق.. ساعات عشان إحساسك بالظلم مش بتلاقى غير الهايفة وتتعلقى بيهايعنى ايه يفدنى كمسلمة لما يعرض على قناة فرنسية ولا غيرها إن الإسلام أحسن دين؟هل الإسلام ح يزيد نيشان بحتت إستقصاء لا راح ولا جه؟كفاية مكانة دينى فى قلبى عشان أكون فخورة به ومؤمنة إنه أنسب الإعتقادات لى كإنسانةلكن… إحنا كأفراد.. أوقات بتلاقى الظلم البين على الدين واقع من كل الجهات.. برة وجوةلا إنتى عارفة تمارسى دينك كامل جوة بلدك.. ولا عارفة تنشريه برةلاء والأسوء.. تلاقى هجمات عنيفة ضده برة وجوة على حد سواءماتلوميش إنسان على موقف نفسه يعمله ويشعر به إنه بيدافع عن دينه أو خلينا نقول مجازا.. بيدافع عن إعتقادهوعلى الأقل أهو حل سلمى… ما راحوا شنعنوا على حد ولا رسموا معرفش إيه فى جريدة مينويعنى هو إنتى من إمتى صدقتى أى إستقصاء موجود على أى محطة داخلية ولا خارجية؟ولا يعنى هو مين اللى راح يسلم بعد ما يتعمل البرنامج مثلا؟يعنى من الآخر هو غش.. ونصيحتى الدائمة للجميع إنه لا يصح يصدر عن الدين الإسلامى مثل هذا الفعلإنما اللى عايزة ألفت إليه الأنظار.. إن أصلا اللى عمل إستقصاء زى دا إنسان تافه (مع عدم إحترامى له).. وإن دل على شئ إنما يدل على حاجتين1. الفراغ2. قلة الحيلةوألف شكر لك على سعة صدرك وإستمرارك فى القراءة لحد هنا:)أترككم فى رعاية الله وأمن

  4. bluestone says:

    >تورابوري:طالما مش قادر تصوت في الانتخابات وهو ده بيت القصيد حينما لا تسطيع ان تمارس حريتك فيما يجب ان تفعل لازم كلنا نصوت

  5. bluestone says:

    >محمودالمصري:بسم الله الواحد الذي نعبده جميعا🙂 ده اول رد فعل لقرايتي لتعليقك لانه تعليقك كان رد فعل منطقي جدا وليد انفعال لحظي قررت بدلا من قراءة الموضوع ان تصبه على الآخر برافو اثبتت وجهة نظري من البوستبرافو عليا طبعا🙂 بس معلش اعذرني انت ارتكبت خطأ خطير يعتبر إساءة في حق المسلمين لانك عممت .. والتعميم غير منطقي ولا حقيقيحضرتك قلت ممارسات المسلمين ..رغم انها مش ممارسات كل المسلميناولا الاستبيان لقناة فرنسية الله واعلم ان كان المسؤول عنها مسلمين ولا لأثانياانا قلت بعض الناس من المسلمين وده اللي انت ماعملتوش الاساءة هي الكفيلة بخلق المنازعات واتمنى انك ما تحددليش انا اهتم بإيه وما اهتمش فما اهتم به يا سيدي الفاضل شأني الخاص واخيرا فانا لم انقد الاسلام ولا ممارسات جميع المسلمين في العالم والتي لابد وان تختلف من مجموعة لمجموعة بل ومن فرد لفردفيجب ان نفرق بين الاسلام والمسلمين وبعض المسلمين وبعض الافراد الذين يدينوا بالاسلام كل حاجة منها لها معنى محدد اشكرك على الزيارةوعلى رد الفعل النموذجي

  6. >ما بين موقف محمود المصري الحاد وموقف لست ادري الاقل حده_ اقفصحيح يا بلو وانت زعلانه ليه؟؟ده انتي بتكتبي بوست كل شهر ايه اللي لفت نظرك اووووي كده?? يعني احنا هبل وتافهين ومالو!!!الازم الناس الغضبانه المهزومه دي تعبر عن نفسها وتقول انها الاحسن طالما هي ساقطه تقدم وحريه ومدنيه وحقوق انسان ومرأةوهريين احتلال وفقر وجهل وديون..مستكترة عليهم ينجحوا في استبيان القناه الفرنسيه يا ساتر عليكي ما تسيبينا نفرح يا شيخه!!امحدش ها يغير دينه عشان الاسلام طلع الاول ولا عملوا مرة استفتاء عن احسن شخصيه تاريخيه وكان من وسطهم الرسول محمد وكان نفس النداء دول ناس غلابه يعني يفجروا ويقتلوا تقولي ارهابيين !! يسكتوا تقولوا انهزاميين !!ويعملوا استفتاء تتريقي عليهم!!ا بوريه منك يا بلو بوريه كشفت راسي ودعيت عليكي اقولك حاجه وما تزعليشبجد وانا والله بحبك من قلبي نفسي اموت واقطع دراعي يوم وتعملي كده بوست نقد ذاتي علي رأي محمود المصري بدل بوستات الارهابيين وعالم وسخه والتريقه علي الاستفتاء بجد يا بلو انت مش ملاحظه ان عندك فكرة واحده مسيطرة عليكي انتي بقيت اسيره الفكرة دي يا ريت تكتشفي في نفسك افاق تانيه ارحب من كده وتطلعي بره الدايرة دي انتظر جديدكجديد هه مش نفس الخط

  7. bluestone says:

    >لستو ادري : مش بس نوع من الغش هو اكتر لعب بالعواطفواختصار قيمة العقائد في مسابقات تافهة او يتم تحويلها لمسابقات تافهة المشكلة ان اللي عمل الاستبيان قناة فرنسية لا اعرف توجهاتها للحقولكن ما اضحكني حقا هو استقبال البعض للاستبيان باعتباره فرصة للجهاد الالكتروني وتحقيق السبق واثبات ان الاسلام هو الاعلى لمجرد حصوله على المركز الاول في مسابقة لقناة فرنسيةويكفيني كلماتك : يعنى ايه يفدنى كمسلمة لما يعرض على قناة فرنسية ولا غيرها إن الإسلام أحسن دين؟هل الإسلام ح يزيد نيشان بحتت إستقصاء لا راح ولا جه؟كفاية مكانة دينى فى قلبى عشان أكون فخورة به ومؤمنة إنه أنسب الإعتقادات لى كإنسانةالله ينور عليكي يا ستيبس هختلف معاكي في التصرف كرد فعل للظلم بشكل عامفيه مبادرات رائعة بتتعمل برة وجوه لتصحيح صورة الأديان بشكل عامانتي عارفة ان فيه مبادرة في لندن مثلا بين مسلمين ومسيحيين عشان يقولوا للعالم ان العقائد والأديان مش حاجة وحشة ولا سبب للعنف زي ما بعض الملحدين مثلا بيقولوافيه مبادرات داخلية بيبحثوا عن إمكانية التعايش السلمي برغم الاختلاف وان وجود الاختلاف لا يؤدي للخلاف مسألة ممارسة الدين جوه بلدك دي معروفة طبعامن مصلحة الحكام ان الناس لا تعرف إلا قشور الدين عشان محدش يحارب الفساد ونفضل عايشين في مين احسن من مين ومين هيكسب دوري الأديان الموسم ده يا ستي انتي اللي ألف شكر قلتي كتير من اللي كنت عايزة اقوله نهارك سعيد

  8. bluestone says:

    >بنت القمر وحشاني يا قمر ده اولايا جميلة انتي عملتي زي محمودالمصري برضهقلتي (إحنا) انتوا مين ؟؟؟ انا قلت مجموعة من الناسولو اخدتي بالك يا جميل ان اللي كتب الاستفتاء فرنسيين مش عرب وهدف الاستفتاء اصلا معرفة مكانة الدين في حياة الانسان الشخصية فقام بعض الاشخاص بتحويله إلى سباق ومسابقة بين الاديان ايا كانت الاديان دي الفكرة واللي لفت نظري مش الاسلام في الاستبيان ولكن تحويل الاستبيان لمسابقة وتحويل الاسلام لمجرد موضوع مسابقةفاهماني ؟؟ الصراع الحقيقي بيبدأ هنا لما نعتبر نفسينا في مسابقة مع الآخرين ونلعب مين الاحسن ومين الاقوى كأننا في دوري كورة بالنسبة للناس الغضبانة والمهزومة انا رديت على بلو ايه اللي ممكن يعملوه وبعدين مين إحنا ؟؟احنا المصرييين اللي ساقطين حقوق انسان وتقدم ؟؟؟ لو تقصدي احنا المصريين .. ايوة احنا المصريين (مسلمين ومسيحيين) ساقطين حرية وديموقراطية وحقوق وكل حاجةاما لو تقصدي (احنا) المسلمين بس في العالم كله فهاقولك لألان مش كل المسلمين ساقطين حرية وديموقراطية وحقوق انسان لان دي بتختلف من مكان لمكان في العالم وهزعل قوي عشان خرجتيني بره (احنا) بتاعتك مين الغلابة اللي بيفجروا دول ؟؟مفيش غلابة بيفجروا .. واللي بيفجروا مش كل المسلمين يا قمربوريه بوريه .. يعني بوريه صحيح .؟؟ ايه اصلها اللغوي🙂 ؟؟انا بالنسبة لاهتماماتي في البوستات فلازم ترجعي لبوستات سابقة عشان انتي بتنسي يا جميلانا كتبت قبل كده عن اعجابي بالمفتي في بوست حجازيوكتبت نقد في وثيقة الفاتيكان ونقد ايضا في سيطرة الكنيسة على الناخبين والتدخل في مسألة مدنية بحتة في بوست هلال وصليب فوق جثة الوطن وغيرها انا لا يهمني نقد الاديانولم يحدث ولا مرة في هذه المدونة او غيرها ان انتقدت عقيدة ما او معتقد ما ابدا ما يهمني وما اعمل عليه في مجهود سيظهر للناس قريبا ان شاء اللههو كل الأمور التي تؤثر على الجانبين والعلاقة ما بينهم اما العقائد والمعتقدات فلا شأن لي بها واحترامي الشديد لكل اتباع اي عقيدة او معتقد وايضا احترامي مع من لا يتبعون اي شيء ايا كان موقفي الشخصي انا بقيت أسيرة ما يهم العلاقة بين الطرفين فده مشروعي المقبل ان شاء الله وبعدين ما انا بكتب شعر وخواطر برضه يا ستي ولا ما اخدتيش بالك ولا مش عجبوكي بقى !!!!

  9. >بلو ستون ماشي ولو اني مش مصدقه حكايه اني وحشاكي بدليل ميل الفلانتين طب عيني في عينك كده حد بعتلك ميل حلو زيي كده نيجي للجد************* احنا مين ؟؟اقولك احنا مين انا عارفه وفهمت القناه بتتكلم عن ايه ومين اللي عمل الاستبيان بس اعتقد انك بتنقدي هنا في البوست ده اللي هايلعب بعواطف الناس والناس هنا مسلمين واللي هل يصوتوا مسلمين!! مش مسحيين يا بلو انتي بتقولي مطلعكيش من احنا انا مش ها اطلعك من احنا احنا مسلمين ومسيحيين بنعاني من نفس الظروف كرتونه البيض ب18 جنيه وك الجبنه الشيدر ب46 جنيه والعدس الاصفر بقا 9 جنيه كلنا في نفس الظروف الاقتصاديه والجهل والمرض والتاخر والاحتقان.. اكسترا المهم لما كلنا في الشرق الاوسط كلنا كعرب نعاني من نفس الظروف مش كلنا ها انروح نصوت في الاستبيانهنا جزء ها يقعد علي جنب زيك يلاحظ ويحلل وينقد زي حضرتك لانه اصلا مش معني والتاني ها يقول للعالم الاخر الضفه الموجهه للعالم انا موجود انا مسلم وديني احسن وطبعا ده هجص جامد الاسلام ولا اي دين محتاج ده الحديث الشريف بيقول المؤمن القوي خير من المؤمن الضعيف والقوي هنا هو قوي الصحه والمال والعلم والحضارة طيب الناس دي بتعبر عن نفسها كده وسط احباطاتها عذاباتها يبقا منسخرش منهم يا بلو منوصمهمش بالتخلف ونشوف لو انتي مهتمه بالعلاقات الثنائيه بين البشر والاديان_نشوف ليه الناس دي مندفعه في التصويت ليه مشاعرهم مستنفرة؟ لو عاوزين نحل نفهم لو ها نسخر يبقا ها بفضل الجدار عاليلو ها ننقد المسلمين هاريحك واقولك بعض المسلمين بالتفاهه والعبط يبقا الله ده حل سهل اوي ونسقع دماغنا دول عبط دول ارهابيين دول عالم وسخه الخ لازم نشوف السبب لو عاوزين نفهم النتيجه مش كل الناس مثقفين زي حضرتك ولا كلهم عاوزين مهتمين بالحوار العلمي العقلي التقدمي ولا كلهم لهم مرارة يقعدوا يسألوا ويناقشوا زي ما انا سألتك مش كل الناس انا بيجيلي يوميا ما لايقل عن تلات ميلات بتوع مقاطعه الدنمارك ولقيت نفسي مش بشتري ولا حاجه من القائمه اصلتفتكري ليه في هوس بالقاطعه تاني المهم ها ابعتلك ميل دلوقت تحياتي ولسه عند رأيي افكارك وكتاباتك قيمه بس بلاش الفكرة المسيطرة دي متسجنيش نفسك في اي فكرة مهما كان قيمتها ورونقهاتحياتي

  10. bluestone says:

    >وانا رديت

  11. >صباح الخير يا بوستون ألي مخصماني تقريباأو مقطعاني غالباناس فاضيه فعلا يعني أيه أفضل ديانه في الدنيا؟طبقا لمين يعني؟وطبقا لأيه؟زي كده مسابقة أحسن أم في الدنياكل واحد حيختار أمه أكيدالناس بقت بتدور على اي شىء يثبت لها أنها كويسه وخلاصكأنهم مش متأكدين من أنهم كويسين ولا لأأنا شخصيا حأختار ديانة الكنيسة العلميةScientology لأني مغرم بافلام الخيال العلميوالديانه دي مستمده مباشرة من افلام الخيال العلميتحياتي وسلامي ومودتي

  12. >محمود المصري وبنت القمر متعصبين منفعليننهائيا بتاتا خااالص خااالثاول شئ جاء في ذهني عندما قرات اول سطرين…ايه هبل الفرنسيين دهلكن سلو بلدهمبس كانت مفاجاة انه يعتبر هبل من المسلمين…..وفقط المسلمينآسف…بعض المسلمين:)

  13. bluestone says:

    >الصارم الحاسم:هو بصراحة هبل من الاتنين بس لو قريت ليه الفرنسيين عايزين يعملوا الاستبيان مش عشان يشوفوا ايه هو احسن دين في العالملكن بموجب مقدمة الاستبيان بيقولوا انه عشان يستطلعوا مكانة الدين في حياة الانسان دي الترجمة الفرنساوي لجزء من مقدمة الاستبيان

  14. bluestone says:

    >اسكندراني:اولا انا مقدرش اخاصمك ولا اقاطعكاحنا منقدرش يا فندم بس هو الانشغال الشديدهو ده السؤال اللي في بالي افضل دين بالنسبة لمين ؟؟؟

  15. راجى says:

    >فيما يلى الاستبيان الذى نشرته القناة افرنسية مع الترجمةQuestionnaire – ARTEالسؤال الأول : أي الأديان الأقرب والذي ترتاح له نفسك؟De quelle religion vous sentez-vous le plus proche السؤال الثاني: هل أنت مؤمن ؟ Etes-vous croyantالسؤال الثالث: هل تحضر مكان العبادة ؟ Fréquentez-vous un lieu de culteالسؤال الرابع: هل تمارس العبادة؟ Pratiquez-vous la prièreالسؤال الخامس:هل يجب على المسئولين الدينيين أن يناقشوا موضوعات حديث السّاعة ؟Les autorités religieuses doivent-elles prendre position sur les thèmes d’actualité ?السؤال السادس:هل تعتقد أن الدين يجيب على حاجيات الفرد؟Pensez-vous que la religion répond aux attentes de l’individu?السؤال السابع:الدين بالنسبة لك: La religion est-elle pour vous :السؤال الثامن: في أي فئة تصنف عمرك؟ — ؟ Dans quelle tranche d’age vous situez-vous من الاسئلة السابقة اعتقد ان الاستبيان لايمكن ان يكون مسابقة بين سكان كوكب الارض لاعداد قائمة تنازلية للاديان على رأسها افضل دين ، ببساطة النتيجة محسومة مسبقا لصالح المسيحيين فعددهم يقدر ب 2 مليار من سكان العالم يلى ذلك المسلمون 1.3مليار ثم الهندوس حوالى 900 مليون ، فلو احتشد كل المسلمين على الفيس بوك فى مواجهة المسيحيين لخسروا المسابقة هذا فى حالة ان اعضاء الفيس بوك من المسلمين والمسيحيين مقسمين بنفس نسبة عدد اتباع كل من الديانتين الرئيسيتين فى العالم ( على فكرة عدد سكان العالم حوالى 6 مليار )ولكن المهم ان نتأمل فى اسئلة الاستبيان وسوف نجد انها بعيدة تماما عن العنصرية والتمييز بين الاديان ومهما احتشد المسلمين لنصرة دينهم فسوف يختلفون فى اجابة باقى الاسئلة فى حالة تحكيم كل مشارك فى الاستبيان لضميره الشخصى بدون نفاق او مراء ومهما احتشد المسيحيين كذلك فسوف تختلف الاجابات من شخص لاخر ، فنتيجة الاستبان اذن تهم علماء الاحصاء اكثر ما تهم الارهابيين او المتعصبين او غيرهم من اتباع الديانتين العظيمتين ولو نريح نفسنا شوية من الصراع البايخ بين عنصرى الامة وكل واحد يتبع مضمون دينه العدالة فى الاسلام والمحبة فى المسيحية ونتوكل على الله حنبقى سمن على عسلتحية لكى فهذه اول زيارة لى عندك

  16. >بلوستون خدتي بالك من العبارة دي”Recherche Dieu désespérement” : La soirée Thema du 16 août s’interroge sur la foi, et pose principalement la question très personnelle du cheminement vers la foiعشان ده اللي اعنيه….وما فهمته مما وراء الجملة …توحي بإن دول عالم ضايعة – ضايعة هنا مش شتيمة – لكن لا تعي ما هية الدين وما اهميته ..وكما تعلمين اغلب فرنسا فعليا ملحدةلكن في نفس الوقت…زي ما قلت..سٍلو بلدهم….ثقافتهم وطريقة تفكيرهم…لم اقل بصوا شوفوا الهبل بيعملوا ايه وداخلنا ماليان خواء وعدم معرفة بالأساسات نفسها لا رب ولا دين – فرنسا محسوبة مسيحية بالمناسبةمن وجهة نظر اخرى…ان كسب المسلمون هذا الاستفتاء قد يدفع الفضول بعض الفرنسيين – كما يحدث دائما مع هؤلاء القوم من الغربيين عامة – للبحث لماذا يصوت ويهتم المسلمين بدينهم بهذه الحرارة…في حين ان بعضهم قد لا يكون اهتم بالتصويت من الاساسوقتها يكن المسلمون الفرنسيون – الغربيون – افضل منا عموما لما يحملونه ايضا من ميراث نظامي وعلمي – اسلام بلا مسلمين ولكن ليس تغريبيا كرفاعة الطهطاوي ولكن على منهاج النبوة الصحيح الذي يدعوه اليه الاصوليون الصحاحفيه دراسة منشورة اليوم بهذا المعنى تقريبا هنا – من بعدي لبعيد يعنيhttp://www.masrawy.com/News/mideast/general/2008/February/28/muslimspoll.aspxتحياتي

  17. >طب لو طلع الاستفتاء ان احسن دين مش الاسلامنعمل ايه؟نخرج من دين الله افواجا ؟

  18. >الاستفتاء شكله بسيط جداالحملات الاعلامية لنصرة دين ضد دين او ياللا خش قول ان الاسلام احلي دين مفهمشي اصلا الاستفتاءانا لا احب اي استطلاع راي علي العقائدعقيدتي واللا عقيدتك يا كابتشن

  19. >الاستفتاء شكله بسيط جداالحملات الاعلامية لنصرة دين ضد دين او ياللا خش قول ان الاسلام احلي دين مفهمشي اصلا الاستفتاءانا لا احب اي استطلاع راي علي العقائدعقيدتي واللا عقيدتك يا كابتشن

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s