>ياكلوا كل اللي يحبوه

Posted: 09/05/2008 in Uncategorized

>

ياكلوا حلاوة ياكلوا جاتوه .. ياكلوا كل اللي يحبوه

تلك الاغنية الخالدة التي لا يعرفها غير المصريين .. والتي ما ان يسمعها مصري في أي مكان بالعالم ستجد ردا تلقائيا قويا … (والتسويسسسس)

ياكلوا كل اللي يحبوه ولكن بالتأكيد ليس خبزا …
وبعيدا عن التسوييس ومشاكله ..اجدني اتسائل ما الذي سيأكله المصريون ؟؟؟ وحتى متى سيكتفون بأكل أنفسهم غلا وغضبا عملا بموروث ضخم من الاقوال التي تدعو للخنوع والسلبية من عينة تحريم الخروج على الحاكم. والجبن سيد الاخلاق والجري نص الجدعنة وعيش ندل تموت مستور . وان جالك الطوفان حط ابنك تحت رجليك
لست بالتأكيد من دعاة الاضرابات (ليست المطلقة الفوضوية على اي حال) ولا اتهم حكومتنا بالمسؤولية الكاملة عن الوضع المذري الذي نعاني منه الآن (فهو نتاج حكومات متعاقبة) ولا استطيع ان ألوم الرئيس (لانه لا يوجد مجال لمقارنته بغيره بالنسبة لي ولجيلي على الاقل فلم نعرف غيره رئيسا منذ طردنا من بطون أمهاتنا) .ا
أعرف أن الحكومة ليست مسؤولة وحدها فالعالم يشهد منذ بداية العام الجاري ارتفاعا مجنونا في الاسعار منذ الارتفاع المفاجئ في أسعار الزيوت والارز والقمح قررت على اثرها امتناع عدد من الدول عن تصدير الارز وواجهت دولا اخرى أزمات حادة في استيراد القمح والارز.
اللينك ده في تقرير مجمع (غير مؤكدة دقته) عن الدول التي تواجه أزمات في الغذاء
ما يذهلني في هذا الأمر ليس ارتفاع الاسعار الكبير والمستمر ولا في بيانات الحكومة العجيبة التي تشبه فوازير رمضان .. ولكن المذهل حقا في الأمر هو رد فعل المصريين في الشارع والاكثر ذهولا هو رد فعل النخبة في مصر
ولمزيد من الدقة دعوني اوضح ماذا أعني بكلمة النخبة. النخبة بالنسبة لي في تعريفي الخاص هم النشطون سياسيا من الحزبيين والصحفيين والنشطاء والمهتمين بالشأن السياسي والعام من كتاب وصحفيين مستقلين ونشطاء على الانترنت


الشعب المصري:
ذلك الشعب الغريب في تركيبته وبنيته ردود أفعاله دائما مجهولة !! لا يمكن حسابها على الاطلاق .. او كما قال مدون كويتي في احدى المرات شعب جبار وصعلوك .. ففي اللحظة التي يعتقد فيها المرء انه لابد وان تعلن نهاية ذلك الشعب تماما بعد أن أصابه الموت الاكلينكي .. ورماه الله بكل العلل كما أيوب .. احترف الصبر القاتل الذي قتل أيوب جاهين أيضا .. تدب فيه احدى أوصاله الحياة وتنطلق النار في المحلة ونهتف جميعنا مع خالدة الذكر (عالمحلة منييييييييين يا سمنودي )

ثم يصيبه ابو النوم مرة أخرى !!!! فها هي الاسعار ترتفع إلى حد الجوع ؟؟ وتمنحه الحكومة العلاوة باليمين لتأخذها اضعافا بالشمال. ويقول قائل او محلل الشارع ان المسألة كلها من دقنه وافتله .. أي ان الحكومة قامت بزيادة الاسعار لتتمكن من الاستجابة لمطالب العمال .. والله اعلم .. كل ما اعلمه هو ان العلاوة تبعتها الزيادة بلا اي فاصل وقتي لننعم بتلك الزيادة فلا يتحرك أحد ولا يعترض أحد ويبلع الجميع الامر كاللقمة الناشفة غير المتوفرة وشوية مية بالملح ومحدش بيبات من غير عشا !!!! حقا فشلت في حل لغز ذلك الشعب
أما النخبة فحدث ولاحرج:


فقد احترت واحتار دليلي مع الست ام كلثوم والست السندريلا أيضا في أمرها. فمئات البيانات والاحتجاجات والمظاهرات واللافتات على النقابات آخرها رأيتها بالأمس عند نقابة المحامين (أعزها الله) عن شعب غزة وانقذوا غزة …إلخ … ولم أرى لافتة واحدة عن (انقذوا الوايلي او انقذوا امبابة او شبرا الخيمة) او شعارات من قبل (لا لزيادة الاسعار) (أبطال الطوابير مخلدون في ذاكرتنا) إلخ ..



وأيضا على مستوى الناشطين على الانترنت والعديد منهم من المدونين وكتاب المواقع والمنتديات .. فبينما رأيت ملايين من البانرات من عينة (انقذوا غزة) (غزة لن تموت) (فداءك يا غزة) (إلا رسول الله) (أطفالنا في الشيشان) (غزة في القلب) (افرجوا عن فلان) (الحرية لعلان) .. إلخ


لم أجد حملة محترمة ولا بانرات مثل (انقذوا الفقراء في مصر) (القاهرة لن تجوع) (إلا رغيف الخبز) (أطفالنا في الشوارع)ا



ربما يتحدث الكثيرون منهم عن حرية التعبير وضرورة التغيير واستحالة قبول التوريث ويصل الامر بالبعض للدعوة لاعتصامات ومظاهرات واضرابات لرفض التوريث والمطالبة بحرية التعبير والديموقراطية والاصلاح والتغيير … إلخ


وهي كلمات لا يعرفها رجل الشارع ولا تهمه في شيء .. ولذلك تبقى النخبة (بكل ألوانها) منعزلة تماما عن الشعب .. مهما طالبت ستبقى بعيدة تماما.
فلو سألت أي رجل يسير في الشارع عن مطالبه لن تخرج بأي حال عن لقمة العيش ومصاريف الدروس الخصوصية والخضار وكيلو لحمة في الشهر
كما انها مطالب مطاطة ومفتوحة … لا للتوريث نعم للتغيير !!!
تغيير من ؟؟؟ إصلاح ماذا ؟؟؟؟؟؟؟ لا للتوريث فما البديل ؟؟؟
كلها مطالب مطاطة لا يمكن تحقيقها .. بينما يمكن لتلك النخبة تحديد مطالبها مثلما يمكن لكل طائفة تحديد مطالبها والسعي لتحقيقها بطريقتها.
حدثني صديق ان 3 مدونين في الكويت ساهموا في اسقاط حكومة كاملة !!! كانت مطالبهم محددة ورؤيتهم واضحة والبديل حاضر
مطالب مرحلية صغيرة ..فمهما صغرت فالاستجابة لها هي الانجاز الحقيقي ..!!
اقول قولي هذا
واتحسر لى رجال مصر في مقام آخر
اقول غطيني وصوتي يا صفية !!!
Comments
  1. >لعلنى أتفق معك فى كثير مما أردفتيه فى تدوينتك،وخاصة أمر النخبة المثقفة .عامة الشعب لايعرف تلك المصطلحات الفكرية والسياسية التى نتشدق بها فى أفواهنا لنظهر أننا أصحاب فكر وفى الوقت ذاته شريحة من تلك النخبة ألسنة فقط لاغير.فكم من مواطن يعى معنى “ديماجوجية،بروليتارية،انتلجنسيا،راديكالية……إلخ”المصطلحات كثيرة وفى النهاية ربما يتهمك بعض المواطنين البسطاء بالكفر أو أنك تستهزأين بهم بتلك المصطلحات أو يتهمونك بالجنون.المواطن البسيط كل مايريده أن يجد قوت يومه ويطعم ذويه وألايكون مدان إلى شخص ما حتى ولو بمليم ببساطة”عاوز يعيش مستور ويلاقى حكومة بلده محترمة آدميته”ومن يطلقون على أنفسهم نخبة أو حزبيين شريحة عريضة منهم تحيا فى أرقى الأحياء وغاية همها أن تتملك سلطة حزب أو منصب وأن تظهر فى التلفاز أو على طاولة حوار تتشدق بمصطلحات وقتما يراها المواطن “بيقلب المحطة”على الجانب الآخر كما ذكرتى من يثور لأجل غزة وبيروت وحق العراق.ويتناسى أن هناك فى وطنه بل ربما يكون جاره أو هو نفسه يعانى من ضيق ذات اليد ولايجد طعاما يحترم آدميته”زى القرع يمد لبره” يبدو أننى سأطيل فى التعليق.ــــــــــــــــــــ هذا تعليق مبسط أما الإجمالى ستجديه عن قريب فى مدونتى نظرا لضيق وقتى والإمتحانات.خالص تحياتى؛

  2. >بسم الله الرحمن الرحيمانا مش عارف ايه علاقة تحريم الخروج على الحاكم بعبارات وشعارات الخنوع ؟ الا اذا كنتى شايفة ان اقوال زى مملكتى ليست فى هذا العالم واعطوا ما لقيصر لقيصر وما لله لله ايضا من عبارات الخنوع . وبالنسبة لمطالب الجمهور ومطالب النخبة فواضح جدا ان مطالب الجمهور المحصورة فى اجور ومرتبات واكل وشرب اثبتت فشل ريع فى الاضرابات السابقة والرد الحكومى كان زيادة فى اسعار الوقود يستتبعها زيادة فى كل السلع , فلازم نصلح العامل الممرض لازم الفساد نفسه يتصلح والا هانفضل جعانين , الا اذا كان نظرتكم للشعب المصرى على انه قطيع من الاغنام او الماعز عاوزين تتأكدوا ان البرسيم والعلف متوفرين له بأستمرار .

  3. بيسوو says:

    >مبقتش عارفة ايه الحل..ولاعارفة حاجة..ولافاهمة حاجة..ولا مين صح ولا مين غلط..احنا ولا همامبقتش شايفة غير الناس الي مش لاقية تاكل..مش كلام مجاز كدة ده فعلا في ناس مش لاقية تاكلعن نفسي..مش شايفة حل ومش شايفة اي امل…اما بقى الاضرابات والاعتصمات والمظاهرات كل الكلام ده ماهو الا زوبعة في فنجانالله يرحمه قبل ما يموت قال مفيش فايدة

  4. >صفية ماتت من الجوع البقية في حياتك

  5. >جبهه التهييس قالت كلمه جميله اوي انهارده اخبار لبنان والسودان خلصت مش لاقيه حاجه اهرب بيها من اخبار مصر ده هرب من المفروض الي المتاح استسهال يا صديقتيتحياتي

  6. bluestone says:

    >مذكرات كشكول المورق:مشكلة النخبة يا عزيزي ليست فقط في المصطلحات ولكن أيضا في مطالبها التي لا تمس الشعب لا من قريب ولا من بعيد .. راجل الشارع عايز ايه ؟؟ياكل كويسينام كويس عياله يتعلموا كويسمحدش يضربه على قفاه في القسم مطالب بسيطة لو النخبة عايزة تحقق اي مكاسب لازم تكيف مطالبها لمناسبة المطالب أعلاه .. والا كل واحد هيغني في واديامتحانات سعيدة ان شاء الله وعلقة تفوت🙂

  7. bluestone says:

    >محمود المصري:تعليقك مثال حي ونموذجي على التنميط والتصنيف الطائفي الذي اعمل جاهدة مع آخرين على مكافحته .. اسمح لي استخدم التعليق ده في دراستي التي أعدها عن الطائفية ..للاسف يا استاذ محمود انت قريت ما لم اكتبه اساسا انا قلت شعارات تحريم الخروج على الحاكم وهذا صحيح .. هل ذكرت في كل البوست أي دين ؟؟؟؟ هل ذكرت آيات محددة في كتاب ما ؟؟؟؟؟؟ فلماذا إذا رد الفعل الطائفي هذا .. للاسف شئنا أم أبينا المؤسسة الدينية في مصر بفرعيها (الأزهر والكنيسة) تدعوان لطاعة الحاكم إلى حد الخنوع وطاعة أولي الأمر مسألة جيدة ولكن أيضا هناك في تلك العقائد (كما أعتقد) آيات ودروس وأمثلة تنادي بالمطالبة بالحقوق وتحقيق العدل والقضاء على الفساد وللاسف لا يستخدمها أحد على حد علمي اسمح لي اختلف معاك تاني حضرتك قلت (فواضح جدا ان مطالب الجمهور المحصورة فى اجور ومرتبات واكل وشرب اثبتت فشل ريع)مش عارفة انت تقصد ايه بالظبط بس افتكر اضرابات المحلة وموظفي الضرائب العقارية والسكك الحديد جابت نتائج إيجابية لاصحابها الزيادة او العلاوة الحكومية ال30 في المية واللي هي أصلا ضحك على الدقون لانه حتى لو حضرتك موظف حكومي مرموق ومرتبك كبير مش هتقدر تاخد أكتر من مئة جنيه فقط لان العلاوة زيادة 30 في المئة (بحد اقصى مئة جنيه) أونطة يعني في حين ان بزيادة اسعار البنزين والسولار سترتفع اسعار كل شيء انا كما قلت لا الوم الحكومة على كل شيء .. فالعالم الآن يمر بأزمة غذاء ولكن في منتهى الاحراج والسخافة والحماقة ان يخرج علينا الراجل الكبير ويقول 30 في المية زيادة .. والناس تهلل وتفرح وبعديها بكام يوم تيجي الزيادة ..طيب هما بيضحكوا على مين ؟؟؟مين بياكلنا على قفانا ولومؤاخذة خليني اتفق معاك تماما تماما في ضوروة ووجوب محاربة الفساد … لو عندك حل ياريت ياريت ياريت تطرحه للمناقشة .. ونتشارك فيه .. هتبقى إضافة جيدة حضرتك بتقول (نظرتكم للشعب المصرى على انه قطيع من الاغنام او الماعز عاوزين تتأكدوا ان البرسيم والعلف متوفرين له بأستمرار )اولا هو مين احنا ؟؟؟ الكاف والميم دول بتوع مين ؟؟انا بدون لوحدي والنعمة وماليش شركاء اما بالنسبة للغنم والعلف .. دي اهانة للشعب لا اقبلها بس حضرتك لو رب اسرة اسأل نفسك او اسأل اي رب اسرة موظف بسيط انت عايز ايه من البلد هيقولك آكل كويس / العيال يتعلموا/ الاقي مواصلات كويسة/ ومحدش يضربني على قفايا في القسم / اشتري عيش / لما أعيا ألاقي دوا ومستشفى محترم دي مطالب أهم بكتيييييييييير من الحرية والديموقراطية والتغيير والاصلاح .. مش لانهم مش مهمين .. لكن عشان فيه اولويات .. مش هتكون سيادتك جعان ومش لاقي تاكل (لاقدر الله) وبعدين ارجع اقولك تعالى معايا نطالب بالقضاء على التوريث .. ابقى بهرج ,,المطالب دي ببساطة هي المعاملة الانسانية واحترام حقوق المواطن وضمان مستوى معيشة آدمي والارتقاء بقطاعات التعليم والصحة والخدمات دي مطالب آهه ولا مش مطالب؟؟وكلام كبير برضه .. بس لازم يتم ترجمته بصورة يتقبلها رجل الشارع وتمسه بس كده تحياتي

  8. bluestone says:

    >استاذة بيسو:مصر تركيبة معقدة .. الحلول مش سهلة ولا فيه حاجة اسمها حل واحد .. عشان كده دايما المطالب المحددة مقبولة وبتنجحاكيد فيه فايدة في حاجة ما لانه لو مفيش فايدة يبقى نروح نسيبها ونهاجر بقى

  9. bluestone says:

    >بنت القمر: شوفي فيه مثل بلدي قوي .. بسمعه كتير اللي يعوزه البيت يحرم على الجامع وبعيدا عن مناقشة حرفية نص المثل عشان حبايبنا بتوع القراءة الطائفية لاي كلام بكتبه .. الفكرة زي ما انا فاهماها .. طالما البلد في أزمة يبقى لا غزة ولا بيروت ولا عفريت …..يعني اللي راحوا اتبرعوا لغزة مع احترامي الكامل ليهم .. ماراحوش ليه اتبرعوا للناس اللي فعلا مش لاقية تاكل .. بجد مش مجازا .. اللي تعوذه البلد يحرم على غزة وخلاص

  10. >بسم الله الرحمن الرحيمبداية انا اسف جدا لكن لا اسمح بأستخدام تعليقى فى اى دراسة بصدد الطائفية او غيرها .المشكلة فى كلام حضرتك هى استخدام مصطلح اسلامى بحت , فلا يوجد فى ادبيات اى دين غير الاسلام مثل هذا المصطلح ( واشدد على المصطلح وليس المعنى ) لكن حتى هذا المصطلح لا يمكن ادانته لأنه لا يحمل معانى الخنوع بأى حال من الاحوال , واستخدمت على سبيل المقابلة مصطلح اخر قريب من حضرتك حتى نفرق بين الخنوع وما يظن انه خنوع , فتحريم الخروج على الحاكم مرده بالاساس الى المفاسد المترتبة على الخروج عليه ومحاربته , اما الانكار عليه ومعارضته فعليه من الادلة ما يطول سردها فى الكتاب والسنة وكلام السلف ولا اظن ان هذا اصلا موضوع المقال .بالنسبة لمسألة التغيير والمطالب كنت تكلمت فى هذه النقطة من قبل , وقلت ان علاج الاعراض لا يفيد فى شىء الاى تفاقم المرض , ماينفعش واحد عنده برد نعالجله الكحة والرشح والسخونية ومانعالجش العدوى بمضاد حيوى لأن بعد كام يوم هاتتدهور الحالة لألتهاب رئوى يبقى جنينا على المريض .كذلك الشعب هانفضل نقول عاوزين ناكل وعاوزين نشرب يبقى حولنا الشعب لقطيع من الغنم وبنوفرله العلف والبرسيم , وهذه الاهانة لست انا من يوجهها لكن للأسف الداعين للمطالب الانية الوقتية كالتى تفضلتى حضرتك بسردها , يبقى المفروض تراجعى موقفك مادمتى لا تقبلى اهانة الشعب بهذه الصورة .اما الادلة على فشل هذا المنهج هو الارتفاع فى الاسعار , فلا اضرابات العمال او موظفى الضرائب د اجدى نفعا , رفعوا مرتباتهم , وهايعملوهم كادر خاص ( دا لو عملوهم يعنى ) وبعدين ؟ هايرفعوا الدعم عن الوقود وبعد شوية عن الخبز والسكر وخلافه يبقى ماعملوش حاجة , ليه ؟ لأن المرض فى الفساد الادارى والسرقة والنهب وانعدام المحاسبة والمراقبة , فى غياب جو صحى للبناء والنهضة , دا يبقى اسمه نفخ فى قربة مقطوعة , وادينا مع بعض وهانشوف اذا ماكانتش الزيادة الاخيرة فى الاسعار كافية لأن نتنبه وندرك خطأ هذا المسار .اتمنى ان كلامى يكون واضح بعيدا عن التفسير التنميطى والطائفى .تحياتى

  11. عمو says:

    >إذا سمحتماريد التعليق على ما ورد من صاحبة المدونةوالاستاذ محمودممكن ؟بجد حاجة تزعللما نبقى مطحونين كدة وكمان شوية مش هنلاقى تمن اعيش الحاف ونمسك فى بعض!!!!!ـالمشكلة بقت استخدام ادبيات ” ادبيات” اسلامية أو نصوص مسيحية ؟؟؟الحوار يا استاتذة له أصول المفروض اننا بنحترمهايعنى علشان حد يكتب رأى محايد من وجهة نظركم لازم يبقى اية ملحد بقى ؟؟؟؟وبعدين اية علاقة الأديان بالموضوعقد يكون هذا فوق مقدرة إدراكى المتواضع ، وأن هنالك علاقة وطيدة خفية لا أراهالكن خلوا الشعب ورجل الشارع فى حالهوهو عارف كويس هو محتاج اية وأمتى يصرخ وأمتى يخنع فهو من الذكاء بحيث يقرر مصيرة لكن أكيد هييجى يوم مش هيفضل حاجة يبقى عليهاولا ولاد ولا بيت ولا أم ولا أخواتدى حتمية تاريخية مش محتاجة تنظير ولا تقييمأأسف على الإطالةكما أأسف على المداخلةتحياتى وتقديرى

  12. >دي مطالب أهم بكتيييييييييير من الحرية والديموقراطية والتغيير والاصلاح .. مش لانهم مش مهمين .. لكن عشان فيه اولويات انا شايف كده برضهوالفكره دى بتثار دايما لما حد يحب يتكلم فى القديم وبالخصوص عن فترة عبد الناصر بيكون ده ردىفى خطبة الجمعه احيانا الخطيب بيدعى بصلاح ولى الامربس انا مابقولش امينوبخصوص النخبهفلتسقط النخبهوبخصوص حرمة الخروج على الحاكم انا معنديش المام كامل بالنقطه دى من الناحيه الشرعيه وان كنت مش متقبلهابس بتمنى المشايخ يبتدوا يتكلموا ف هموم الناسوبتمنى الكنيسه تسحب دعمها المطلق للنظاموكتلة الاصوات التصويتيه تروح للى يستحقهاايد هتفرق

  13. >عفواانا اقصد كتلة المسيحيين التصويتيهمش الاصوات التصويتيه

  14. >معلش يا بلوانتى ليه متعصبهحتى لو محمود المصرى رده معجبشده واردوعلى فكره اهل غزه ملا دخلوا مصر كانوا بيشتروا حاجتهم بضعفين تمنهامش بياخدوها ببلاش

  15. >متعصبه يعنىnervous:)التشكيل مهم يعنى

  16. bluestone says:

    >محمود المصري: انت مافهمتش النكتة :)))) مش مشكلة .. ماتشغلش بالكمفيش حاجة اسمها مصطلح اسلامي .. المفروض علميا وتاريخيا اللغة العربية مرجعها الاول القرآن .. إذا فالمرجعية دي مرجعية لغوية في المقام الاول لست بصدد التفسيرات الدينية لفكرة تحريم الخروج على الحاكم .. ولكن ما اود التركيز عليه هو كيفية استخدام او استغلال هذه الفكرة من قبل البعض لاقحام الدين في السياسة لخدمة الحاكم يا سيدي الفاضل لقمة العيش مش أعراض كوباية اللبن مش اعراض لما تدخل القسم محدش يضربك على قفاك مش اعراض .. دي لب المشكلة بس بكلام ابسط مما تستخدمه النخبة إلا اذا كنت بتتعامل مع هذه القضايا على انها فروع لقضية كبرى تتطلب حل جذري مثل ثورة او اسقاط نظام حكم او ما شابهوهي حلول تدخل في نطاق المستحيل حاليا معلش اسمح لي .. لما تكون أب ل4 أطفال ومش لاقي تأكلهم مش هتسيبهم يموتوا من الجوع وتروح تقول لا للتوريث !!مش منطقيالجو الصحي وامكانية المراقبة ومحاربة الفساد لا يمكن ييجي من فوق .. يمكن هنا بيجي الدور المهم اللي ممكن تلعبه منظمات حقوق المستهلك ومنظمات المجتمع المدني .. عشان تراقب الحكومة والشركات إلخ ===============عمو :اهلا بيك هي دي المشكلة القراءة المسبقة للشخص وتنميطه بناء على اي انتماء ليه مشكلة كبيرة جدا في بلدناقبل اي انتماءات طائفية او دينية او حزبية او اي حاجة تانية ..احنا مصريين ولازم نشوف ده الاول مسألة المصطلح الديني في موضوع زي ده مسألة هامشية تماما وفرعية .. سفسطة النقاش فيها مش ممكن يكون اهم من رغيف العيش يعني !!لا تأسف من فضلك يا عمو .. لا أحد يأسف على رأيه ===============

  17. bluestone says:

    >دكتور محمد الهنداوى :لك وحشة بجد .. انت فين ؟؟وبخصوص حرمة الخروج على الحاكم انا معنديش المام كامل بالنقطه دى من الناحيه الشرعيه مكنتش بتكلم عن الناحية الشرعية خالص ولا تعنيني التفسيرات لكن يعنيني اكتر استغلال الادبيات الدينية بشكل عام في السياسة لخدمة الحاكم . .. مثل مبادئ كثيرة زي الصبر على الابتلاء وان ثوابنا في الجنة دائما او ان هذه الحياة لا تعنينا . إلخ وان كنز الحياة هو الرضى والصبر على الابتلاء وتحمل المظالم والرضى بالمقسوم .. ورغم ان جميعها وغيرها مبادئ جيدة ورائعة سواء كانت دينية او ثقافية موروثة لكن استغلالها في غير محلها هو المشكلة بس بتمنى المشايخ يبتدوا يتكلموا ف هموم الناسوبتمنى الكنيسه تسحب دعمها المطلق للنظاموانا مش بتمنى وبس .. انا بحلم باليوم ده مش بقول ثورة ومش عارف ايه لكن بحلم بيوم اسمع فيه خطيب الجمعة بيقول الفساد حرام الرشوة عيب الظلم مش مقبولواحضر فيه وعظة لكاهن كنيستنا يعلمنا شوية عن الحقوق والمطالبة بيها وازاي نواجه الفساد بالحسم مش بالصبر وبس اهل غزة يدخلوا براحتهم طالما واخدين اذن .. انما يقتحموا الحدود.. لأ .. سوري .. ثانيا انا كنت بتكلم عن التبرعات اللي بيلموها لاهل غزة والحملات لنصرة غزة .. ياخي روحوا انصورا فلاحين سراندو ولا القرصاية الاول .. روحوا انصروا نفسيكوا اولا..عجيبة جدا يا محمد ان الواحد يبقى قاعد في شقة وباب الجنينة مكسور يروح يصلحه مع ان المجاري طافحة في الصالة !!!!اما بالنسبة للعصبية ..انا مش عصبية … انت عارف انا شخص حماسي وانفعالي وبكتب زي ما بتكلم بالظبط .. لما تيجي تسيب الفيل وتدور ع النملة لازم اتعصب.. اقولك العيش والجوع والبلاوي اللي احنا مقبلين عليها تقوللي مصطلح اسلامي .. وانتوا عندكوا ..!!!! لازم اتغاظ طبعا ..

  18. >ازيك يا ماريانانا موجود اهو وخرجت اخيرا من عزلة الامتحانات وبقيت داخل نطاق التغطيه القاهريهفى موضوع الخروج على الحاكم محمد الهامى كاتب فى مدونته باستفاضه عن الموضوع ده واعتقد كلامه يستحق القراءهبيفرق بين مشروعية التصدى لظلم الحكام لما يبغى ويجوع الرعيه وده اتفق عليه علماء الامه جميعهماللى اختلف عليه العلماء هو نقطة الخروج المسلح فقطبين مؤيد ومعارضبخصوص خطباء الجمعه فأنا بلتمس ليهم العذر احيانا ليه بقى؟لانهم بين فكى الرحى وتحت الضغط والتوجيه الامنى المستمرمنهم اللى غير كفؤ اصلا للمكان ده بس اتعين لاسباب امنيهومنهم الكفؤ بس بيتهدد بقطع عيشه ان لم يكن اعتقالهلانك اكيد عارفه ان التعيين بشروط امنيه لا علاقه لها بالعلم الشرعى ولا الصلاحيه العلميهوموضوع تبرعات غزه فدى مسألة أولوياتيعنى لو واحد مقتنع ان اهل غزه هم اهله تماما كأهل مصر وان التبرع مفروض عليه هنا وهنا طالما قادر انا مقدرش اعترض على كدهحتى لو ليا رأى مخالفوحكاية اقتحام الحدود يطول فيها الكلاملان دول فى الاخر بشر وجعانين مقدرش احاسب واحد جعان وبينه وبين الاكل سور ومش طايله

  19. >ازيك يا ماريانانا موجود اهو وخرجت اخيرا من عزلة الامتحانات وبقيت داخل نطاق التغطيه القاهريهفى موضوع الخروج على الحاكم محمد الهامى كاتب فى مدونته باستفاضه عن الموضوع ده واعتقد كلامه يستحق القراءهبيفرق بين مشروعية التصدى لظلم الحكام لما يبغى ويجوع الرعيه وده اتفق عليه علماء الامه جميعهماللى اختلف عليه العلماء هو نقطة الخروج المسلح فقطبين مؤيد ومعارضبخصوص خطباء الجمعه فأنا بلتمس ليهم العذر احيانا ليه بقى؟لانهم بين فكى الرحى وتحت الضغط والتوجيه الامنى المستمرمنهم اللى غير كفؤ اصلا للمكان ده بس اتعين لاسباب امنيهومنهم الكفؤ بس بيتهدد بقطع عيشه ان لم يكن اعتقالهلانك اكيد عارفه ان التعيين بشروط امنيه لا علاقه لها بالعلم الشرعى ولا الصلاحيه العلميهوموضوع تبرعات غزه فدى مسألة أولوياتيعنى لو واحد مقتنع ان اهل غزه هم اهله تماما كأهل مصر وان التبرع مفروض عليه هنا وهنا طالما قادر انا مقدرش اعترض على كدهحتى لو ليا رأى مخالفوحكاية اقتحام الحدود يطول فيها الكلاملان دول فى الاخر بشر وجعانين مقدرش احاسب واحد جعان وبينه وبين الاكل سور ومش طايله

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s