>تعجبات منطقية في ديوان من الملوخية–الشعراء يمتنعون

Posted: 29/06/2008 in Uncategorized

>

الكتب كالبشر
.. لذلك فالبحث عن الكتب الجديدة متعة غير عادية وتجربة ثرية إلى ابعد

بالنسبة لي تشبه جولة الذهاب إلى المكتبة مثل المغامرة المثيرة ..تبدأ بحالة الترقب حتى الوصول لابواب المكان

ثم الوقوف لثوان على الباب اتنشق رائحة الورق المحببة إلي نفسي.. ثم حيرة تحديد الاتجاه والبحث.. ثم أول خطوة حيث يسري في البدن رعشة مثيرة أثناء ذلك الصراع مع الوقت للاطلاع على كل شيء والحرص على ألا يفوتك غلاف الا وألقيت نظرة عليه

ثم عنصر المخاطرة في المغامرة المثيرة .. ماذا سأختار ؟ وما الذي سأضيعه على نفسي .. وتأتي مرحلة الذروة وهي القرار الحاسم في الاختيار. وانتهاء المغامرة بشعور من النشوة بعد الاقتناع باختياراتك وتهيئة نفسك لقضاء وقت ممتع

التعرف على البشر مسألة مثيرة وممتعة بالنسبة لي .. فكيف يكون الأمر ان كنت ستتعرف على شخص انت تعرف مسبقا ان لديه ما سيعجبك

ولكن لان هناك من لديهم قدرة على إفساد أي شيء على الآخرين حتى أبسط المتع الانسانية البسيطة للبسطاء امثالي لا يهنأ لهم بال إلا وقد عكروها وافسدوها عليهم كما لو ان تلك المتعة البسيطة في يد القارئ عجبة

فان كنت ممكن يهوون متعة شراء الكتب وزيارة المكتبات .. فالكلام الآتي مهم جدا حرصا على متعتك وصحتك ولكي لا يفسد عليك أحد واحدة من المتع النادرة المتوفرة في ايامنا هذه

فهذا يا سادة ما حدث معي وصار ذكرى أليمة لن انساها ما حييت وندبة عقلية سأتحسسها برعب كلما دخل إلى مكتبة او صادفت كتابا جديدا

حدث ما حدث في احدى جولاتي غير المعد لها في مكتبة البلد..حيث مررت لا لشراء كتاب محدد بل للتعرف على الجديد حيث ان جولة المكتبة يمكن ان يكون لها مفعول السحر في تغيير الحالة المزاجية المتعكرة .توجهت أولا لقسم الشعر واحدث الدواوين الجديدة جمعت بعضها وكان من بينها ديوان ديكورات بسيطة لاحمد الفخراني والذي كان بمثابة اكتشاف سار بالنسبة لي

وقبل ان أدير ظهري لاتجه للكاشير واحمل صيدي الثمين معي وقعت عيني (منا لله) على ديوان آخر (اتمني لو كانت شلت يداااااااااااي قبل ان التقطه) ..كتاب ذو غلاف أسود وكتب عليه بأحرف صفراء (سأظل أكتب لك) لشاعرة اسمها هبة نظمي كان عنوانا عاديا ربما وللحق عاديا اكثر من اللازم ولكني اعتقدت انه ربما لا ضير من التجربة ف20جنيه مش خسارة إطلاقا في اكتشاف جديد

ولكن يالتعاستي وسذاجتي!!!!!!!!!!!!!!!!!ا

بعد قراءة نصف الديوان فجعت .. لم اصدق نفسي ..من يمكنه كتابة مثل هذا التهريج الرسمي

والادهى من يمكنه نشره ؟؟!! من يمكنه عمل هذا المغرز في القراء المساكين

اعرف ان نشر الكتب صار مثل الفيديو كليب ..كب وإقلب(بضم الكاف). وكنت اتحدث مع صديق بشأن الثقافة الرخييصة

ولكن لم أكن اتخيل ان الامر وصل إلى هذا الحد!!! لم اتخيل ان يصل الامر بأي انسان إلى هذه الدرجة من القسوة وانعدام الضميرولا اي قلم لهذه الدرجة من الغباء

سأترككم مع بعض صفحات الديوان واعتذر عن وضع جميع “القصائد” لاني مزقت بعض الصفحات غيظا

ملحوظة : القصائد الورادة منقولة نصا من الكتاب بلا اي تعديل على طريقة الكتابة او القواعد اللغوية

علما بأن الاختيار جاء عشوائيا وليس انتقائيا على الاطلاق

ستشعورين بالحب
ستشعورين بالحب

لن اقول لك اني احبك

ستشعورين بها

وسيفهمها قلبك

دعيني اعبر لك
فأنا يا حبيبتي رجل صادق
أفضل الفعل عن الكلام
لست كالآخرين
فصيح اللسان
اني بسيط يا سيدتي
ولست خبيرا في الغرام
فانت حبي الاول
وعشق حياتي
وقلبك لم يسكن قلبي
وبعدك لن يكون لسواك
كوني اميرتي .. وملكة احلامي
اسمحيلي ان اهواك بالفعل وليس بالكلام
ارقصي معي رقصة التانجو
اسمحي للموسيقى
بالتغلل داخلك
ضعي يديك في يدي
وتشجعي
انسي مخاوفك وانت معي
استمعي للايقاع
تحركي معي
هيا يا صغيرتي

ان تكون مختلفا

أتحب ان تكون مختلفا

إذا فلتكون متميزا
اجعل حلمك اكبر
لكي تكبر
لقد تعلمت درسا من الاخرين
ان الثقة بالنفس شيء جميل
والايمان بالله يفتح كل طريق

معجم اللغة العربية

اني اتيت إليك

احتاجك لتعلمني
قواعد لغتي
فلقد تمكنت مني العمية
علمني كيف اكتب
علمني القراءة
علمني كي استحق
ان اتباها بيها
ان اكون فتاة عربية

مذكرات فتاة تحب

خذ افكاري وذكرياتي

خذ ما تبقى حياتي

خذ ما املك

من مالي وكلماتي

من اهلي واصدقائي

واهديني قلبا يقدر احساسي

اجعلني خيال العاشقين

صورة الشعراء

ولا تحرمني العطاء

فانا اتعطش لاكثر من كوب ماء
اني اشتاق للحب مثل الرفاق
لست غريبة الاطوار
ولكن القوم بخلاء

تذكر كلماتي
لم يكن لقاؤنا صدفة فارغة
فانا رأيتك في احلامي مطولا
قد اكون قبيحة الوجه
ولكن ربي احسن من نفسي
ايها السيد المتكبر انت
يا من تبحث عن الوجوه
وتنسى النفس الامارة بالسوء
تذكر هذه الكلمات
في حد الايام ستقول
صدقتني القول فتاة بتول

وفي قصيدة الالف خطاب تقول:
قف عند خطابي ولا تنادي
ناطقة اشتاق
ويدان تنتحر كاتبة اهواك
ودموع قلب قال اعشق
اني اعيش كالبشر وربما اخطر
قصيرة انا وانت اطول
ومشاعري تصل اسرع
زمن الحيرة انتهى
وصرت امرأة تشتهى
وكأن ذنبي اني اصبت بالهوى
وما كان هناك من دوى
كنت السهل الممتنع
حتى بدوت المستحيل
مسكرة مثل الخمر
ثرثرة وكلام:
ارحلوا ولا تستمعون
انتهيت من ادائي الجميل
اكراما لي صفقوا قبل الرحيل
حتى اعود في الغد
للابداع من جديد
بطريقة تذهب العقول
امرحوا معي
عندما تروض الشرسة:
ترويض الشرسة من اختصاصي
فتنحوا جانبا يا رفاقي
تلك المراة لي هي مرادي
سأعلمها معنى الطاعة واللياقة
سألقنها درسا في العطف والحنان
سأهذب أخلاقها وافهمها مكانتها
ستحترم الكون من جولها
وتقدر كل ما في يدها
سيتغير لسانها من الحاد إلى الحسن
وستتربى على طاعتي
وتفهم غايتي
ستستوعب نظراتي
وتستجيب لطلباتي
كأنها أوامر لها
..
تلك كانت آخر كلماتي
اليوم انا الذي اقول لكم
ان ترويض الشرسة
اسهل من نزول السلم
يانبلاء يا رجال
خاطبتم شراستها
فلا مرود لها غيري
فانا وبكل كبرياء
وغرور واصرار
مروض الشرسة

وفي قصيدة مذهلة اخرى:
هكذا تثبت لي حبك
بان اراك بعيني معها
ورأسها على صدرك
وتضيع دموعك بين نهديها
بأن تطلب منها ان تحبك
فلم اذا احببتني ان كنت تحبها
هكذا توريني كيف تحبني
بان تستلم بين احضانها

محاولة تحرر:

ياليتني صنت كرامتي وكبريائي
لما بقيت هكذا واصبح حالي
احاول ان ادهس مشاعري واوقف انفاسي
..
اخبروني كيف ؟ اعلموني وعلموني
ألا اشتاق إليه
بأن لا ابحث عنه
قال احبك واحسها وهو يقولها
ومن بعدها قال كوني صديقتي
..
قالها قال انه كان يختنق مني
ومن حديثي عن اصدقائي
..
اتى إلي قائلا اني توفيت الآن
أختنق منك حين تتكلمين
قال لم أقل لك حبيني
وبدا الفكر يسألني ماذا أقول يا قلمي؟
قال احبك واشتاق بل أبشع
وقبلني على شفاهي
وقال ذوبي في احضاني
الديوان: سأظل أكتب لك
شعر: هبة نظمي
الناشر: دار قباء الحديثة للطباعة والنشر والتوزيع
الترقيم الدولي: 9773035352

ولا عزاء للشعراء
ولا عزاء للغة
ولا عزاء للكلام
ومن لله اللي كان السبب

Comments
  1. >انا شفت الديوان ده فى البلد او عمر بوك ستور مش فاكرانا هرجع ارد هنا تانىالحقى استخبى:)

  2. Bahz Baih says:

    >انا مش هعلق معاكى على حرقه الدم … لاننى زى مانتى عارفه بحب التفاؤل و ببص للحاجه الحلوهأول ما قريت المقال بتاعك أفتكرتك مش عاجبك أحمد الفخرانى … بس بعد كده أكتشفت اللى اسمها نظمى دىالمهم انا كنت جاى عندك أعمل إعلانأحمد الفخرانى بتاع ديكورات بسيطه هو نفسه زرياب بتاع التياتروتقدرى تشوفى كتاباته الجميله فى البلوج دهhttp://zeryab.blogspot.com/و كمان تقدرى تشوفيله سيرة بنى زريابhttp://banizeryab.blogspot.com/ده غير انه عضو نشط فى بلوج أسكندرانيه و هو اللى أفصح عن تاريخ أسكندريه السرى فى مدونه أسكندرانيهhttp://eskandaranaya.blogspot.com/2006/04/blog-post_12.html

  3. mina says:

    >الحلزونة ياما الحلزونة ….. خبينى يا اما يا حلزونة

  4. >لأ بس جريء أوي إسم قصيدة معجم اللغة العربية قصيدةلو إفترضنا إنها قصيدة يعني

  5. >هههههههه لأ مش ممكن ضحك مش طبيعي …. الأسلوب ده اتنشر ازاي فعلاً ؟؟

  6. >يا مصيبتي انا ماسكة لساني بالعافية بجد(ان الثقة بالنفس شيء جميل والايمان بالله يفتح كل طريق )دي من الحكم اللي بتبقي مكتوبة علي النتيجة من تحت صح؟ومن ناحية انها محتاجاله عشان يعلمها اللغة فهي فعلا محتاجة تتعلم عربيياريته ييجي ويعلمها بقي ويريحنا

  7. karakib says:

    >عاديو عادي اوي كمان المشكلة انك ما قلبتيش في الديوان لو ينفع نقول عليه ديوان قبل ما تشتريه

  8. >يا دهوتي يا دهوتي يا نيبتي يا نيبتي الست صحبتي بلوستون مع الاخرون يتأمرون ويتأمرون وعلي احباطي يصرونماذا افعل يا ربي وما زنبيالعالم مجنون مجنون=============== ايه رأيك بقافيا؟؟ انفع شاعره؟! ومحدش احسن من حد بس عندي سؤال ها يموتني في عصر الانترنت والفيديو كليب وكل المغريات الي بتسرق الوقت من القراءه مع ملاحظه الغلاء الاسود اللي عايشين فيه مين ها يدفع 20 قرش حتي في القرف ده والسؤال الاصعب مين اللي ها يتحمل مصاريف النشر يعني مين ها يتبني الموهوبه هبه دي وها يسترد فلوسه ازاي اصلا؟؟ولا هي غنيه وها تنشر علي حسابها وبكل ثقه تجازف انها ترمي فلوسها علي الارض!!! غريبه

  9. Bella says:

    >عايزة اشكرك مرتيناول مرة لوصفك الرائع لطقوس شرائك الكتب لانها نفس الطقوس التي امارسهاأما الشكر الثاني فهو بتبصيرنا حتى لايقع احدنا في فخ الست هبة ديكل مااشوف الكلمات والاخطاء القاتلة التي ارتكبتها اعرف لماذا تراجع دور مصر في مجالات عدة من ضمنها الثقافةههههههههههههههههكل ماافتكر جملة ترويض الشرسة مثل نزول السلم اتذكر شعراء الحداثة وشعرهم الملئ بعبارات من عينة صهيل الوردة ورصيف الارز باللبنوباقي العبارات التي تعتبر من مستلزمات الشعر الحديث ولايكاد يخلو ديوان منهاالحقيقة مش عارفة على اي اساس الهراء المكتوب ده بيعتبروه شعراي حد يرص كلمتين جنب بعض خلاص اصبح شاعرا لايُشق له غباردي مش بس ثقافة رخيصةدي كارثةلا وجالها قلب تعمل قصيدة عن اللغة العربيةيالهوي يانيههههههههههههههههههههههههههدي لانحو ولا صرف ولا حتى مفرداتههههههههههههههههههههه

  10. lastknight says:

    >هاهاهاهه .. تعيشى و تاخدى غيرها يا ماريان , و بالشفا أن شاء اللهيابنتى كتب أيه و شعر أيه اللى بتدورى عليهم دلوقتى ؟ مافيش عند بتوع الكتب غير نوعين بس .. عذاب القبر .. و ليلة الدخله .. ماحدش بيكتب غير فى الموضوعين دول دلوقت .. مش تقوليلى شعر و كلام فارغ أنا لو منك .. و لو الكتاب من عند اللى فى بالى .. تروحى تطلعى عينه و تاخدى بتمن الكتاب كتابين و فوقهم شاى بحليب و سندوتش لكن لو الكتاب من حد غريب .. يبقى استعوضى ربنا بقى .. معلش

  11. >ازيك يا ماريانوأما بعدبصى يا ستىمن كم سنه كان كل اللى بيكتبوا بيشتكوا من صعوبة النشر عشان وقتها كان عدد الدور الخاصه قليل وبياخدوا مبلغ كبير والنشر فى الحكومه طبعا بما انه فى الحكومه كان محتاج حوالى فدان كوسهدلوقتى زاد اوى عدد دور النشر الخاصه,وكل دار عاوزه تعمل انتشار زى الممثل الجديد بالظبط اللى بيعمل اى دور يجيله لمجرد ان اسمه يتعرف وبعد كده يبدأ يختار أدوارهاهى كده دور النشر الجديده,معظمها معندوش لجنة قراءه ولا حتى لجنة مراجعه لغويه,بينشروا أى عمل يتقدم لهم ويدفع,انا معرفش عن دار قباء بالتحديد,بس اعرف غيرها واعرف انهم فى طريقهم لتكوين لجان قراءه للأعمال قبل طبعها ولجان مراجعه بعد الموافقه وقبل الطبعالكتاب اللى اتكلمتى عنه فى التدوينه والقصايد اللى حطيتيها فيها أخطاء لغويه فادحه ما يقعش فيها طالب فى أولى اعدادى,وده الجزء الوحيد اللى متفق معاكى فيه انه مايصحش ابدا ينزل فى كتاب مطبوعغير اللغه بقى ممكن نختلف براحتنا,يعنى كون الكلام المكتوب انتى شايفاه مش شعر ده من حقك,بس غيرك ممكن يشوفه شعر جميل جدا,وبعدين تعالى كده لمعظم اللى موجودين ع الساحه حاليا وتحت الضوء ودورى على حاجه بيكتبوها لها قيمه ولو لقيتى ابقى دلينى عليها,ده بجد مش سخريه,يعنى مثلا ايه اخر قصيده كتبها عبد المعطى حجازى,وكانت امتى؟ الواضح انه توقف عن الكتابه من زمان وشغال كلمنجى دلوقتى وبيعيش دور الشهيد عند اى اختلاف مع رأيهاتحفظ على بعض التعبيرات مثل الثقافه السطحيه,أولا انا معرفش يعنى ايه ثقافه عشان اقول عليها ان كانت سطحيه ولا ايه,يعنى ايه ثقافه؟وكمان القسوه وانعدام الضمير والغباء وكل الكلمات دى انا شايفها متجنيه على صاحبة الكتاب اللى انا معرفهاشبس هو مش ذنبها على فكره,ومحدش بيشوف نفسه وحش,والأهم ان الكلام مش مسئ لحد او لجماعه ,وهى زى ما واضح نشرت على حسابها مش على حساب الحكومه زى حلمى سالم مثلا, وكمان كتابها بيتباع مش بيتوزع فى ملاحق مع مجلات تصدر على حساب دافعى الضرائب , عارفه مين حلمى سالم؟ اهو واحد بيكتب اى كلام فى اى كلام المهم انه يشتم ربنا مثلا او يتجاوز فى حق اى مقدس,وبعدين يطبع على حساب وزارة فاروق حسنى وكمان ياخد جايزة الدوله التقديريه , واللى ينتقدوا هيطلع ظلامى ومتخلف ورجعى ,تعرفى ان قصيدة حلمى سالم اللى بقولك عليها دى اللى لفت النظر ليها هم عمال المطبعه لما قروا الكلام راحوا لرئيس التحرير قالوله القصيده فيها تجاوز,قاموا بقى التنويريين عملوها نكته ازاى عامل المطبعه يتدخل ف حاجه زى دى,مع ان المفروض ان عامل المطبعه انسان له عقل ومشاعر وبيقرا وجايز يكون بيفهم اكتر من حلمى سالم نفسه وهو من ضمن الناس اللى المجله بتتوجه ليهم عشان يقروا,ولا المجلات بتصدر للناس اللى اصلا اتثقفوا(بمفهوم الثقافه بتاعة حلمى سالم),دانا والله فى معرض الكتاب الاخير رحت احضر ندوه كان فيها حلمى ده بيقول كلام كده المفروض انه شعر,بس ما اقولكيش,ربنا ما يكتبه على حد,ما كملتش 5 دقايقده بقى اللى نتكلم فيهانتى عارفه لو جبنا الكلام اللى ف الديوان ده وجبنا قصيده لواحد من المثقفين بتوع اليومين دول وبدلنا الاسامى,الديوان ده هياخد جايزهحظوظ بقى وعايزه الحق بقى,انا حاسس انك زعلانه ع العشرين جنيه اكتر حاجه:)

  12. >ههههههههههههههههوالله اضحكتينى ياماريان من صميم القلب.. جايز ما ضحكتش كده من سنيناللى بسطنى فى الموضوع ده ..ان جالك صبر تقعدى تنقلى من الديوان للمدونه علشان نشاركك الحزن..وانا احيكى على هذا الصبرالمفروض بعد اول صفحتين ترمى الكتاب فى الزباله

  13. bluestone says:

    >بهظ بيه:ياااااااه انا ماكنتش اعرف فعلا ان زرياب هو احمد الفخراني دي معلومة جديدة جدا بالنسبة لي انا فعلا عجبني جدا ديوانه واقتبست منه اجزاء حطيتها في تدوينة سابقة

  14. bluestone says:

    >مينا:انا بيتهيألي الحلزونة كانت اعمق =================================يحي المصري: يعني هي كانت بتخاطب المجمع كله مع انه استاذ العربي بتاع الاعدادية بتاعها لو قرا الديوان ممكن يجيله جلطة

  15. bluestone says:

    >مي..جنين: ده اللي بستغرب له فعلا يعني هقدر افهم ان كل واحد شايف ان الكلام اللي بيكتبه محصلش في التاريخ لكن الناشر ازاي قدر يقبلها على نفسه==============================كاميلياحسين: الديوان كله مليان مواعظ وحكم انا زعلانة قوي على الوقت اللي راح في قراية الديوان والفلوس اللي راحت في شراه والحبر وحتى الورق

  16. bluestone says:

    >كراكيب: انا طبعا بقلب في كل الكتب قبل شراها بس يمكن يومها كنت مستعجلة جدا ووغير كده كتير ممكن نظلم الكتاب لو قلبنا فيه ع السريع .. بس انا برضه غلطانة واديني دفعت التمن :(===================================بنت القمر: طبعا شاعرة ونص وتلات اربع شوفي لك بقى ناشر يتبنى موهبتك ماهو مفيش حد احسن من حد ده حتى القصيدة اللي انتي كاتباها فيها وزن وقافية عن قصايد الديوان العجيبمعنديش خبرة كبيرة قوي في مسألة النشر لا عمري نشرت كتاب ولا بفكر انشر بس اللي اعرفه ان فيه مقاييس او معايير بتعتمد عليها دار النشر يعني بتحط مستوى معين للكتب اللي هتنشرهاواللي اعرفه ان دار قباء مش دار مغمورة او ربما انا على خطأانما المغفل اللي هيدفع 20 جنيه (زي حالاتي😦 يعني .. غالبا بيبقى مضلل ومش واخد باله انضحك عليه واستغلوا سذاجته===============

  17. bluestone says:

    >بيلا:آه يا بيلا وأي فخحالة الغيظ اللي كنت فيها كنت حاسة ان حد ضحك عليا طبعا ترويض الشرسة افضل من نزول السلم وانا متعطشة لاكثر من كوب ماء كلام كبيييييييييير على مستوى الكاعدة اللغويةطبعا قصيدة معجم اللغة دي من اعجب الصدف التاريخية .. الديوان ده لازم يدرس في فن التهريج الرسمي ===================================فارس اخير: ماهو انا ماليش في عذاب القبر زي ما انت عارفولا حتى ليلة الدخلة برضه .. وسذاجتي دفعتني دفعا للتجربة لربما افوز بلذة الاكتشاف لكن منه لله اللي كان السببانا فعلا بفكر اروح للمكتبة وامرمط بيهم البلاط .. عشان التهريج اللي هما بيبعوه===================================محمد الهنداوي:ازيك يا دكتورزي ما قلت انا خبرتي قليلة بمسألة النشر بس فعلا المفروض ان كل دار نشر يكون ليها معايير قياسية محددة مش اي حد هيحط اي تهريج في ورق ويطبعدي حاجة في حد ذاتها خطيرةلا وبعيد كمان عن الاخطاء اللغوية والنحوية فيه منطق في الكلام صعب نختلف عليهيعني لما اقولك ترويض الشرسة اسهل من نزول السلمواقولك ده شعر يبقى انا بهرج احنا ممكن نختلف في تذوقنا للفن او للشعر بس لما يبقى او شعر لكن مش كل واحد هيرص كلمتي على ورق يبقى بيكتب شعرلا فيه حاجات كويسة جدا يا دكتور زي ديوان ديكورات بسيطة لاحمد الفخرانيوفيه ديوان كمان اسمه الملائكة لا تشاهد الافلام الاباحية حلو قوي وكمان ديوان سيرة الاراجوز بتاع خالد عبد القادر وكمان شغل كايرو بتاع محمود عزتانا مش بتكلم عن المشاهير والمعروفين ولا حاجة انا بتكلم عن الناس الجداد .. او التجارب او اللي قرائتهم ممكن تبقى مغامرة لان اسمائهم مش معروفة ممكن ديوان مايعجبنيش لكن ده مش هيمنع انه شعر وفيه فكرة وفيه مجهود وان لم اتمكن من تذوقه لكن عشان آجي اقول اني متعطشة لاكثر من شربة ماء والناس بخلاءواقولك شعر أ!!!! ازاي يعني بالنوسبة للاستاذ حجازي ياريته عايش دور الشهيد!!انا ما قلتش ثقافة سطحيةانا كنت بتكلم عن الثقافة الرخيصة وخطورتها وكنت بتناقش فيها مع صدديق من فترة انت شايف اني تجنيت على صاحبة الكتاب؟؟؟؟؟انت عجبك الكتاب ولا ايه ؟؟؟؟ تذوقت الشعر الوارد ولا ايه ؟؟ بس على العموم القسوة وانعدام الضمير هتعود بنسبة اكبر على دار النشرانا ماحبش حد يضحك عليا .. لو اي حد فاهم ان الكلام اللي ورد في الديوان يمكن تجاوزا تسميته شعر يبقى بيهرج يا اما بيستعبط يا اما بيشتغلني لازم تقرا الديوان كله يا محمد عشان تفهم قصدي

  18. bluestone says:

    >الرأفتاني:ايوة طبعا جالي صبر اكتب وانقل للمدونةامال عايزني اتشل لوحدي؟ ؟؟؟لازم اعكنن على قرائي كمان .. مش احنا على الحلوة والمرة برضه ..🙂 انا قطعت كام صفحة من الغيظ بس قلت احتفظ بالباقي دليل على المسخرة الثقافية اللي احنا فيها

  19. >لا طبعا الكلام مش عاجبنى خالصبس برضه انا معنديش الجرأه انى اقول فلان شاعر وفلان مش شاعرانا شفت ديكورات بسيطه وشغل كايرو والملائكه وطبعا سيرة الاراجوزوشايف انه مفيش مقارنهانا مش بصادر حقك انك ترفضى الكلام ده تماماكان كل قصدى انه مثلا ترويض الشرسه اسهل من طلوع ولا نزول السلم انا وانتى شايفينها جمله عبيطهبس صاحبتها وعلى الاقل اتنين غيرها هيشوفوها صوره عبقريهانا بفكر بمبدأ ان الدنيا تتسع للجميعوكل اللى ف نفسه حاجه يقولها بدال ما يفرقع وشنا:)المهم ما يكونش فيه اساءه او اهانه من اى نوعوبعدين انتى عاوزانى اقرا الديوان ده ليهانا عملت لك ايه بس

  20. Abdou Basha says:

    >ليه متقوليش انه الديوان مقصود انه يطلع كده كإبداع ما بعد الحداسة:)

  21. >فيه مدونه اسمها اياكش تولعصاحبها ناشر القصيده الحداثيه دى ومش عارف هو ناقلها عن حد ولا كاتبها بنفسههو بيتريق على مدعى الشعربس انا اتأثرت اوى بالقصيده:)*************************حبيبتىأيااااا حبيبتىأتذكركعندما تضاجع الشمس الشروقصانعة صباحا قرمزيا بطعم الزنجبيلليرسم وجهك على صفحة ماء صنبورتجمع فى إناء وردى اللونعندها… أتذكرك(حلوتى(لازم ضم الحاءأيااااا حلوتىلطالما حسدنى المطرفهو يهطل عليك مرة كل شتاءأما أنا فأهطل(بضم الطاء!) على عينيك فى كل لحظةمتنسما عبير شفتيك الزرقاوتينزرقة من مات حبا بلا أملو دفن بلا شاهد قبرعصفورتىأيااااا عصفورتىزقزقى فى اذنىفزقزقتك تثير في شجنا أبدياتشعرنى بالعجزكقيثارة فقدت أحد أوتارهاكدب قتل صاحبه بصخرةكفرخ ضاع من أمه على جانب طريقأو كتنين أخصاه سيدهفلم يعد قادرا على رسم قوس قزحصغيرتىأياااا صغيرتىأعطنى قبلة من عينيك اللازوردتينأتشرب بها روحك المتوحشةكى يتشبع بها جسدى الهامدفأستعيد حياة ضاعت منى فى قرونى (يعنى أزمنتى و لا مؤاخذة!!) الماضيةحبوبتىأياااا حبوبتىألمح وجهك رقراقاخلف تلال اليأسصانعا شمسا بعيدةفى ليلة ظلماءليوم أسودفى عام قحطمانحة إياى قبلة حياة حمامتى(أياااا حمامتى (امنعوا الضحكلطالما تمنيت البكاء بين كفيكماسحا مخاط أنفى على زندك الجميللتكفكفى بيديك دموع روحىفأنهنه بكلمات عشقتغار منها حتى العناكبمليكتىأياااا مليكتى(دعينى أهديك طوقا من الياسمين(لازم فتح السينصنعته لك من قطرات ندىتجمعت على وجه زهرة أقحوان ذابلةلأطوق به جيدك المرمرىمرمرة لحاء شجرة أرزغسلها السحاب بماء وردزنبقتىأيااااا زنبقتىعندما يحترق الحبو تتناكح الكواكبو يشرئب العدم بعنقهمتلمسا طريقه بين أدغال الحقيقةليتجشأ خرافات الأزمنة الغابرةعندها أكتشف أن حبى لك لا نهاية لهو أنه سرمدى سرمدة سرمدية-:توضيحزملائىأياااا زملائىالخراء المكتوب أعلاه يطلق عليه قصيدة حداثية

  22. DomDam says:

    >و مدعشرٍ بالقحطلين تحشرمت شرافتاه، فخر كالخربعصلِو الكيكذوب الهيكذوب تهيهمت من روكف العلطبوط المنفلو تفشخط الفشحاط في شخط الحنا فتشلبصت بالحشجبوس المدنبلو عجبي

  23. >خدى بالك يا بلو ليكون الكتاب ده بتاع شاعرة من الى بيتصوروا بورد و لا حاجة و من النوع الى بيطلع او بيتكلم مع الجمهور و تبكى بالدموع لأنها أتأثرت بمحبة الجمهورو بعدين ازاى تقولى ثقافة رخيصة مش خايفة لحد يهاجمك و خصوصاً دار النشر الحنكوشية و يطلعلك اتنين مهاجرين أسيوط يتهموكى بأهانة الكاتبة الشاعرة المرهفة بس دى ارحم , انا أعرف شاعر كتب قصيدة فى الأغتصاب الطائفى و لما محدش فهم كلامه , اتهم الناس بالغباء فممكن حد يخش يقولك زى ما قالك عبده باشا , ده شعر ما بعد الخباثة او ما بعد الغباوة شوفى البلد دى بعد نظرية الأنفتاح فى عدد دور النشر بقى كله بينشر و ده حلو و وحش حلو لانه بيخرج عدد كبير من الكتب و من كل الأذواق و الأفكار و طرق الكتابة و الكتاب , و بيوسع سوق القراءة و بيجدد روح القارىء و وحش لسبب زمان كان يقولك فى خلط بين الغث و السمين بين الوحش و الحلو لكن دلوقتى فى خلط بين ابن ستين الكلب و بين العادى و بين الكويس و بين الممتاز و لأن البلد دى مليانة حاجات بنت ستين كلب اكتر من العادى و الكويس و الممتاز فتخيلى حد كاتب ستشعورين بالحب بدل الضمة واو يبقى اكيد بيتكلم صح لأنه بدل جاتله الجراءة انه يتغابى لدرجة الحمورية و يعند لدرجة انه ينشرها لو نقدتيه و قلتى ايه الهبل ده حيتهمك بالجهل و الصفاقة و قلة المعرفة و لكم ما حدث من شاعر الأغتصاب أكبر دليل دى جراءة رهيبة و بجاحة بنت كلب انا متاكد ان لو دار النشر او الشاعرة أو اصدقائها عرفوا بالتدوينة حيتهموكى بالجهل بشجاعة منقطعة النظير , لدرجة انا متأكد انك حتصابى بالذهول اكبر من ذهول تشعورين الى بالواوفى حاجة غلط بجد محدش عايز يعترف بانه غلطان مش عيب افتكر انى شاعر , مش عيب انى انشر شعر سيىء لأن الجمهور حيوقعه من حساباته و مش حينتشر لأنهم مش أدونيس بروح ام ترترلكن العيب انك تكون مقتنع ان كل الى حواليك حمير و بهايم لمجرد انهم قالوا رأى شخصى مختلف معاكربنا يرحمنا و يغفر لنا خطايانا و يطهرنا من كل شعر ردىء و رواية سيئة و كتاب رجس من عمل الشيطان===و كول عامون و انتوم بخيرون

  24. >اكيد اللى اداها الفرصة تنشر الديوان كان بيجامل او هية اللى صرفت علية ما هو دلوقتى الابداع بيرفق بالرفاهية كل ما كان معاك فلوس كل ما قدرت تنشر ترهاتك و خطواتك الغير مدروسة اللى يلاقى دلع وما يدلعشوبعدين هية اكيد صوتها طلع مش حلو فقالت اشعر بقى وكلها ابواب شهرةو طالما الفلوس هية اللى بتتحكم فى ظهورالابداع يبقى على كل الابداع السلامولنا فى الغناء والتمثيل عبرةتقبلى مرورى الاول

  25. Caramella says:

    >ايه الشلل دهلا ربنا معاكى بجدو لا عزاء للغة !

  26. >ستشعورين بالحبستشعورين بالحبلن اقول لك اني احبكستشعورين بها———-هههههههههههههههههههههههههههالشاعرة دي فشيخة

  27. >على قد ما الموضوع طريف للغاية .. على قد ما أنا مش مندهش بسببه .. وده لأن تركيبة مجتمعنا العجيبة دلوقت بقت من الطبيعي جدا إنها تفرز أنصاف وأرباع وأخماس الموهوبين في كل شيء .. حتى الراجل اللي بيجمع الكلام علشان ينشره كده برضهما أكثر الغث الذي يقدم للناس في كل المجالات الآن

  28. bluestone says:

    >عبده باشا:ابداع ما بعد الحداسة .. هي الحداسة بنت اللذينا دي هي السبب ===================================دوم دام : آهو هو ده ================================احلام اليقظة :هو فيه حد يجامل حد بالطريقة الوحشة دي !!وبعدين يجاملها على حساب الغلابة اللي هو احنا ليه؟بس لازم يكون فيه طريقة ما لانقاذ الناس اللي مالهاش في المجاملاتانا فعلا بيصعب عليا الورق اللي انطبع بيه كلام زي ده مع اني اعرف ناس كتير احق بكتير انها تنشر والناس تقرا كلامهامنورة في المرور الاولوياريت ماكونش الاخير================================== كاراميلا: ولا عزاء للقراء الغلابة كمان========================على باب الله: طبعا بما ان ترويد الشرسة اسهل من نزول السلم :)====================================يامراكبي: الناشر ده لازم يروح النار عندك حق فعلا

  29. >معقول؟؟؟ معقوووول؟؟؟؟ديوان ؟ ومطبوع ومنشور؟؟؟الحق مش عليها ..أبدا أبدا ..والل مش عارف أعبّر حتى عن غضبي بعد اللي قريته

  30. >هههههبقلك كنت سأدهس مشاعريصدقا دمه خفيف، لم أقرا غير هذه الجملة ولا أستطيع التوقف عن الضحكجو لا تغضب ولا تعر انتباهك لهكذا أمور صغيرة أعرف شعراء تحفى أقدامهم ولا يستطيعون نشر شيءيا زلمة شو بدو يصير بالمشاعر لما يدهسها

  31. >يا عزيزتيجزاك الله خيرا على جرعة الضحك التي تجرعتها اليومودا دليل ان مصر أصبحت سبوبة حلوة لكل من هب ودبتمانين مليونيعني لو فيه ماتش للمنتخباعمل عصاية خشب وحط قماشة وبيعاو بليكة مصر وبيع يا معلم تمانين مليونلو الفين بس اشترو الكتاب أي كتابابو عشرين جنيهبيع واكسب يا معلموكلها ارزاقهذه القصائد لم ترقى حتى لمستوى الحلزونة ياما الحلزونة:)

  32. Anonymous says:

    >ادى جزاء اللى يقرا شعر لحد ما يعرفوش

  33. will says:

    >A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖情色,AV女優,UT聊天室,聊天室,A片,視訊聊天室UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

  34. heba says:

    >السلام عليكم و رحمة الله بعد السلام و التحيه …..اعتذر اعتذر بشده عن الالم الشديد الذي وجهتوه عندما قرأتهم ديواني الاول البسيط سأظل اكتب لك الذي لم يكن تجاوز عمري عشر سنوات حين كتبته و كان خطأ مني اني لم اوضح في مقدمة بسيطه ان محتويات الديوان خواطر و ليست قصائد بجوار و ملحوظه اهم ان محتويات الديوان كلماتي الاولي عندما كان عمري فقط يتراوح بين العاشره و الخامسه عشر او السابعة عشر و حين اصدر هذا الديوان كنت ابلغ من العمر تسعة عشر عام و لكني الان في الثانيه و العشرون و مازلت اتعلم اعلم ان لدي اخظأ املائيه كثيره و ان مستوايا ما زال ضعيف لكني احوال ان ارتقي و اعلو و ان اتعلم كلماتكم الازعه وضعتني في حالة من الصدمة و اصابتني بالقشعريرة حقاً بالتحديد حين قراءة كلمة و أول ما قريت المقال بتاعك أفتكرتك مش عاجبك أحمد الفخرانى … بس بعد كده أكتشفت اللى اسمها نظمى دىالمهم انا كنت جاى عندك أعمل إعلان و حين سقطو عيني علي تلك الكلمات و الجمل الساخره يا دهوتي يا دهوتييا نيبتي يا نيبتيالست صحبتي بلوستونمع الاخرون يتأمرون ويتأمرونوعلي احباطي يصرونماذا افعل يا ربي وما زنبيالعالم مجنون مجنون=============== ايه رأيك بقافيا؟؟انفع شاعره؟!ومحدش احسن من حدبس عندي سؤال ها يموتني في عصر الانترنت والفيديو كليب وكل المغريات الي بتسرق الوقت من القراءه مع ملاحظه الغلاء الاسود اللي عايشين فيهمين ها يدفع 20 قرش حتي في القرف دهوالسؤال الاصعب مين اللي ها يتحمل مصاريف النشريعني مين ها يتبني الموهوبه هبه ديوها يسترد فلوسه ازاي اصلا؟؟ولا هي غنيه وها تنشر علي حسابها وبكل ثقه تجازف انها ترمي فلوسها علي الارض!!!غريبه ………………………………………………………………….ز عايزة اشكرك مرتيناول مرة لوصفك الرائع لطقوس شرائك الكتب لانها نفس الطقوس التي امارسهاأما الشكر الثاني فهو بتبصيرنا حتى لايقع احدنا في فخ الست هبة ديكل مااشوف الكلمات والاخطاء القاتلة التي ارتكبتها اعرف لماذا تراجع دور مصر في مجالات عدة من ضمنها الثقافةههههههههههههههههكل ماافتكر جملة ترويض الشرسة مثل نزول السلم اتذكر شعراء الحداثة وشعرهم الملئ بعبارات من عينة صهيل الوردة ورصيف الارز باللبنوباقي العبارات التي تعتبر من مستلزمات الشعر الحديث ولايكاد يخلو ديوان منهاالحقيقة مش عارفة على اي اساس الهراء المكتوب ده بيعتبروه شعراي حد يرص كلمتين جنب بعض خلاص اصبح شاعرا لايُشق له غباردي مش بس ثقافة رخيصةدي كارثةلا وجالها قلب تعمل قصيدة عن اللغة العربيةيالهوي يانيههههههههههههههههههههههههههدي لانحو ولا صرف ولا حتى مفرداتههههههههههههههههههههه ………………………………………………………… انا حابه اوضح لكم شيئ انا وقعت في فخ دار النشر فعندما توجهة اليه توجهة اليه و انا لا اعلم ان كنت جيده او سيئه و عرضة عليه اعمالي و كلماتي طالبه منه انه يقيم لي كلماتي و يقم لي عملي هل يصلح للنشر ولا لاو هو الي شجهمي و قال لي انه يصلح للنشر و شكرا لكم و علي فكره انا مستوايا اتغير كتير اعترف انه ما زال ضعيف لكن الحمد لله اتغير لو انا كنت في سالب مليون فا انا عند الصفر و انشالله بكره هاكون عند الواحد المشكله ان انا عاوزه ارد عليكم بس مش لقيه كلمه مش لاني ضعيفه لا لانكم صح و ع فكره مش انا السبب في الخطأ الاملائي في الديوان لانه مر علي لجنه و اللجنه دي الي كتبته كته و ع فكره ترويض الشرسه انا كتباها و انا عندي 11 سنه بعد ما قريت مسرحية شكسبير ترويض المراة الشرسه و انا مش طلبت من احد يقرا الديوان و يتحرق دمه لان زي ما هو مش عاجبكم هو عاجب ناس تانيه و الناس التانيه دي مش ناس تفاهمه زي ما ممكن يتقال عليهم لاهما ناس بيسطه حسو ان الكلام كويس مش وحش و ع فكره انا لا بطلع في حوارات و معايا ورد ولا بطلع و بقول السلام ولا ببكي من حب الناس لان الحمد لله الي بيعرفني كويس بيحبني و دا مش شكر في حالي لا لان الحمد لله الله انعم عليا بنعمة القلب تصدقوا ان انا فعلا مش لقيه كلمه اقولها و مش عارفه ارد بكلمه انا بالديوان دا حبيت بس اقول انا حته خام عندي افكار بس محتاجه اتعلم انا عاوزه اتعلم ودي كانت مشكلتي و مش عارفه اتعلم منين او اروح فين و لان اهلي مش مساعدني لانهم بيعتبروا ان الفن بجميع انواعه حرام ان كتابة شعر او قصص او رسم او غناء او تمثيل و لصغر سني انا انضحك عليا و مش بحب الي يطبطب عليا و يقول لي حلو و خلاص لا انا كمان بحب الي يقول لي دا وحش كان ممكن يا اخت مريان او اي احد قدر يقول لي الكلام الجارح دا بطريقه انا افهم غلطي فين مشكلتي اني عاملة زي الاطفال ببكي بسرعه ببكي بمجرد ان احد يبص لي نظره حاده و ابتسم و افرح سنين بمجرد احد اهداني قطعة حلوةكلامكم جرحني جامد اوي و الاسلوب كمانكان ممكن تعملو زي الناس العاديه الي اتصلو بيا و قالو لي هبه احنا عندنا تعليق ع الديوان و كنت شرحت ليهم ايه الي حصلو كنت سمعت منكم كل واحد شاف ايه مش عاجبه فيه و كنت شفتوني وقتها و شفتكم كان ممكن انتم تنبهوني و تحطوني علي الطريق الصحيح زي ما في ناس بتعمل الان و بتساعدني و بتيجي تقول لي هنا غلط و هنا صح و انا حابه اشكر الناس دي و ع فكره مش انا الي بحدد سعر الديوان مش انا الي حكيت له خليه يكون عشرين جنيه و لما قال هايكون هيك انا حكيته انه كتير بس بامانه انا جواتي كلام كتير بس مش عارفه اطلعه ازاي و مش عارفه ارتب افكاري ازاي يمكن لاني لسه طفله او لاني مصدومه و ع فكره ما تتغريش بالصورة الي خلف الكتاب لان هي ظهراني كبيره في الواقع لو شفتيني هتلاقيني بنت عاديه صغيره لسه بتلعب كره في الشارع مع اولاد الجيران

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s