>بنك فقر .. كلاكيت تاني مرة

Posted: 05/07/2008 in Uncategorized

>


كثيرا ما نرغب في ان نسمع من الاخرين المحيطين بنا ليس الحقيقة ولكن فقط ما نرغب في ان نسمعه
كأن تسألي اصدقائك مثلا ( هو انا تخنت شوية ) ولكن في الحقيقة لا تريدين الا ان تسمعي عبارات من عينة ابدا ازاي انتي كده كويسة .. لا ما تخنتيش ولا حاجة .. إلخ

او ان تسمع من صديقك حينما تسأله (هو انا اتصرفت صح مع المدير) ان يقول لك (طبعا اللي عملته عين العقل)ا طبيعي .. جدا ان نرغب في ان نسمع فقط من الاخرين ما نريد ان نسمعه حتى لو ادعينا رغبتنا في معرفة الحقيقة

وهذا ما حدث معي بالتحديد في زيارتي الثانية لبنك مصر فقط اردت ان اسمع ما كنت اتمنى ان اسمعه

كنت قد عقدت العزم على عدم العودة ابدا للتعامل مع بنك مصر الوطني بعد تلك الواقعة ولكنهم اخبروني ان البنك تحسن كثيرا عن السابق وتم تطبيق أحدث النظم وافتتاح فروع جديدة متميزة في جميع انحاء الجمهورية ..بل انهم افتتحوا خدمة للتعامل مع الجمهور عبر الانترنت وايضا خط ساخن ودلع على مستوى

قلت طيب برضه مش كتير على ربنا صحيح العلقة اللي فاتت لسه معلمة بس معلش .. نديهم فرصة تانية دول برضه مننا وعلينا

ولاني بس كنت عايزة اسمع بس اللي عايزه اسمعه واللي بيؤيد رغبتي في تشجيع مؤسسة وطنية تعتبر الاقدم في المنطقة ولكي لا انضم لطوابير المنادين بكل ما هو غربي بدون تجربة

ولكني لا اتعلم ابدا ولذلك أحبط دائما

توجهت صباح امس إلى البنك لاجراء بعض المعاملات المالية واستخراج ما يعرف باسم كشف الحساب . ولرغبتي في انهاء المعاملات في اسرع وقت قلت مفيش احسن من المركز الرئيسي ..وهو البرج الضخم الكائن في شارع محمد فريد بوسط البلد .. أي مشكلة حلها في المركز .. لما بتروح لاي فرع وتحصل مشكلة يقولك روح للمركز الرئيسي دخلت البهو الضخم ..صالة واسعة شبه محطة مصر
يظهر ان ده طابع مميز لكل المؤسسات المصرية الحكومية …احنا شعب نحب الوسع

وطبعا مفيش يافطة واحدة توحد ربنا تفيد بإيه بيروح فين ولا انهي شباك بتاع ايه بالظبط

حاولت ان آخذ رقما اليكترونيا من الجهاز المثبت عند المدخل وهو الجهاز الذي تسحب منه ورقة صغيرة مثبت عليها رقم يوضح لك دورك زي تلاجة الجبنة في السوبر ماركت.. ولكن الموظفة الجالسة على الباب قالت لي ان الجهاز لا يعمل .. لا لانه معطل بس هم بطلوا يستخدموه !!!!!!!

توجهت الي احد الموظفين خلف النوافذ الزجاجية السميكة .. توسمت خيرا بعد ان استقبلني بابتسامة فطلبت منه معرفة مكان استخراج كشف الحساب

فدار ذلك الحديث
الموظف: حضرتك عايزة ايه بالظبط
انا: كشف حساب
الموظف: ليه عايزاه ليه؟ا
انا: !!!ا
الموظف : الغرض منه ايه عشان نقدر نطلع لك الورقة المظبوطة
انا: مطلوب لاغراض العمل
الموظف: حضرتك تبع الفرع بتاع حي ….رقم الحساب بيقول كده
انا: ايوة
الموظف: حضرتك ساكنة هناك اكيد .. دي حتة حلوة قوي..اجدع ناس..انما الشغل عايزين ليه كشف حساب
انا: هوففف .. ميرسي . بس فين المسؤول عن اصدار كشف الحساب
الموظف: شايفة حضرتك الشباك اللي قدامنا .. روحي هناك واسألي
انا: جرررررررررررررررر


انتقلت للشباك الاخر وسألت الموظف 2
انا: عايزة اطلع كشف حساب
الموظف2: طبعا حضرتك رقم الحساب كام
انا: …….ا
الموظف2: فين البطاقة البنكية حضرتك

انا: نعم ؟!!!ا
الموظف2: ده كارت ورقي كان لازم تستلميه مع فتح الحساب
انا: والله محدش قاللي على حاجة زي دي في البنك
الموظف2: كان المفروض يقولوا .. معلش حضرتك هتروحي لاستاذ صلاح اللي في الشباك اللي هناك وهو هيساعدك

انا وصلاح والورقة:ا
انا: لو سمحت انا عايزة ….كيت وكيت
صلاح: آه .. هو حضرتك كان لازم يبقى معاكي الورقة (الكارت الورقي) بس معلش احنا هنتصرف ..امضي الورقة دي
انا: ماشي.. كشف الحساب بقى
صلاح: بس هو معلش انا آسف اصل السيستم عطلان ..معلش

ثم غاب صلاح ل5 دقائق تحدث فيها مع 4 اشخاص بشكل متقطع وفي وقت واحد لم يحل لاي منهم مشكلته واثناء ذلك 3 مكالمات تليفونية
آه نسيت اقولكم ان صلاح ده مسؤول خدمة العملاء في بنك مصر

انا: يا استاذ..يا باشمهندس ..يا سطى
صلاح: ايوة ايوة ..معلش السيستم عطلان والله كان نفسي اساعدك .. تعالي يوم تاني

انا: ماينفعش .. الورق مطلوب بكره الصبح
صلاح: طيب ومابتجوش بدري ليه تخلصوا حاجتكم ا
نا: افندم!!!!!!!!!!!!!!!!!!ا

صلاح: خلاص تعالي كمان ساعتين .. اي خدمة تانية ؟ بنك مصر في خدمتك

!!!!!!!!!!!!!!!!!!!!!!!!!!!!!

ساعتين ورقية وصلاح
وبعد اكتر من ساعتين من الوقت الضائع عدت مرة اخرى لصلاح

انا: ياترى السيستم اتصلح
صلاح: جزئيا
انا: يعني الورقة بتاعتي هتطلع ولا ايه

صلاح: طبعا يا فندم احنا في خدمة عملائنا مدام رقية هتعملها حالا
انا: يعني اروح لشباك الست رقية

صلاح: مكتبها اهه (واشار الي امرأة تقف بجواره تماما في نفس المكتب كانت تنظر وتبتسم)ا

اخذت خطوة لليسار .. ونظرت إليها .. وطلبت مني ان احكي الموقف بالكامل مرة اخرى

وقد كان .. ولكن تلك المرة اخرجت من الطابعة ورقة وقالت لي: الورقة دي زي كشف الحساب بالظبط بس لازم تختميها من الفرع اللي جنبينا

انا: ليه يا مدام .وليه ماتتختمش هنا. ؟ هو مش ده الفرع الرئيسي؟ طيب هو مش اللي في الدرج ده ختم ؟؟ا
رقية: ايوة بس لازم تختميها من الفرع القديم

انا: ا!!!!!!! يعني ايه وليه ؟؟؟؟؟ا

وهنا تدخل صلاح وبابتسامة صفراء: لا ازاي يتختم حالا هنا مخصوص عشان حضرتك

انا:طيب هو لما ينفع تتختم هنا ليه عايزين تبعتوني طيب؟؟؟؟؟؟؟؟؟؟؟؟؟؟؟؟ا

واخرج من درجه ختما وختم الورقة واخذتها وانصرفت ومازال السيستم معطلا
==================

معلومات على الهامش:::::زي حاجات كتير بقت على الهامش

-انشئ بنك مصر على يد طلعت حرب باشا سنة 1920 .

-انشئت المملكة العربية السعودية وعرفت بهذا الاسم في عام 1932

تم اعتماد اول نظام الحكم في دولة الإمارات العربية المتحدة في دستور تم التوقيع عليه في 2 ديسمبر 1971

اللي هيقوللي أم الدنيا تاني هاخده على أم راسه

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Comments
  1. >ميين ابن ….. اللى قال انها ام الدنيا يبك انتى تعرفى احلى حاجة فى الرحلة اية لما تخلصى وتستلمى الورقة اللى انتى عاوزاها بتحسى براحة مفيش بعدها انما لو الموضوع مشى تمام مش هاتحسى باى حاجة تعرفى كنت بقرا فى البوست ومنشحكة اخر انشكاح لحد ما خبط فى الهامش صدق اللى قال مساكين بنضحك مالبلوة زى الديوك والروح حلوة

  2. >لأ ده دول ناس طيبين فيه بقى المصالح الحكومية سواء الشهر العقاري أو مكتب العمل أو السجل المدني دول متحففي تأمين صحي في روكسي الدكتزر اللي فيه تبع وزارة الآثار مش وزارة الصحةكل ما بروح أخص حاجة في مصلحة حكومية بفكر هو هايحصل إيه لو رجعنا كده حسبة ألفين تلات آلاف سنة لورا مش هايبقى أحسن عشان مانتعاملش مع الناس دي

  3. appy says:

    >صباح الفلانا وصلت للمرحله دى خلاص بقالى يومين اللى يقولى ام الدنيا اقوله اهو انت بجدبصى يا سيتى انا بتعامل مع تلات بنوك حسابات شخصيه منهم المأسوف على شبابه بنك مصر مع ان والله فاتحين فرع خدمات فى المول عندى فى القاهرة الجديدة بيفتح من خمسه الى تسعه مساءا بس دايما السيستم واقع يا حد قافل الباب على صوابعين اما البنك الاهلى بقى فحدث ولا حرج بقعد فيه اليوم كله علشان ايداع او سحب على الرغم من انى بسحب من الايه تى ام بس دايما وابدا ولابد تكون عطلانهبجد على الرغم من ان كل الناس خوفتنى من البنك التالت بتاع سيتى بنك بس هو ده اكتر حاجه محترمه يعنى بعمل ايداع وبسحب وبشترى فى اى وقت وفى اى مكان وحتى خدمه العملاء نظيفه جدافبجد ابعدى عن البنوك الحكوميه انا تقريبا هلغى الكروت بتاعت منهم

  4. Abdou Basha says:

    >فيه بنك افقر منه اسمه بنك الاسكندريةكنت بحس اني بهزأ نفسي لما بروحهالحمدلله، قل تعاملي معهم دلوقت:)

  5. SnipER says:

    >مهو دنيا بنت كلب زي دي تفتكري امها هتكون ايه ؟الملكة فوزية؟مصر طبعا

  6. karakib says:

    >هو ابو دنيا لسه مش معروف ؟؟

  7. lastknight says:

    >لأ .. أنتى كده بقيتى ملقف .. كتاب الشعر يطلع ملحوس ملوخيه .. و البنك يطلع مستودع متخلفين .. فيه أيه ؟ أنتى بتدورى على حرقة الدم بمنكاش ؟المهم .. مشكلة بنك مصر جزء من مشكلة كل ما تم تأميمه فى العهد الملعون .. و سمى جزافا بالقطاع العام أو الحكومى أو الأعمال لا يهم .. المشكله أن نظم العمل و قوانينه فى كل تلك المنظمات تم بنائها و تصميمها بغرض رئيسى عن نفسى متأكد منه كمتخصص فى أدارة الأعمال .. الغض هو .. خنق الأداء بمعياريه الكفائه و الفاعليه .. لو جربت سيدتى مراجعة لائحة العمل فى أى من تلك المنظمات سواء بنك مصر أو شركة كفر الدوار للغزل الرفيع أو شركة الزيوت و الصابون أو شركة الكبريت و حتى شركات المقاولات .. ستوقنين سيدتى أن من وضع النظام كان يفكر بأسلوب عمرو بن العاص فى ثروة مصر .. بقره حلوب سمينه و عليه أن يحلبها حتى يدمى ضرعها .. فقط .. لا يهم كيف و لا مقابل ماذا .. المهم أن المنسوب ( الموظف ) يستفيد ألى أقصى درجه من تواجده فى مكانه .. بل و يورث استفادته من بعده لأبنائه = بقانون تعيين أبناء العاملين = أما مقابل تلك الفوائد فلم يذكر فى أى لائحه و أتحدى أن يستخرج أحد قاعده واحده فى القطاع العام تتحدث عن حصوص صاحب العمل .. و الذى هو فى هذه الحاله .. كل الشعب المصرى أى أنا و أنت .. بما أن الملكيه عامهسيدتى .. الخصخصه آتيه لاريب فيها .. لكنها للأسف ليست خصخصه .. لكنها مصمصة ماتبقى من الزبد – أذا كان هناك ماتبقى – بعد أن أدمى العاملون ضرع الأبقار الحلوبهلله درك .. توحين بموضوع جديد ..منك لله فى الحر ده

  8. >من الآخر يا HSBCيا CIBياCITY BANKلكن ام الدنيا ماتت واندفنتطبعا استنيتك عند الهامي-مدونته…وطبعا ماجيتيش:)

  9. Amr Ahmed says:

    >ههههههههههواضح انها خدمة عملاء فعلاايه الدلع ده والخدمة ديده ولا باركليز ولا سيتي بانك

  10. alzaher says:

    >أدعوك الى تأبين الدكتور المسيريفقيد مصر والأمةيوم الخميس القادم ان شاء اللهبنقابة الصحفيين المصريينالساعة السابعة مساءا

  11. >عادي يعنيانتي زعلانة ليه بس؟ياحبيبتي أول امبارح بتوصلني مسج على موبايلي من HSBCاللي انا قفلت حسابي معاهم بقالي ست شهورولسه بيبعتولي بيقولولي شيكاتك رجعت، مع العلم اني معنديش دفتر شيكات أصلاًالمهم، بيبعتولي مسج كالتالي:Dear Customer,Please call us on this number:xxxxxxxxxxxوحاطين رقم فعلاًبقينا احنا دلوقت بنكلم البنك عشان حضرته عاوزنا!مش عايزين يصرفوا مكالمة عشان يبلغوني بشيك مرتجع مش عندي أساساًعادي يعنيكله بقى سلطةالمهم انتي واحشاني

  12. bluestone says:

    >واحد مش فاهم حاجة:انا نفسي اعرف مين اللي قال بصراحة ؟؟=======================================يحي المصري:فيه منهج عالمي اسمه serve with a smileيعني تقدم الخدمة بابتسامة لكن يظهر اننا تخلينا عن جزء الخدمة وبقينا بنكتفي بالابتسامة مع شوية بلاهة ===================================آبي:بحاول افهم ايه السبب ان كل ما هو حكومي يا اما فاسد يا اما فاشل!!!!

  13. bluestone says:

    >عبده باشا:هو فيه افقر من بنك مصر؟؟؟ انا لازم اروح اتعامل معاه بقى انا اصلي غاوية بنوك حرق الدم !!=================================Sniper:دول باين عليهم عيلة مش ولابد================================كراكيب:هي العيلة مش كويسة اساسا=================================الفارس الاخير: انا مابحرمش او غالبا اصبت بعقدة ايذاء الذاتفعلا عندك حق عقلية الموظف المصري اقل قدر من العمل بأقل مجهود من غير ما حد يشوفك مع محاولة تحقيق اعلى استفادةيعني فعلا كل حاجة حكومية يا فاسدة يا فاشلةانا مش هقدر ألوم الحكومة تماما ولوحدها في القصة دي بس ايه الحل ؟؟ازاي نحل ازمة القطاع الوظيفي في مصر ؟؟؟؟؟؟؟ايه رأيك؟

  14. bluestone says:

    >الصارم الحاسم:HSBC CIAبنوك الفرنجةوالامريكان ياراجل حرام عليك …🙂 استنيتني عند الهامي ؟؟؟؟؟هو احنا كان فيه بينا ميعاد؟؟؟ محدش قالي الحقيقة انا اصلي لا اتابع تعليقي غالبا في كل المدونات الا المدونات اللي بعتاد ازورها بس يعني المدونات اللي اصلا مش بتردد عليها دايما .. مجرد موضوع شدني او اثارني للتعليق بعلق وامشي ومش برجع تاني غير لما الريدر او المجمع يعلن عن نشر تدوينة جديدة طيب ليه انت ماجتش قلت لي هنا على المدونة عشان تحرجني يعني ؟؟🙂 انا فعلا معرفتش يا سلاااااام على سوء النوايا ====================================عمرو احمد: طبعا خدمة العملاءاشمعنى الشرطة لتعذيب الشعب كما الموظفين لترويق العملاء وحرق دمهم ===============================

  15. bluestone says:

    >منار جدا جدا : انتوا عندكوا كمان هبل بالشكل ده يا ربي !!! حتى عندكوا؟؟؟؟؟؟؟؟؟؟؟وحشاني يا منارة القاهرة في انتظار

  16. >التعاملات السريعة وخدمات الفيزا والائتمان وتحويلات العملات الاجنبية لظروف السفر تجعل من المحتم – الضرورة – التعامل مع هذه البنوك لكن الادخار الاساسي لكل العملات حتى يتم في البنوك الاسلامية – اللي اكيد مش هانصجك بيها مش لاننا لا نريد راس مال نصراني فيها ولكن لان تعاملاتها قد تشبه البنوك الحكومية في بعض الاحيان والواحد بيحتسب فيها الاجراءات الغير مرنة والطويلة عند الله -الامر احتساب عند الله على المدى القصير ومحاولة اصلاح ان تيسر باذن الله على المدى الطويليبقى اكيد لن ادعوك لها قبل ان ادعوك للاسلام :)) …يارب يارب يارب يا ماريان يوما:)وماذلك على الله بعزيز…وخياركم في الجاهلية – غير الاسلام – خياركم في الاسلامعادة اما اعلق عند حد ويتضمن رأيي فيه…باتباع التعليق استكمالا للنقاش معاه ولا ادير وجهي عنه حتى يدير وجهه عني – قدر الامكان :)آسف على سوء النوايا…إحم…احرجتيني:)تحياتي

  17. SnipER says:

    >مصطلح بنوك اسلامية ده ليس به اي اضافة سوي انو غير شوية مصطلحات لمصطلخات تانية تحايل لااكثربقي الربا مضاربة وفوايد القروض مشاركةالخ الخ الخدور علي كتاب اسمه الادارة الاستراتيجية في البنوك الاسلامية هتكتشف انو ميفرقش عن اي بنك استثماري عير انو شال استثماري وحط اسلامي وشال نظريات البنوك وحط مكانها فتاويارحمنا يارب رحمتكاوعي ياماريان تحطي فلوسك في بنك منهم احسن ربنا يهديكي يابنتي وتسلمي وللا حاجه:P

  18. bluestone says:

    >الصارم الحاسم.. اتراك يوما تكونه:لا ياسيدي ولا احراج ولا حاجةمفيش بين الخيرين حساب زي ما بيقولوااذا كنت بتعتقد او بتحسبني او احسب نفسي من الخيرين طيب ايه وضع مسألة المحتم او الضرورة ؟يعني ما هو يا اقاطع تماما واشجع البنوك الوطنية او الاسلامية كل على حسب ما يرغب واستحمل تماما اللي يحصلييعني ببساطة ابدي العام على الخاصيا اما اتعامل مع البنوك سالفة الذكر زي سي آي ايه وعودة واتش اس بي سي وسيتي بنك وغيرها وابدي مصلحتي الشخصية على العامة بما انها فلوسي واعصابي وصحتي وانا اللي خسران في جميع الاحوال يارب يارب يارب يا صارم يهدينا كلنا

  19. bluestone says:

    >سنايبر:ايه ده ؟ يعني لو حطيت فلوسي في بنك فيصل مثلا(لو رضيوا) هصبح الصبح ابقى مسلمة؟؟وقياسا على هذا لو حطيت الفلوس في بنك CIBهصبح الصبح ألاقيني امريكاني ؟؟دي حاجة لطيفة جدا في الحالة دي ممكن اختار بنك عودةعشان انا بموت في اللبناني🙂

  20. >مش محتاج ادور عالكتابعندي مثلك كذا تساؤل حول وضع البنوك الاسلامية ووضع ما ذكرته….وبعض النقاط ارى انها محتاجة تعديلات…لكن الامور ليست سيئة بالكلية…وهما كمان لهم – القائمين على البنوك الاسلامية – لهم ردودهم على ما تقولهلذا باستفتي قلبي وبشوف بأمر الله الاقرب للتقوى وباحتسب الفارق عند الله… مع وضع بعض الضرورات – مثل ما ذكرته فوق في الاعتبار وبقارب بينهما قدر الامكانبلوستونيعني نقارب ونساير الواقع مش عاجب…نتشدد وننعزل مش عاجبنقطع نفسنا بقى:)))))طبعا بهزر …والقرارت لا يجب ان تؤخذ على مسايرة الواقع ورضا المجتمع في المقام الاول:))آمين….يارب يارب يارب:)

  21. >سلامي لام الدنياولعم صلاح والست رقيةوما اسوء من سيدي إلا ستيوما اسوء من بنك مصر إلا بنك القاهرةوما أسوء من الاتنين إلا النظام اللي ربى الجرابيع اللي قاعدين ورا الشبابيك يتحكموا بمزاجهم في مصالح الناسبأسلوب يفضح عن أنه ليس هناك أي تخطيط ولا تنظيم ولا محاولة للإصلاح ولا للتقدموخلينا بقا نغني طيب أسألك ..جرتي مرة وانت مضايقةتمشي في شوارعها وتشكي لها؟جربتي؟

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s