>درس في الموت والحق وانا وانت و1033

Posted: 27/07/2008 in Uncategorized

>

عارفين يعني ايه دم واحد يروح هدر ؟ا
انا النهارد عرفت

عارفين يعني ايه ظلم ومظلوم
يعني ايه عجز
يعني ايه بجاحة
انا النهاردة عرفت

انا النهاردة عرفت حاجات كتيييييير

عرفت ان انا وانتوا

والناس دي

مانسواش اي حاجة .. احنا ببلاش
فراااخ .. ويمكن أقل

وانه لو معاك فلوس او مسنود وليك ضهر
تقدر تعمل اي حاجة وكل حاجة وتطلع براءة
تقدر تقتل ألف واحد
وتاخد براءة
الناس كلها تبقى عارفة انت عملت ايه
وانك كنت عارف ان المصيبة بتحصل ونايم في بيتكوا
وبرضه تاخد براءة
وكله بالقانون
النزيه
العدالة اللي بتاخد المجرى بتاعتها
عرفتوا يعني قلة حيلة؟ا
انا عرفت
وشفت وسمعت

وعرفت كمان ان العدالة مهزلة
والحقوق مهزلة
والوطن وهم
والناس مالهاش تمن

وانك مالكش حق في اي حاجة


وزيهم تمام

هتموت لوحدك
هتموت فطيس
والكل ساعة الغرق هينط من المركب الغرقانة
ويسيبوك بشيلتك
وهمك
ووجعك
وخيبتك
لما تنطفي عدسات المصورين
والنور يضلم

وانهم هيتلكموا
ويتكلموا
ويتكلموا
في كلام كبير

بس في النهاية
هتعيش مش فاهم
وتموت
مظلوم
تموت حزين
وتايه
ولوحدك

هتندفن وسط السمك
والبحر كفن
والملح للتغسيل


والصلاة….!ا

هنسيبها للعصافير
هما ابرأ مننا واطهر

واحق مننا اكيد
في انهم يكلموا عنك ربنا

Comments
  1. >العدالة غائبةوالحكم له رائحة كريهةوهذا التاريخ حد فاصل عند الحديث عن نزاهة القضاء .. مثلما عرفتي اليوم حاجات كتييييييرجروب الحكم الجائر على الفيس بوك

  2. micheal says:

    >ما هي دي جمهورية انتيكا الشعبية المهلبيةجتنا سنين نيلهخلينا أحسن في انتخابات الزمالك وماتش السوبر بتاع الاهللي و الزمالكتحياتي

  3. HafSSa says:

    >بلوانا مش عارفة اوصفلك مجدى القرف اللي شاعرة بيهفعلا بطن يواجعاني من المغرب لما رجعت و قريت الخبرشفتي الناس كانت بتجعر بعد صدور القرار ازايشفتي الناس كانت مهرتلة و اعصابها تلفت ازايده انا اللي اسمي ملياش في التو رو لا ف يالطحينجسمي كش على بعضهالحيوان الل يكان بيقرا الحكمده جاله نفس يقراه ازايمشافش الامهات و هي بتندبمشافش الابهات و الرجالة اللي بركوا على الارضحسبي الله و نعم الوكيلالف حسبي الله و نعم الوكيلوالله اسماعيل و الل يمعاه دول السحل فيهم قليل اقسم بالله قليلانا مصدعه من وقتها و ضغطي عالي مش عارةف انزلهمنهم للهيمهل ولا يهمليمهل و لا يهمل

  4. >وعايزني أكسبها؟”محمود المليجي من أكتر من ربع قرن”

  5. بيسوو says:

    >علشان كدة بحلم بالجنة..معتقدش اني هلاقي راحة على الارض…معتقدش ان حد ممكن يلاقي راحة في الدنيايمكن علشان كدة في ناس كتير بتحلم بالجنة زيي..بتحلم بعدالة الهية ..لأنها اكتر عدالة ممكن تريح كل الناسوجعتي قلبي اللي هو بطبيعته موجوع على طول🙂

  6. >طيب أنا دلوقتى المفروض أخرج إزاى من الأكتئاب الحاد الى عندى خسرت فى الطاولة و الزمالك خسر مرتين ورا بعض و أسماعيل خد براءة و الناس كفرانه و محدش سائل فيها و لا حتى ربنا و أمى تعبانة جداً و جو ماتو ربنا يستر ===طيب أنا أعمل إيه ؟عرفت نبتدى نكتئب من أول و جديد أنا أبتديت من أسبوعين فاتوا و ما صدقت ابتديت افوق شويةيلا مش مشكلة أبتدى من الأول تانى مش خسارة فى الحكم بتاع إنهاردة ===سلامأشوفكم كمان شهر تانى

  7. appy says:

    >احنا حسينا وعارفين هما بقى مش عارفين يا رب يجربوها

  8. lastknight says:

    >لابديل ثالث .. فأما الأغراق فى الغيبيات و انتظار الموت طمعا فى الجنه .. أو .. الأغراق فى الملذات كفرا بالأله الواحد و التحاقا بالجزب الوطنى ..البديل الثالث ؟ عم تتكلمين سيدتى ؟ الثوره ؟؟ هأو

  9. >مش عارف أقول أيه ؟ متهيألي الكلام خلص خلص من حوالي نصف قرن —

  10. Eman M says:

    >هيروحوا من ربنا فين

  11. The Innocent says:

    >مطلوب نعيش مواطنين معندناش دمتحياتي

  12. >ارجوا انك تكونى متماسكة نفسيا ..اللى يكتب بالشكل دة يبقى تعب على الاخر من البشر قوى .مش عارف اعزيكى ولا اعزى نفسى البقية فى حياتنا ..تبقا ولا متبقاش .تبقا ولا حتى تروح بلاش .هيى حياة واحدة مش اتنين و 1033 ..ربنا والناس يساعدونا بقا او الناس تساعد ربنا او ربنا يساعد الناس ..اى حاجة بقا ..المهم تعازيى

  13. Che_wildwing says:

    >لايمكن يكون ده قضاء عادلده قضاء العادلى

  14. bluestone says:

    >احمد شقير:لن يجرؤ أحد في التحدث عن اي نزاهة للقضاء المصريولا الحديث عنه باعتباره خط الدفاع الاخير في وجه الظلم في مصر خلاص احنا بقينا لوحدنا

  15. bluestone says:

    >مايكل: حتى الكورة فيها فساد !!!

  16. bluestone says:

    >حفصة:بقالي فترة طويلة حاجات كتير عمالة تزقني بعيد حاجات بكرهني فيها وتشجعني ع اني امشي عايزة تشوفي شكل بلدك بجد شوفيها في عيون غريب .. هتشوفي حاجات بتوجع قوي انما اللي حصل ده فاق كل شيء .. الحكم ده مش طبيعي اصلا ولا القاضي دي ممكن يكون بني آدم من الاصلقابلت الناس دي من كام شهر في ظرف ما جمعني بيهم بحكم العمل مش قادرة اقولك كم الحزن والقهر اللي حاسين بيه بس كانوا مستنيين حكم المحكمة فاكريين ان لسه فيه عدالة في دنيتنا كانوا قاعدين في قاعة كبيرة بيسمعوا واحد مهم عمال يتكلم عنهم وعن حقوقهم بس هم مش فاهمين حاجة .. عيونهم تايهة وشايلين صور ولادهم وحبايبهم اللي غايبين ومستنيين !!! صعب اشك ان اللي اصدر الحكم مش بني آدمبس يمكن هو شايفهم مش بني آدمين شايفهم شوية فراخ

  17. bluestone says:

    >يامراكبي:صحيح .. احنان خسرانين من زمان قوي=======================بيسو: بس ده صحيح .. لازم الواحد يقاتل عشان حقه يا الحق ياالموت اثناء محاولة الحصول عليه لو ربنا اتدخل لاصلاح افعال الانسان يبقى الحساب في النهاية مالوش لازمة واسفة اني أوجعت ما هو موجوع من الاصل

  18. bluestone says:

    >عباس العبد:يؤسفني اني اكون سبب نوبة الاكتئاب التانيةمع اني مش عارفة سبب الاولى بس صعب ان الواحد يعتزل الناس عشان خسر في الطاولة والزمالك خسر مرتين ؟؟؟؟ وبعد ما تكتئب شهر تاني .. هتعمل ايه ؟؟آه عرفت تكتئب شهر تالت ورابع او اقولك خلي حياتك سلسلة من نوبات الاكتئاب الحاد يفصلها ايام او ساعات من الاحباط المتوسط

  19. bluestone says:

    >آبي:المشكلة انهم مش هيجربوها على الاقل قدامنا او مش هنشوفهم وهم بيجربوها وهنفضل محروقين بنار الغضب ورغبة الانتقام

  20. bluestone says:

    >الفارس الاخير:لا مش ثورة .. بس على الاقل حاجة تحسسنا اننا لسه فينا روح او نقطة دماو شوية كرامة =================================على باب الله:احنا جيل اتولد بأبجديات محدودة جداجيل اتجمد قبل ما يتولد من اكتر من 25 سنة ==============================إيمان:صحيح الظالم ليه يوم .. بس المشكلة هل لحد ما ربنا يحاسبه احنا مش هنعمل حاجة ؟؟؟ مش فيه آية او حديث بيقول بما معناه واعذريني اذا اخطئت (الله لا يغير بقوم حتى يغيروا ما بأنفسهم)

  21. bluestone says:

    >the Innocent:هو انت شاكك اننا اصلا شعب بقى عنده دم ؟؟ما الدم اتسرطن والعيش بقى له سعر وبتشتريه بنشارة الخشب والحديد واحيانا بالمساميروالرزق بقى بالغلا وبقى ممكن جدا تبات من غير عشا مخالفا المقولة المصرية الشهيرة محدش بيبات من غير عشا

  22. bluestone says:

    >the son of man:بحاول اتماسك بس مش قادرة لا اصدق ولا اتعود على كده احنا محتاجين نعزي نفسينا على حاجات كتير .. لو فضل فينا حاجة ينفع تاخد فينا العزا====================================che wilding:ده ابلغ تعبير سمعته عن الحكم بصراحة

  23. ana ga3an says:

    >يا ستي تعددت الاسباب و الموت واحدوملك الموت مساعدينة شغالين الله ينورانا مكنتش اعرف انك تبع معا امام اللهسلميلي بقي علي جهاد و عبد المجيدقوليلهم انا جعان

  24. bluestone says:

    >اقولهم انت جعان ازاي يعني ؟!! :)))) هقولهم حاضربس اتفضل على بال كل حاجة على حسابنا حرام تفضل جعان🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s