>انطباعات بريئة في البلاد المسيئة

Posted: 19/08/2008 in Uncategorized

>

الصورة لقلب مدينة كوبنهاجن عاصمة الدنمرك (وسط البلد بتاعتهم يعني)ا

لا اعرف على وجه التحديد ما سأكتبه في السطور القادمة .. فقد عدت بالفعل من بلاد الخواجات في تجربة اولى ثرية الي درجة لا يمكن وصفها . ولكني لم اجيد ولم احب يوما ادب الرحلات ولا اعرف كيف يمكن الكتابة عن هذا الامر لدى الالاف من القصص القصيرة والمواقف والانطباعات المختلفة لا يمكنني ان اسجلها كلها تعلمت الكثير جدا جدا جدا عانيت من صدمة حضارية لمدة 5 ايام تقريبا منعتني من الكتابة حتى لا يبدو ما اكتبه نسخة مشابهة لفيلم قنديل ام هاشم :))ا

ربما بعض الانطباعات

-كل شيء في الدنمرك يا نظيف جدا يا اخضر جدا

-يمكنك ان تجلس في اي مكان في الشارع على الارض

-النهار يمتد حتى العاشرة مساء في صيف الدنمرك

-الملابس لا تتسخ ابدا تغيرها فقط للملل فلا عرق ولا تراب

-الشحاتة في الدنمرك موقف شخصي ولها فنون واساليب -يقوم بعض الاشخاص بتوزيع التفاح في الشارع في قلب كوبنهاجن كنوع من نشر البهجة الاجتماعية

-كل من يقوم باي خدمة في اي مكان تعلو وجهه ابتسامة لا تغيب وحينما تنتهي يتمنى لك الجميع يوما سعيدا حتى ان لم تدفع اي شيء

-القطارات في كل مكان بالدنمرك تسير وفق جدول زمني دقيق بالدقيقة ويراعى ان تكون مواعيد قاطارات المدن متسقة مع قطارات الضواحي

كوبنهاجن من اغلى مدن العالم

-حافظت الدنمرك على شكل جميع المباني القديمة وقامت بتجديدها وبطلاء بعض المباني قرب الميناء بألوان مبهجة

-الدنمركيون شعب لطيف جدا ومهذب جدا ومستعدون للمساعدة في اي وقت وهادئون جدا حتى تعتقد انهم يحتفلون بيوم عالمي للهمس

-كوبنهاجن مدينة لطيفة وصغيرة ولا تشعرك باي وحشة

-القطارات في الدنمرك درجتين الدرجة الثانية والاولى والفارق بينهم بسيط هو ان الدرجة الاولى صامتة!!! نعم .. لا تليفون محمول ولا كلام ولا حتى همس لراغبي التمتع بسفر هادئ وعشاق التأمل والتركيز والقراءة

-المساحات الخضراء في تلك الدولة غير معقولة -المظاهر لا تعني اي شيء .. والمراتب والنفوذ لا تعني احدا

-لا شيء يعمل في الدنمرك بعد الثامنة مساء

-العرب في الدنمرك اغلبهم نماذج غير مشرفة بالمرة حزنت كثيرا وشعرت بالعار لمقابلة بعضهم وان كان البعض الاخر يمثل نماذجا مشرفة. (وتلك قصة اخرى)ا

-تناولنا طعام العشاء في احد الايام في احد المطاعم المشهورة في قلب كوبنهاجن صاحبه مصري وينوي فتح فرع جديد لمطعمه في التجمع الخامس

-الدنمركيون يقدسون حريتهم وخصوصيتهم ويرون انهم مملكة صغيرة لطيفة ثرية في طرف العالم الشمالي هي الجنة

-الاحزاب الاشتراكية تبدو متشابهة في كل مكان .. في زيارة لاحد الاحزاب في الدنمرك اقسم ان رأيت نسخة نظيفة من حزب التجمع

-الاكل الدنمركي مليء بالألوان لكنه ليس شهيا ابدا

-الشباب الدنمركي منزعج من الحكومة بسبب تناقص مساحة الحرية في البلاد فقبل 10 اعوام كان من حق النساء ان تسرن عاريات الصدر في الشوارع مثل الرجال !!!!!ا

-يملكون افضل المؤسسات الصحفية في اوروبا

-يعتزون بعملتهم بجنون ويرفضون التعامل باليورو إلا فيما ندر -فرانكفورت بألمانيا مدينة نظيفة جدا جدا

-لا ترى الشرطة ابدا في شوارع فرانكفورت ولكنك تشعر بامنها طوال الوقت وتجدها ان احتجتها في اي وقت

-مطار فرانكفورت == تجربة مذهلة

-مطار القاهرة ==تجربة مذلة

Comments
  1. >حمد الله على سلامتكوكويس انك قضيتى وقت كويس واستفدتىانا مقتنع ان كل واحد بيشوف فى اى مكان جديد اللى هو مهيأ انه يشوفه وده يطول شرحه:)

  2. >بالحقعاوزين تفاصيل الرحله

  3. appy says:

    >حمد لله على السلامه اولا كونهم اساؤا لينا قبل كده فده مش معناه ان كل الشعب وحش او مسئ بجد ولو ان يعنى شويه الحكومه كانت مسئوله بس عاوزاكى تقسيها على حاجات كتير فى مصر وعلى المسلمين ساعات على فكره احنا بنسئ لنفسنا والدين اكتر بكتر من غيرنا وعموما حمد لله على السلامه

  4. >نفس الانبهار حدث معي في هلسنكي – فرانكفورت – باريسوكلهم – المدن الاوروبية – قطعية واحدة تقريبا مع اختلافات طفيفة نتمنى ان تكون مدننا الاسلامية والعربية يوما مثلها وباذن الله هتكون لكنhttp://www.alarabiya.net/articles/2008/08/19/55094.htmlوَيَوْمَ يُعْرَضُ الَّذِينَ كَفَرُوا عَلَى النَّارِ أَذْهَبْتُمْ طَيِّبَاتِكُمْ فِي حَيَاتِكُمُ الدُّنْيَا وَاسْتَمْتَعْتُم بِهَا فَالْيَوْمَ تُجْزَوْنَ عَذَابَ الْهُونِ بِمَا كُنتُمْ تَسْتَكْبِرُونَ فِي الْأَرْضِ بِغَيْرِ الْحَقِّ وَبِمَا كُنتُمْ تَفْسُقُونَ وَاضْرِبْ لَهُم مَّثَلَ الْحَيَاةِ الدُّنْيَا كَمَاء أَنزَلْنَاهُ مِنَ السَّمَاء فَاخْتَلَطَ بِهِ نَبَاتُ الْأَرْضِ فَأَصْبَحَ هَشِيمًا تَذْرُوهُ الرِّيَاحُ وَكَانَ اللَّهُ عَلَى كُلِّ شَيْءٍ مُّقْتَدِرًا هذا اثاره العنوان في ذهني

  5. بيسوو says:

    >هو ده الكلام النوذجي اللي ممكن ي حد يقوله لما يسيب مصر ويروح دولة من دول العالم الاول او حتى الثالث..لاننا في الفترة الاخيرة مبقناش من دول العالم الثالث..تراجعنا في الترتيب جدا لحد ما بقينا من دول العالم الاخرربنا يرحمنا بقى حمد لله على السلامة

  6. >سبحان الله يا بنتيبصي انا عارفة الحاجات دي عن الدنمارك الحالية ولو ان عرفت الدنمارك من حوالي خمستاشر سنةيعني قبل تناقص مساحة الحريات :Dالغريب انك تقري بقى عن تاريخ الدنمارك ويجيلك انبعاج هلاهوطي من التحول الفظيع في الشخصية الدنماركيةيعني الدنمارك دول من فترة مش بعيدة قوي يعنياقل من الف سنة مثلاكانوا عبارة عن ناس مقملة وجربانة وقذرة جداااااااااااااا والقمل موجود في كل حتة في جسمهم، متوحشين، شرسين ممكن ياكلوا اللحمة وهي نية وكانوا بيلقوا الرعب في الاندلس مثلا اللي لما تقري عن وصفها تلاقيها شبه الوصف اللي انت بتقوليه قويوتروح الايام وتيجي الايام وتبقى الدنمارك هي الاندلس والاندلس تبقى حاجة تانيةوكل الناس ياختي بلاد تشيلها وبلاد تحطهاالا احنالما تقري بقى وصف القاهرة عند ابن خلدون تستغربي من ان طباع الناس ما اتغيرتش بالرغم من ان المدينة نفسها واحوالها السياسية والاقتصادية اتغيرتيعني ابن خلدون بيتكلم عن مصر بوصفها قوة عظمى وبيتكلم عن الرفاهية اللي عايش فيها الشعب المصري وازاي ان الشحاتين لابسين شيك ويشحتوا من الناس فلوس المهر عشان يجوز ابنه، سمنة عشان يعمل زلابيةحاجات كده وهميةوبيقول الغريبة ان فيه ناس بترضى تشحتهم “من فرط النعمة التي يحيا فيها المصريون ادام الله عزهم وفخارهم” الا انه بيقول بررررررضه ان المصريين صوتهم عالي قوي وبيتريقوا على كل حاجة وبيحبوا الرقص والغنا والموالد زي عينيهم والدنيا دايما زحمة قوي كأنه يوم الحشر حتى قبل صلاة الفجر وان المصريين شخصيات غريبة تلاقي واحد مواظب على صلاة الفجر ويخرج من الجامع على المرقص :))طيب بيقولوا تغير الظروف بيغير الطباعاشمعنى احنا اللي في غنانا وفقرنا طبعنا واحدطبعا عشان شعب اصيلاعترضي بقى

  7. >سبحان الله كنت داخله اقول نفس كلام نواره عن دورة التاريخ لو تعرفي واكيد تعرفي ان الدانمارك والنرويج والمنطقه دي هما كان همج اوروبا… ممكن تعملي سيرش علي كلمه الجرمان…. وهم قبائل همجيه كانت بتهاجم الامبراطوريه الرومانيه من شمال اروبا… منهم الدانماركيون وغيرهم وهم مختلفين كليه عن الالمان والجوت والفريسيون والانجلو سكسون يلا ان شاء الله ربنا يغير الحال.. وترجع المنطقه احسن من كا كان دي دوره التاريخ الحتميه حمدلله علي السلامة

  8. bluestone says:

    >محمد: الله يسلمك لا مش شرط .. لانه في احيان كتير مش بيبقى عندك اي توقعات لاني مارحتش اوروبا قبل كده وخاصة الدول الاسكندنافية كل الانطباعات اللي ذكرتها مكانتش متوقعة بالنسبة مكنتش مهيئة نفسي على الاقل ان الشعب الدنمركي شعب لطيف وودود لان ده عكس الفكرة السائدة عن الغرب

  9. bluestone says:

    >آبي: مسألة الاساءة دي قصة يطول شرحها وانا مكنتش متوقعة وماقلتش ابدا ان كل الشعب وحش عشان الاساءة اولا لان الشعب مش هو اللي اساء ثانيا حتى الصحفية اللي نشرت الرسوم كان ليها موقف ما ممكن يخلي المسؤول عن النشر غبي او متخلف او يعاني من رهاب الاجانب او معندوش ذوق .. بس مالوش علاقة باذا كانت حلو ولا وحشرئيس الوزراء الدنمركي كان موقفه غبي وده رأي ناس كتير هناك انه على الاقل كان لازم يعتذر عن قلة ذوق الصحيفة دون منع او حظر نشر لان حظر النشر ده هناك مصيبة وكارثة لا يمكن محوها

  10. bluestone says:

    >الصارم الحاسم:يا اهلا انا اتمنى فعلا ربع النظام والتحضر اللي شفته يكون في القاهرة على شرط انها لا تفقد برضه طابعها الخاص ولا احساسها المميز بس مش متفائلة زيك كده .. انت شايف انها هتكون ازاي يا صارم؟؟يعني ايه اللي بنعمله صح يخلينا على الطريق الصحيح للحضارة والنظام واحترام القانون والحقوق اللي موجود في اوروبا؟؟ —————-بالنسبة للخبر بتاع العربية ولو اني بشك في العربيةشوية لكن الموضوع ده بالذات ليه قصة كبيرة لاني اتكلمت مع عرب كتير في الدنمرك عن حياتهم ومشاكلهم في اطار الرحلة والحقيقة اللي اكتشفته كان غريب جدا ومذهل كنت ناوية اكتبه في بوست منفصل بس انت استعجلت :)من اللي قابلتهم رجل لبناني فاهم بقاله في الدنمرك 30 سنة قاللي ان العرب هم اللي عاملين مشاكل خصوصا قصة الجواز باكتر من زوجةالحكومة لا تمنع اي رجل من الاقامة مع امرأتين ويمكن لاي عربي ان يتزوج بأربعة ان رغب بأوراق شرعية من المأذون الشرعي في البلاد بحسب كلام الرجل ولكن بعض العرب يصممون على ضم الزوجتين في الاوراق الرسمية للحصول على مجانية التعليم والعلاج واعانات البطالة ومنح الاطفال .. إلخوالقانون في البلاد ينص على زوجة واحدة في الاوراق الرسمية ولكن لا احد يمنع اي رجل من يعيش في منزل واحد مع اكثر من امرأة يعني عايز يتجوز 4 هو حر (وفيه ورق شرعي لتوثيق الزواج) لكن مايطلبش من الحكومة تصرف عليهم كلهم .. دي القصة ببساطة زي ما سمعتها من ناس كتير هناك لبنانيين وفلسطينيين ومصريين كمانبس هو سؤال بالنوسبة للآية اللي اوردتها يعني من فين حكمت ان الناس دي كلها على بعضها رايحين النار حيث العذاب الاليم ؟؟؟وحكمت منين ان الدنمركيين كلهم (يستكبرون في الارض ويفسقون؟؟؟؟) اكيد فيه سلبيات .. اكيد لكن اي مقارنة هتكون ظالمة جدا لكل الاطرافعلى فكرة ودي كمان كانت فكرة بوست تالت منك لله حرقت كل البوستات الجديدةمن ضمن ملاحظاتي عن دول اوروبا انه رغم توفر كل شيء وبجودة عالية جدا جدا جدا الا انهم بعيدين للغاية عن الفخامة والتباهي والمظهرية بلا داعي وده بشكل عام اقصدمقارنة بدول عربية كتيييييييييير جدا او بشعوب عربية كتيييير جدا اولهم السعوديين على سبيل المثال باعتبارهم الاكثر ثراءيعني مثلا واكيد انت عارف انه في اوروبا انت تخدم نفسك في اغلب الاحوال الخدمات كلها على مستوى عال جدا ولكن بلا فخامة مبالغ فيها يعني مش هقدر اصدر احكام عامة يا صارم لكن على الاقل اللي شفته مكانش متع الدنيا قدر ما كان احترام لحقوق الانسان لما تركب وسيلة مواصلات آمنة ومحترمة ومريحة توصلك إلى عملك او منزلك او مقصدك بمنتهى الامان والدقة فهذا ليس رفاهية لما تتعالج صح والناس تحترمك كانسان سواء كان معاك فلوس ولا لأ فده مش تنعم لما يكون لك الحرية في انك تعبر عن رأيك كيفما تشاء دون ان يؤذيك احد او يلاحقك احد لذلك حتى وان كنت تسب الملكة وتنتقد القانون وتشتم الحكومة (زي ما شفت هناك)فده مش مظهرية ولا ايه ؟

  11. bluestone says:

    >بيسو: انا بكره قوي مصطلح دول العالم التالت .. لانها تاريخيا كان معناها انصاف بني آدمينبس اقدر اقولك اننا قدامنا بتاع 3000 تقريبا عشان نقرب من العالم ده انا متشائمة سامحوني

  12. bluestone says:

    >جبهة: شوفي بقى (مساحة) الحريات المتقلصة في الدنمرك . !! صعبانين عليا قوي على فكرة انا قلت للواد الجزمة الدنمركي اللي قاللي كده اني هعزمة على زيارة مصر 6 شهور وصممت عشان يشوف بعينه ويرجع بوس التراب اللي بيمشي عليه🙂 بصي المعلومات دي عن تاريخ اوروبا الهمجي يزيدني حسرة فعلا واعجاب بيهم فيه صديق ليا بيقول من اشترى الحضارة بثمن غال لا يضيعها بسهولة اما من ورثها فلا يعرف قيمتها واظن المعنى واضح اول امبارح صديقي كان بيرحب بيا فلقيته بيقوللي انا حاسس ان البلاد دي (اوروبا) خططوها اما بلدنا فلقوها !! :)احنا بقى باين علينا لغز عجز التاريخ عن حله بلدنا دي يا نواره حالة معقدة جدا مستعصية على الفهم فعلا

  13. >انا مش قصدى ان كلامك او انطباعك مش صحيحعشان انا ابعد حته رحتها كانت العريشيعنى لا شفت الدانمارك ولا المانيافكرتى مقتنع بيها لأسباب شايفه موضوعيه بس مش مجال اتكلم فيها هنا بالتحديدانا كنت داخل اقولك حمد الله على السلامه

  14. bluestone says:

    >بنت القمر:الله يسلمكنفس ردي على نواره .. الحرية والديموقراطية والحضارة اللي تعبنا فيها غير اللي ورثها

  15. >سمعة شعوب الشمال أنهم همج القرون الماضية هي بروباجاندا استعمار الوقت: روما. تماما زي ما الغرب في القرون الآخيرة بيقول على بقية العالم أنه يفتقد الحضارة، و منه الكلام العنصري عن “عبء الرجل الأبيض”.القوى المركزية هي دائما من تكتب التاريخ الرسمي، و الحقيقة غالبا ما تخالف ذلك.

  16. >عمرو غربيةلا يا عمرو ما كانش فيه بروباجندا استعمار في الوقت ده لان الشعوب الشمالية هي اللي كانت بتهجم على الناس مش الناس اللي كانوا بيهجموا عليهم لدرجة ان في زمن عبد الرحمن التاني في دولة الامارة في الاندلس الاندلسينن والقشتاليين اللي دايما كان بينهم حروب تحالفوا وعملوا هدنة بينهم عشان يوقفوا الحرب ويتصدوا لهجمات “الدنماركة” او المجوس زي ما كانوا بيسموهموانهم لهم تاريخ همجي ده ما يعيبهمش بالعكس زي ما ماريان بتقول دي حاجة تشرفهم انهم عرفوا ينهضوا بنفسهمويتعلمواطيب ما التتار كانوا زيهم في الشرق وكانوا بيهجموا على حضارات كبيرة برضه وما اتعلموش منها حاجةدلوقت التتار مسالمين وغلابة جدا بس ما عرفوش ينهضوا بنفسهم بسبب الظروف الاقليمية وتواجد الصين جنبهمالموضوع مالوش علاقة بالعنصرية لو كان له علاقة بالعنصرية كان العرب قالوا على الفرنسيس والصقالبة والقشتاليين همج لكنهم ما قالوش كدهثم ان في وصف العرب للدنماركة قالوا عليهم محاربين شجعان يفضلون الموت على الانسحاب من المعركة لكنهم يجهلون الحماماتودي حقيقة يا عمرو معترفة بيها اوروبا انهم عرفوا الحموم من الاندلس ومن دول المشرقودي زي ما قلت لك حاجة تحسب لهم انهم فضلوا يحسنوا من نفسهم ولما يلاقوا حاجة حلوة يتعلموها حتى لو من اعدائهم دي صفة هامة جدا وخصلة سيطرت على الحملات الصليبية والحملات الدنماركية على الاندلس وقشتالة انه مهما كان العداء بينهم وبين اللي بيحاربوهم الا انهم صمموا يتعلموا منهم كل حاجة كويسة وفي نفس الوقت يحافظوا على خصوصيتهم الوطنيةبينما فيه ناس ما اتعلمتش زي التتار قلت لكوفيه ناس بتتحول لمسوخ تقلد تقليد اعمى من غير ما تفكرزي ناس صحابي انت ما تعرفهمشوفعلا الدنمارك واصلة لدرجة من الرفاهية والتقدم تنبئ بانها قربت تقع:))اصل مافيش حضارة تبقى منعمة كده الا لما تقعابن خلدون بيقول كده:D

  17. >Bluestone..I just wanted to add something to what you already said. I have traveled for a good portion of my life, to many places. What you mention as impressive in Denmark is available not just in that area of the world, but also in many European countries as well as the USA and Canada. One of the main things that differentiate between developed and developing countries is the degree of human development. Egypt is very low on the list. We do not recognize the value of human life nor do we recognize the value of advancement.It came as a shock to you because in Egypt there is no respect for humans in general, and more specifically none for women. I felt the same way the first time I flew out of Egypt. But Denmark is only one of the developed countries. And if you thought the Danes were friendly, you would think Canadians are even better. North Americans in general find the Danes a bit cold and aloof. Canadians and Americans overall are some of the friendliest people I know. In addition, Frankfurt Airport compared to the airport in Egypt seems like heaven. Canadians find the Frankfurt airport as well as Charles de Gaulle in Paris to be some of the filthiest around. European airports in general would not pass the health safety standards of North America. The higher up the list of human development index you go the better. Denmark is currently number 14. The top five are Iceland, Norway, Australia, Canada, and Ireland in that order. You can check out the link here: http://en.wikipedia.org/wiki/List_of_countries_by_Human_Development_Index

  18. >أهلا يا نوارةالحقيقة إن التاريخ الغربي لم يسجل تاريخ النورد و الجرمان و الفرنك و الوندال و غيرهم كما ينبغي، تماما كما أخفق في فهم تاريخ المسلمين. الصورة النمطية للشماليين هي الهمج الفايكينج ال بيدمروا الحضارة، في حين أن ثقافة النورد و دينهم أكثر رقيا في رأيي من روما، و بالتأكيد أكثر حبا للسلام من الرومان. موضوع إن شعوب الشمال هي ال كانت بتهجم مش الحقيقة الكاملة، لأن هندسة و نقل شعوب كاملة على أيدي روما يقارن بممارسات ستالين مثلا. و حتى نزول الجرمان و الفرنك على الجنوب مش مبرر لاتهامهم بالبربرية، فأوربا أصلا كانت خالصة للكلت قبل قدوم اليونان و الرومان و غيرهم. الكلت، و هم وحدهم الأوربيون الأصليون، لم ينصفهم تاريخ المستعمر القادم من الجنوب و الشرق، سواء كان روميا أم عربيا.موضوع الحموم دا طريف فعلا. إليزابث الأولى كانت بتخطب نفسها لملك فرنسا، فكانت بتتباهى بأنها تستحم مرة في العام.أنت بتستشهدي كتير بابن خلدون. أنت تعرفي إن عبد الرحمن جدي الكبير؟

  19. >سألتيني:يعني ايه اللي بنعمله صح يخلينا على الطريق الصحيح للحضارة والنظام واحترام القانون والحقوق اللي موجود في اوروبا؟؟ انا هأبدا من نقطة “الحموم”🙂 عشان عايز اوصل منها لحاجةيمكن النقطة دي جاية من ان الاستحمام – الغسل وازالة النجاسة – هو ركن اساسي في الاسلام بنص القرآن والسنة …ولكنه ليس ركن اساسي في باقي الشرائع….وحتى الآن قد يلتزم غير المسلم بالطهارة ….وقد لا يلتزم بشكل دائم بها في كل وقت – وده بيحدث حتى مع المسلمين الغير حريصين على الصلاة مثلاكلام عمرو غربية فكرني بالقانون اللي صدر في الاندلس بمنع الاستحمام بعد خروج الحكم الاسلامي منها بشكل كامل…..حتى يستطيعوا تمييز المسلمين الباقين فيها ومتخفيين بما ان الاستحمام هو ركن اساسي في الطهارة التي هي ركن اساسي في شعائر الاسلاموقانون زي ده + كلام عمرو غربية بيدل على ان السائد في اوروبا انهم كانوا ما بيستحموش اصلا – عالم معفنة لا مؤاخذة:)وده بيدل على مدى رقي الاسلام وشريعة الاسلام (في كل شئ) اللي تم ادراكها فيما بعد ونقطة وان كانت صغيرة ولكن اخدتها اوروبا ضمن نقاط كثيرة وان كان بشكل غير كامل …لكن لا احد ينكر اهمية الاستحمام الان سواء في اوروبا او حتى في الشرق – مصر مثلا على حسب كلامك نفسهايه علاقتها بما نقوله….ان ده ضمن امثلة كثيرة على الفجوة الشاسعة بين المسلمين وتحضرهم اجتماعيا وثقافيا وعلميا واخلاقيا في ازمان سابقة مقارنة بما كان هو سائد في اوروبا والتي نقلها لنا التاريخ من المراجع الاوروبية نفسها وكيف ان ابناء الامراء كان بيتم ارسالهم للدول الاسلامية مثل الاندلس كي يتعلموا مع نظرائهم من ابناء المسلمينلكن ما فعلته اوروبا هي انها نحت الدين من المعادلة نهائيا بعدما عانت منه وكلنا نعرفه …. واخذت الجزء الثقافي والعلمي والاجتماعي – الاجتماعي من ناحية ما يحفظ الحقوق والحقوق المضادة …ولذا نجد ان اغلب الاغربيين الآن ملحدين وان كانوا مسيحيين اسما ليه بقى بنقول ان امتى وفين ومستحيل نحصلهم…هم فعلوها من قبل مع الفجوة الشاسعة بين المسلمين وبينهم ودارت الايام وانعكست الفجوةفيه اية في القرآن جميلة جداوَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ إِن كُنتُم مُّؤْمِنِينَ إِن يَمْسَسْكُمْ قَرْحٌ فَقَدْ مَسَّ الْقَوْمَ قَرْحٌ مِّثْلُهُ وَتِلْكَ الأيَّامُ نُدَاوِلُهَا بَيْنَ النَّاسِ وَلِيَعْلَمَ اللّهُ الَّذِينَ آمَنُواْ وَيَتَّخِذَ مِنكُمْ شُهَدَاء وَاللّهُ لاَ يُحِبُّ الظَّالِمِينَ تلك الايام نداولها بين الناس …صدق الله العظيمايه اللي يمنع انها تنعكس تاني….والله هتنعكس ويمكن على اهون سبب ان شاء الله مشكلتنا اراها هي مشكلة قيادة وتوسيد الامر لغير اهله – لفظ منجعص نستخدمه نحن الوهابيون🙂 – وغير اهله تشمل الامانة النابعة من القيم والخوف من الله + المهارة المناسبة ان حلت المشكلة واكيد هتحل بامر الله …ففي اقل وقت هتنعكس الامور او ستتساوى حتى في المقام الاوليمكن فرصتنا حتى افضل انها تنعكس ولنا في تاريخنا اسوة فلا احد كان يصدق ان يهزم المسملون قوة كالفرس والروم في زمن صغير جدا متسلحين فقط بايمانهم وتعاليم نبيهم المرسل من قبل الله ثم ما استطاعوا من قوة لا تساوي قوة عدوهمثم فيما بعد تنظم دولة – وضع النواة الاولى لتنظيمها عمر بن الخطاب ومن كانوا معه انفسهم – داخليا وخارجيا اقتصاديا وعلميا وثقافيا وعسكريا وتصل الى ان تكون مثالا للجميع – واكيد لا شئ كامل في هذه الدنيا وحدثت اشياء سلبية لكن بشكل عاكم كانت افضل دول عصرها ولفترة طويلة جداعندما تتغير القايد وستتغير باذن الله ويتمسك الناس بتعاليم دينهم على شكل صحيح ستتغير باذن الله**************************لي عودة باذن الله

  20. >بالنوسبة للآية..هي فعلا محتاجة شرحالآية جميلة جدا ودقيقة جدا وعادلة جدا ان امعنا النظر فيهاماذا قالت الآيةوَيَوْمَ يُعْرَضُ الَّذِينَ كَفَرُوا عَلَى النَّارِ أَذْهَبْتُمْ طَيِّبَاتِكُمْ فِي حَيَاتِكُمُ الدُّنْيَا وَاسْتَمْتَعْتُم بِهَا فَالْيَوْمَ تُجْزَوْنَ عَذَابَ الْهُونِ بِمَا كُنتُمْ تَسْتَكْبِرُونَ فِي الْأَرْضِ بِغَيْرِ الْحَقِّ وَبِمَا كُنتُمْ تَفْسُقُونَ بمعنى ان الله سخر لكم الطيبات والنعم فاستمتعتم بها …وهذا ليس بحراما طالما دون اسراف …وايضا ليس حراما وليس مؤاخذ عليها بشكر النعمة وارجاعها لمنعمها وهو الخالق عز وجلاو كما جاء في آية اخرىيَا بَنِي آدَمَ خُذُواْ زِينَتَكُمْ عِندَ كُلِّ مَسْجِدٍ وكُلُواْ وَاشْرَبُواْ وَلاَ تُسْرِفُواْ إِنَّهُ لاَ يُحِبُّ الْمُسْرِفِينَ قُلْ مَنْ حَرَّمَ زِينَةَ اللّهِ الَّتِيَ أَخْرَجَ لِعِبَادِهِ وَالْطَّيِّبَاتِ مِنَ الرِّزْقِ قُلْ هِي لِلَّذِينَ آمَنُواْ فِي الْحَيَاةِ الدُّنْيَا خَالِصَةً يَوْمَ الْقِيَامَةِ كَذَلِكَ نُفَصِّلُ الآيَاتِ لِقَوْمٍ يَعْلَمُونَ قُلْ إِنَّمَا حَرَّمَ رَبِّيَ الْفَوَاحِشَ مَا ظَهَرَ مِنْهَا وَمَا بَطَنَ وَالإِثْمَ وَالْبَغْيَ بِغَيْرِ الْحَقِّ وَأَن تُشْرِكُواْ بِاللّهِ مَا لَمْ يُنَزِّلْ بِهِ سُلْطَانًا وَأَن تَقُولُواْ عَلَى اللّهِ مَا لاَ تَعْلَمُونَ ليه بقى يجزون عذاب الهون ؟كما جاء في الآية نفسها —>بِمَا كُنتُمْ تَسْتَكْبِرُونَ فِي الْأَرْضِ بِغَيْرِ الْحَقِّ وَبِمَا كُنتُمْ تَفْسُقُونَ الاستكبار في الارض بغير الحق = الكفر بالله – الشرك بالله – وصف الله بما لا يليق بصفاته كإله – عدم شكر النعمة الله – محاربة شرائعه وحلاله (كما سيجئ في نقطة تعدد الزوجات)- الاستماتة في الدفاع عن حرامه بدعوى الحرية …وغير هذا كثيربما كنت تفسقون….الاباحية اولا ولاتقولي انها غير موجودة وانت تعلمي انها موجودة – بل وتحليل والدفاع عن الاباحية بدعوى الحرية – العدل في مصالحنا وعدم الاكتراث في غيرها (الدنمارك شاركت في حرب افغانستتان في حين انها لم تفكر حتى في نصرة الفلسطينيين او فكرت ولكن ليس بجدية كافية وفقط بكلمات وهمهمة – الصوماليين يموتوا كل يوم حاليا فقط لان من حسن احوالهم يوما قريبا هي حكومة اسلامية ولا احد يكترث في اوروبا ….وغير هذا كثيريبقى اذا هم يعملون للدنيا ويحسنوا في هذا….من عدل الله انه جعل هذا سببا للفلاح في الدنيا فلم يمنع عنهم التفوق لذنوبهم – مرحليا وبشكل مؤقت – وهذه من نواميس الكون التي وضعها الله لان الدنيا دار بلاء في المقام الاول وليست دار جزاء في المقام الاول…مطالبين باعمارها والسعي فيها ولكن ليس علينا ادراك النتائج ولسنا نحاسب على النتائج طالما احسنا عملالكن في الآخرة من انطبقت فيه هذه الصفات التي ذكرتها الآية – وده مش اسمه تعميم – يدخل النار لانه كفر بنعمة الله الذي وهب له كل هذاده بشكل مبدأي ومنهجي…والله عدل لا يظلم الناس شيئا وهو اعلم بكل فرد من عباده في هذا الكونوفي الآخرة تكون الدنيا هكذاوَاضْرِبْ لَهُم مَّثَلَ الْحَيَاةِ الدُّنْيَا كَمَاء أَنزَلْنَاهُ مِنَ السَّمَاء فَاخْتَلَطَ بِهِ نَبَاتُ الْأَرْضِ فَأَصْبَحَ هَشِيمًا تَذْرُوهُ الرِّيَاحُ وَكَانَ اللَّهُ عَلَى كُلِّ شَيْءٍ مُّقْتَدِرًا ********************************باحاول برضه ارد على ما قد – اقول قد – يرد في ذهنك او ذهن من تابع بعض حواراتنا هنا من قبل …الكلام اللي لفوق ليس محاولة للاسلمة ولكنه شرح واجدها فرصة للحوار وتوضيح بعض النقاط التي قد تكون غامضة وغير مفهومة لكن طبعا لا انكر واقول بشكل واضح تماما…اني اتمنى لك الاسلام…واتمنى للطبيب الافريقي الاسلام …واتمنى لرامز الشرقاوي الاسلام …واتمنى لعلاء سيف الاسلام….واتمنى لعمرو عزت العودة للسنة الصحيحة :))….ولبابا وماما وخالتو وعمو…آآآآآآآ..مش هنا الامور دخلت في بعض:)اتمنى لكل شخص محترم ونضيف – والله اعلم بكل انسان – اتمنى لهم الاسلام …وللغير محترم اتمنى له الهداية والصلاح ….ولي وللجميع اتمنى الالتزام بتعاليم الله وعبادة الله على الطريقة الصحيحة لي عودة اخيرة باذن الله

  21. >سيادتك ان كنتي بتشكي في العربية قيراط…فانا بأشك فيهم 36 قيراط..واكيد انتي فاكره الحوار اللي عند عمرو عزتلكن اما ييجي الخبر كده من عندهم عن دولة اوروبية يبقى في الغالب صحالا وقد كان …والخبر موجود في حتت كتيرة على النتبل يعضده هذا الخبر ايضاhttp://www.akhbar.dk/2008/03/10/zhtnsjj-pzdgzsjanjj-kshzbi-iinl.htmlصحيح مسلمين قلالاة ادب ….بيتجوزوا….وبيستخبوا…لا معندهمش حقانا متأكد ان تعدد الزوجات قانونا ممنوع في الدنماركالموضوع مش موضوع فلوس …الموضوع انه شايفين انه انتقاص للمرأةلكن الام الوحيدة – طبعا عارفة معنى المصطلح دهsingle motherليس انتقاصا لها…بل تقدم وحرية وحضارةوبعدين انا عايز افهم حاجة:)يعني سيادتك والرجل العربي “الفاهم” اللي عايش بقاله 30 سنة والمصريين والصوماليين واللبنانيين هناك شايفين مثل الحكومة…ان من يتزوج باكثر من واحدة وينجب منهن يبقى متحايل”على معونات” الدولةلكن اللي يقول دي عشيقتي – ادام الحكومة – او صاحبتي وعايشة معايا يبقى تمام وراجل امين ونزيهمش فاهم بجد!!!!!المشكلة يعني في الفلوس وانهم حرامية ولاد كلب وعايزين يسرقوا معونات ولادهم؟؟وبعدين سبنا من العرب المهاجرين….من وجهة نظري انه اساس الا يصح انهم ياخدوا معونة..وان العلاقة في هذه الحالة هي علاقة بسيطة جدا..انا بأديهم شغل…هما بيدوني حقي على الشغل…لكن المفروض يبقى فيه عزة ومش عايزين معونة من حد…وربنا ما يحوجنا لحد…آمينلكن مواطني الدولة ممن لهم جنسيتها …وخاصة ذوي الاصول الدنماركية من دافعي الضرائب…ايه المشكلة اما يتجوز اكتر من واحدة وياخد منح على اطفاله زيه زي الباقييعني اللي عنده اولاد من صداقة وعلاقة زنا مابياخدش معونات ومالوش حقوق؟يعني الام الوحيدةsiingle motherمبتاخدش معونات ومعاشات وعلاج ومنح لاطفالها؟؟؟ده حتى في الاسلام في الحالة دي بيبقى لهم – الاطفال – كوووول الحقوق….الرسول صلى الله عليه وسلم قال على ابن الغامدية التي زنت وطبق عليها حد الرجم حتى الموت …قال عنه من يكفل هذا ويكون رفيقي في الجنة – كان لسه مافيش دولة بتكفل الاطفال والتي ارساها عمر بن الخطاب فيما بعد ولكن الروسل وضع مبدا احترام اولاد الزنا لانهم ليس لهم ذنبواللا المشكلة ان اللي يقول متجوز يبقى كخة وهمجي ومتطرف وبيدخل الدين في نظام الدولة ولا يستحق الرحمة…عليه لعنة العلمانيةهو ده العدل والمساواة والحريةعرفتي سيادتك بقى نموذج لـ:بِمَا كُنتُمْ تَسْتَكْبِرُونَ فِي الْأَرْضِ بِغَيْرِ الْحَقِّ وَبِمَا كُنتُمْ تَفْسُقُونَ ************************عن الجودة والراحة امام الرفاهية والاسرافما قصدته لم يكن الخدمات المقدمة للمواطنين…لكن الاستمتاع بالحياة باسراف وبنكران نعمة الخالق..كما وضحت في شرح الآيةقولي عن اسراف السعوديين ودول الخليج عامة زي مانتي عايزةهأقول معاكي للصبحعالم بقر – الا من رحم ربي عشان معممش…وامسك عليكي هنا انك عممتي على كل السعوديين:))كل يغني على ليلاه..وكل يعمم على ليلاه.:)كنت بقول عالم بقر – الا من رحم ربي ومش كلهم – لكن من كوووول السعودية ماطلعش واحد جاهد بماله وحاول يعمل حاجة الا بن لادن وعائلته(عائلته مسؤولة عن الحرمين وما اروع ما يفعلوه هناك)بالنسبة لاسامة بن لادن على الاقل حاول وكان حلو اوي وهو بيحارب الروس الكفار وبيستغل فلوسه ضدهم..لكن اما قال هاخرج الامريكان من الجهة الشرقية بقى خطر على آل سعود وملكهملكن مفيش واحد حاول يعمل مصنع الكترونيات…..مصنع سيارات ….مصنع طائرات …فقط اشتروا طائرات ببذخ قذرمحدش حاول يعمل مصنع اسلحة متطور…استقطاب الخبراء الروس بعد تفكك الاتحاد السوفيتي….وغيره كتيييييير من الفرص الضائعة****************************اخيرايمكن استبقت فكرة كذا بوست ومني لله🙂 لكن اكدي انتي في سعة ولا ارى من وجهة نظري انه فيه مشكلة ان فصلتي المواضيع في بوستاتاما بالنسبة لي قتلعيقاتي هنا هي بسوتات برضه….لكن يمكن انا كسول شوية ويمكن ماكنتش كتبتهم لولا ماطرحتيه في ردك

  22. >عمروانت جدك الكبير عبد الرحمن بن خلدون؟بجد؟وانا اقول ياربي النباهة بتاعتك انت واحمد دي برضه شكلها مش طبيعيانت عارف انا باحب الراجل ده قد ايه؟ انا باموت فيه…..يا انا باحبك انت واحمد بس كده ح احبكوا اكتر:))انا اكتر تلات علماء باحبهم في حياتي بن خلدون وبن رشد واينشتاين عشان فك لي عقدة الفيزيابس بجد انا سعيدة جدا اني عرفت حاجة زي ديمش عشان حاجة بس عشان علم الجينات ده علم يعني وبصراحة…مش عارفة بس انا موضوع سليل نسب عالم ده بيخليني منبعجةاحكي لي بقىانت اكيد بتحب الهندسة زيه صح؟ وبتحب التدريس وشاطر فيه؟ على فكرة احمد لما كان بيعلمنا التريكات بتاعة الكمبيوتر في الدورة كان شاطر في توصيل المعلومةانت عارف جدك قايل ايه على التدريس؟ قال مافيش حاجة اسمها تلميذ غبي فيه حاجة اسمها معلم فاشلوكان بيقعد يفهم الطلبة بتوعه ويعمل لهم قرد عشان يوصل لهم المعلومة ويشوف ميول كل واحد فيهم ايه عشان يوصل له المعلومة من خلالها اللي بيحب الاغاني يألف له اهزوجة يشرح فيها الدرس واللي بيفهم بعنيه يرسم له الدرس كأنه شكل هندسي واللي بيفهم بخياله يحكي له الدرس كأنه حدوتة وهكذاياااااااااااانا مبسوطة قوي انك انت واحمد جدكوا ابن خلدونمش عارفة ليه بس مبسوطة

  23. >واعلم يا هداك الله ان عقل الانسان خلق ليعي ويفهم لا ليستغلق عليه الفهم:))

  24. micheal says:

    >أشكرك بشدة علي هذه المعلزمات الخفيفة والقيمة في الوقت ذاته عن دولة الدنمارك وبجد كل لما لاوحد يسمع ويشوف بيتحسر علي حاله ويتنمي أن يأتي اليوم الذي يهرب فيه من المخروبة لبلد متحضرة زي الدنمارك أو الصينتحياتي

  25. bluestone says:

    >جبهة التهييس:طبعا انا وقفت استمتع بالحوار الشيق بينك وبين عمرو بغض النظر عن تاريخ الدنمرك او شعوب الشمال بشكل عامافتكرت كلام واحد من المدرسين في الجامعة اللي كنا قاعدين فيهاكان بيقول بما معناه اننا كدنمركيين عشنا الظلام طويلا وتعبنا في شراء النور فحافظنا عليهفكرتني بجملة صديق عن مصر لما رجعتالدول في اوروبا خططوها انما بلدنا لقوها :))))

  26. bluestone says:

    >عمرو غربية:المشكلة الحقيقية هنا هل يمكن ابدا معرفة التاريخ الحقيقي لاي حضارة ما ؟ ألم يكن هناك اي شخص كتب اي تاريخ من وجهة نظر محايدة الي حد ما؟؟ ده معناه شك كامل في كل تاريخنا الانساني ؟؟ ما الذي نملكه غير ذلك؟

  27. bluestone says:

    >Wandering Scarab:Ouch .. it hurts🙂 the dilemma of staying or leaving is growing .. it’s a dilemma i never had before. My sister lives in Australia and she is amazed at every corner though she misses the warmth of life and friends in egypt. though these countries are amazing i am not sure how are they treating foreigners .. but i agree with you 100% ,, the value of human life here in egypt doesn’t exist. one of the main things that really hurt me and i really miss is the feeling i had the moment i stepped in a foreign airport … i felt human !!!!!!! I never felt that before … NEVER No staring, no bad wording, decent services, with a smile, ppl respect your privacy and the least of your desires … and you don’t have to pay for respect !!!!!!!!That is the worst of them all …😦

  28. bluestone says:

    >الصارم الحاسم:رد طويييييييييييييل جدا يعني هيطلع عيني !! شوف يا صارم مشكلتي معاك هي ان النقاش مش بيروح في اي اتجاه لانك للاسف مش بتجاوب على الاسئلة انت بتقول الكلام يبان انه رد لكنه في الحقيقة مش كدا خالصلما سألتك ايه اللي احنا كشعوب بنعمله عشان تبقى شايف اننا ماشيين على طريق الحضارة والتقدم ؟؟ قلت لي الحموم ركن من اركان الاسلامانا اولا كنت بكلمك عننا كمصريين على الاقل وثانيا هل لان الحموم ركن من اركان الاسلام ده معناه ان باقي شعوب ربنا معفنة يعني ؟؟ مش ممكن .. كلام مش منطقيماهي النضافة الشخصية مش محتاجة نص ديني يا اخي !!! والكلام عن الحموم في الاسلام مكانش ليه اي علاقة بسؤالي عما يفعله المصريون لترى انهم على طريق التحضر والتقدماقرا رد wondering scarabوالكلام عن قيمة الانسان واحترامه دي حاجة من الحاجات اللي احنا فعلا مفتقدينها انت سافرت اوروبا واكيد هتبقى عارف ان الكلام اللي بتقوله عن انه اوروبا معفنيين ده كلام نمطي جدا خال من الصحة stereotypingيعنياحساسك بانسانيتك وانك بني آدم تحترم ويحق للاخرين ان يعاملوك كبني ادم دي حاجة مش محتاجة مناقشة هتحسها بمجرد ما تهبط طائرتك في اي عاصمة اوروبيةودي من غير مايكون ليها اي علاقة بمظهرك على الاطلاق ومش بيتعين عليك انك تشتري احترامك وادميتك بفلوسك لان دي حقوقك هو الحموم دلوقتي يا صارم بقى من علامات رقي الحضارات والتقدم ؟؟؟؟؟؟انت بتهرج ؟الكلام ده يمكن كان بعد العصر الحجري بشوية مثلا امال الحرية وحقوق الانسان والديموقراطية واحترام القيم الانسانية واحترام حقوق الانسان ونفسه احترام نضافة الشارع والمواصلات العامة واحترام قيمة الوقت والمواعيد وراحة الانسان وصحته مهما كانت جنسيته واحترام القانون وسيادته دول ايه ؟؟؟؟؟ انا مش بتكلم دلوقتي عن الاسلام ولا رقيه ولا تقدمه ولا حاجة مش موضوعنا انا بتكلم عن حضارات لاني مش بتكلم عن الامو الاسلامية والامة الغربية الصليبية سألتك عننا كمصريين وربما عربوعن الغربيين وربما الاوروبيين شرق – مصر مثلا على حسب كلامك نفسهكلامك عن الفجوة الشاسعة بين المسلمين وتحضرهم اجتماعيا وثقافيا وعلميا واخلاقيا في ازمان سابقة مقارنة بما كان هو سائد في اوروبا والتي نقلها لنا التاريخ من المراجع الاوروبية نفسهاضحكتني جدا ياصارم بجداصلك بتتكلم زي الحكومة🙂 تقول زمان عايشين على امجاد عصور سابقةهما يا عم الحاج بتوع دلوقتي مسلمين تايواني ؟؟؟ تماما زي الحكومة وكتب المدرسة بتتكلم عن الحضارة المصرية العظيمة اللي وصل التقدم فيها لاجراء عمليات في المخ للمرضىمكانش فيه اسلام ساعتها على فكرة ولا مسيحية :)انا بتكلم عن حضارة واحنا بنقعد نعيط على الحضارة الزائلة وشكرا وكل ما العالم يتقدم خطوة نقولهم شوفتوا ياكلاب احنا اللي علمناكوا احنا انضف من ابوكوا احنا سبب النعمة اللي انتوا فيها مش كلام يضحك برضه ياصارم رقي وتقدم الحضارة الاسلامية في وقت ما رقي وتقدم الحضارة الفرعونية في وقت ما زمااااااااااااااااان —–فيه مشكلة كمان ياصارم التعميم ابن اللذينا اللي انت بتعتمد عليه ده في حاجة في الدنيا اسمها اغلب الغربيين ملحدين ؟؟؟؟؟ايه العبارة العلمية في كده ؟؟ اتأكدت منين يا عم .. انت عدتهم ؟؟؟ وبعدين شقيت صدورهم كلهم فاكتشفت ان تلات اربعهم مش مؤمن ؟؟؟؟؟ ياراجل قول كلام ينفع يكون محل نقاش الاحكام العامة دي بتجيبلي حساسية🙂 وكل الكلام المبطن جواها ريحته وحشة قوي يا صارم …🙂 سؤالي ليه بقى انعكست الفجوة ؟؟؟؟؟؟؟؟؟؟مش الاسلام لسه موجود؟؟؟ بماانه سبب التقدم الحضاري في كل العالم من ساعة ما ربنا خلق الكون ؟؟ مش ده كلامك ؟؟ طيب ليه وسعت الفجوة مش الاسلام لسه موجود ؟؟ وفيه مسلمين بجد ؟؟ مش تايواني ولا اونطة ؟؟ ولو انه برضه مش موضوعنا انا لا اتعامل مع الغرب المسيحي والشرق المسلم لاني وياللمفاجأة من هذا الشرق ولا علاقة لي بمسيحي الغربوبالتأكيد لست من مسلمي الشرقبل من مسيحييه طيب يعني اللي فهمته من كلامك انك شايف اننا على درب التحضر عششان يمكن ربنا في يوم من الايام يقلب الفجوة .. طيب !! واحنا بقى هنعمل ايه ؟؟آآآآه نستنى ونحط ايدنا على خدنا ونصلي وبس الكلام في التاريخ حلو قوي باذن اللهلكن التاريخ يبقى تاريخا يا صارم هو تاريخي وتاريخك ولكن ليس لنا فيه شيءالعبرة بما انجزناه انت وانا اليوم وغدا اما التاريخ فنسيبه لاصحابهوزي ماقال عمرو وردي عليهلا يمكن ابدا التأكد من صحة ما كتب في التاريخ كما قال عمرو التاريخ يكتب دائما على يد الاقوى =======================تقصد الاباحية في الغرب موجودة طبعا وموجودة عندنا كمان وفي كل مكان لا كل الناس هناك اباحيين ولا كل اللي هنا قديسيين طالعلهم اجنحة !!!يمكن الفرق ان هناك في حرية كافية ان كل واحد يعمل اللي هو عايزهوهنا كل واحد بيعمل اللي هو عايزه في السر والا ماكانش بقى عندنا قنوات الاغاني المسفة ومكانش اكبر دولتين بيدوروا على كلمة الجنس على جوجل هما مصر والسعودية ومكانش بقى فيه نشاط دعارة مزدهر في موسم الصيف في مصر .. وغيره وغيره وغيره الفرق بس السر والعلن يا صارم اكيد طبعا في متدينيين ومحترمين هنا طبعاواكيد هناك كمان ———–معلش معلومة نصرة الفلسطيين من الدنمرك مش دقيقة قوي يا صارمالدنمرك من اكبر خمس دول بتتبرع للفلسطينيين في العالم على فكرة ———-وحياة الغاليين عليك مش الكلام عن الصوماليين يضحك برضه يا صارم !!!انت مش بتفهم سياسة يا عم وراجل مثقف وقاري ؟؟؟ طيب هي الحكومات المؤمنة عملت ايه للصومال ؟؟؟ احنا هنهرج .. وبعدين انت بتحمل الدنمرك مسؤولية مشاكل العالم !!!!!! كلنا عارفين المحاكم الاسلامية وقصتها في الصومالوبلاش نتكلم في السياسة لانها في النهاية لعبة مصالح قذرة لا ليها لا دين ولا ملة =====================================ماتقلقش يا صارم لن افهم ما تقوله على انه محاولة للاسلمةلانه مش كده🙂 سيتطلب الامر اكثر من كده بكتييييييييير لاسلمتي :)))) بهرج معاك ماعليناانا شخصيا يا قرائي الاعزاء متابعي الحوار الطوييييييل ده اعلن انها ليست محاولة لاسلمتي من الصارمواني بحب النقاش والمعرفة بعد لستة الامنيات بتاعة الطبيب الافريقي ورامز وعمرو وعلاء وبابا وماما وخلتو وعمو طيب مش هتسألني احب اسمع اغنية ايه ؟؟؟؟؟؟ ============================لما المهاجرين نفسهم يا صارم بيقولوا انه ده كلام فارغ واللي عايز يعدد الزوجات من حقه ومحدش هيهيوب ناحية كرامته ولا ينتقص من مكانة المرأة بتاعته اي حاجة لانه ببساطة الامور لا تحسب هكذا في الغربيا صارم عايزة اسألك سؤال دلوقتي لو انا حبيت اسافر السعودية مثلا اتفسح !!!لا اتفسح ايه واسعة دي .. جالي عقد عمل مثلا في الرياض مش لازم ألبس ايشارب على راسي في الشارع ؟؟ مش لازم امتنع عن شرب الخمر في الاماكن العامة ؟؟مش لازم اتقيد بقانون البلد اللي انا فيهامش لازم اصلي في مكان عام ولا كنيسة ؟ صح ؟؟؟ وانا هعمل كده فعلا لو رحت السعودية عشان دي قوانينهم هناك .. وانا اللي ضيف عليهم .. مهاجر سائح ضيف عامل اي حاجة ..مش عاجبني اتنيل ارجع بلدنا اعمل اللي انا عايزه بسيطة دي مش هفصل قانون سعودي على مزاجي بقى !!!وبعدين هو الراجل هناك لا هيقول دي عشيقتي ولا صاحبتي ولانيلةهو مش محتاج يقول اي حاجة محدش هيسأله اما نفسيا وشرعيا فيه مأذون وورق شرعي خاص بيهم يعني حقوقهم مش هتضيعوعلى فكرة انا قابلت مأذون الدنمركاسمه الشيخ عبد الودود عنده محل كتب اسلامية وادعيه وبخور وطواقي اسلامية في كوبنهاجن ========================مشكلة المهاجرين هناك انهم فعلا بياخدوا معونة ومش عايزين يشتغلوا يا صارم العيال اللي قابلتها من الاردن ومصر كانوا اعضاء في حزب التحرير لا شغلة ولا مشغلةطول النهار شتيمة في الحكومة وسب في النظام واخر الشهر يروحوا يهبدوا 12 الف كورونا لا عايز يشتغل ولا حتى يكون جماعة ضغط قوية زي ما اليهود مثلا بيعملوا !!! يقولك انا مش بشتغل ولا بصوت في الانتخابات عشان الديموقراطية مش من الاسلامولا بتكلم مع دنمركيين عشان كفرة طيب ما تغور يابني روح بلدكوا ايه اللي جابرك على القرف ده !! التعليق ده قاله واحد مهاجر فلسطيني عن العيال اللي بيشوهوا صورة العرب والمسلمين في الدنمرك مين اللي قال ان الدنمركي بيتجوز اكتر من واحدة ؟؟؟ ده ممنوع قانوناااااااااااااابالظبط اللي عنده اولاد من صداقة وعلاقة زنا مابياخدش معونات زواج او انجاب اطفال —————الام الوحيدة قصة تانية لان الاطفال بيكتبوا باسمها في حالة الطلاق او عدم وجود زوج اصلا———————- انت احيانا بتقول كلام يضحك واحيانا الاحكام العامةاللي بتطلقها بحس انك بتلقي خطبة مش بتتناقش الاحكام الجاهزة عندك بتطلع من التلاجة على طول حكمت على كل الدنمركيييين انهم بيكرهوا المسلمين وانهم وضعوا قوانينهم مخصوص عشان يزعلوا المسلمين .. ده كلام لا منطقي ولا معقول يا صارم زوج ايه اللي هيبقى ارهابي وبربري وعدو المش عارف ايه ؟؟؟ المسألة ابسط من كده بكتيييييييييرده قانون مكان انت عايش فيه هاجرت ليه عاجبك احترمه واقعدمش عاجبك ارجع بلدكوا اعمل اللي يعجبك ——يالا حصل خيروده رد تقعد تقرا فيه 7 ساعات بعد الفطار او قبله وسلي صيامكوكل سنة وانت طيب بمالناسبةوكل سنة وكل المحتفلين برمضان من المعلقين والمارين والقارئين كل سنة وانتم طيبييييينولغير الصائمين وغير المحتفلين هابي فوازير ومسلسلات وبرامج وساعات شغل قليلةوبحقد عليكم كلكم🙂 ———

  29. Sara says:

    >تم ذكر هذه المدونة في تقرير صغير عن المدونات وهذا التقرير عبارة عن اجتهاد شخصيhttp://sara-out-of-the-blue.blogspot.com/2008/08/blog-post_31.htmlتحياتي

  30. >لا لا لا لاده مش عدل …انت قاصداها:))يعني انا معلق عندك من اسبوع ومرادتيش الا اول يوم رمضان:))اكيد قاصداها عشان عارفة انه هيكون رمضان وهبقى مش فاضي:))دي مؤامرة:)كنت هاكبر دماغي….يعين مش مشكلة اننا نوصل لبعض خمسين في المية… لولا ان فيه مغالطات تاعباني نفسيا في اللي قلتيه وحاجات كنت واضح فيه وماوصلتش لحضرتكوبما اني فاضي في رمضان..انتي عارفة بقى التمبلة وعدم الشغل في رضمانوبما ان ده جهاد اليكتروني وثوابه هيتضاعف في رمضان..خاصة زي مما انتي متاكدة – انتي اللي متأكدة – ان البني آدم بيخاف من الجهاد الحقيقيفلازم اشمر وارد:))****************الغريب في ردك هذه المرة اني كنت مكون فكرة انك بتلقطي بسرعة…وهتلقطي التوريات والاسقاطات اللي واحد بيذكرها….لكن المرة دي شايف انك اتجاه النقاش من ناحيتك خد حتت بعيدة ونقاط سطحية شوية غير ما كنت اعنيه…ففيما بعد ان قدر الله ان اعلق على حاجة – ان قدر الله – فهحاول اكون اوضح ومباشر عن كده*******************استعنا عالشقا باللهحموم ايه بالضبط؟انتي لفاكره اني فاكر ان الحموم هو اساس المشكلة؟؟؟؟؟؟؟؟؟؟؟؟؟؟؟؟؟؟؟؟؟:))حاجة غريبة:)نقطة الحموم هي نقطة التقطتها من التعليقات ودخلت بها لنقطة كدعابة في وسط الكلام – ولكنها حقيقة – ولكن كدعابة للوصول لنقطة اهم والفكرة اللي عايزو اقولهاالغرض منها هي عادة اجتماعية من ضمن حاجات كتييير جدا – يمكن تكون اهيفهم لكنها حقيقية – والحاجات الكتير دي ثابتة ومذكروة في مراجع الغرب اكثر من الشرقهل انا قلت ان الوروبييين حاليا معفنين؟؟قلت لا يهتموا بالطهارة من الحدث..الا انهم ليسوا مثل اسلافهم معفنين وبيمنعوا الاستحمام لكي يكتشفوا المسلمين فيما بينهم:)وطول عمر الحموم علامة من علامات التحضر والرقي…لكن فيها حاجات اهم طبعااكيد احترام الانسان هو من اغلى قيم التقدملكن حاشية صغيرة – فيه دول تتقدم وتقدمت ومابتحترمش الانسان للدرجة الاوروبية الاهم هو التنظيم وحسن الادارة ….لكن احترام الانسان قيمة اغلى بكثيرالغرض والخلاصة هنا ان ىكلامي كان واضح…قيم كثير نقلها الغرب عن الالدولة الاسلامية التي كانت مزدهرة وسابقة لعصرها وهي قائمة في الاساس على اساس ديني امام حضارة اخرى كانت تعيش مثل العصور الحجرية في كل شئ اجتماعيا ومدنيا*****************طب هل هذا من باب العيش في امجدا الماضي وسبعة الاف سنة حضارة والكلام الاهبل دهطبعا لالكن الغرض الواضح اننا نؤمن انه لا تقدم ولاصلاح الا بالتمسك بما تمسك به الاولون …القرآن والسنة كما تميسك به محمدا وصحبهالخمسين سنة الاولانيين كانوا دفعة لقرون طويلة فيما بعد…صحيح حصل انحدار تدريجي ادى الى انيهار تام في النهاية لكن هذا نراه للبعد التدريجي عما جاء به محمد وتبعه اصحابهلكن ظل المكنحنى العاام اعلى ممن حولهم ولقرون طويلةوحدثت ايضا صحوات مرحلية في المنتصف….وكانت هذه الصحوات تنجح كلما اقتربوا من نموذج محمد وصحبه في التمسك بتعاليم الدين وتطبيقها على كل نواحي الحياة وفي مصلحة الناسوامامنا نموذجان….نموذج عندما ترك دينه وتعاليمه فشل ..ونموذج عندما تخلص من تغييرات البشر في المنهج بحذف المنهج بالكلية نجحلا هذا نريد ولا هذا نريد….لا نريد تقدم – الاغلبية لا تريد – على حساب ترك التعاليم كما فعل الغرب….نريد الاتنين معاايه اللي بنعمله….انا وانتي والظابط اللي ارشدك للطريق وناس كتير بنعمل كتير…لكن مشكلتنا حاليا هي مشكلة قيادة علياوهم باذن الله الى زوال على اي حالاللي يضحك – يدهش – بجد انك ملقطتيش الكلام ده مما قلتهخاصة مع مستوى ثقافتك ومعرفتك – المفترضة – بالآخر – اللي يمثله هنا العبد لله***********************المشكلة التالية : التعميمسؤالك ينرفز:))من باب روح عدهم ويبقى تعالىمش محتاج اعمل احصائية وانزل اعدهمغير ان فيه صديق اوروبي اخبرني بها منذ عدة سنواتفيه حاجة في علم الاحصاء اسمها العينة العشوائيةاما في خمس سنين اعمل مع حوالي 140 اوروبي اربعة منهم فقط يذهبوا للكنيسة وتلاتة مؤمنين بالله بس مش مؤمنين بما تقوله الكنيسةتبقى دي مؤامرة من الشركة عليا عشان اظن فيهم كده – بهزر:)تبقى دي عيسنة عشوائية محترمةوالمعلومة دي نفسها جاتني من الشرق الاقصى ايضا – الصين وكوريالكن حتة روح عدهم اراها – معذرة – سخيفة ومش علمية:)**************سؤالك ليه انعكست الفجوة رديت عليه لكن اقول تانيلان مفيش التزام حقيقي وبشكل عام بنهج محمد وصحبه…التزام وايمان حقيقي + عمل جدا وقوي قدر المستطاع +قيادة صالحة+عدالة+عزة وعدم دنية في دين الله فقط في الاعوام الاخيرة الامور بدأت تتحسن لكن فيه ناس بتنخرب وراها عشان ترجع تبوظها تاني بافتكاسات فكرية سخيفة – من المسلمين اعني وانعكست الفجوة بسبب ينين طويلة من الانحدار كان فيها المسملين بيضعفوا وسايبين نفسهم يضعفوا امام جاتنب مضاد كان بيقوىوبسبب قيادات هي نتاج لسنوات طويلة من التخلف..قيادات تتحكم في كل شئ همها المكوث في مناصبها ونعاني منها وننحت في الصخر للتخلص منها ولم نستطع الى الآن…اراكي نسيتي هذا في خضم مناقشة الفجوة واسبابهاالكلام في الموضوع ده يطول..لكن ده باختصار اتمنى الا يكون مخلا***********************في نقطة الاباحية واخلاقيات الغرب هنختلف كتيراراكي تدافعي عنهم؟؟؟؟غريبة كمسيحية شرقية ملتزمة؟؟؟؟مهما وصلوا لتقدم علمي وحضاري..يبقى الانحلال انحلالا مرفوضاونقطة السر والعلن ….نختلففمن منظورنا….عندنا من يخطئ يتدارى…كي يقصر المعصية على نفسه…ويقصر الذنب على نفسه بينه وبين الله لعل الله ان يغفر له – ويجاهد نفسه فيها طبعا …ولا ينشر الفاحشة في المجتمع فيتحمل وزر نفسه ووزر غيره – دون ان ينقص من اوزارهم شيئاصباح الخير يا حرية:)***********************مفيش حكومات مؤمنة بالمعنى الصحيح على فكرة:))وبما ان الدنمارك دلوة قوية كده واتشمللت ساعة افغانستان…ننتظر دورها هي وبقية العالم الحر في انقاذ الصومال ورفع المعاناة عن سكان العالميمكن كتبت البوست ده قبل كده…يبقى خدي بصة عليه وهيفكرك بوجهة نظريhttp://alsarem-alhasem.blogspot.com/2008/03/blog-post_08.htmlطبعا الفيديو في الوبست اعني به رئيسن وليس رئيسهميعني للتوضيح:))واكيد نحن اولى منهم…اولى بلحمنا على الاقل**********************الحمد لله…اشكرك جدا على الشهادة الغالية دي بعدم محاولتي للاسلمة:))الحمد لله انك فهمتي النكتة هنا ايضا التي وضعتها بين السطوروده يجعلني اتسائل…لم لم تفهميني في كل ما قلته:)))خبيث…خبيث************************مبعرفش ازغرد:)عنده محل كتب اسلامية وادعيه وبخور وطواقي اسلامية في كوبنهاجن قمة الحرية فعلا..عايزين ايه تانيكلامي بقى هنا كان واضح جدا جدا جداانا لم اتكلم عنم المهاجرين في شئ ولم اقل انهم ياخدوا معوناتهل لم تقرأي كلامي ؟؟؟؟؟؟؟ام انه عدة…كده:))قلت بالنص…كوبي بيست<<<وبعدين سبنا من العرب المهاجرين….من وجهة نظري انه اساس الا يصح انهم ياخدوا معونة..وان العلاقة في هذه الحالة هي علاقة بسيطة جدا..انا بأديهم شغل…هما بيدوني حقي على الشغل…لكن المفروض يبقى فيه عزة ومش عايزين معونة من حد…وربنا ما يحوجنا لحد…آمينلكن مواطني الدولة ممن لهم جنسيتها …وخاصة ذوي الاصول الدنماركية من دافعي الضرائب…ايه المشكلة اما يتجوز اكتر من واحدة وياخد منح على اطفاله زيه زي الباقييعني اللي عنده اولاد من صداقة وعلاقة زنا مابياخدش معونات ومالوش حقوق؟يعني الام الوحيدةsiingle motherمبتاخدش معونات ومعاشات وعلاج ومنح لاطفالها؟؟؟ده حتى في الاسلام في الحالة دي بيبقى لهم – الاطفال – كوووول الحقوق….الرسول صلى الله عليه وسلم قال على ابن الغامدية التي زنت وطبق عليها حد الرجم حتى الموت …قال عنه من يكفل هذا ويكون رفيقي في الجنة – كان لسه مافيش دولة بتكفل الاطفال والتي ارساها عمر بن الخطاب فيما بعد ولكن الروسل وضع مبدا احترام اولاد الزنا لانهم ليس لهم ذنبواللا المشكلة ان اللي يقول متجوز يبقى كخة وهمجي ومتطرف وبيدخل الدين في نظام الدولة ولا يستحق الرحمة…عليه لعنة العلمانيةهو ده العدل والمساواة والحرية؟؟؟>>>>ومش مصدقك في نقطة ان ولد الزنا لا يأخذ اي معونات…مستحيل وانا اثق فيما اقولمعولماتك غير دقيقة وانتي محتاجة تبحثي فيها اكتروان كان يحدث – وهو لا يحدث وانا متأكد – فده قصور شديد في معايير الدولة سواء كدولة علمانية غربية …او حتى ان حدث في دولة اسلامية فهذا خطا – وان كان في الدولة الاسلامية سيكون هناك تعامل مختلف مع الزناة انفسهماما بالنسبة لمثالك عن العسوديةففارق كبيراللي هما بيطلوبه منك شئ اخلاقي ويحافظ على المجتمع – لكن العودية قصة كبيرة وفي الخلاصة هي ايضا ليست النموذج المنشود واسألي اي متطرف ارهابي وهابي سلفي اخواني ثورجيلكن اللي بتطلبه الدنمارك هو نتيجة لثقافة الفاحشة – الحرية كما تسميهاوبعدين على رأيك ..ما يغوروا يروحوا بلدهم…ماشي….طب الدنماركيين المسلمين من دافعي الضرائب يروحوا فين؟؟؟اقولك انا..يروحوا دار الاسلام ويتركوا دار الكفر- حقيقة…..لكن المشكلة ان الآن لا توجد دار اسلام بالمعنى الصحيحفهذه هي بلدهم الآن***********************متهيألي وضح الان المضحك والغريب والغير مفهوم؟المفترضه اني بأكلم شرقية مؤمنة بالخالق وملتزمةيبقى مفترض اننا متفقين على نقاط الاخلاق على الاقلالغريب بقى هو اتجاهك في الكلام ودفاعك عن الدنماركتمت بحمد الله:)))

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s