انهيار منزل مجاور.. ونصف الكوب الملآن

Posted: 02/09/2008 in Uncategorized
انهارت عمارة سكنية في شارع في احدى المدن المزدحمة قبل يومين
والتفاصيل ليست مثيرة على الاطلاق وربما قرأتوها في بعض الصحف ووسائل الاعلام

عمارة سكنية قديمة تتصدع .. تظهر عليها بوادر الخطر
يغادر السكان .. وينهار العقار بالكامل في دقائق محدثا زلزالا هائلا

حدث مؤسف ولاشك
خاصة في الجو الحار
واقتراب شهر رمضان .. فكيف سيقضي سكان ذلك العقار من المسلمين اول ايام رمضان ؟؟؟ا

هو حدث مؤسف ومتوقع ايضا

ولكن ليس هذا ما اود الحديث عنه
هذه المرة اتحدث عن نصف الكوب الملآن

اعلم اننا دائمي الانتقاد لحكومتنا وللاوضاع المتردية لاغلب الخدمات
ولكن تسائلت اليوم بعد ما حدث .. هل ييمكننا احيانا ان نرى جانبا ايجابيا؟ هل نراه ان حدث؟
هل حقا يمكننا رؤية نصف الكوب الملآن .. ام انه كما قيل الحكومة ترى نصف الكوب الملآن والمعارضة ترى النصف الفارغ
والشعب لا يرى الكوب من اساسه؟؟

ولكني اليوم رأيته :::: واشارككم نخبه

قبل انهيار العقار مباشرة شكل الجيران كتيبة دفاع مدني بعضهم وقف في الشارع يحذر المارة من اقتراب سقوط العقار
فلا يجب على احد ان يسير بقربه
واخرون بدأوا في مساعدة السكان في انقاذ ما يمكن انقاذه من شققهم قبل النزول سريعا

ومع انهيار العقار في العاشرة من صباح الجمعة
فوجئت بسرعة وصول قوات الانقاذ وسيارات الاسعاف
ثم بعد دقائق تبعتها سيارات طوارئ الكهرباء والغاز

وهنا كانت المفاجأة التي اسعدتني في ذلك الحادث المؤلم .. حرفية تعامل كل الجهات السابق ذكرها مع الحدث
وكان الامر كالآتي

الشرطة:
سارعت بتطويق المنطقة واخلاء المنازل المجاورة بسرعة
فرضت طوق امني سريع لاغلاق المنطقة المحيطة بالمنزل
منع اي شخص من المرور في المربع السكني الكائن فيه المنزل حتى لا يتسبب الحطام المتساقط في اصابة اي شخص
ورغم التوتر الشديد الذي اعترى رجال الشرطة مما جعلهم يصرخون في وجه المارة المتجمعون
الا اني التمست لهم العذر حيث تجمع المارة بطريقة مزعجة كانت تعوق حركة سيارات الانقاذ

المرور:
بالتعاون مع رجال الشرطة تم اغلاق الشارع الذي يطل عليه العقار المنهار رغم انه شارع رئيسي في حي مكتظ بالسكان
تم تحويل المرور لشارع رئيسي مواز ليصبح حارتين ذهاب وعودة بدلا من حارتين ذهاب وذلك خلال ساعتين تقريبا من وصولهم للمكان

الاسعاف:
بعد نصف ساعة من انهيارالعقار وصلت سيارتي اسعاف بصعوبة شديدة نظرا لضيق الشوارع المحيطة بالعقار بسبب كثرة السيارات المنتظرة في الشوارع الجانبية وضيق تلك الشوارع من الاصل
بعد التأكد من ان جميع سكان المنزل خارجه وانه لا يوجد اي شخص مصاب او مازال تحت الانقاض رحلت سيارة واحدة وبقيت الاخرى تحسبا لنهاية النهار

قوات طوارئ الكهرباء والغاز:
وصلت فور انهيار العقار وبدأت عملها
تم الاطلاع على خرائط الغاز للعقار بما انها تركيبات جديدة وتم فصل الغاز عن العقار فقط
بينما تم فصل الكهرباء عن المربع السكني بالكامل بسبب قدم تركيبات الكهرباء
وبعد اتصال الجيران بشكاوى شركة الكهرباء للشكوى من انقطاع التيار اكد موظف الطوارئ
ان التيار سيعود خلال ساعات بعد التأكد من زوال اي خطر


وقد كان !!!!!!!!!!!!!!في ظل دهشة الجميع من سرعة الاستجابة

وحتى هذه اللحظة يعمل عمال على ازالة الانقاض بهدوء وصعوبة شديدة جدا في ظل جو حار وشوارع ضيقة مزعجة جدا خاصة في ظل وجود ونش لحمل الحطام

وهم يعملون في حماية الشرطة التي مازالت حتى الان تضرب الطوق الامني حول العقار لحماية المارة ومساعدتهم
وتسيير نهر الشارع بدون مشاكل

وقد جربت بنفسي محاولة عبور الطريق وكسر الطوق الامني
فمنعني احد الضباط بمنتهى الادب!!!!!!!!! اي والله بمنتهى الادب .. وارشدني ..بمنتهى الذوق!!!!عن بديل افضل واكثر امنا

هذا لم يحدث يا اصدقائي في كوبنهاجن
ولا نيويورك

ولكن في مصر
وفي حي مكتظ بالسكان

انا سعيدة جدا فعلا
ومذهولة ايضا

Comments
  1. HafSSa says:

    والله حاجة تفرح
    و اللي يفرح اكتر انك قدرتي تشوفي حاجة كويسة و تسجليها
    لان اوقات من كتر ما بنشوف السئ بننسى الكويس كان شكله عامل ازاي

    تسلم ايدكي يا قهوة معتبرة

  2. الصارم الحاسم....يوما هل أكونه says:

    من يومين بالقرب من كارفور برضه تهت في الوصول للبارك بسبب تغيرهم لمسارات اتجاه السيارات

    طلع لي شاب كميل بلاسلكي في ايده ومسدس في جانبه..وسبحان الله كان ذوق جدا برضه وهو بيرشدني للسكة الصح – من نفسه ومن غير ما اطلب منه

    ربنا يهدي…محدش يكره ابدا

    بجهر رد على الرعيضة اللي في البوست اللي فات…اراكي قريبا هناك

  3. Wandering Scarab says:

    Bluestone..

    Sounds like you’re optimistic. I agree that they may have done a good job but I don’t think the authorities have any genuine interest at heart. They have a lot to make up for. Things like the Eid mass sexual assaults and the burning of the Parliament come to mind. Sure, they seem pleasant when a building is about to crumble but most likely because the incident does not involve religion or politics. But hey, that’s just how I see it.

    It’s refreshing to see a different point of view though.

  4. Mukhtar Alazizi says:

    والله محدش عارف، يمكن في دواعي تانية متصلة بشخصية مهمة مثلا متواجدة في المربع السكني ده ولذلك تم التحرك سريعا.

    يعني أنا عارف مثلا إن في مقر لأمن الدولة في منطقة مأهولة بس هو مش معروف لناس كتير. المنطقة دي استحالة يتقطع عنها التيار الكهربي في الصيف .. عشان التكييفات اللي في الغرف العظيمة بتاعة إخوانا الظباط.

    للحقيقة وجوده أخري.
    🙂
    مش قصدي أتشاءم بس باقول يعني احتمال.
    وده مش معناه إننا منتكلمش عن النص المليان أو عن وجود الكوباية من الأساس.

    في آخر التدوينة وانت بتقولي لم يحدث هذا في كوبنهاجن ولا نيويورك، افتكرتك هتقولي حدث في أمستردام
    🙂

  5. Amr Ahmed says:

    ده بجد

    ممممممممم

    افتكرتك بتهزري

    طيب يارب يكون بجد

    وميكونش زي مختار العزيزي ما قال علشان حد مهم او حاجة

  6. bluestone says:

    حفصت:
    منورة يا جميلة
    اللي يفرح حقيقي ان الواحد كان فاكر ان عينه خلاص اخدت على رصد السلبي
    بس اكتشفت اننا لسه قادرين نشوف الحاجة الحلوة

  7. bluestone says:

    الصارم:
    طبعا ربنا يهدي
    اكيد دي حاجة في صالحنا دايما
    هقرا العريضة وهرد عليها طبعا
    ما هو المشكلة ان الرد بيبقى طوييييييييل وعايز رد طويل برضه
    كل ما كتب باهتمام يرد عليه باهتمام يا صارم

  8. bluestone says:

    wandering scarab:
    No I am not optimistic at all believe me!
    the issue is that I deal with each incident separately to ppl involved right. I know the negative sides are more than our ability to count.
    BUT an incident like that is very useful for us for more than a reason:
    1-It is a proof that we are able still to see the good when it is there or if it is there

    2-Sometimes, and I mean rarely, it is not totally BLACK

    3- Some people in this country are still able and willing to do their jobs with some honor

    4-Now I am certain that catastrophes can really bring the best in the Egyptians! Tough Luck for us!!

  9. appy says:

    والله حلو جدا ويا ريت كلنا نبص كده ده اللى بقوله
    بس مصير السكان ايه بقى يعنى ممكن لو تعرفى حاجه تابعى الموضوع
    وقولى لنا
    علشان لو حد عاوز مساعده او كده

  10. bluestone says:

    مختار العزيزي:

    طيب وليه نفترض الاسوأ دائما
    على الفكرة البيت اللي وقع في حي شعبي
    واقدر اجزم ان مفيش شخصية مهمة هتكون عايشة او مرتبطة بالمكان هناك
    لان الحي زحمة جدا
    وده هيكون مخالف للاجراءات الامنية المرتبطة باي شخصية مهمة
    ثانيا:
    حتى لو كان الموضوع مرتبط بشخصية مهمة
    مكانتش القوات هتهتم بالناس
    بالمارة والسكان وسكان العقار نفسه
    وسكان المنطقة كلها
    وكمان المارة اللي في الشارع

    ليه يا سيدي متقولش ان المصايب فعلا بتعمل مننا ناس كويسين
    وده للاسف

  11. bluestone says:

    آبي:
    ده فعلا اللي سألته
    وعرفت انهم هيروحوا منطقة اسمها مدينة النهضة
    في اخر الدنيا
    اعتقد انها بعد مدينة السلام تقريبا
    مدن جديدة من اللي مفيهاش اي حاجة غالبا

  12. The Innocent says:

    نص الكوب المليان بجد، مليان أوي يعني، هو ان صاحب البيت امه داعياله. من بكره هيطلع برج مكانه. الرج على ناصية وفي شارع رئيسي. يعني هيملين.
    وعقبال كل اصحاب البيوت القديمة والإيجار القديم.
    تحياتي

  13. شــــمـس الديـن says:

    ياه

    انا كنت راجعة من عملي نفس اليوم – لاني اسكن في نفس الحي – و تم تحويل مسار السير لان هناك عقار وقع … و لم اتخيل ان اجد تغطية محايدة بل و جميلة له

    مشكروة علي التخطية و اهم من دا الروح اللي قدرتي تشوفي بيها الحدث و ان الواحد بيرصد الكويس و الوحش بس هو الوحش اللي زيادة لكننا نفسنا نشوف بلدنا دي اجمل بلد في العالم🙂

  14. Alien Purlo says:

    ……………….!
    happy …!

  15. Abdou Basha says:

    بس ده موقف طاريء غير معتاد
    لدرجة انه استحق التسجيل والاشادة
    الأصل انه الأمور مابتمشيش كده
    بس العنوان جميل
    التفاؤل احسن
    ححاول
    أكيد فيه حاجات كويسة
    🙂

  16. يا مراكبي says:

    طيب أمال ما حصلش كده ليه في حريق مجلس الشورى؟

  17. Moon-baby says:

    انا بردو استغربت لما قالوا في التليفزيون مفيش اي اصابة…مكنتش اعرف كل الاستعدادات دي….شكلك قضيتي اليوم في متابعة القصة دي🙂

    و اظن انهم اتحركوا علشان العملية مش ناقصة…كفاية مجلس الشورى و توالي الاحداث المؤسفة

    انا فرحانة نسبيا🙂

  18. bluestone says:

    the innocent:
    ده اسمه حقد ده بقى ولا ايه :))
    بس عامة يعني برضه هيتلدع في تمن الحديد

    ——————————-
    شــــمـس الديـن:
    هي صحيح مش اجمل بلد في العالم
    ولكن حتى من ضمن اجمل 100بلد في العالم
    بس هي بلدنا في الاول وفي الاخر
    مش هينفع نفلت يعني🙂
    قدرتنا على رؤية الكويس ده دليل على اننا لسه بني ادمين
    ——————————-

    Alien Purlo:
    glad I was able to help
    ==============================

  19. bluestone says:

    عبده باشا:
    حتى لو كان يا عبده
    وحتى لو كان ان الاصل في الامور العكس
    برضه هي حاجة حلوة وحصلت
    يعني فيه لسه حاجات كويسة بتحصل
    وشوف بقى الاجمل والاجمل
    لسه في بدل رسمي بحديد على كتافها وبتعمل شغلها كويس من غير فساد او افتراء
    دي حاجة تستحق الاحتفال يا راجل !!!🙂
    ===================================
    يا مراكبي:
    مش عارفة
    بس المهم انه حصل
    وخلاص في اي حتة

  20. Anonymous says:

    فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة – The Culture of Defeat – بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
    هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

    1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
    2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
    3- مشكلة تعمير مصر والتى يعيش سكانها على 4% من مساحتها.
    4 – العدالة الاجتماعية .. وأطفال الشوارع والذين يملكون كل شىء .
    5 – ضرورة الاتحاد مع السودان لتوفير الغذاء وحماية الأمن القومى المصرى.
    6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
    ارجو من كل من يقراء هذا ان يزور ( مقالات ثقافة الهزيمة) فى هذا الرابط:

    http://www.ouregypt.us/culture/main.html

  21. مذكرات كشكول المورق says:

    تحية طيبة إليكِ🙂
    ــــــــــ
    أتمنى أن تكونين فى حال جيد،أنتِ والأسرة.
    ــــــــــــ
    ولما لانصدق أن هذا قد تم،للأسف لأن كثيرين منا قد ظل متمسك بالنصف الفارغ من الكوب ظن أن الجميع كذلك وأسوأ من أى سىء فى الحياة وهذا الأمر ليس بصحيح.
    فكما نتعامل فى أعمالنا مع أُناس ذو ضمير سنجد على النقيض أُناس قد نسوا تماما أن هناك من يدعى ضمير.
    ما قمتى بسرده ياعزيزتى من حالة التكاتف والعمل الجاد من المدنيين وهيئة الداخلية بأقسامها دليل قاطع على أن الخير لايزال متربع على عرش قلوبنا وعقولنا نحن المصريين وأن مبدأ *وأنا مالى* ملغى من قاموسنا الحياتى.
    وكما فى مصر طالحون هناك أيضا الصالحون فهى عملية نسبة وتناسب لكنها أحيانا تميل إلى الطالح.
    ولدى أمثلة متعددة ومواقف قد مررت بها مع وزارة الداخلية بأقسامها(مرور،مطافىء….إلخ)
    أرضنا دائما تطل علينا بالأخيار🙂
    خالص تحياتى؛

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s