>يا ايها الواقفون في قلب الطريق .. انا ايضا أحب التمر هندي

Posted: 06/09/2008 in Uncategorized

>

في ثالث ايام رمضان اضطرتني ظروف العمل للتأخر حتى الخامسة والنصف تقريبا للتعامل مع بعض المصائب الصغيرة التي تسببت في ان تسمرت على مكتبي منذ السابعة صباحا وحتى والخامسة مساء دون حراك تقريبا
بعد انتهاء اليوم العصيب اسرعت لسيارتي حتى اعود إلى المنزل
ولكن قبلها كان يتعين علي ان اشتري تورتة للاحتفال بعيد ميلاد شقيقتي

وده مش موضوعنا طبعا .. المهم
وصلت إلى المحل وانا اقوم بالشراء ضرب مدفع الافطار فكانت فرصة طيبة للوصول اسرع للمنزل استغلالا لخلو الشوارع
ابتسمت لعسكري المرور الذي أوقف سيارتي في غير مكانها واعطيته جنيهان وعزم علي بتمرة
فابتسمت وقلت له “هافطر في البيت”ا

والحقيقة اني لم أكذب .. فانا فعلا لم آكل اي شيء منذ اليوم السابق .. بل منذ ظهر اليوم السابق

وفي احد الشوارع الرئيسية لاحظت تكدسا للسيارات امامي
فقللت من سرعة السيارة واكتشفت ان عدد من الشباب وضع طاولة صغيرة في منتصف الطريق
وعليها أكواب من مشروب قمر الدين الرمضاني
وكانوا يوقفون السيارات الملاكي والأجرة ويعطون للسائقين كوبا بلاستيكيا من المشروب البرتقالي

مررت بجانبهم ببطئ حتى لا اصطدم بأحد ثم استكملت طريقي
واندهشت ان احدهم لم يقدم لي كوبا انا ايضا مثل كل العابرين في الطريق

ولكني لم اهتم كثيرا فانا لا أحب قمر الدين اصلا .. طعمه مزعج جدا بالنسبة .. واكره المشمش ايضا

وتكرر الامر مرتين على الاقل
أمر في الطريق
يراني الشباب الواقفين .. يستعد احدهم بحمل كوب من المشروب
وما أن يرى الصليب الخشبي الصغير المعلق على المرآة
يبتعد ويعيد الكوب كأنه لم يراني

ثم وانا في طريقي في احد الشوارع الرئيسية الاخرى
ومع تكرر الموقف المعتاد
حدث نفس الامر ولكن تلك المرة لم يكن مشروب قمر الدين الذي اكرهه

بل كان مشروب التمر الهندي !!!!!!!!!!ا
وانا اعشق التمر الهندي ….:(ا

فمنيت نفسي تلك المرة بكوب مثلج لذيذ من التمر الهندي
فقللت سرعة السيارة كالمعتاد ومشيت ببطئ شديد ووتقاطعت عيني مع عيني الشاب الواقف في وسط الطريق

وفي لحظة خاطفة أدار عينه على مرآة سيارتي .. لاحظ الصليب الخشبي الصغير المعلق فأشاح وجهه إلى الجانب الاخر

“لأ بأه … كده عيب يا جماعة .. اشمعنى انا .. كله إلا التمر الهندي.. وبعدين ما انا كمان لا اكلت ولا شربت حتى مية من امبارح الضهر، يعني صايمة برضه..وصايمة من قبلكوا!!”ا

ومن موضعي هذا
اقول لكل الشباب الذين أقاموا “نقاطا مشروبية رمضانية” على الطريق
يعطون اكواب المرور للمحظوظين من الصائمين
ويعذبون الصائمين العطشانين الاخرين

يا اخواني في الوطن ……….أنا ايضا أحب التمر الهندي

Comments
  1. >هيهيهيهي يعني انتي باصه للناس الصايمه في حبه التمر هندي شفتي الستاتيوس بتاعي ما زلت احتسي التمر هندي حتي الثمالة شوفي بغض النظر عن الهزار في البوست فممكن يكونوا خافوا تكسفييههم وتقولوليه م مش عاوزة\ مش صايمه…ممكن!!مش كل الناس ممكن تقبل ثانيا ممكن يكون قال متخدش دي واكله وشاربه ومروقه نفسها شاي ونسكافيه وميه محدش يعرف انك عطشانه واكيد لو كنتي طلبتي باعتبارهم شباب بتعمل خير محدش كان هيصدك وكانوا ها يدوكي بدل الكوباية اتنينكل سنه وانتي بخير

  2. Anonymous says:

    >معلش يا ستي أنا لو كنت هناك كنت شربتك من التمر هندي makine

  3. HopiZ says:

    >اعتذرلك بالنيابة عنهمبس صدقينى لو كنت انا الى واقفة كنت اديتك شفشق مش كبايةو ماكنتش هبص انتى معلقة صليب ولا مصحفو تتعوض

  4. >ما عندهمش حق…الانسان انسان…وفي النهاية كل هالتفاصيل بدون معنى بالنسبالي..مسلم او مسيحي أو يعبد حاجة ما حد يعرفها الا هو…انا مالي؟بس عارفة…لو كنت مكانك كنت هانطلب بصوت عالي ان يعطوني كباية…ولو مازلت عطشانة حانطلب تاني :Dوخلي حد فيهم يتكلم

  5. >ياااه… إنتى عارفة النهاردة ماما قالت لى عايزة تشربى إيه ع الفطار النهاردةقلتلها من غير تردد.. “تمر هندى”!بحبه جدا…تعالى عندنا وأنا أعملك تمر هندى أسوانى متلج:)وحبة كمان للحبايبرمضان كريم

  6. >زمان كنا مابنشوفش نصراني بيجاهر بالأكل في نهار رمضان- مش من باب انه حرام او انه خطأ ولا اعلم ان كان حراما او خطأ ولا اعلم انت كنتي منهم ولا يعنيني ان اعلم طبعا…..اتكلم عن المجاهرة…كان هناك نوع من العادات الاجتماعية واحترام شعيرة المسلمينوبالمناسبة لم يكن هناك صلبان تعلق هكذا بشكل واضحووقتها ايضا كان الناس بتقدم مثل هكذا مشروبات للجميع…اسألي والدك ووالدتكالآن عادي اننا نرى نصرانيا يجاهر بالأكل في رمضان……وللأسف نرى ايضا تصرف تلقائي هكذا من هؤلاء الشبابياترى ايه السبب؟؟بس زي ما قالت الاخت بنت القمر بالضبط<<فممكن يكونوا خافوا تكسفييههم وتقولوليه م مش عاوزةمش صايمه…ممكن!!مش كل الناس ممكن تقبلثانيا ممكن يكون قال متخدش دي واكله وشاربه ومروقه نفسها شاي ونسكافيه وميه محدش يعرف انك عطشانهواكيد لو كنتي طلبتي باعتبارهم شباب بتعمل خير محدش كان هيصدك وكانوا ها يدوكي بدل الكوباية اتنين>>>أقسم انه كان هيديكي الشفشق كله:)))))

  7. BlueRose says:

    >:)أنا ماباحبش التمر الهنديعن نفسي مش هابرر ولا هادور لهم على مبررات الله أعلم بوجهة نظرهمأنا فعلا شايفاهم قللوا من كرمهم لما امتنعوا عن تقديم المشروب لك , الموقف مش واحد , رأيت كثيرين في الاشارات وقت الافطار يقدمون التمر للمارة و قد يعتذر شخص لأنه مسيحي و الصائمون أولى و تلاقي صاحب التمر بيصمم و يعزم بردو من قلبه و بطريقة المصريين في الالحاح في العزومة :)صحيح:كنت في صعيد مصر النهاردة , وزعنا 1050 شنطة رمضانية على أسر قرية فقيرة “كل” أسر القرية , حاملي الأسماء الاسلامية و المسيحية :)الموقف مش موحد يا بلو🙂

  8. >بس هم طبيعي يتوقعوا انك مش صايمة يا مريانهم شافوا الصليب ما شافوكيش طول اليوم وانت مش بتاكلي ولا بتشربي:))كنتي وقفت وقلت لهم انا عايزة تمر هندي وكانوا ادوكي مدام نفسك راحت لهههههههههههههبس العيال دول بيبقوا عسل واللهيعني الواحد يبقى ماشي بسرعة يروحوا راميين نفسهم قدام العربية بكباية العصير وللا التمر هنديمش مهم يموت ويودي اللي سايق في داهيةالمهم ان اللي سايق يفطر:))

  9. The Innocent says:

    >عايزة تمر هندي؟ بسيطة شيلي الصليب الخشب واحنا نعطيلك تمر هندي.تحياتي

  10. Amr Ahmed says:

    >اولا انتي عطشايني وانا صايم كدهو يا سلام لو كوباية كده ساقعةبس انا لو منك كنت قلتلهمولا يهمكبكرة اشربي منهم

  11. Anonymous says:

    >فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .3- مشكلة تعمير مصر والتى يعيش سكانها على 4% من مساحتها.4 – العدالة الاجتماعية .. وأطفال الشوارع والذين يملكون كل شىء .5 – ضرورة الاتحاد مع السودان لتوفير الغذاء وحماية الأمن القومى المصرى.6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.ارجو من كل من يقراء هذا ان يزور ( مقالات ثقافة الهزيمة) فى هذا الرابط:http://www.ouregypt.us/culture/main.html

  12. Ahmed Nasr says:

    >ليكي فرقبتي فطار يا بلو..بس ادعيلي ارجع قريب🙂

  13. bluestone says:

    >بنت القمر: انا مش باصة للناس الصايمة انا كنت باصة للتمر هندي :)) طبعا انا اكيد مافسرتش تصرفهم على محمل سيء على الاطلاق ابداقلت فعلا ان ممكن يكونوا اتكسفوا اني اقولهم لأخصوصا انك لو عزمتي على حد بحاجة هتحرجي جدا لو رفضها وعشان كده لم افسر تصرفهم على اي محمل دي مسألة نوايا بس الموقف كان كوميدي جداولحد دلوقتي ماشربتش تمر هندي

  14. bluestone says:

    >ماكين:اشكرك على الدعوة السيبرية ومقبولة ان شاء الله ==================================هوبيز:ماتعتذرش ولا حاجة هو الموقف كله كوميديوانا ما اختدوش على محمل سيء فعلا

  15. bluestone says:

    >I DID NOTHING:يمكن لو كنت طلبت منهم فعلا كانوا ادوني انا ما قلتش ابدا انهم رفضوا :)ويمكن كانوا رفضوا على اساس انه خسارة في غير الصائم وان الصائم أولى——————————— لستو ادري:زي بنت القمر اود شرب تمر الهندي حتى الثمالة بس كل ما اروح محل يقولولي خلص قبل الفطار دعوة مقبولة يا جميل ومتشكرين عليها واود شرب تمر الهندي في اقرب فرصة==================================

  16. bluestone says:

    >الصارم الحاسم: اتراك يوما تكونه:))مش عارفه ليه يا اخي كنت حاسة بالرد ده بالظبط كنت متوقعاه قوي :))))))المهم قوللي الاول طبعا مع الاعتراض على لفظة النصراني دي عشان مش بحبها لكن ايه علاقة الشباب موزعي التمر وقمر الدين بالمسيحيين الذين يأكلون في نهار رمضان سواء زمان ولا دلوقتي ؟؟؟ ايه علاقة الموقفين ببعض ؟؟؟؟؟؟؟ثانيا:هو المسيحي اللي ياكل في نهار رمضان مايبقاش بيجاهر بالاكللانه مش صايم اصلافالاكل بالنسبة حاجة عادية ولا عيب ولا حرام هي طبعا ذوقيا مش حلوة واجتماعيا مش مستحبة ان الواحد ياكل قدام الصائمين بس فيه ناس غالبا مش بيهمها الاجتماعيات في شيء بس في النهاية انا شخصيا ببقى شايفاه قلة ذوق بس لا عيب ولا حرام يعني مثلا لو انت أكلت لحمة قدامي في ايام الصيام مش هعتبرك مجاهر باللحمة :))قصدي مجاهر بالافطاروفي ايام صومنا عادي جدا ان حتى محدش بياخد باله اننا صايمين نظرا لان مفيش احتفاليات تلفزيونية اجتماعية ببدء الصوم او نهايته عادي يا سيدي الصائم صائم لنفسه ولوجه الله———————-بالنسبة لمسألة الصلبان ::هو زمان مكانش فيه صلبان بتعلق بشكل واضح؟؟؟؟؟؟؟؟؟؟؟؟؟؟جبت منين الكلام ده يا عم؟؟؟؟؟؟؟؟؟؟ افتكر ان الكنائس والناس كانوا بيعلقوا الصلبان في منازلهم اومنازلهم على قباب الكنائس وان كنت تقصد تعمد اظهار الهوية الدينيةعشان ده اللي شميت ريحته في كلامك فأحب اقولك انه زمان برضه كانت الستات بتلبس الميني جيب ومكانش الحجاب ولا الخمار ولا النقاب منتشرين خالص ولو كنت تقصد ان الصليب لا يجب ان يظهر ودي ريحة أوحش لم ارد ان اشمها في كلامك فلو كانت ده رأيك فلا تعليق================================ اللي فهمته من تعليقكك ان الشباب موزعي المشروبات استاءوا من منظر الصليب ورفضوا يقدموا المشروب ولو كنت زمان ومكانش الصليب ظاهر كانوا قدمولي كل حاجةاحب اقولك يا صارم انت غلطانوظلمت الشباب كمان لانك قارنت بين أكل المسيحي امام الاخرين في نهار رمضان واظهار الصليبوبين تعمد الشباب عدم اعطائي المشروب مع ان أول تفسير جه في بالي انهم احرجوا او ربما رفضوا فعلا لان الصائم يستاهل اكثر وربما ايضا رفضوا بسبب الصليب وهو أمر لأفتخر به فعلاولكن دي مسألة نوايا لا ادخل فيها ولن افعل الموقف كان كوميديا ايا كان السبب والنية دي بتاعة ربناومش محتاجة اسأل والدي ووالدتي لاني حتى اليوم بأفطر مع اصحابي على المدفع وبتعزم على صينية كنافة بالقشطة كل سنة من صديق عزيز لأسرتنا ومن غير قسم ولا حاجة المرة اللي جاية لو كنت في الشارع ساعة المدفع هابقى أطلب التمر هندي وهابقى احكيلك على اللي هيحصل :))

  17. bluestone says:

    >بلوروز:فيه حد يا مؤمنة مايحبش التمر هندي انتي هتكفري بقى ؟؟ :))) الله ينور عليكي .. مبرراتهم مسألة نوايا السنة اللي فاتت افتكر اني كنت في المترو ساعة المدفع وبعدين واحدة ست عدت علينا بتمر (بلح) مش مشروب فاعتذرت لها وقلت لها انا مش صايمة خليه لحد صايم اولىفالست قالت لا لا مش مشكلة معانا كتير طبعا مش بقول ان اي مواقف زي بعضها انا شخصيا اخدت الموقف بشكل كوميدي جدالاني كانن نفسي في تمر الهنديلكن في النهاية لو كانت نواياهم سيئة ورفضوا لاجل الصليب والله اعلم فهو فخر يحسب لي عند الله :)) بس المهم دلوقتي ان مفيش تمر هندي في السوق ودي مشكلة بالنوسبة لي الله ينور عليكي انا متابعة روح من على الفيسبوك اللي بتكسبوه اكبر بكتير من اللي بتوزعوه فعلا انسانيا ودينياوربنا يوفقكواوياريت في العيد بتاعنا بقى توزعوا لحمة :)))بس ابقى اعملي حسابي :))

  18. bluestone says:

    >جبهة التهييس الشعبية:انا وعدت الصارم انه لو صدف يوم ونزلت من مكتبي ساعة الفطار هطلب تمر هندي اللي يحصل يحصل بقى :)) المشكلة اني مش لاقياه في اي مكان لحد دلوقتي :((انا للي فكرت فيه انهم مش بيفطروا في ميعادهم بيأكلوا الاكل لحد ما يوزوعوا المشاريب اللي معاهم وطبعا بيسدوا الشارع لانهم بيقفوا في نصه تماما بس اللي سايق بيبقى واخد باله من بعيد ان فيه حد وافق في نص الشارعيحمدوا ربنا بقى ان المدفع بيضرب والدنيا منورة

  19. bluestone says:

    >The Innocent:I hope not ايا كانت النوايا

  20. bluestone says:

    >عمرو احمد: المرة اللي جاية هقول وذنبي في رقبتكم بقى :)) ===================================احمد نصر : اعتبر ده وعد ووعد الحر دين عليه🙂

  21. micheal says:

    >مممم…بجد موقف محزن يلخص حالة التخلف اللي أصبحت عليها هذا البلد:(مش عارف أقول إيهربنا يستر منا لأيام الجايةتحياتي لكي

  22. shiro says:

    >bluestone,طب ماشوفتيش بيعملوا إيه وقت الفطار على الطرق الزراعيه ؟بيبقى فيه تمر و رز بالبن و حاجات تانيه كتيرأحيانا كتير بأرفض و أقول إنى مش صايم .. بس عادة ده بيخليهم يصروا أكتر إلى الصارم,طابعا الذوق الإجتماعى و مراعاة الظروف مطلوبين فى كل الأوقات .. بس أنا شخصيا مش شايف مشكله فى إن زملائى الصايمين يشفونى ماسك كباية شاى. بالعكس يمكن ده بيعكس ثقتى فى إن أمخاخهم كبيره و متفتحه. يسعدنى أن أقول لك إن معظم إللى أعرفهم مابيشاركوكش أفكارك عن جهر النصارى بالإفطار

  23. BlueRose says:

    >سؤال مش مرتبط بالتدوينة لكن الكلام عن “الذوق” لفت نظري ليهكنت سألت نفس السؤال في مدونة مختار العزيزي قبل كدا و هو كمان ماكانش عارف الاجابةايه وجه “العيب” في ان واحد مش صايم ياكل قدام واحد صايم؟؟؟فاكرة ان مختار يومها قال لي بما يعني أن هو نفس وجه العيب في دخول طفلة لعيادتك مثلا ماسكة في ايدها حتة شوكولاتة و انت ماعكيش شوكولاتة , و بالتالي قلة الذوق بتاعتها دي ممكن تخليكي تتخلي عن مركزك و تهجمي عليها عشان تاكي الشوكولاتة اللي انت محرومة وقتيا منهابعيدا عن مسألة المسيحيين و المسلمينيعني فيه أوقات غير رمضان أكون صائمة تطوع و ناس بتاكل حاجة تعزم عليّ بيها أعتذر اني صائمة ألاقي الرد اعتذار انهم بياكلوا قدامي!!!!!!سمعت مرة تفسير ان دا ممكن يكون مثير لشهوة الصائم للأكل , بس بردو مافهمتش , الصائم دا ممتنع عن الأكل و الشرب لوجه الله مش عشان الأكل مش موجود و بالتالي مش مفترض انه لما يشوف واحد بياكل يعيط و يزعل و يتمنى الأكل ولا مفروض مثلا انه بفطر لما يشوف حد بياكلبجد نفسي اعرف : ايه وجه العيب في واحد مش صايم ياكل قدام واحد صايم ؟؟؟؟أخيرا : تنويه بس: بالنسبة لي انا و دا موقف شخصي , مايازعلش ولا ياعيط و اتمنى الأكل لو شفت حد بياكل و انا صائمة , و دا موقف عادي في عائلتنا اللي مليانة أطفال بياكلوا طول الوقت و احنا صائمين و ماحدش ضربهم ولا حاجة

  24. HopiZ says:

    >خيرها فى غيرها بس ليا تعديل على حاجة انا بنت مش ولدو سؤالهو اسم هوبيز شكله رجالى؟؟اصلها بتحصل ماعيا كتييير:)

  25. alexandrany says:

    >أول زيارة ليا عندك والاقيكي زعلانه ومكسرة الدنيا على حبة تمر هندييا ستي انتي زعلانه عشان ما حدش اداكي كوبايه التمراحنا هنا بقي مش لاقين لا تمر ولا قمر الدين ولا الهواع الاقل اديكي شوفتي التمر هندي:)وأنا من منبري هذا باقولهم أدوا مريان كوبايه تمرولو ناقصه سكر ادوها سكرولو عايزة كوبايه تانيه ادوهاتحياتي وأعذريهموكل سنة وانتي بخيرواحد متغرب في بلاد الصحرا وبيحلم بس يشوف كوبايه التمر هندي:(

  26. >عالسريع كده وراجع اتكلم بالتفصيل ان شاء اللهلكن لبلوروز وشيرووجه المشكلة هي نفس وجه مشكلة بلوستون – ماريان – اما كانت عطشانة ومشربتش وما أكلتش من الصبح ونفسها في التمر هندي وكتبت تدوينة عن التمر الهندي والناس حواليها اللي كانت بتفطر بالتمر الهنديولأحدهما أقول…هل احيانا الكلام بيثير الدهشة والتساؤل والاستنكار اما يطلع من اللي مش عاجبينا؟كون ان الاكل امام الصائم او الشرب امام العطشى بيثير شهوتهم فده كلام علمي – غريب ان دكتورة تنكر ده اساسا؟؟كويس ان فيه ناس عندها حس وبتعتذر في مثل هكذا حالة – حتى هذا التصرف الذوقي بين الناس ننتقده ونريد تغييره!!وبالمناسبة برضه – في الغالب -شخصيا عن نفسي – ما بتفرقش معايا – والحمد لله:))راجع تاني لان بلوستون فهمت ثلاث اربع كلامي غلط

  27. >وعالسريع برضهوبالنسبة لدعوة احمد نصر…التمر هندي عليا في الفطار ده

  28. BlueRose says:

    >واضح يا أستاذ صارم انك مش من الناس اللي بتقف قبل الفطار في المطبخ تحضر أكل ريحته تجنن و مش قادرة تاكل ولا تدوقه حتى :)))انا ماقلتش ازاي الأكل قدام حد جعان يحرك شهوته , أنا سؤالي محدد : الممتنع عن الأكل “الموجود” اختياريا ابتغاء مرضاة الله ايه اللي يزعله أو يخرجه من صيامه لما يشوف حد بياكل؟؟؟ انا فعلا باقعد مع ناس في مطاعم و كافيهات و أنا صائمة تطوع و ماباعتبرش أكلهم و شربهم مؤذي ليّ , تماما كما يأكل أطفال الأسرة طول اليوم في رمضان أمامي ولا أخطف منهم الطعام و كما أقوم يتحضير الافطار ولا أتناوله أصوم بمعنى امتنع عن الموجود , لا اتوقف عن الطعام لعدم وجودهلأ طبعا مش نفس الموقف يعني لما باكون صائمة و واحد بيعزم بحاجة بييجي عندي لو عارف و يقول انت صائمة مقدما اللي بيعزم بيه أو حتى أسمع مقولة : طيب خديها كليها بعد الفطارلكن طبعا تقليل من الكرم اني اكون باعزم على ناس بحاجة و آجي عندك و أعديك ماعزمش لأي سبب , دي حاجة و دي حاجة تانية خالصو ياسيدي انا لا غيرت ولا عملت , أنا باقول اني مش زعلانة لو حد أكل قدامي و مش مستنية اعتذاره عن حاجة مش عيب , معاييرك مختلفة دي حاجة تخصك

  29. bluerose says:

    >بمناسبة الناس “اللي عندها حس” و بتعتذر يا أستاذ صارم و الذوق اللي بتقول اني عايزة أغيرهحضرتك بتكون حريص تبقى نباتي قدام المسيحي الصائم ولا بتشرب النسكافيه باللبن عادي و تاكل أكلك العادي قدامه؟؟؟ و ياترى بيكون عندك حس على حد تعبيرك و بتعتذر لو عرفت انه صائم؟؟؟عن نفسي مش باعمل كدا , لا قدام صائم مسيحي ولا مسلمانا مش بامتنع عن الأكل ذوق , بامتنع عنه فقط لو عبادة

  30. >بلوستونأهو ردك ده برضه اللي كنت متوقعه ومع ذلك ماكنتش عاوزه:)لانك لم تلتقطي بشكل صحيح ما اقولهايه علاقة الموقفين ببعض…ده سؤالكالقصد من ذكر ما ذكرته واعتقدت انك ستلتقطيه…ان معاملات المعادلة الاجتماعية في مصر قد تغيرتاذا خدنا نقطة الافطار امام الصائم والجهر بالأكل امامه كمعامل في هذه المعادلة…المشكلة هنا ليس في الافطار..ولا ارى في افطار النصراني امام المسلم اي مشكلة – ولم ارى فيها نصا فقهيا والله اعلم – لكن حتى الآن لا ارى فيها اي بأس او اي مشكلة للنصراني طبعا وليس للمسلم المجاهر بالافطاربل بالعكس ان زارني نصراني في بيتي مثلا فلا مانع عندي اني اقوم احضر له افطار او نسكافيه او تمر هندي🙂 او حتى غداء فلا ذنب له انه يذنب نفسه ولا يأكل بسبب اني صائملكن الكلام هنا عن العادة الاجتماعية التي تغيرتودعينا نتفق على شئ اولا…العادة الاجتماعية دي غير مطلوبة منهم…لا طلبنا منهم انهم لا يأكلون امامنا قديما وان كنا طلبنا فلا اراه يصح….ولا فرق معانا انهم الآن بيأكلوا بل كما قلت لك لا ذنب لهم انهم يعذبوا نفسهم عشان احنا صائميناما جبت سيرة والدي ووالدك…كانت على زمانهم حركة اجتماعية ذوق وشيك كانت تتم منهم – ايام ما كان شائع ان التعامل مع كثير من النصارى افضل من التعامل مع كثير من المسلمين لكن ده كان زمان أعود وأقول الآن الجيل الجديد لا يفعل هذا – ولا يفرق معانا – لكن عندما استنكرتي في البوست تصرف الشبان اللي ارى نفسي انه خطأ وانه برضه ما كانش بيحصل زمان ايام والدي ووالدك…..وفي نفس الوقت قفز لذهني معاملات اجتماعية كثيرة تغيرتايه اللي غيركم في نقطة زي دي…وايه اللي غيركم في نقط تانية – رأيي انتي عارفاه هو تغير الخطاب الديني عندكم لأسباب انتي عارفة على الاقل وجهة نظري فيهاومن هذه النقطة قفزت لنقاط اخرى..نقطة الصلبان والتي لا ارى فيها مشكلة من وجهة نظري ايضا…قلتي ان زمان كانوا بيعلقوها في منازلهم وعلى الكنائس…اهلا وسهلا…بل وفي السيارت وعلى رقابهم مفيش مشكة حتى وان كانت تعمد اظهار الهوية الدينية برضه مفيش مشكلة طالما الموضوع الموضوع واحد معتز بهويته وانا ماليلكن – معذرة – اراها حركات طفولية …لانها ليست مسألة اعتزاز او تعبد بقدر ما هي تغير في الخطاب الديني والشحن المعنوي —-> وده مش في صالحهم لان الموضوع هيتقلب يوما اهلي وزمالك وغوغائية ووقتها هيكون استفزاز بدون داعي وهيهدم البيت على رؤوس المستفزينلكن لا يمكن مقارنتها بأي حال بالحجاب والخمار والنقاب (اللباس المحتشم عامة) فهذه فروض دينية وليست رموز وهوية واعتزاز وما الى ذلك…زمان كان الميني جيب منتشر وكان اثم وفسوق وببلمناسبة ايضا الخمور وعدم الصلاة كانت السمة الغالبة ايضا …الآن الفرائض دي كلها خدت وضعها الصحيح الى حد كبير – او على الاقل تنامى الوعي بها عموما مش ده موضوعنا – وياريت ما تقوليليش بتعمم عشان الموضوع ما يتفرعش :)موضوعنا هو تغير المعادلات الاجتماعية اللي بتؤدي لتفكير وتصرفات جديدة من الجانبينده رأيي بصراحة ووضوح….يمكن ما يعجبكيش في بعض جوانبه…يمكن بعضه لم تتوقعيه…لكن ده رأيي المنبثق من فهمي لديني….والله اعلى واعلمواظن انه وضح برضه لبلوروز

  31. bluestone says:

    >مايكل:المواقف المحزنة كتير مجتش على ده :)) انا لسه اول امبارح ظابط مرور ضاربني مخالفة 50 بسبب نفس الصليب الخشب أمال انا بحبه من شوية :)) -=====================================Shiro:رز باللبن ؟؟؟؟؟؟؟؟؟ده كلام كبير وممكن يعمل حرب اهلية :))انا اللي هيقولي على الرز باللبن لأ .. مش هسكت ابدا :))))

  32. bluestone says:

    >بلروز: مثال لطيف قوي مع شوية اختلافات بس فعلا مختار عنده حق مفيش حاجة اسمها مجاهرة المسيحي بالافطاروسألت الصارم اذا كان المسيحي هيستاء لو مسلم اكل لحمة او شيكولاته قدامه في اي صيام من الصيامات اللي بنصومها خصوصا كمان ان محدش بيحس بيها لان زي ما قلت مافيهاش احتفاء اعلامي او شعبي او عام وكمان لانه في المسيحية مستحب ان الصيام والصلاة وفعل الخير سرزي ما الكتاب بيقول(واما انت فمتى صمت فادهن راسك واغسل وجهك. لكي لا تظهر للناس صائما بل لابيك الذي في الخفاء.فابوك الذي يرى في الخفاء يجازيك علانية)وده لان المبدأ في اي فعل موجه لله هو انه يتم في الخفاء حتى لا ينال الشخص المدح من الناس فغالبا حتى لو الواحد بيبقى صايم وحد بيعزم عليه بحاجة انا شخصيا بقول مليش نفس او مش قادرة اشرب او آكل ولو أصر باضظر اقول اني صايمة زي ما انتي قلتي بالظبط .. الصيام مسألة تطوع الواحد بيعملها لوجه الله وهي حاجة بينه وبين ربنا الواحد بيصوم ويمتنع اراديا عن الموجودمش بيصوم عشان مفيش اكل =================================هوبيز: العتب على النظر يا فندم وبرضه عدم فهم المعنى =================================اسكندراني:خلاص أول شفشق عليك بقى :)) وارجع يابني لا الصحرا ولا زيتها يستاهلوا

  33. bluestone says:

    >الصارم:معلش يا سيدي تعالى على نفسكانت قلت ان الرابط بين الموقفين هو تغير معاملات المعادلة الاجتماعية في مصر ماشي انا موافقة تماما تماما تماما وموافقاك تماما تماما تماما ان الجيل الجديد لا يفعل ذلك (يعني مش كل الجيل الجديد بس يعني الغالبية) واتفق معك في هذا طيب يا صارم اذا كان المسيحيين من الجيل الجديد واللي بياكلوا في نهار رمضان قدام الصايمين بدون مراعاة زي ما انت قلت وان ده سببه زي ما انت قلت برضه ان احنا اتغيرنا بسبب تغير خطابنا الديني؟؟ طيب ايه اللي غير موقف الشباب المسلمين من الجيل الجديد برضه ؟؟؟؟؟؟؟اللي هم الطرف التاني في المعادلة اللي انت بتقول اتغيرت ؟؟؟؟؟؟ ثانيا: اذا كنت ترى ان اظهار الصليب فيه اعتزاز بالهوية وانت مالك على حسب قولك طيب منين بقى انت برضه شايفها حركات طفولية ؟؟؟؟؟؟؟ انت غريب قوي يا اخي ؟؟ يعني اللي يلبس الصليب دلوقتي بيعمل حركات عيال ولا معتز بهويته ؟؟؟واللي بيربي دقنه ولا بيلبس جلبية قصيرة مثلا بيعتز برضه بهويته او بالاقتداء بنبيه ولا بيعمل حركات عيال ؟؟؟؟؟ ماهو نفس الكيل لازم نكيل بيه للطرفين وتعليق تاني ملوش علاقة بالموضوع قويالحجاب والنقاب والخمار بغض النظر عن مسألة كونهم فروض دينية او لأ فهم ليسوا ملابس محتشمة كده في المطلقلان اللبس المحتشم موجود بحجاب ومن غيره واللي عايزه تبقى غير محتشمة وبتلبس حجاب برضه موجود والامثلة في الشارع قد كده الحجاب والنقاب والخمار في رأيي لا علاقة ليهم لا بالعفة ولا الاخلاق ولا بالحشمة وان كنت ارى ان كل واحدة حرة طبعا في اختياراتهالكن ارفض تماما اعتبار ان الحجاب والنقاب والخمار عنوان الاخلاق والحشمة والادب لان ده معناه منطقيا ان عدم وجودهم هيعني عكس كده تماما !!!!يعني قلة حشمة وقلة ادب وقلة اخلاق وسؤال تاني : زمان كان الميني جيب منتشر وكمان اثم وفسوق ودلوقتي ايه يا عم صارم ؟؟لما طولنا الجلاليب والفساتين وغطينا الستات الفضيلة انتشرت ؟؟؟؟؟؟؟؟؟؟يارييييييييييييييتودلوقتي الناس كلها متقية ومصلية وكلهم بيشربوا سحلب وعرق سوس ؟؟؟؟معلش يا صارم انا بالنسبة لي معدلات التدين وانتشار الايمان والتدين بين الناس مختلفة بالنسبة لي تماماانا ارى ان الصلاة والصوم والعبادات مسائل شخصية بين الانسان واللهيمكن للانسان انه يقوم بيها لوجه الله فقط ورضاه وممكن يقوم بيها منظرة قدام الناس عشان يكسب مدحهم وثقتهمانتشار الحجاب والصلاة والصوم وامتلاء الكنائس على آخرها وانتشار اللحى وكل مظاهر التدين التي قد تكون أو لا تكون حقيقية لان الله اعلم بالنواياولان الله اعلم بالنوايا فالتدين بالنسبة لي مظاهره او ادلة انتشاره بتكون في التقوى والعدل وانتشار فعل الخير وقلة الفساد وقلة الجريمة لما ده يحصل في بلدنا هابقى اقول اننا بقينا اكثر تدينا او اكثر حرصا على الدين وملحوظة هامشية برضه : كنت قلت لك في ردي السابق اني لا افضل كلمة نصارى ولا احب استعمالها ايا كان السبب وطالما انت هنا منور وتجادلني باللتي هي احسن فافضل تسميني مسيحية او قبطية ايهم تفضل يا عم الصارم

  34. >هو ايه اللي تغير في شباب المسلمين تجاه الطوائف الاخرى؟يمكن فيه حاجات زمان كانت بيس وكوول وقشطة قبل الوعي الديني..لكن تغيرها لا يضر غير المسلمين في شئالحاجة الوحيدة اللي تغيرت فعلا هي نقطة تهنئتهم بالاعياد..لكن ما عدا كده فما اراه انه بالعكس اصبح الفهم افضل والاستيعاب افضل والتعامل افضلبل في الماضي كان فيه نوع من النفسنة والغلظة والتجاهل من جهة بعض العامة ظنا ان هذا من الدينومن بعض المتدينين ايضا كان فيه نوع من الجليطة ظنا ان هذا هو الدينلكن بشكل عام فأرى ان انتشار الوعي الديني اثر ايجابيا على التعامل مع غير المسلمين وليس سلبا- طالما مسالمين غير محاربين طبعا- وان كانوا يرون انها سلبا فده في رأيي كما قلت للشحن المعنوي من بعض الناس وليس حقيقي على الارضطبعا هتقولي واللي حصل معاكي…هأقول لك من بدأ يفرق في المظاهر بشكل حقيقي ؟سؤالك..منين شايفها حركات طفولية ومنين بقول وانا ماليواين التعارض هناهل رؤيتي هذه ستضمن في المستقبل مثلا العمل على منعهم ان كانت لي السلطة في هذا….لا ارى هذا ابدا…كل واحد حر طالما حريته لم تتعد حرية وحقوق الآخرين..وهذا الامر لا اراه يتعدى حرية الآخرين – ده رأيي واجتهادي قبل مناقشتك هذه بزمنعارفة لو كان الكلام مثلا على ان يتشبه الشباب بالقساوسة ويطولوا لحاهم …او ان يلتزموا بكل الصلوات المفترض انها عليهم او ان تلتزم البنات بالزي المحتشم وعدم البهرجة واللبس المفتوح…..فكل هذا شئ لا خلاف عليهولا يضر احد على الاطلاق ان يلتزم الناس بالاخلاق الحميدة والشعائر الدينية الأصصصصلية لكن ما اراه قد حدث..انه قد حدث صحوة دينية للمسلمين وعودة للوعي….قابلها تعليمات من بعض الناس بابراز المظاهر الدينية المضادة مع بعض النفسنة والشحن تجاه الآخر واثارة مشاكل جديدة ليس لها اصل او محل من الاعراب….وفي المقابل يؤدي تدريجيا لجفاء في الجانب المسلم بين العامة..وقد يتطورانا لا اهاجم ولا اقصد الهجوم في كلامي هذا …يمكن انا مستحضر روح مبادرة المصالحة والمصارحة التي اعلنتموها ويمكن الافكار اللي بأطرحها حتى وان كانت غير متفق عليها مع البعض ولكن اظن انها هتفيدكم بشكل او بآخرالشئ الأخير…هو احنا اذا دخلنا في مدى الالتزام الديني وعلاقته بآداء الناس للفروض الدينية فده موضوع محتاج لتدوينات وليس تعليق على تعليق على تدوينة..ومتيألي بعيد عن مجالنا في الحوار ده دلوقتولكن عالسريعاللي بتلزم حجاب محتشم بجد او حريصة على لبس الحجاب وان كان به عوار – اتحدث عن العوار المعقول ولكنه ليس مقبول على اي حال – فهن أكثر احتشاما اكيد وعندهم من الردع النفسي للاحتشام عن غير المحجباتده بالنسبة للزيلكن الزي هو جزء من الاخلاق وليس كل الاخلاقبمعنى انه قد يكون انسان كويس في كذا وكذا وكذا…لكن كذا مش كويسالمحك هو ما هو موقع واهمية كذا الاخيرة من الاخلاقوالتدين والصلاح هو كووول هذا ….كله متصل بكله…عبادة+عمل+احلاق…وليس احدهم متصل بالشخص والثاني بينه وبين الناس والثالث بينه وبين ربه…المفترض ان كلهم متصلين معا او بكلمات اخرى مجاهدة النفس للوصول لهذا والنية الصادقة والعمل على ذلك…لكن قد تخطئ النفس…تقصر…المهم هو النية الصادقة والعمل على ذلك…وطبيعي ان تحدث احيانا اخطاء..والاخطاء ان تجاوزت الحد فلذلك هناك العقوبات والحدود – والتي لا تطبق الآن وهذا جزء من العوار الحاليالموضوع ده كما قلت لك معقد ومحتاج حديث طويل

  35. bluestone says:

    >الصارم :يعني بصراحة انا شايفة المكيال مال على ناحية لحد ما وقع اتكسر مليون حتة بصراحة لازم تقرا كلامك تاني لانك مش بس مش محايد انت متحامل جدا بصورة تدعو للعجب واعتقد ان اي مسلم معتدل لازم يقرا كلامك تاني عشان فعلا فيه ناس بتحكم بعين الظلم والتحيز وهي مش واخدة بالها وادعوك قبلهم تقرا كلامك تاني (يمكن فيه حاجات زمان كانت بيس وكوول وقشطة قبل الوعي الديني..لكن تغيرها لا يضر غير المسلمين في شئ)انت شايف ان مفيش حاجة اتغيرت ؟؟ او ان المسلمين بس اتغيروا للاحسن وكل الناس اتغيروا للاسوأ ده مش تعميم وبس اسمح لي ده تعميم معمم سيلبس العمم لمن يصدقه يا صارم!! (الحاجة الوحيدة اللي تغيرت فعلا هي نقطة تهنئتهم بالاعياد..لكن ما عدا كده فما اراه انه بالعكس اصبح الفهم افضل والاستيعاب افضل والتعامل افضل)مع انت اللي قلت بنفسك ان سلوك الشباب المسلم في الموقف اللي حكيته زي سلوك المسيحيين اللي اتغيروا بسبب تطرف الخطاب الديني لان انت اللي قارنت بين الموقفين لو تفتكر اقرا كلامك تاني يا صارم (بل في الماضي كان فيه نوع من النفسنة والغلظة والتجاهل من جهة بعض العامة ظنا ان هذا من الدين)ودلوقتي مفيش نفسنة ولا غلظة خالص اطلاقا من عموم جموع المسلمين؟؟؟؟؟؟؟؟؟؟انت بتهرج ؟؟؟؟ انت بتعمم في الحق وفي الباطل (لكن بشكل عام فأرى ان انتشار الوعي الديني اثر ايجابيا على التعامل مع غير المسلمين وليس سلبا- طالما مسالمين غير محاربين طبعا- وان كانوا يرون انها سلبا فده في رأيي كما قلت للشحن المعنوي من بعض الناس )طيب يعني انت شايف ان اللي حصل مع المسلمين انتشار ايجابي للوعي الديني واللي حصل مع المسيحين تطرف للخطاب الديني ؟؟؟؟؟؟؟عارف فكرة الحكم المطلق دول حلوين ودول وحشين فريقي حلو مهما حصل والفريق التاني وحش احنا بنعيا بالمرض عشان ربنا يختبرنا وانتوا بتعيوا عشان ربنا بيعاقبكوا ضحكتني يا عم بجد الله يكرمك ده انت طيب قوي (طبعا هتقولي واللي حصل معاكي…هأقول لك من بدأ يفرق في المظاهر بشكل حقيقي)دي نقطة لا يمكن حسمها كل واحد فينا ممكن يقول اللي هو عايزه لان لا انا ولا انت هيكون عندنا تأريخ دقيق لما اسميه انتشار الهوس الديني بالمظاهر هل بدأ المسلمون بذلك في التسعينات مع انتشار الجماعات المسلحة والتي كانت تنفذ هجمات في مصر وعلى إثر ذلك شعر المسيحيون بالتشدد والرغبة في التقوقع وتعمد اظهار الهوية هل بدأها المسيحيون بسبب ما ؟؟ الله اعلم لا انا ولا انت فلا يوجد ما يؤرخ لذلك هي وجهات نظر في النهاية( سؤالك..منين شايفها حركات طفولية ومنين بقول وانا مالي واين التعارض هنا)انت قلت انه ممكن يكون حماس او افتخار بالهوية وانا مالي يبقى منين حماس وفخر بالهوية ومنين تصرفات طفولية ؟؟ومنين حكمت اي حكم فيهم إلا إذا كان ربنا اداك توكيل تفتيش على النوايا واحنا مانعرفش ( لكن ما اراه قد حدث..انه قد حدث صحوة دينية للمسلمين وعودة للوعي….قابلها تعليمات من بعض الناس بابراز المظاهر الدينية المضادة مع بعض النفسنة والشحن تجاه الآخر واثارة مشاكل جديدة ليس لها اصل او محل من الاعراب)انت فعلا الميزان عندك عايز ظبط زوايالان الدفاع المستيمت احيانا بيبقى غير منطقي على الاطلاق ومضحك جدايعني 70 مليون بني آدمين بيتبعوا اديان مختلفة قصدي دينييين اتنين بس غير كده بيتأثروا بكل شيء زي بعض سيادتك تعبت نفسك ووصلت لتلك النتيجة المفزعة الفزيعةوهي ان كل المسلمين بيتمتعوا بحالة من زيادة الوعي الديني الكويس او الصحوة الدينية العظيمة وكل الاخرين بينفسنوا عليهم وبس ؟؟؟؟يعني لو انت شايف ان الكلام ده منطقي ؟؟ مش هقدر اناقشك لان من العبث اصلا ان الكلام اللي فوق ده يكون حتى فرضية رأيي المتواضع جدا هو ان الطرفين مصابين حاليا بحالة من التشدد والتطرف تجاه الاخر سببها الحقيقي ظروف اقتصادية مهببة وانعدام ديموقراطية وتعليم متدهور وتيارات خارجية واهتماما بشع بالمظهرية وتعليم متدهور لكن طبعا ده لا يمنع ان الكلام ده مش قاعدة عامة كل انسان وتصرفاته النابعة من اخلاقياته او دينه هي حالة فردية لو كانت دي روح المبادرة اللي عندك يبقى انت هتطلع روحنا ان شاء الله :))) وتلك مزحة ودعابةعلى العموم اي فكر بنقابله هو صالح ومفيد لينا لاننا مستمرين في دراسة المجتمع وتشريحه بما فيهواصعب حاجة قابلتني انا شخصيا الشخص اللي افكاره متشددة وهو مش واخد باله ;)———————–بالنوسبة للشيء الاخير:::: انت هربت من السؤال برضه؟ بشياكة وفي مقولة أخرى بصياعة🙂 مازال بالنسبة لي الالتزام او التدين حكمه بالتصرفات ومعدلات الجريمة والفساد والتدهور الاخلاقي خير دليل (اللي بتلزم حجاب محتشم بجد او حريصة على لبس الحجاب وان كان به عوار )نص الجملة كويس لان اللي بتلتزم بالحجاب المحتشم بجد زي ما انت بتقول يبقى مش بلبسه او قلعه ده برغبة داخلية في الالتزام يا صارم لان اي واحدة ممكن تحط نص متر قماش على راسها بس لا هتكون محترمة ولا محتشمة مجرد استجابة لضغوط المجتمع او الاهل لكن اللي هتلبسه باحتشام حقيقي بتبقى في رغبة داخلية لاحترام نفسها والالتزام اما بقى الجزء الخاص بان المحجبة المحتشمة أكثر احتشاما اكيد وعندهم من الردع النفسي للاحتشام عن غير المحجباتبرغم استيائي الشديد للاساءة البالغة اللي صدرت منك دلوقتي بدون حتى ما تشعر لانك من غير ما تعرف انا مين وشكلي ايه اصدرت حكم يشملني باني لا اتمتع برادع اخلاقي مثل المحجبات وهو ما لن اقبله منك ابدا ويتطلب حقيقة اعتذار رسمي منك لانه ليس من حقك ولا حق اي انسان ان يصدر اي احكام اخلاقية مطلقة على الاخرين وايصال الامر لسبة في الاخلاق وهو ما لن اقبله ابدا يا صارم واختلف معاه تماما قطعة القماش لا تمثل لا رادع اخلاقي ولا غيره دي مجرد قطعة قماشالرادع الاخلاقي الحقيقي يأتي من داخل الانسان لا فيما يرتديه او حتى يخلعه ( بكله…عبادة+عمل+احلاق…وليس احدهم متصل بالشخص والثاني بينه وبين الناس والثالث بينه وبين ربه…المفترض ان كلهم متصلين معا)انت هنا ناقضت نفسك جداانت قلت ان فيه صحوة دينية ايجابية في المسلمينطيب ولما الالتزام بالعبادات والصلاة الوصوم وووو مرتبطين بالاخلاق والصلاح معدلات الفساد بتعلى ليه الجريمة الانهيار الاخلاقيالاغتصاب كله في الزيادةولا دول كمنا كلهم كلهم من افعال المسيحيين الوحشين اللي بيرتكبوا كل المعاصي والمظالم وهم سبب كل الفساد والجريمة في مصر ؟؟؟؟؟؟؟؟؟؟؟؟؟؟؟ وماتكلمنيش في النوايا الطيبة ومجاهدة النفسلانك لا تعرف مكنون النوايا فلا يمكنك ابدا ان تعرف ان كل المسلمين عندهم صحوة ايجابية ويجاهدون بنية خالصة !!!!الا طبعا اذا كنت حصلت على توكيل النوايا من السماء

  36. >انا ماكنتش عايز اشعب الموضوع لكن انتي اللي مصرة:)طويب…نقول:) الموضوع مش ان الميزان مال لحد ما اتكسر :))…يمكن التعليق اللي فات كان مش مرتب شوية ومبتسر وانا نفسي بعد ما قراته رأيته غير مرتب ولكن ليس في خانة الدفاع فقط للدفاع عن ما اؤمن به لاني فيه موضوع تاني حاليا مسيطر على تفكيري اكتراحاول آخد ما قلتيه نقطة نقطةمن ناحية التغيير …فعلا انا شايف ان المسلمين بصراحة اتغيروا للأفضلوان غير المسلمين تغير عدد كبير منهم للأسوأ وبصراحة شديدة بسبب خطاب ديني قائم على الكراهية والطائفية والشحن المعنوي واستغلال الظروفلكن ما تقوليه عن ارتفاع معدلات الفساد فدي كانت لترتفع ايا ما كان..ارى الصحوة الدينية كبحت جماح الفساد قليلا …بمعنى انه لولا الصحوة الدينية لكانت الأمور لتسير للاسوأ- وهي في بعض جوانبها سيئة بالفعل ولكن في البهعض الآخر مبشرة بالخير ايضالان الاصلاح كذا معامل مع بعض والموضوع ده بالذات متشعب ومتداخل لكن هأقولك حاجة ارجوووووو ان تفهميها–> هذا بالضبط ما اتبناه في مدونتي الان وما اركز عليه في بوستاتي الأخيرة بوجوب التغيير من اعلى وان عملية التغيير من اسفل اصبحت غير مجدية لانه ان كان الخطاب الديني بيبني فالظروف المحيطة و +عدم تطبيق الدين من شقيه (وعظ+حفظ للحقوق حتى وان كانت بالحدود) بتهد بشراسة اكبر بكثيرالمشكلة هنا ليست في غير المسلمين في مصر بل هي مشكلة المسلمين لانه ببساطة 90% من السكان مسلمين فحتى ان فسدت الطوائف الاخرى بالكلية – وهذا ليس الحال طبعا – لكن حتى لو …. فالأغلبية العددية ان صلحت لن يظهر فيها فساد الاقلية (هنا عملية رياضية بحتة وليست طائفيةبمعنى ان مسؤولية الفساد تقع على الاغلبية الكبر وده شئ طبيعي…لكن بما ان الطوائف الاخرى تقول انها شريكة في الوطن…لا مانع اببببدا…لكن شركاء الوطن دول منهم من يطعن الوطن ويستغل الظروف ويريد فرض رأيه على الاغلبية…وده موضوع متشابك ىخر…لكن ما اريد ان اخرج به هو ان غير المسلمين ليسوا هم اساس الفساد وان كانوا تغيروا كثيرا عن ما قبلوايضا ان مظاهر الفساد لكي تحل فيجب خاليا ان تحل من الرأس وان القاعدة جاهزة لكي تنصلح …بتحاول لكن عوامل كتير بؤدي للفشلخلصنا من النقطة ديانا مجزمتش ان الشباب فعلوا ما فعلوه معك بسبب تعليقك للصليب…وحتى لم اقل احتمال وكلامي كان واضح…قلت ان فيه تغير في المعادلة الاجتماعية لا ارى له سببا الا ان الامور تتحول لماتش كورة وبما ان الاولانيين ابتدوا يتحجبوا ويصلوا ويربوا دقنهم ويلبسوا حجاب…فالتانيين بالمرة بدأوا يعلقوا صلبان وغيروا بعض العادات الذوقية الاجتماعية …وآل يعني الحاجات دي هي اللي هتحافظ على الهوية!!!!ولو عايزة نخش في امثلة للشحن المعنوي واستغلال الظروف فانا مستعدبتسالي دلوقت مافيش نفسنة وغلظة…مازال… لكن بشكل اقل من ناحية الغوغائية وفيه حاجات استفزازية كتير بتتعمل من الطرف الغير مسلم ماكانتش بتعدي زمان بسبب "النفسنة" الآن بتعدي لكن السبب الحقيقي للنفسنة الان هو تغير الطرف الغير مسلم ومحاولة استعلائه بدون وجه حق وده اللي بيبدا حاليا شحن مضاد هيكون أسوا في نفسية الطرف المسلم…وحتة محاولة الاستعلاء معناها استغلال ما يرونه من عيونهم ظروف دولية مواتية – لكن صدقيني الجانب اللي شايفاه متطرف ولا فارقة معاه الظروف الدولية وبيعامل ربنا فيهم فقطوعلى فكرة الموضوع مش ان فريقي حلو وفريقك وحش….اللي وحش في فريقي انا عارف انه وحش …..ياترى انتي شايفة الوحش في فريقكهأحطلك لينك لموضوع اتكلمنا فيه عند الهامي ومازلنا منتظرين ردك من ساعتها وقوليلي بقى رأيك في فريقك ياريتاللينك اهوhttp://www.tadwen.com/melhamy/?p=422قلت لك انا ماكنتش عايز اشعب الموضوع لكن انتي اللي مصرةبالمنسبة لابراز الهوية…ما هو عشان معنديش توكيل بالنوايا قلت هو حر…لكن لاين انسان عندي عينين ومخ بيفهم وشايف التصرفات حواليا وشايف الخطاب الديني عامل ايه ووصل الناس لايه عندكم فوجهة نظري انه تصرفات طفولية – على الاغلب وما بعممش عشان متزعليش:)كلامي التالي اللي معجبكيش هي دي الحقيقة …غير فقط اني لم اقل ان كوووول الناس هنا كده وكووول الناس هناك كده…لا تقولي على لساني ما لم اقله…قلت ان جده موجود وده السائد حاليا..لو مش شايفة ده فده اسمه تخبية راس في الرمالوهأحط لك اللينك تاني عشان نفسي اعرف اجابتكhttp://www.tadwen.com/melhamy/?p=422:))ورأيك المتواضع يحمل شئ من الحقيقة ولكن ليس كل الحقيقةبالنسبة للمتشدد اللي مش واخد باله:))…معلش لو منتظرة طبطبة ويتحول الحوار للوحدة الوطنية فمش انا…باحمد ربنا ان اللي شايفه صح بقول انه صح..واللي شايفه غلط بقول بشكل واضح وصريح انه غلطفيه حاجات في الحوار ده بطلتي تتكلمي فيها لاني ارى انك رأيتي من المتشدد اراء ايجابية بالنسبة لك لم تكوني تتوقعينها…لكن لا تنتظري منه ان يكون معك على طو الخط..هو يقول ما يؤمن بهبالنسبة للحجاب والاحتشام…انا مدخلتش في نقطة الاخلاق هنا وعلاقتها بالحجاب ولم اربط بينهما..انا اتكلمت في الاحتشام وليس الاخلاقوما رأيته على مدار سنوات عمري التسع وعشرين ان المحجبة لها سقف لا يمكن تخطيه في لبسها مهما حدث ومهما خرفت في حجابهاأكيد مش ده المطلوب والمطلوب احتشام كامل لكن انا بأتكلم وبأقارن المحجبات بالغير محجباتاما الغير محجبة فممكن وبتفلت منها الأمور في الأزياء – فرح مثلا او حفلة ما وساعتها الناس بتقول واووو و هاووو ويايييي و و و و :))) – لان سقف الزي هنا مختلف بطبيعة الحال حتى وان كان زي المحتشمة الغير محجبة افضل من الغير محتشمة الغير محجبة..يظل سقف الزي عند المحجبة افضلده بالنسبة للزي …الاخلاق موضوع تاني ان كانت المحجبة حجاب تقضية واجب…والاخلاق موضع لا يتجزأ ان كانت المحجبة حجاب كفرض ديني اساسي وكجزء من الالتزام العاموامثال سيادتك خارج المعادلة دي اساسا لاني باتكلم عن المحجبات اللي هن اكيد مسلمات…امثال سيادتك لهن معاملات – بكسر الميم الثانية – مختلفة ترجع لمورثهن الديني والاخلاقي اللي هو مختلف فيخطابه عن المسلمات وان كان طبعا لابد ان يتقاطع في نقطة ما

  37. bluestone says:

    >الصارم:تمام قوي كده الكلام مش بس ريحته طلعت هو بقى صريح وواضح قوي وده اللي كنت متوقعاه لما انت مش بتاع حوار وحدة وطنية بتناقشني في ايه ؟؟؟انا شخصيا لا عندي فريق ولا يحزنون .. انا اصلا لا اؤمن بمسألة الفرقولم ادافع عن الطرف المسيحي اللي بتعتبره فريقي وراجع ردودي في المناقشة دي من الاول لانها لم تشمل اي دفاع من اي نوع ياصارم مش عارفة اذا كنت قلت قبل كده لاني بكره جدا المناقشات الجدلية اللي من النوع ده بالذات لان غالبا الطرف المقابل زي ما انت بتعمل بيبقى سعيه الاساسي الدفاع المستميت عن وجهة نظره حتى ولو بالباطل زي ما عملت هنا في مواضع كتيرمنها ان معدلات الفساد انخفضت وانها كانت لتكون اعلى بكثير لولا الصحوة الايجابية للمسلمين !!!!!!!!!!!!!!!!!!!!!!!!!!!!!!!!!!!!!!! !!!زي رأيك العظيم ان المسلمين اتغيروا للاحسن والمسيحيين اتغيروا للاسوأ ده رأي يدرس في علم المنطق كمثال مدهش على الاقوال المرسلة التي لا معنى لها والتي لا يمكن الرد عليها لفرط هزلها وعدم معقوليتها يالا ما علينا رأيت ان المناقشة تحولت تماما لدفاع وبدأت انت في الرد ده بالذات للعبة البايخة اللي مش بحبها بتاعة انتوا بتقولوا عندنا طب ده انتوا عندكوا وعندكوا !!اللعبة دي ما ان اراها في اي نقاش حتى انسحب منه تماما لان المسألة بتبقى شخصنة بحتة وهدفها اثبات خطأ الاخر اكثر من مناقشة مبدأانا كان نفسي تقرأ كلامك تاني انت اسأت ووجب عليك الاعتذار وان كنت اكبر من الاعتذار فانا اسامحك واعذرك لان ماعبرت عنه في تلك السطور كشف عن الكثير يا صارم كل ما فعتله هو آلية لالقاء اللوم على الاخر الوحش دائما السيء دائما الفاسق ابدا المذنب دائما باشكال مختلفة وبطرق مختلفة حتى وان كنا نناقش مشكلة لا علاقة لهم بها واضح انك قررت مسبقا انك تملك الحقيقة المطلقة طبعا بجانب توكيل النواياانت محظوظ .. بما انك فزت بتوكيل الهي للنوايا والحقيقة المطلقة فلا داعي للنقاش اصلا

  38. >رمتيني بكلام كتير لا اصل له…وممكن ايضا ان يفسر على انك لا تحبي الصراحة حتى وان كانت مخالفة رأيك..او انك لاتجدي لبعض الكلام رداطبببعا ليس اسلوبي الدفاع فانا لست في موقف يحتم علي الدفاع..كما قلت لك انا اقرر واقول لك ما اؤمن به..هل حاولتي التفكير فيه كما تردينني ان افعل من ناحية كلامكعموما ايملي هاهو ان احببتي النقاش على الماسنجر..اظن هيكون اريح..حديي الميعاد – ده ان رغبتيalsarem_alhasem@غ.comفين بقى مصالحة ومصارحة؟؟؟؟وبالنسبة للاساءة انتي لم تقرأي كلامي او يمكن لم تحاولي ان تفهمي ما اقوله والذي لم يكن اساءة على الاطلاق قبل ما تمشي وتزعلي ممكن اعرف رأيك في الكلام هناhttp://www.tadwen.com/melhamy/?p=422

  39. >لا انتى بتحبى الحياة والناس كلها وبتحبى الود وكمان النور ..اكتر من حبك للتمر الهندى تحياتى

  40. Laugh Story says:

    >w hwa ba2a esh3arafo en syadtk saymaw ba3dain ra3o el nas eli bara masr eli la 3andaha la tamr hendi wala 5arooob wala 7ata 3asir asabta5ayali wasalt l 3asir el 2asabbaseeta awl magi masr hashrablk tamr hendi kteeeeeeeeeeeer:Pnice post

  41. lastknight says:

    >كل سنه و انتى طيبه .. الحقيقه مادفعنى للتعليق هنا هو سجالك مع الصارم الحاسم .. رأيه عن نفسى أرى فيه الكثير مما أختلف معه فيه .. رأيك أتفق مع أغلبه .. لا يهم مع من أختلف و مع من أتفق المهم طيف أتعايش مع كلاهما .. تلك وجهة نظرى التى أظننى صرحت لك بها منذ فتره حين حديثك معى حول مسألة مصارحه و مصالحه .. فوجهة نظرى أنه لا داعى لا لمصارحه ولا لمصالحه .. فالكل حر فى علاقته الشخصيه بربه .. المسأله هى قواعد التعامل المدنى بين الأفراد .. ببساطه ألغاء فكرى العقيده الدينيه كوسيلة تعريف .. لا يهمنى ديانتك و لاديانة السيد الصارم الموقر .. يهمنى فقط هنا جنسيتكما ..مادمنا مصريين فلنا حقوق و علينا واجبات هى و هى فقط أساس تميزنا أذا جاز التمييز .. أختلف مع الصارم بصفته مصرى مبدئيا فى ما يسميه الصحوه الدينيه .. فعن نفسى ما أراه هو اجتياح سلفى من جهه .. مع هجمات غوغائيه لفتاوى الدش من جهات أخرى .. عفوا .. الصحوه الدينيه لابد أن تصحبها صحوه أخلاقيه تتمثل فى انخفاض معدلات الفساد و الجريمه .. و هو عكس مايحدث تماما الآنأختلف معك سيدتى و مع الصارم أيضا فى تقييمكما العام لمسألة حق المفطر فى الأفطار أمام الصائم سواء كان الصوم مسيحيا أو أسلاميا .. المسأله لا تحريم فيها .. المسأله لا تتجاوز حدود الياقه الأجتماعيه لا أكثر و هو جزء من الأخلاقيات المفترضه أرى أيضا مجرد عدم دعوة أصحاب التمر هندى لك و لو من بابا الذوق و أظهار أخلاقيات الكرم .. أرى فى ذلك تراجعا عن أخلاقيات المتدينين عموما .. و ليس صحوه دينيه كما وصفها الصارم .. من قال أن الصحوه الدينيه و الوعى الدينى يدفعنى لعدم أظهار الموده لغير المسلمين ؟ بل أكثر من ذلك .. من قال أن فى الأمتناع عن تهنئة غير النمسلمين فى أعيادهم يعتبر صحوه ؟ عفوا سيدى .. الأمتناع عن مجامله اجتماعيه رشيقه و كريمه يعتبر ارتدادا لحضارات البداوه ..عموما .. مازلت عن رأيى فى مسألة المصارحه و المصالحه .. لا أرى منها رجاء لكن هذا رأيى الشخصى لا أكثر .. و طبعا اجترم كل من يشترك فيهاعموما .. أضيف للدعوات التى وصلتك دعوتى للأفطار و التمر الهندى ياستى .. و لما تصومى .. ابقى اعزمينى برضه .. أنا بحب أكلكم الصيامى .. و أن كان ليا رأى فيه أبقى أنشره فى مدونه بعد كده

  42. Ahmed Nasr says:

    >على فكرة..انا اعتقد انه ارتفاع نسبة الفساد والجريمة ليست حجة يحتج بها بشكل علمي لانكار وجود صحوة دينية من عدمه..بالمناسبة كمان موضوع (الصحوة) هي أمر محل أخذ ورد برضو..علميا عشان نقيس عامل من العوامل ومدى التناسب الطردي أو العكسي مع عامل آخر..لازم نضمن تثبيت باقي العوامل..وهذا أمر معروف في المنهج التجريبي..يعني لو قلنا انه الاخلاق المفروض انها تزيد في حالة وجود صحوة دينية وانه العلاقة طردية..فاحنا لازم نفهم انه الاخلاق ليست بالكامل دينية المصدر، وانه الدين ليس المؤثر الوحيد في الثقافة..ودول عاملين مش ثابتين عشان احتج بانخفاض عامل الاخلاق معتبرا انه بالضرورة الخلل هيكون في مدى تأثير الدين على الناس (باعتبار العلاقة الطردية ثابتة ومش محل نقاش)

  43. >يعني انا عندي تساؤلهل عدم تقبلنا لشخص معين او افكار شخص معين تجعلنا لا نقرأ كلامه جيدا ام اننا نقرا الكلام على اساس خلفيتنا الشخصية عن هذا الشخصكانت هذه القراءة لتكون منطقية لولا انكم تدعون الانفتاح والحيادية والموضوعةي البعيدة عن الهوس الديني السلفي واقحام الكهنوت الديني في مناحي الحياة وانكم المتفتحون المثقفون الليبراليون العادلون- كما تقولون انتم…وبما اننا نحن المتطرفين المهووسين المتعصبين البدويين كما تقولون ايضااستاذ فارس قديماولا قرات شوية في مدونتك لكي اعلم خلفيتك بغض النظر عما لم استسغه في تعليقك هنا ووجدتها مدونة تثير الاعجاب ..ولكن بالطبع لا استطيع الحكم سلبا او ايجابا على مصداقية ما فيهاولكن هنا…اين تجد فيما قلته اني اعتبر ما فعله الشباب مع بلوستون جزء من الصحوة الدينية؟؟؟؟؟؟؟؟قلت انا بشكل واضح اني لا اتفق مع ما فعلوه ولكنه قد…أقول قدددددد…. يكون بسبب تغير المعادلة الاجتماعية والتصرفات المتبادلة في مصر – ولم اجزم بهذا حتى!!!!بالضبط كما فعلت بلوستون عنما وصل النقاش لنقطة معنية اختفت كالعادة…مع اني لست المسؤول عن تشعب الموضوع وتطرقه لنقاط لم تعجبها فهي من بدأ للجنوح لنقطة الحجاب والاخلاق ومعنديش مانع اني اتكلم فيهم ابدا…لكن بدوري ربطتها بامور اخرى لم تعجبها ونقطة اخرى يبدو انها تخاف ان تتكلم فيها فانسحبت – وانا اقدر هذا (انسحابها) على كل حال ان كان الامر كذلك فلا اريد ان اسبب مشاكل لأحد – على ان يفكر ولو بينه وبين نفسه فيما تعنيه بعض الامور وكام سؤال بدوي اخير..على اي قاعدة فقهية سيادتك بينت انك لا يهمك لا ديانتي ولا ديانة بلوستون وان الجنسية هي الهموعلى اي قاعدة فقهية بنيت ان ما فعله الشباب هو قلة ذوق وردة بدوية…في حن ان تغير عادة ذوقية اجتماعي كان يفعلها غير المسلمين في مصر – وهي ولا تفرق معانا – لكن تجدها في المقابل انها مالهاش لازمة اساسايعني اما تمسك الموضوعين قصاد بعض…الا تجحد هذا تفكير غريب بعض الشئ؟؟؟وعلى اي اساس تجد ان الصحوة الدينية تتمثل في هجمة سلفية دشية وفقططططططط..وعلى اي اساس لم تقرا كلامي في ربطك بين مظاهر التدين كما تراها وعدم انخفاض معدلات الفساد….على اي اساس لم تق{ا ما قلته في ان الدين عدة عوامل معا وان بعضه الان يطبق وبعضها لا ..وهو ما يؤدي لعوار جتماعي ديني كما نره..لكن هذا العوار لا يعني ان الموضوع فاشل ومرفوض بالكلية…هل وصلنا اساس لنقطة الرضا في التطبيق كي نحكم حكما صحيحاشئ من الموضوعية اذا سمحتم طالما تنادوا بها

  44. >كتبت تعليقي الاخير قبل ان ارى تعليق أحمد نصر

  45. bluestone says:

    >الصارم ::للمرة الثالثة تخطئ بحقي وتدعي اختفائي وانسحابي حينما تطرقت انت نقاط خفت انا منها انا خفت منك ؟؟؟؟؟؟اضحكتني وانا في حالة حزن اتقي الله وتحلى ببعض العدل والذوق والادب يا صارم انت فعلا لا تستحق حتى عناء المناقشة لقد رددت على ردودك الكثيرة وانت من بدأت بالتجاوز في حقي وانت من لا تقرأ جيدا تقوم بربط الامور ثم حينما تتشعب ترد على ما يعجبك منها فقط لقد رددت بالفعل وقلت لك اني ليس لدي فريق ولا احترم فكرة الفرق ولا رغبة لدي في خوض نقاش تنافسي سخيف فلدي ما افعله اهم من الجري وراء اراء الاخرين في المدونات اسبهم واطلق احكامي المطلقة عليهم بمنتهى السخافة يا صارم انت لا تقرأ إلا ما يعنيك تتجاوز في كلامك في حق من يختلف معك في الرأي واعذرني تتهم الاخرين باحكام مطلقة وهو ما اراه منتهى الصفاقة لقد رددت بالفعل ولم اختفي كالعادة يا محترم امر بحالة نفسية سيئة بسبب وفاة صديق مقرب لي بعد زواجه بأشهر قليلة ولهذا كان لدي ما هو اهم من ردودك الجوفاء التي لا تقرأ فيها إلا ما يعجبك وتسب الاخرين وتلقيهم باتهامات وتدعي التدين والاعتدال اي اعتدال ذلك الذي تتحدث عنه وانت تسارع دائما لاتهامي في كل مناقشة نخوضها انني اهرب من مناقشتك يا اعمى العقل اقرأ ما تكتبه واقرأ جيدا ما يكتبه الاخرون فأنت لا تقرأ ومناقشتك مضيعة للوقت فحماسك الاعمى الذي يدفعك للدفاع المستميت طول الوقت بلا منطق وكراهيتك التي تنضح بها حروفك المجملة من الخارج تجعلك لا تقرأ انك تتهم الاخرين بما فيك حقاللاسففان كان حقدك هذا على النصارى ؟؟ فافتنا ما حكم العمل معهم ؟؟؟؟والسفر والتسكع في اوروبا على حسابهم؟؟؟؟انا لم انسحب من (مدونتي) يا صارم وانت لا تسبب لي مشاكل فلم انسحب ولم اخاف ولم تتطرق لامور تدعو لانسحابيفالامر يتطلب الكثير والكثير لاخافتي فقط انا احترم عقلي ووقتي واحتقر الجهاد الالكتروني بكافة اشكاله ولا اخوض نقاشا لا يعرف اطرافه كيف يتناقشون بل لا يعرفون كيف يقرأون أود تذكيرك انك هنا في مدونتي ضيفيوقد احتملت سخافاتك وتجاوزاتك اكثر مما يجبفتلك المرة الثالثة واكثر الذي تتجاوز فيها بحقي بشكل مباشر او غير مباشر فإما ان تحترم المدونة وصاحبتها وقرائها وتحترم الحوار ان كنت تعلم ما يعنيه ذلك او ابحث عن منافساتك ومبارياتك الكلامية في مكان آخر

  46. bluestone says:

    >The Son of Man:الحقيقة مش بحب الناس كلها فيه ناس صعب تحبها🙂 وفيه اماكن ماتقدرش ما تحبهاش وفيها للي فيها :((==================================Laugh Story:صحيح فيه دي خقك علينابكره نطالب شركة دي إتش إل بامكانية توصيل عصير القصب وتمر الهندي للدول الشقيقة وغير الشقيقة والدعوة مقبولة وانا في انتظارها

  47. bluestone says:

    >أحمد نصر:شوف يا احمد زي ما قلت قبل كده ازاي تقدر تحكم على تدين انسان من عدمه انا لا يمكنني ابدا الخوض في النواياوكل مظاهر العبادات من الصلاة والصوم وامتلاء دور العبادة هي اولا امور لا علاقة لها بالمجتمع ثانيا تخص الانسان وربه ثالثا يمكنها ان تكون مجرد مظاهر جوفاءوانا لا يعنيني ان كانت مظاهر او لا فانا في النهاية لن يمكنني ان اعرف ولكن يمكنني الحكم على تدين شخص من معاملاته مع الاخرين مما لديه من امانة واحترام وفعل الخير وصون الاعراض وحفظ الامانة وغيرها من الفضائل الطيبة واختفاء او تناقص تلك الفضائل هو دليل على عدم وجود تدين وعكس وجود هذه الفضائل هو انتشار الجريمة فانتشار السرقة والفساد سببه قلة الامانةوغيرها من الجرائم هي معادلة بسيطة لكن انت ليك وجهة نظر تبدو علمية وياريت تشاركنا بيها فيما يخص المنهج التجريبي لاني لم افهم بالتحديد الفكرة في مجملها طبعا اتفق معاك ان الاخلاق ليست بالكامل دينية المصدر ففيه معاملات اجتماعية يحكمها الانتماء مثلا او سيادة القانون وغيرهاولكن بشكل عام في المجتمعات التي ينتشر فيها التفكير الديني دائما ما بتكون الاخلاق مبعثها الانتماء الديني والتعاليم الدينية بالاكثر ومن ناحية تانية من وجهة نظرك يعني ايه هي الدلائل او المؤشرات التي يمكن ان نستدل بها على وجود صحوة دينية لاي دين وعذرا للتأخر في الرد لظروف شخصية

  48. bluestone says:

    >الفارس الاخير:اولا اعذرني على تأخري في الرد لظرف شخصي مازال يؤثر على حتى الانثانيا: اقبل اعتذاري لاي تجاوز في حقك وارجو ان يقبل اي قارئ ومعلق اي تجاوز وقع في حقه في تعليق هنا ثالثا::ارى وجهة نظرك فيما يخص جدوى فكر المبادرة على اساس ما كان احمد نصر يلفت إليه وما فهمته من كلامه ايضا ان هناك اخلاق اجتماعية ان صح القول او اخلاق مبعثها الالتزام بعقد اجتماعي او بقانون ولكن كما قلت لاحمد في المجتمعات التي يسيطر عليها الفكر الديني تكون اغلب الاخلاق مبعثها الدين في الغالبما تطرحه هو رؤية مثالية ان يأتي اليوم الذي تتعامل فيه مع انسان فلا تأبه للونه او جنسه او دينه أو أو أو ولكن تلك في اليوتوبيا التي لا توجد ولن توجد التعامل مع ارض الواقع امر آخر فما احدث المرارة بين الناس كانت مفاهيم خاطئة بنيت على تفسير لمفاهيم دينيةولازالة تلك المرارة عليك بالعمل على اصلاح تلك المفاهيم ووأد التطرف الفكري قبل اي شيء ولدى جميع الاطراف فحتى اليوم ما يمنع اي فرد في مجتمعنا من ارتكاب فعل خاطئ انه حرام وليس ان فيه انتهاك للقانون او تأثير ضار على المجتمع وعن اي جنسية تتحدث في مجتمع يعترف بالهوية الدينية اولا قبل الهوية القومية رغم انهما لا مجال للمقارنة بينهما ولكل مجاله ولكننا وضعنا هويتنا الدينية في كل مجال وتركنا هويتنا الوطنية في كتب التاريخ

  49. >من يخطئ في حق من ومن يتجاوز لفظيا في حق من؟بالنسبة للفارس الأخير…فكلامي ان كان حاد فلا ولم يقصد به اي اساءة ولا داعي للصدي في الماء العكرانتي بقى ما قريتش ما كتبتيه وما كتبتيه في آخر درين لك قبل هذا علي؟اشكر لك الصراحة سعة صدرك في تقبلي لبيتك على النت – هو بيت جوجل بالمناسبة وكلنا ضيوف عليه – وان كنت اتعجب ممن يقيم بناء حواري على النت ويدعي الحيادية وقبول الآخر ثم يضع حدودا على مزاجه لما يقبله ولما يتلكك ولا يقبله..ولارى شئ يستحق ان يدعى صفاقة أكثر من هذاواذا كان من يؤدي عمل قد لا يستطيع اهل الغرب عمله بانفسهم ويتقاضى اجره عليه اذا كان هذا متسكع…فبمد الخط على استقامته من يذهب للدراسة والاقامة على نفقتهم هو متسول اذالم اكن اتمنى ان ينزلق الحوار لمثل هذا الكلام لكن الموضوع ده بيتكرر كثيرا …..تختلف الافكار ويخطئ طرف في حق المتطرف الهستيري الذي لا دية له …وعندما يرد يكون هو من لا يحترم الآخرين..ويكون هو الصفيق الاعمىكل مرة اؤمن أكثر ان من يدعون الحيادية والعدالة والحرية هم كاذبون كاذبون كاذبون..وهذا شئ كان لابد من مدرايته قبل التناقش معهم اساسا…ولم تحدث اي استثناءات في هذا….تنضح هم الكراهية لاي شئ يميل للحق طالما هو ضد مصالحهم وحياتهم الدنيااشبعي بمدونتك….وبقوتك الثمين وسيبك من الصيع المتطرفين زيي اللي دايرين يلفوا على النت ….هي نقطة وتم تأكيدها عندي ولا يشرفني الحوار مع امثالكم مرة اخرى لا هنا ولا في اي مكانوتذكري انك انتي من سعى للحوار معي مرة في مدونتي غير اني اسلوبي في استقبالك عندي كان اكثر تهذيبا وأدبا منك بكثير

  50. bluestone says:

    >امشي يا بني انت وماتجيش هنا تاني وجودك غير مرحب بيه اشبع بجهادك الانترنتوبعمى قلبك وعقلك وبصيرتك في مكان آخر ففي الانترنت مجالا متسعا للمتطرفينومن يكلمون انفسهم ولا يسمعون سوى اصواتهملا وقت لدي لك ولا لامثالك

  51. >والله لو الجهاد جهاد الكتروني وفقط فده يشرفنيلكن انتي ولا فاهمة حاجة اساسا ورونا نتائجكم انتم العظيمة على منهجكم المعتدل الحر المتوازن في العالم الحقيقي..كأنكم توصلتم واصلحتم ما لم يقدر عليه غيركم..ولا شفنا اي حاجة اساساوداع الى حين

  52. bluerose says:

    >أحمد نصر : “”على فكرة..انا اعتقد انه ارتفاع نسبة الفساد والجريمة ليست حجة يحتج بها بشكل علمي لانكار وجود صحوة دينية من عدمه..””بشكل علمي ازاي ؟؟؟ :))يبقى لو هانتكلم “بشكل علمي” و نقول أصلا أن هناك صحوة يبقى لازم نعرفها أولا و نثبت وجودها باعتبار أن البينة على من ادعى و يصبح من يريد انكارها أمام تفنيد أدلتها و اثبات العكسنتكلم جد شويةمسمى الصحوة الدينية أصلا مسمى غير قابل للقياس “علميا” لأنه مطاط و ليس له تعريف محدد لكن عموما حين يستخدم يستخدم في الاشارة لزيادة “ظاهرية” (باعتبار أنه لا علم لأحد بما في الضمائر زي ما قالت ماريان) في التمسك بالعبادات و القيم الدينيةو بالتالي منطقي أن يكون الانتشار “الظاهري” لاضمحلال القيم نافيا لوجود تمسك بالأصولالقيم و الأخلاق ليست كلها دينية معاك , لكن حتى القيم الدينية و بالنسبة لنا حتى القيم و الأخلاق الوارد فيها سنن و نصوص يقل التمسك بها عموما بشكل واضح لما تيجي مصر عايزاك تيجي تصلي الجمعة في المسجد بتاعنا , الخطيب متمسك بمجموعة خطب باحبها جدا عن قصص اللي أسلموا بسبب التغيير الأخلاقي الرهيب اللي حصل بعد الرسالة في الجزيرة و نتكلم بعدها عن عدم ارتباط “الصحوة” بتغير للأفضل في الأخلاق و المعاملات

  53. bluestone says:

    >يا صارم انا قلت لك انت غير مرحب بيك في المكان ده لحد ما تحترمه وتحترم اصحابه فياريت ماتجيش هنا تاني انت بني آدم غير محترم بالمرة والمناقشة معاك مرفوضة انت اسوأ مثال لمدعي التدين فياريت تمشي من هنا وما تجيش هنا تاني مرة تانية وجود امثالك غير مرحب بيه

  54. bluestone says:

    >تم مسح تعليق الصارم الاخيرلقلة أدب صاحب التعليقيا جماعة اصحاب العقول والشخصيات المحترمة فقط هم المرحب بيهم

  55. Ahmed Nasr says:

    >بخصوص تعليقي الاخير..سبحان الله لما وصلت لرد ماريان عليا كنت هاقول كلام من اللي قالته بلوروز في ردها عليا برضو..الصحوة الدينية نفسها مصطلح يحتاج إلى تعريف..وهي تختلف حسب رؤية كل شخص، وحسب الموقف الذي نستخدم فيه المصطلح..بحسب منظرين من أمثال الدكتور جاسم سلطان، فالصحوة تعرّف بأنها حالة من الادراك الجمعي، غير المنظم، لخلل وفكرة..طبعا ده مش نص التعريف انما فهمي له..والحديث في هذا السياق عن الصحوة الاسلامية..لكني أراه ينطبق على أي صحوة من أي لون..وهذه الصحوة وفق هذا المفهوم تختلف عن المفهوم الشائع، فالمفهوم الشائع للصحوة يرى انها غاية في ذاتها تحتاج لتقويتها..حتى يأتي طوفان المد فيكتسح المجتمع الحالي محولا إياه لنسق آخر..وهذا بالطبع تخيل عاطفي أشبه بالصور الدعائية عن الثورة البلشفية منه للكلام العلمي المنضبط بالعقل أو أبسط قواعد علم الاجتماع..أما وفق المشاريع المطروحة فالصحوة هي مجرد تيار غوغائي غير منظم، يحتاج إلى قيادات واعية وكفايات من العلماء (في علوم الدنيا كما علوم الدين) تقوم بترشيد هذه الحماسة الوقتية وترتيبها للدخول في مرحلة لاحقة، هي مرحلة اليقظة :)وعليه..فليست الصحوة هي تلك الحالة المطلوبة دينيا، ولا هي بالحالة المؤثرة في سلوكيات الناس، لأن الصحوة مجرد ادراك فكري وحماسة عمياء -ان صح التعبير- وانما مطلوب من (سراة الناس)..أو (طبقة المثقفين) والمقصود بهم بالطبع فئة المثقفين المتماهين مع توجهات هذه الصحوة (سواء اسلامية أو مسيحية أو علمانية قومية أو ….) أن يبدأوا بترشيد هذه الصحوة إلى الاتجاه الصحيح..وهنا نجد أن حتى تعريف الصحوة نفسه يفصل بينها وبين ممارسات الناس على الارض..حيث هي غير كافية للتغيير الايجابي الحقيقي لا اجتماعيا ولا سياسيا..لكننا حتى لو اعتمدنا السياق العام اللي كنا فيه من شوية، من انه ربما كانت الصحوة عاملا مؤثرا في السلوك، فهي ليست عاملا وحيدا، ولذا قلت أنه لا يمكن محاكمتها على الوضع العام للمجتمع، مالم نثبت باقي العوامل..لأنه ممكن تكون في نسبة تدين (يقظة) يعني في نسبة من الناس، لكنها نسبة مهمشة غير مسموعة مقارنة بنسبة أخرى هي من في يدها صياغة أفكار المجتمع، حتى أبواق الصحوة لا تتعدى قنوات معدودة لا تساهم مساهمة الاعلام والتعليم الحكوميين -المنفردين بالساحة في مصر بالمناسبة مهما فعل الآخرون- في تشكيل دماغ كل طفل مصري..والتعليم والاعلام المصريين في الخمسينيات كانا -أزعم- يحملان من القيم ما هو قادر على الاقل على الحفاظ على بناء المجتمع، بعكس ماهو حاصل اليوم من أنهما قد امتلآ بالقيم الهدّامة..ليه ميكونش التغير اللي طرأ على هذه المنابر هو المسؤول عن تدمير المجتمع؟ليه ميكونش التغير السياسي اللي أدى لفقد الناس الأمن هو السبب؟ وفقد الأمن بالمناسبة كفيل مش بس بانه الناس تسوء أخلاقها انما نقدر نقول انه الصحوة دي أنجزت انجاز غير مسبوق انه مصر لم تتحول الى دولة ملحدة تحت هذا الضغط!!ليه الصحوات الدينية -المهمّشة أصلا في المقارنة- هي من يحاكم بدعوى انه كان مفيش صحوة دينية والناس كانت حلوة والنهاردة في صحوة والناس وحشة؟أتمنى الفكرة كدة أوضح🙂

  56. ^ H@fSS@^ says:

    >57 تعليق على ابداء رايك في شعورك بالعطش و الشوق لكوب تمر هنديو منعه عنك؟؟و كل هذا السجال لتبرير موقف و اضفاء شرعية على غيره؟؟سبحان اللهو الحمدللهعمرنا ما حنتقدم غير لورا و بساحمدك يا رب و اشكر فضلكمؤكد انتي فاهماني صح، صح؟

  57. Anonymous says:

    >حوالي سنتين كنت راجع وقت الافطار علي الكورنيش من حلوان للمعاديفي منطقة اسمها طره الاسمنت كان في نقطة رمضانيه كده والعربيات مهديه وشباب وبنات صغيرين بيوزعو تمر وعصيراللي سايق عربيته جنبي بيقول للبنت(طفلة بالكتير 14 سنة) متشكر يابنتي انا مسيحيردت قالتلله ومالو انا كمان مسيحيه .. الدين لله والافطار للجميع : )عجبني اوي الموقف..الناس دي قد ماهي بسيطه قد ماهي فعلا بعيدة عن كل التعقيدات اللي احنا عملناها في حياتناماريانكل سنه وانتي طيبه والتمر عليا المره اللي جايهjehad

  58. >بوست حلو قوي يا بلوللأسف القصة ما هي الا تعبير واضح عن الخلل اللي حصل في أخلاق و تسامح الشعب المصري…

  59. Anonymous says:

    >اتاخرتي قوي انك توقفي الجدع الحازء ده عند حده .. بس هي البشر دي ماتجيش غير بكده

  60. أماني says:

    >ياعيني…أنا لو منك كنت طلبت وخدتها بروح حلوة وقلتله وأنا كمان بحب التمر الهندي على فكرة!؟ أتحداك لو كان صدك لأن غالباً السبب في إن متعزمش عليكي حتى هو إنهم زي ما قالت بنت القمر فاكرينك مروقه نفسك

  61. >من حقك كوب تمر هندى الخطأ من الشباب الصغيرحقك علينا

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s